الكلمات
من صغرى شوفت القسوه منك وامى تقولى خوف عليك
ماتت فيا الشخصيه وانت اللى قتلتها بايديك 
قسوة التعامل حبس بين اربع حيطان
عدم القدره ع التكامل كانت نتيجة الاستهتار
بمشاعر ابن مفهمتوش طفل مساعدتوش يحمى نفسه من الوحوش
تعرف ليه الابن عاق شاف طريقه فى الدنيا شاق
بس بسببك مش بسببى متلومنيش ع الانتفاض
يا ابويا الذنب ذنبك لما فى يوم موقفتش جنبك
ازاى هساعدك وانا مش عارف اساعد نفسى
وبسببك برضه حاسس انى مش موجود ومنسى
اسودت كل صفحه بيضا متكتبش فيها شبر 
ومهمكش لما دمى اصبح حبر
عشرين سنه والصبر كان جوايا بيهرى نفسه
بتعذب وبقول اسف لاء ووجودى كضناك مش حاسه
متمسك ليه بالقسوه كماده الابن ياخدها فى درسه

صدق نفسك اكتر حس زياده بانك صح
ارمى ضناك فى الارض وانزع منها بذور الفرح
وافضل جنبها مستنى ان ينولك منها طرح
واكرهنى عشان معودتش بطلب منك تانى الصفح

مش هنسى كل كلمة اتقالتلى وبكت عينى 
مش هنسى ضربك ليا واستغاثه من انينى 
مش هنسى وهفضل خايف ان الايام دى تنسينى 
علشان مرجعش تانى لسه بخاف منك تاذينى
فكرنى بس امتى كنت حاسس باللى واجعنى 
فكرنى امتى صرخت وكنت بحس ان انت سامعنى 
ولا مره كنت بحس ان الصرخه فيها حس
احسساس القهره فيا كل مره مستفز 
احساس الخوف يترفض فالطبيعى انى انتفض
وابحث عن اى جزيره قبل ما المركب يتشفط
انت الاب اللى شخط وانا الابن اللى اتربط
وكل كلمة حب ليك فى قلبه بتتشطب
انسحابى كان ضرورى هديت سد منع عبورى
صوت الراجل اللى فيا قال دلوقتى وقت ظهورى
ومعنديش اى استعداد ان الكره تانى تتعاد
واحس فيا راجل وانت تتحسسنى انه مات


صدق نفسك اكتر حس زياده بانك صح
ارمى ضناك فى الارض وانزع منها بذور الفرح
وافضل جنبها مستنى ان ينولك منها طرح
واكرهنى عشان معودتش بطلب منك تانى الصفح

ليه بتشوف فى القسوه حب 
فى كل كاس منها بتصب
ارجوك تجاوبنى 
باجابه  ممكن تبعدنى 
عن سكه اتفرضت لما اتقبضت
روح الطفل العاجز
وتسيب مكان للكهل بينه وبين الضحكه حاجز
خوفك عليا ميبررش رميتى فى الشارع 
وانا اصلا بينى وبين افهم دنيا الشارع كذا مانع
فكان طبيعى الطفل يموت وادبح نفسى بكل برود
ياما حاولت اقرب مالاقيش للفعل ردود
صدفه ومشهد لقاء وكان المشهد بطله الصمت
وعنيا تيجى فى عينك وتحسسنى انى اتحرمت
من اب لسه عايش مصمم يفضل حايش
طوق النجاه عن ابنه بعد مايغرق يظهر بايش
واشتاق ساعتها لحضن يمكن يمحى فيا حزن
واللحظه تعدى سنين وافضل فى الزنزانه حزين
واحلم بيوم انا هطلع بس اسئل هطلع لمين
واترمى ع الكاس واقفل على قلبى بترباس 
طيفك يزورنى فى المنام واصحى صريخى يصحى الناس

follow me 
https://www.facebook.com/rashedy.dal3

6o2 elnagah


Master and mix by: amr eljoker

كرهت شكلى عوزت انساه مبقتش ببص فى المرايات 
اتحول مرضى النفسى خوف من كل الانعاكسات 
وكمان بقى فرض امشى وانا باصص فى الارض
لولا مستنيك تقتلنى من زمان كنت انتحرت
شيلى وحطى عليا يادنيا جتتى نحست
ميهمكيش ميهزكيش الروح اللى اتكسحت
بكينى دموع خلينى موجوع انا اصلاً مش متشاف
ده لدرجة انى بحس انى جسمى ده شفاف
واتلب اللبه ومتعلمش كأن القلب ده متألمش
كانى فى يوم متخانتش من اللى قفلت عليه الرمش
عايزه تخلينى عبره ولا انا اللى مبعتبرش
من جرحى فى كل ذكرى لما انساه ومفتكرش
سندباد متكتف نفسه يرجع تانى يقدف
يوصل لبر رحمه بس الموج لعذابه حدف
 غلطان علشان بآمنهم ثقتى خلتنى ابقى منهم
وانتى مفرقتيش كتير لما  تترميلهم

بلف فى الشوارع وابص ع النفوس 
واقول ايه المانع انى افوق من الكابوس
ما النور اصادى ساطع وانا بصرخ ومش محسوس
انا من_انام_ الجرح صادع وقلبى بياكله السوس

حكيت للطير ظلم الغير وازاى معدش خير
مانا مش لاقى انسان اقدر اديله الامان
وثقت الف مره بس ثقتى خبر لكان 
هبعد لبعيد وانشاله وحيد وطالما فى الايد الورقه
النار هتايد والصرخه تشيل من قلبى كلمة شفقه
الهم الغم الدم بينزف ملا مليون حباره
مركز اول مجروح فايز بيها وبجداره
جوه الزنزانه محاولة انتحار مجابتش فايده
كتبت ع الجدران وكل حته فى جسمى ايده 
عايش انسان جوايا انسان على بعضه متركب
حياتى الدنيا العالم القاسى خلونى حطام المركب
لازم اكتب اسطر يوقف قطر اسمه الحال المتكركب
قبل مانوصل لبلاد فيها العداد نعدله يتشقلب
اب بيتخلى حبيبه تتسلى انا نفسى اتهنى دقيقه
مشدود لطريق مسدود مفهوش ولاخطوه بتيجى بريئه
قلب الماساه فى صباحه ومساه بيقول فين الحقيقه

بلف فى الشوارع وابص ع النفوس 
واقول ايه المانع انى افوق من الكابوس
ما النور اصادى ساطع وانا بصرخ ومش محسوس
انا من_انام_ الجرح صادع وقلبى بياكله السوس

حاجات جايبه الممات حزن البيتات كأنه صوتى 
افظع من انى اموت ده  انى اعيش واتمنى موتى 
حتى فى طريقى فى الراب 8 سنين فشل ذريع 
موصلتش للودان رغم ان البيت خادمى المطيع
شئ فظيع شوفت شماته من الجميع
حتى من اقرب ما ليا كنت بحس ان انا تسليه
حتى هى متوقعتش انها خاينه مقتنعتش
الا ماشوفت منها بعينى اهو وادينى
بشوف الصح غلطه ادتنى الدنيا خبطه 
ايامى زى بعض عايش بس فى انهارده
خايف من الطير كمان لايكون زى الانسان
يلا ولا يبقى معدش مفر من الجنان
النومه ع الرصيف فى عز برد ليل خريف
علمتنى ازاى اتحدى الف عقده فى التكتيف
عمرك ماهتعرفنى انا اللى آسيته ميتوصفش
و مدى لجرحى عهد اللى بينا ميتعرفش


بلف فى الشوارع وابص ع النفوس 
واقول ايه المانع انى افوق من الكابوس
ما النور اصادى ساطع وانا بصرخ ومش محسوس
انا من_انام_ الجرح صادع وقلبى بياكله السوس



سندباد 2-Sinbad2

انا اللى لما مات مبكاش عليه غير البيتات
انا اللى عمره فات عشان مآساته تسيب علامات
انا اللى كتب مكتوبه الصمت عظمه مش السكات
انا اللى انضرب الضربه فعلى اشعاره بانت كدمات

elrashedy

Popular tracks