محمد منير _ الشمس راجعة

من فيلم ليه يا هرم 1993

 طويل يا يوم الرحيل
حزين يا يوم الرحيل
طويل فرحك قليل
يا بخت ليه بتميل
محناش كمان ناقصين
الكل قفل بيبانه
والكدب ذايع بيانه
ومصدقين العبانه
متجمعين على فين
ضحك عليكوا الجدع بفلوس وبرنيطة
كل اللى ليكوا اندفع حتى فى تربيطة
مالكم كدة ماشيين حاسيين ومش فاهمين
وهتفضلوا دايخين فى الزحمة والزيطة
عوضين ويا منعم يا راوى
لمتكم جمب الرقاوى
وتراب مكانكم يدواى
الجرح يا مساكين
خارجين من الجلد ولا
الضفر من الجلد ولا
الكل راحل ما خلا
الا الدموع فى العين
طويل يا يوم الرحيل حزين فرحك قليل
يا بخت ليه بتميل محناش كمان ناقصي

Youm Elraheel ـ Mohamed Mounir | يوم الرحيل ـ محمد منير

كلمات : مولانا فؤاد حداد 
:)


عيوني من العطش قايمة
تنادي الليل ع سلمي
وقلبي يدق فِ الضلمة
ينورلي
ينورلي عشان يرجع
زمان بيرد أفراحي
وأشيل الدنيا بجناحي 
أنا وهيا
هنا زي اللى مش صاحي
هناك زي اللى مش نايمة
عيونى من العطش قايمة
تنادي الليل ع سلمي
وقلبي يدق فِ الضلمة
ينورلي
ينورلي وأنا زارع
أنا سارح
جناين بكرة فِ امبارح
ريحان الشوق بيتنهد
قديم وجديد وبيقلد
طريقة حسك الهادي
أشوفك ساكتة بتنادي
حياتى يومين
وحسك بينهم النسمة
عيونى من العطش قايمة
تناجي الليل ع سلمي
وقلبي يدق فِ الضلمة
ينورلي
ينورلي كأني صغير
ولسه هخاف واتطمن
ولسه هطير
وأجيلك من ليالي كتير
أبين ولا أتبين
تبين زين ولا أتبين
بحبك والندي بيغير
وضحك لسه بيجنن
وقلبك يعرف الرحمة
عيونى من العطش قايمة
تنادي الليل ع سلمي
وقلبي يدق فِ الضلمة
ينورلي
ينورلي عشان يرجع
زمان بيرد أفراحي
وأشيل الدنيا بجناحى
أنا وهيا
هنا زي اللى مش صاحي
هناك زي اللى مش نايمة
عيونى من العطش قايمة
تنادي الليل ع سلمي
وقلبي يدق فِ الضلمة ينورلي 



سلمى _ احمد منيب

منين أجيب لك دار
 
شبابيكها ع البحري
 
قدامي جنه ونار
 
والحمل فوق ضهري
 
بعيده وإنتي في حضني
 
في حضن مين يا بعيده
 
كيف ونا منك ومني
 
لحظة لقانا شريده
 
عنيكي شبابيك أغاني
 
باطل منها وباشوف
 
خلت زماني حصاني
 
خلتني ع السر ألوف
 
عودك يا أسمر فتني
 
يا أحلى عود في الصبابا
 
خلاني ع الصبر أغني
 
خلى مسايا ضحايا
 
في الماضي واللي جاي
 
بانده وأدور عليكي
 
ساعات يرد الناي
 
وساعات تجاوب عنيكي
 
بودي أزرع شجره
 
شجرة حنان في الضل
 
ترخي عليكي يا سمره
 
وتلم شمل الكل
 
عنيكي دول مليانين
 
مكر وخيانه وجنون
 
ساعات كتير جعانين
 
وساعه مالهمش لون
 
لو كان وليه الخيار
 
لاختارك إنتي أميره
 
وأكون أنا شهريار
 
نغزل حكاوي كتيره
 
إيه اللي جواكي قولي
 
محبة ولا عداوه
 
إن كنت قادره تطولي
 
خديني فديه وحلاوه
 
منين أجيبك يا سمره
 
ياللي عيونك دوايا
 
حلمت ياما ببكره
 
وبكره أصبح مسايا
 
يا بنت ساعة لقا
 
بتساوي كل الزمان
 
عنيكي دي زقزقه
 
وياي في كل مكان
 
عنيكي تحت المطر
 
كيف القلق والخوف
 
فيهم كلام للقدر
 
مداري مش مكشوف
 
قلاب يا سمرا هواكي
 
دوب لي كام مقلاع
 
قوليلي إيه جواكي
 
وايه اللي تحت القناع

عنيكى تحت القمر-كلمات مختلفة من القصيدة

من برنامج "عندما يأتى المساء" تقديم الراحل محمود السعدنى 


وكأنى عصفور متدلع | محمد منير و عود وجيه عزيز

اغنية اكلم القمر 
غناء الملك  
محمد منير 
كلمات الشاعر  
عبد الرحيم منصور 
الحان الفنان الموسيقار 
هانى شنودة 
1978الاغنية من البوم بنتولد 
كلمات الاغنية 
اكلم القمر.. تنورى 
اكلم الشجر.. تزهري
و فى لحظة الضياع.. بترحلي
و فى لحظة السمر.. بتحضري
تتصوري.. تتصوري 
اصاحب الدروب.. تتبسمي
اودع الغروب.. تتألمي
و فى لحظة الوداع.. تقربي
و فى لحظة اللقا.. بتبعدي
تتصوري.. تتصوري
تضيع منى الحروف.. تكملي
ألف ياما واشوف.. تتأملي
ويضيع منى الكلام.. تتكلمي
نرسم شكل الحياة.. و ترسمي
تتصوري.. تتصوري

(2-)Bntwld 1978

Bntwld 1978

اكلم القمر

بودي أزرع شجرة
شجرة حنان وضل
ترخي عليكي يا سمرة
وتلم شمل الكل
***
الكون أصره بحاله
واجيبه ليكي يا غالية
دانتي جماله ودلاله
يا نخلة بكرية عالية

محمد منير و احمد زكي .. عنيكي تحت القمر 1976

وقف الشريط بصوت سعاد حسنى في مرضها 
-: صلاح جاهين 
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باسترسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بكرة بقى امبارح فى حضن زمان
وبعد بكرة فوق همومك فات
مفيش شريط مأجور ولا خوان
ولا شريط له بيبان

وقف الشريط بصوت سعاد حسنى - صلاح جاهين

نوادر من مسلسل غريب الحي - كلمات طه شلبي - 
الحان عبدالعظيم عبد الحق و عبد العظيم محمد 
 
الكلمات
جاوبيني يا وديان 
ضاع منا ليش الأمان 
وليش ياليل الهنا 
فارقت ليش حينا 
وتركت فيه الاحزان 

لا ليل ولا سمار 
ولا حتي ركية نار 
تهدي الغريب ع الطريق 
وتئانس الزوار 
الحزن لاف في الجدود 
والدمع بات ع الخدود 
والنوم جفانا كمان 

كنا وليل البراري 
يضوي علي ضي نارنا 
أبكي ياليل البراري 
أبكي علي اللي جرالنا 

الحزن لاف في الجدود 
والدمع بات ع الخدود 
والنوم جفانا كمان 
جاوبيني يا وديان 

محمد منير | جاوبينى ياوديان - Mohamed Mounir | Gwbene Ya Wdian

تتر المسلسل الإذاعي الإمبراطور أبو الدهب
شعر: عبدالرحمن الأبنودي

يا أفراحى القليلة/محمد منير

رباعيات صلاح جاهين... بصوت علي حجار وصلاح جاهين

Youm Elraheel ـ Mohamed Mounir | يوم الرحيل ـ محمد منير

Matta Asaad ||

Recent comments

I.A🦋

Related tracks