بتكلم شوية مع نفسي و بحكي قشور عن الصراع المستمر بين سيف و كريم جوايا ..
شخصي غير موضوعي ..
25/5/2019
........
السلام عليكم و رحمة الله و بركاته
اتكلم معايا ارجوك متسبنيش كتير كدا
طول ما انت ملعون مش هتقعد وسطنا
قولتلي انا محتاجك و مش هقدر استمر لوحدي
قولتلك انا جنبك بس بشروطي
ده انا كنت عايز ارسملك حياتك كروكي
سامحيني سامحيني ارجوكي
انا ضعيف حاولت والله بس انتِ مش مقدرالي
قدر انت لسه بتؤمن بالقدر اصنع قدرك بنفسك 
ده و انت مرمي في حضنها كنت بتقلع كل الاقنعة
تعيط تضحط مش هامك، بس دمعتك مكنتش مقنعة
اتحايلت عليا و عليها كتير بس هي كانت قامعة 
و انت راضي و انا عادي 
انت شايف كل شي عادل
انا شايف يونس في بطن الحوت
كل منا يتمني قبل التاني يموت
و يفوت في اللي بعد الحياه وحده
يملك جسد من غير ما حد يشاركه
مسمعش صوتك القبيح الاشبه بالشيطان.
هذا الجسد قربان زي اضحية العيد و انت لابس قفطان
يا ويلاه لو كملنا حياتنا جسم واحد نفسو يبقي دكتور محترم و التاني هو القبطان....
ارجوك متسوءش بيا للسوء اكتر
انا شايف نفسي بسوء كل اما بكبر
و بسوء خط مندرة بحر بدون وِجه
يا ريتني ركبت مشروع بس للاسف كنت هلم اجره
اجره كل من ركب مش اجرتي لوحدي
 طب وانا ايه ذنبي 
بشيل ضرب اللي ركبو ليه، ما تسيبيني ااجري....
عمري ما اسأل اللي بعد عني، هو انتي ليه بعدتي !؟
ليه هان كل اللي بينا و بعتي..
ما عشان انت كمان بعت متعيش دور الضحية
انت كنت حيوان معاها عايش في البرية
الاكتئاب بيقطع فينا كل امسية
و انا سايبك تتحكم و حاسسني بنكمش فيا
عشان زي ما قولت انت فعلا اذكي بس قلبك حجر و معندكش احساس
سايبني قاعد في ظل الذكري بتجمد
و عايش انت بين الناس
ايوا انا حيوان و صوتي اشبه بالشيطان فعلا
بس لولايا كان زمانك ولا حاجة
عيل بيتوتي انطواءي و في منتهي التناحة
و لو كنت مكانه و هي مكانها كنت هتاكل برضو التفاحة
الناس كارهاك و حباني و هقولها تاني
هي نسيتك انت بس انا محدش ينساني
عمال تكتب و تفضي اللي جواك علي حته حديدة
انسي يابني و ابعد عني و ارمي بواقي الذكري الوحيدة .... البمبي و ابدا من الاول و ارسم حياه جديدة
انا لا انتمي ليك بس وقفت جمبك 
اقف جمب نفسك و ساعدها 
بكرة تجبر كسر خاطرها 
لو تطلع برا بس.. ترجع الروح
لمطرحها و يطلع اللسان يبوح و يلوح الجسد وحده 
و يتقن تضميد الجروح
هو انا اقدر اعمل اهداء!
اه طبعا اتفضل ده مش بث
كنت عايز اعمل اهداء لنادر بس
اهداء لكريم و السجارة
اهداء لابويا و امي مش عارف ليه بالظبط
و اهداء لنادر محمد جميل طوسون و مش بس
اهداء لدكتورة ايمان الجميلة 
 لمي و امنية و اسراء و سارة و سلمي وامينة
اهداء ليا و للروح الميتة اللي بتدور علي قشة وسط العتمة و الضباب
الضباب المعتم
قاعد بتعمل ايه عندك !؟ 
سواد في سواد في سواد في سواد استني عندك
في نقطة بيضا 
انطفت مع اخر لمحة لمحتها لضحكتها و انتو في الابراهيمية علي البحر
و عنيها الجميلة اللي مش جايباها لبر
و من ساعتها قاعد بتدور علي حل
قالو عني مُقتبس بس واللاه مش قاصد
انا بس بحاول اعبر عني باقرب الاشياء الي قلبي.
و بعدين ده هو بدأ قبلي و احمد بالنسبالي طحان
قاعدين مع ١٩ حد بالظبط بس تايه لوحدي
ايه الحل و فين الحل !
اتفسحت و سافرت و كتبت  و اشتغلت و اتشغلت
بس برضو ما انشغلت دقيقة واحده عن اللي في بالك.
لو سمحت تسمحلي احول حياتي من طفل لبالغ !!
مع بالغ الاسف بس بالغ الالم و مش بالع المعني و انا قالع الاخلاق عشان
كريم و صحابة بيتجمعو كل يوم خميس
نفسي ابطل تشخيص بس للاسف مفيش حد فادني
حتي انت و صحابك
نادر انت كنت شجاع 
متعلقتش في القشة طلعت ١٨٧ متر مصمم 
و هدفك واحد و هو انك تتخلص من المك الي الابد بس هل يا تري انت كنت مطمن!؟
انا جبان يا نادر .. جبان و اتمنالك الفرحة بعد احزانك 
و السعادة من بعد الامك
و الجنة بعد عذابك
و الوجع قبل سكونك يهون 
و تتوه وسط الوشوش 
و يفتكرو بس وشك البشوش
بكتب و انا بعيط علي حالي  
عشان مش عارف افضل ولا عارف اوصلك 
اتكلمت عني و عن كريم و عن نادر
عن الاماكن اللي نفسي اروحها
و عن الموت و الانفصام و عن الروح و طلوعها
عن قد ايه هي واحشاني 
اتكلمت عن سيف بتاع اعدادي و بعده كريم اللي كل يوم يسهر في مكان زي المعادي و انا قاعد جواه عادي
و بالتالي عمري ما وصلت في معادي
 و عن انك دايما متاخر عشان قلبك متشعلق في الماضي....
في حاجات اكتر نفسي اتكلم فيها بس انا وعدتك محدش هيعرفها غيرنا احنا التلاته
و عاماً اغلب الناس كانت سرحانة
و مش عارفين يفرقوا بينا ولا يفكوا طلاسمنا
و الاغلبية فيهم محدش فاهم حاجة
بس هنهي الكلام بذكرياتي عنك
و انت نايم علي سريرين بالعرض 
نفسك تقوم بس قاعد مستني العرض
باصص للسما و بتعد نجوم الارض
قولي كام واحده ؟
 واحده انا و انت عارفنها كويس 
النجمة الوحيدة اللي نجمة بجد
وقعت من السما بين 


MATRIX1314