Tekhonoo_تخونوه بصوت بليغ حمدي و ورده

عودت عيني على رؤياك وقلبي سلم لك أمري
أشوف هنا عيني في نظرتك لي
والقي نعيم قلبي يوم ما التقيك جنبي
وان مر يوم من غير رؤياك
ما ينحسبش من عمري
قربك نعيم الروح والعين ونظرتك سحر والهام
وبسمتك فرحة قلبين عايشين على الأمل البسام
ان غبت يوم عني أفضل انا وظني
يقربك مني ويبعدك عني
واحتار في أمري معاه ومعاك
وان مر يوم من غير رؤياك مينحسبش من عمري
لو كنت خدت على بعادك كنت أقدر اصبر واستنى 
واسهر على ضي ميعادك لما الزمان يجمع بينا
أبات على نجواك واصبح على ذكراك
واسرح وفكري معاك لكن غالبني الشوق في هواك
وإن مر يوم من غير رؤياك ما ينحسبش من عمري
زرعت في ظل ودادي غصن الأمل وانت رويته
وكل شئ في الدنيا دي وافق هواه انا حبيته
ومهما شفت جمال وزار خيالي خيال
انت اللي شاغل البال وانت اللي قلبي روحي معاك
وإن مر يوم من غير رؤياك ما ينحسبش من عمري
ويوم ما تسعدني بقربك الاقي كل الناس احباب
ويفيض على نور حبك اقول مفيش في الحب عذاب
الحب كله نعيم لا فيه عذول بيلوم
ولا فيه حبيب محروم
يا ريت يدوم للقلب صفاك واقضي طول العمر معاك
ده ان مر يوم من غير رؤياك ما ينحسبش من عمري

زرعت فى ظل ودادي .. غصن الامل وانت رويته

وردة وبليغ حمدي - العيون السود

كلمات.. محمود بيرم التونسي
الحان.. زكريا احمد

حبيبى يسعد أوقاته - ام كلثوم

انتاج 1944

كلمات احمد رامي
الحان محمد القصبجي

رق الحبيب و واعدني يوم .. و كان له مدة غايب عني

حَرَمت عيني الليل من النوم .. لاجل النهار ما يطمّني
صعب عليا انام ... احسن اشوف المنام .. غير اللي يتمناه قلبي

سِهِرت أستنّاه .. و اسمَع كلامي معاه

و اشوف خياله قاعد جنبي


من كُتر شوقي سبقت عمري .. و شُفت بكره و الوقت بدري

و إيه يفيد الزمن مع اللي عاش في الخيال

و اللي في قلبه سكن .. أنعَم عليه بالوصال

طلع عليّ النهار .. سهران بنور الأمل

و غنّت الأطيار لحن الهوى و الغزل

و فضلت أفكر في معادي .. و احسب لقربه ألف حساب

و كان كلامي مع صحابي .. عن المحبة و الأحباب

من فرحتي بدي اتكلم .. و أقول حبيبي مواعدني

لكن أخاف ليكون بينهم مظلوم في حبه يحسدني

هجرت كل خليل ليّ .. و فضلت عايش مع روحي

أحسن يبان شيء في عينيّه .. من كتر خوفي على روحي

و لما قرّب معاد حبيبي و رُحت أقابله

هنّيت فؤادي على نصيبي من قرب وصله

و لقيتني طايل من الدنيا كل اللي أهواه

بس اللي كان فاضل ليّ أسعد بلقاه

لما خطر ده على فكري حيّر أمري

و القرب سبّب تعذيبي

ولقيتني خايف على عمري لـ يروح منّي

من غير ما اشوف حُسن حبيبي

ام كلثوم - رق الحبيب - تسجيل استوديو - نادر جدا

وقابلنا أنا وأنت فى مشوارنـــا حاجات كتير جرحت غيرنــــا

الغيرة وظنونهـــا واللي بيجرى منهــا

فى يوم ما قربت منـا بعدها حبنا عنـــا

وقابلنا الحاسدين وشفونا ولا هانش عليهم يفوتونــا

وقالوا علينا ياما قالـــوا وهو انا ولا إتغير حالــه

وتسافـر .. وأسافـــر وايام يطول السفـــر

وقلوبنا .. بتتقابـــل مع كل طلعة قمـــر

وان جت خطوتنا تغربنـا حلاوة الشوق بتقربنــا

ومنين يجينا الخصــام ومنين يجينا البعــــاد

واحنا بين قلوبنــــا كل لحظة ميعـــاد

تعالى نقـــول لغيرنــا أنا وإنت ازاي قدرنـا

نبــعد عن اى عــذاب ونعيش على طول أحبــــــاب

نحضن فرحتنــا سوا ونخلي الحب شبـاب

وفي لحظة وقفنـا وابتدا خوفنـــا

عبد الحليم - وقابلنا أنا وأنت فى مشوارنـــا

أنا هويت وإنتهيت..وليه بقى نلوم العزول

يحب إني أقول ياريت..الحب ده عني يزول

مادمت أنا بهجره إرتضيت..خلي بقى اللي يقول يقول

..

أنا وحبيبي في الغرام..مافيش كده ولا في المنام

أحبه حتى في الخصام..وبعده عني ياناس حرام

مادمت أنا بهجره ارتضيت..منى على الدنيا السلام


أنا هويت - سعاد محمد

ماذا اقول له- نجاة

يابدع الورد - أسمهان

خايف اقول اللي فقلبي تتقل وتعاند وياي
ولو داريت عنك حبي 
تفضحني عيني في هواي

انا زارني طيفك في منامي قبل ما احبك
طمعني بالوصل وسابني وانا مشغول بك
عايز اعاتبه لكن خايف يروح يقول اني بحبك
ولو داريت عنك حبي 
تفضحني عيني في هواي

صعبان عليَ اشوف غيري عاش متهني 
راضي بقليلي ويرضيني بعدك عني
وأملي قربك ونعيمي واقول لقلبي اني بحبك
ولو داريت عنك حبي 
تفضحني عيني في هواي

يسألني مالك وانا حالف إني اخبِي 
والعين خذتني و بس عارف اللي فقلبي 
روحي وحياتي تعالا لي مدام عرفت إني بحبك
ولو داريت عنك حبي 
تفضحني عيني في هواي


يابدع الورد - أسمهان

Mohamed Ashraf

Recent comments

Omar Kamall

yaz.

ما زال هناك امل

ما زال هناك امل

Related tracks