Sarili (Spoken Word Poetry)

Uuwi Sa'yo

nakakatawang isipin
na mahilig tayong magkimkim
ng galit
ng lungkot
ng inis
hinagpis
mabilis tayong makalimot
na ang nakaraan
ay hindi na natin mababalikan
kaya sabi ko sa sarili ko
ang pagtutuunan ko ng pansin
ay ang ngayon at ang bukas
ibabasura ang kung anong nasa kahapon
lilimutin ang nakalipas na panahon
kaya mahal
naaalala mo pa ba kung gaano kita kamahal
naaalala mo pa ba noong unang beses tayong nagkita
at kung paano mo binanggit ang iyong pangalan
para lamang palitan ito ng salitang "mahal"
mahal
naaalala mo pa ba kung gaano kita kamahal
dahil kung hindi ay handa akong ipaalala ang lahat
hindi ko man alam kung ano ang ihahain ng hinaharap
hindi ko man mababago ang kinabukasan ng mundo
ngunit isa lamang ang alam ko
alam kong kailangan kita rito
sa bawat minuto
sa bawat segundo
maaaring ang buhay ay isang mabilis na karera
ang oras ay kumakaripas
ngunit sa wakas
ang lahat ay malinaw na
malibot ko man ang lahat ng sulok ng mundo
sa tabi mo pa rin ang pipiliin ko
dahil ang gusto ko lamang gawin
ay ang umuwi sa pag-ibig natin
at sa buong buhay ko
isa lamang ang aking pangako
patuloy na tatakbo pauwi sa tahanan ko
tatakbo pauwi sa'yo 
simula pa lamang
alam ko nang ikaw ang tahanan sa ulan
ang susi sa kulungan
ang tala sa kalangitan
ang musika sa hangin
ang sagot sa lahat ng dalangin
ikaw ang ilaw sa dilim
ikaw ang aking pipiliin
mahal
hindi ko man alam kung ano ang ihahain ng hinaharap
hindi ko man mababago ang kinabukasan ng mundo
ngunit isa lamang ang alam ko
alam kong kailangan kita rito
sa bawat minuto
sa bawat segundo
ako ay uuwi sa'yo

Uuwi Sa'yo (Spoken Word Poetry)

"pakiusap
mangako ka
huwag na huwag mo siyang hahayaan"

Matthew Sanin

Popular tracks