كلمات : محمد عبد الله حمودة 
https://www.facebook.com/mhmd.abdlla7

أداء صوتى : محمد السيد - mc sayed
www.facebook.com/mcsayed

---------

( 1 ) 
الاسم : أطول م القصيدة بميل .. 
الحالة : أعذب من وريد النيل ... 
المهنة : سارح والقُليب قنديل .. 
عنوانى : ساكن فى الشتا والليل .. 
السن : جايز لسه ماعرفتوش .. 
بس المقدّر سنى كان عشرين ! 

( 2 ) 
مين اللى يقدر يرمى همّه ف كفن ؟ 
مين اللى شاف الدنيا رحلة عفن ؟ 
موجوع وقلبك حظه مات وإندفن .. 
إيش ياخد الريح م البلاط يا ولد ؟ 
غير روح حزينه ومالها غيرك سكن ؟ 

( 3 ) 
فادك بإيه البُكى .. والنهنهه واللوم ؟ 
فادك بإيه السهر .. والدمع نُص النوم ؟
قلبك لا عُمره إشتكى .. ولا هزّه نَعق البُوم .. 
يا صخرة المُشتكى .. إيه فى الحمول بيدوم ؟ 
درويش وقلبى الصبى عايش مع الحرافيش .. 
حرفوش وسيدنا النبى .. صليت عليه بشويش .. 
حُضنى الفراق رقّعُه .. بقى زى حتة خيش .. 
سهم المُنى وقّعه .. كسّر ضلوعه الشيش .. 
والهم مهما إتكوى .. ما بيتوقف له نزيف .. 
كل اللى مسّه الهوى .. قلبه ماعادش نضيف .. 
مدمن غرام وإرتوى .. 
يا اللى إنتشيت بالجوى .. فادك بإيه الكيف ؟ 
عيل ماليش موهبه ... غير فى العياط والنوح .. 
عيل ماليش فى الصبر .. غير اللى شق الروح .. 
أيوب ماهوّاش نبى .. ولا كل صبّار نبى ولا كل رُبّان نوح .. 
وأنا قلبى شق الندى .. رص الكلام وإبتدى .. 
يكتب قصيدة هدى .. سابنى الغرام مجروح !!!

( 4 ) 
إياك تِئن وتنكِسر زى العيال .. 
إياك تبين دمعتك لو جرح طال ..
إضحك فى وش الريح وعافر وإنتصر .. 
ده العيب عليك .. 
إنت اللى غاوى تكتأب وتصدق الدمع القزاز .. 
تماسيح بتبكى ليل نهار .. 
وإنت اللى عايش فى إنهيار .. 
مسكين بتمسح دمعهم وبتبكى نار .. 
حتى اللى كان صادق معاك .. 
مبقاش فى نقطة براح فى قلبك قادرة لحظة تصدقه .. 
ماتت حاجات كات جلوة فيك .. 
كان نفسها لو يوم تعيش .. 
ومافاتش غير يوم أو يومين ..
كات بين إيديك .. 
وأديها عايشه لحد تانى وقادره تنسى إنك مفيش ..
ما إنت الوحيد صدقتها وآمنت بالدين الحرام .. 
أدّيت فروضك والنوافل والزكاة بعد الصيام ..
سخرية القدر اللعين .. 
ضحكت عليك .. 
وفهمت كل الدين غلط ..
دينها رسالته مختصرها ف كلمتين .. 
طبع الخيانه ع البشر بقى فرض عين !

( 5 ) 
إعتزال الشعر واجب .. لإنكسار الحب فيا .. 
وإندثار الدمع سنة لإنشطار الجرح بيا .. 
زمّلونى بالقصايد يوم فراقى وإضحكوا لى .. 
ضحكة أوسع م البراح .. 
اللى ف ضمير عيل بيحبى .. 
وابنوا قبرى ف عُقر دارى .. 
وإمنعوا عنى الزيارة .. 
وزّعوا على روحى زمزم .. 
م الدموع اللى ف عنيها .. 
وإقرى م القرآن يا مريم .. 
هَزّ جذع النخل رؤية .. 
هَزّ نعش الموت كبيرة .. 
وإن لقيتوا فضيلة باقيه .. 
من حياتى اذكروها .. 
وادعوا ليا بظهر غيب .. 
ألف رحمة ونور عليا .. 
واكتبوا على باب قرافتى .. 
صدقة جاريه أغانى غاليه 
وأى غنوة بصوت منير .. 


فادك بإيه البُكا - محمد عبد الله حمودة

Facebook

https://www.facebook.com/McSayed

----

ضباب بيحضن الطريق فمش بتشوف نهايته 

ساعة ما بدأ كنت صغير مش فاكر بدايته 

كل اللى فاكرة إنه حير نفسك البريئة

أستسلم للخيال و لا قسوة الحقيقة

أستنى تبعد الغمامة و أبدأ المسيرة

و لا أبدأها من دلوقتى رحلتى حتماً طويلة 

فى النهاية القرار بيبقى تمشى فى الغمامة 

تاخد أول خطوة فيها برعشة و إبتسامة

و تحس بحب يتقلب كُره و تحس بحزن فى وسط فرح

هتشوف أمل يتقلب يأس مش لاقى أدوية تقفل الجرح

وسط حيرة مُرة عايش مش عارف تحدد الصح 

تسأل نفسك عن السعادة مش هتسمع غير الهمس
 
فجأة اللبس حصل فى النفس ما بين طريقين بين ضلمة و نور 

مين فيهم هيسيطر أكتر مين فيهم هيكونله الدور 

وصل العقل لحيطة سد البذرة راحت أرض بور 

وكِلت القلب المهمة يمكن ينجح العُبور

-------

-------

قصادى النور و شايفه بعيد لمحت السور و كف الايد 

صرخت لحد ينجدنى قالولى رحلتك وحدك 

طلبت العون مع التشديد دى نقطة دم تحيى وريد 

قالولى خدها بس بشرط ساعد اللى يلجألك 

-------

مشيت فى السكة مش فاهم  و مش لاقى دوا روحى 

لكنى برضه مش خايف و مش ندمان على بوحى

و لسه فى سكتى ماشى و مش لاقى جواب يشفى 

و لسه رغم أوجاعى أنا عندى نفس يكفى 

و لسه الرؤية مش واضحة و لسه المشهد المبهم 

و لسه القلب مش ساكت و بيحرضنى انى افهم 

بعود تانى كما الأول بحس بضعفى و بعجزى 

يضخ القلب فيا فضول و فى السكة أقوم أجرى 

و تجرى الثانية و الثانية أشوف نفسى أنا بكبر 

و كل ما أشوف شعاع النور أقول إنى أنا هقدر

فيظهر جزء مالصورة و يظهر جزء من نعشى 

و أشوف الشيبة من جوه فأخاف انى ماكملشى 

فيا نفسى لتحتملى ففى الجايات حاجات مُرة 

و يا أجلى ماتسبقنيش أخلى الروح تكون حُرة 

و يا قدرى إذا تسمح تكون المرة دى جنبى 

و يا قلبى تشوف النور فى وسط كآبة الظُلمة 

---------

قصادى النور و شايفه بعيد لمحت السور و كف الايد 

صرخت لحد ينجدنى قالولى رحلتك وحدك 

طلبت العون مع التشديد دى نقطة دم تحيى وريد 

قالولى خدها بس بشرط ساعد اللى يلجألك 





 






قصادى النور Al-Sayed Ft. Ahmed mostafa

MC Sayed Ft. Ahmed mostafa 

تحميل mp3

http://www.mediafire.com/listen/jcxteo1c4ci8hot/الاغنية_مش_حرام.mp3

MC Sayed's FB : 

www.facebook.com\mcsayed

Ahmed Mostafa's FB 

https://www.facebook.com/ahmed.mostafasinger.9

Rec , Mixed & Mastered by : Ahmed mostafa
مش هحاول ابقى نور لأن الجهل واضح 

لكن مش عايز حد يضلل حد لأى غرض 

لو أفكارك صح ليه تثبتها بكذب فاضح 

مين اللى يحارب الوباء من وجهة نظره بنشر مرض 

-----

كن محايد ده هيبعدك .. عن مغالطة بتكتفك 

اتجرد من عصبيتك .. فى سبيل تحسين رؤيتك 

الأغانى مش حرام .. و الموسيقى مش حرام 

مش عشان الموجة عالية يبقى نغرق و السلام 

الدخول فى جدل دينى هنا دخول فى خانة اليك

المناقشة متتبنيش غير على اساس خالى من شك 

كل نص اتطرق ليها و الضمير عن الموسيقى 

مختلف على تفسيره او على صحته من الاصل

فلو نقاشك علمى بحت ليه تدخل فيه الدين

فى هيكل النقاش مغالطة تدمر التكوين

ليه تغالط نفسك لجل ما ترضى نفس النفس 

مين عشان يضمن نقاءه يرمى نفسه جوه حبس

نص الحقيقة كذب و أنت كذبت لما قلت 

أن الموسيقى بتتلف الأعصاب حقيقة لكن أغفلت 

أن علو الصوت هو اللى بيتلف أعصاب الانسان 

يعنى مش بس الموسيقى لأ ده حتى لو قرأن

-----


فى وسط العتمة و الضلمة .. فى نقطة ضى بتعافر 

فليه تحكم عليها بموت كأنها ضلمة زييهم 

ده قوم الانبياء كفرة .. لكن مفيش نبى كافر 

فليه تمنع رسالته تسود تضل الاف هيحييهم

----- 

رؤيتك للوحة من منظورك ده ميعنيش 

ان ليها جانب واحد ده الابعاد مبتنتهيش

شهادة العلم كانت مشنقة لشهادة الزور

لما يتلاشى الضباب الحق بيطلع للنور

لو مضرة ليه هيشغلوها فى مستشفى أطفال 

أو مصحة عشان يسمعها شخص لترييح الاعصاب 

طيب ليه بيشغلوها  لتحسين انتاج الحيوان 

و لا ده برضه  نفسه  أمارة بالسوء زى الانسان 

المستنقع مش المادة المستنقع استخدامنا 

مش هنكتب عن غوانى و نرمى اللوم على قلمنا 

الموسيقى روح .. بوح .. نفخة قد تحيى الصنم

نسمة كاوية للجروح طيف مضاد للألم 

ليه بنخلق كل شبهة لجل نغرق فى الندم 

كم من لحن مس قلب انقذه من العدم 

فيه أدلة أكتر بكتير بتقول أن الموسيقى حلال 

 لكن لكل رحلته فكر و جاوب عالسؤال

----

علم العليم وعقل العاقل اختلفا 
 من ذا الذي منهما قد احرز الشرفا ؟
 فالعلم قال : انا احرزت غايته 
 والعقل قال : انا الرحمن بي عرفا 
 فأفصح العلم افصاحا وقال له :
 بأينا الله في فرقانه اتصفا ؟
 فبان للعقل ان العلم سيده 
 فقبل العقل رأس العلم وانصرفا

و الأغنية دى مش حرام

Rec & Mix By : Ahmed Skopgy 

مستوحاة من رواية : فيرونيكا تقرر أن تموت 

MC Sayed on FB 

www.facebook.com/mcsayed 

Ahmed Skopgy on FB

www.facebook.com/ahmed.mostafasinger.9

------- 

فراغ فى وسط زحمة .. خيال ييجى و يختفى 

فى لحظة التجلى .. احساس منى بيتنفى 

يهنج الشريط .. يا تصلحه يا تكسره 

فى قرب ساعة الصفر بعيد تحديد موقفى


-----------


عايش مجوف روح ماتت من الروتين 

عايش بدور فى ساقية سكة واحدة من سنين 

مفيش حنين .. مفيش إحساس بالأمل 

مفيش جديد مفيش حياة مفيش أدرينالين 

عندك صحاب .. موجودين لكن جوايا فاضى 

عندك فلوس .. أيوة فيه لكنى مش مرتاح 

من بره ببتسم لكن من جوه أنا مش راضى 

عن الحياة من غير أمل او فرصة فى النجاح 

إنى أفهم نفسى .. أو افهم انا عاوز ايه 

او افهم ايه سبب حياتى اتخلقت ليه ؟!

قعدت اعافر وسط زحمة الافكار فى راسى 

فى النهاية وصلت لاكتشاف سكة خلاصى 

هكتب بايدى نهاية فصل من حياتى 

و أروح لفصل تانى فصل مش مفهوم سطوره 

هموت و احدد باختيارى إيه أسلوب مماتى 

هروح لعالم تانى شايف نقطة من بحوره 

---------

خلاص قرارى خدته .. قررت إنى أموت 

قعدت أفكر فى الوسيلة من غير أى صوت 

لمحت جنب منى علبة سودا فيها حبوب 

بصيت ليها لثوانى و قمت ماسكها بكل برود 

حبوب منومة الواحدة منها تنيم يوم 

حطيت فى بقى عشرين حبة لجل أنام ما أقوم 

بقيت فاقد سيطرة كل أحاسيسى بتتنفى 

عدت دقايق .. الصورة تدريجى بتختفى 

--------

فتحت عينى و إفتكرت إنى سبت الدنيا 

لكنى و فى دقيقة اكتشفت حاجة تانية 

نايم فى سرير فى مكان غريب فى أوضة متر فى متر 

شايف قصادى اتنين دكاترة بصوت واطى بيهمسوا 

ممرضات واقفين عالباب بيبصوا و يركزوا 

بالعافية قدرت أسأل ..أنا إيه اللى جابنى هنا ! 

قالولى وصلت شبه ميت بس علاجك مش عندنا 

و بابتسامة صفرا قالولى فشلت فى الانتحار 

لكن قلبك متدمر قالها بلذة إنتصار 

سمعته دمى غلى و الغضب فى عروقى جرى 

إختلط بخوف مميت فجانى شعور غريب هدّنى 

مسكت فيه قلتله قلبى اتدمر يعنى ايه !! 

راح باصص بعيد و قالى " 7 أيام و تموت يا بيه " 

جريت وراه أضربه نده مُساعده قال كهرُبه 

وقعت مغم عليا أول ما ابتديت أتكهرب

حسيت ألم غريب بحسه لأول مرة

----------

و ده كان تانى شعور أحسه من وقت إنتحارى 

أنا بقيت بحس !! يمكن كان غلط قرارى 

لكنى قلت لأ لازم أرجع أنتحر 

لكنى ميت ميت المرادى لا مفر

فقت تانى يوم الصبح  بعد الكهربا  

زهقت قمت من سريرى لجل أبص عالبشّر

فشفت  كتير عنابر عيانين متصنفة 

شايف فى نفس كل واحد ضرب نار بين خير و شر 

-------

فى ساحة المصحّة مشيت بركز فى الوشوش 

شايف حزن شايف فرحه شايف ناس مبيخبوش 

أى شعور جواهم بره لو كارهين مبينافقوش 

لو بيحب يقول بحب الكسوف ميعرفوش 

وسط زحمة الشجر شُفت زهرة بتبتسم 

شفت ضحكة من السما ما بين خدودها تترسم 

صوت يحول الطبيعة من دوشة لحالة سكوت 

صوت كفيل بإنى أندم إنى خلال أسبوع هموت

يمكن لو قدرت أعيش كنت أعترف بحبها 

كنت أحاول قد ما أقدر إنى أفضل جنبها 

ألم غضب و حب .. لقيت معنى لحياتى 

لقيت نفسى اللى تايهة معاها أول ذكرياتى

يمكن كانت غلطة منى لما قررت أنتحر 

يمكن الحقيقة مرة بس ده كان اختيارى 

أه ندمت بس يفيد بإيه ميت حب الحياة 

كنت نفسى أقدر أعيش لكن إتحدد مسارى 


------


غمضت عينى أعيط فتحت خلال دقيقة 

لتانى مرة أصحى بس طلعت كنت بحلم 

ساعات الحلم يبقى أعظم من أعظم حقيقة

ساعات قرارى بيبقى مش مدروس و مش منظم 

حاجات كتير تستاهل إنى أعيش عشان أعملها 

و كل حاجة مهما كرهت وجودها ليها ميزة 

مفيش فى الدنيا حاجة تستاهل أموت عشانها 

عشان حياتى بكل إحساس فيها ليها قيمة


ليها قيمة Al-Sayed Ft. Ahmed skopgy

هندسة صوت و تسجيل : Skopgy 

كلمات : MC Sayed

MC Sayed on FB 

https://www.facebook.com/McSayed 

Skopgy on FB 

https://www.facebook.com/ahmed.mostafasinger.9?fref=ts
-----------
السكة لسه طويلة الضلمة غطت عالطريق

الموجة لسه بتعلى و بتجبرنى أكون غريق 

الحبل لما اتلف اتلف على رقبة برئ

منفرد مليش فريق .. أسوأ صيغة للصديق

كل خطوة للحقيقة يشتعل تانى الحريق 

كل لسعة من الوجود بتزود عليا ضيق 

رعب صافى مالمجهول اغتراب عن كل شئ 

و التساؤل عن حقيقة هل حقيقى الجاى دنئ 

بتفادى بكل صعوبة نصل عتمة الظنون 

بتجنب البشر فتغمض عن خوفى العيون

حاولت أكره غصب عنى كل ذرة فى الكون 

كان نفسى أكون مش حابب حاجة فمحتاجش للعون 

كنت بتمنى المسيرة دى بأى شئ تهون 

إيه صعوبة إن الأبيض يبقى للمسيرة لون 

لكن اتضح لعينى كذب ظنى بدون دليل 

إنى مش شايف سعادة مش شايف قصادى نور 


-----

فى وادى الضلمة ملقيتشى غير المحبوب ليا مأوى 

هو جيشى و ليا السور و كل الجند فى صفى 

هو الكلمة اللى بتهدى هو اللى بحبه بستقوى 

بيحفر فيا وادى النور فبلجأ له أنا فى ضعفى 

-----

شرودى فى الحياة خلى الحقيقة كتاب مفتوح 

جمودى الدايم هل هيمنع عنى أكون مجروح 

وعودى لنفسى منعت نفسى من العياط و النوح 

وجودى وسط عالم قاسى لازم يأذى الروح 

لكن قلبى يغلب عقلى فيخلينى أبوح 

غموضى بشأن خوفى شفته قصادى بكل وضوح 

زهدى دايماً فى الفرح مخلاش الحقيقة تروح 

أصل طول الحبس فى سجن بيخلى الحرية طموح 

الارتباط بالأماكن بالمواقف و الشخوص 

مش بيمنع عنى قلق مش بيمنع عنى خوف 

بس بيساعدلى روحى تستحمل أذى الظروف

ارتباط بيخلى موت رحلة معادها مش معروف

فمرة فى مرة كل حاجة بدأت فى الظهور 

أدركت إنه بتبقى نقطة خير فى بطن الشر 

فاكتشفت انه الضلمة بس ظاهرة عالسطور 

فاقتنعت انى هلاقى بين عتمتها وادى النور 

----

فى وادى الضلمة ملقيتشى غير المحبوب ليا مأوى 

هو جيشى و ليا السور و كل الجند فى صفى 

هو الكلمة اللى بتهدى هو اللى بحبه بستقوى 

بيحفر فيا وادى النور فبلجأ له أنا فى ضعفى  


وادى النور Al-Sayed Ft. Skopgy

Sound engineering & Mixing : Skopgy 

MC Sayed on FB 

https://www.facebook.com/McSayed 

Skopgy 

https://www.facebook.com/ahmed.mostafasinger.9?fref=ts

------

بص لزحمة الشوارع وسط أطلال المطر 

دور عالانسان الباقى جوه أطنان الحجر 

بعد زيارة المطر .. بص لمعة القمر

دور تانى عالحقيقة جوه أنفس البشر

فيه اللى هايم و اللى سارح و اللى تاه وسط المسارح

و اللى خاف فى يوم يصارح فاتأسر برمش جارح 

و اللى يكبر مهما يكبر لسه روحه بنت امبارح

و اللى خاف يفرد جناحه أصله عارف طيره جامح

و اللى عاش بقلب قاسى رافض لعبة الكراسى 

كل ما بتوسع جروحه بيخيطها بالزمن 

مهما يتوه و يبقى ناسى .. زى الجبل عضمه راسى 

ماتشوفوش فى يوم بيبكى مهما كان ايه التمن

المطر بيعرى الروح بيدوب جسم يداوى جروح 

فيخلى الشخص كتاب مفتوح فبيرفع قلمه رايات البوح 

و القلب يكون كسفينة نوح ركابها فراق و حنين ما يروح
 
و تشوف العتمة و رغم الصدمة تلاقى فى القلب أمل و طموح

----
فى لحظة أما التوب الأبيض يبدأ فى السطوع 

و يستر جسم السما و فجأة يتفجر دموع 

يطبطب عالقلوب .. يقصر الدروب 

يعمل من البرد حضن يضم فيه كل الجموع

____

عيال بتلعب كورة .. بوقت أو بفورة 

أمهات تزعق .. اطلع هتوسخ الهدوم

ضحكة صافية مش مضروبة .. مشهد يتاخدله صورة

مش كتير بنحيا لحظة اختفت فيها الهموم 

نقطة مطر تخبى دمعة المكسور تحتها 

نقط تنزل مزيكا يرقص العشاق وسطها 

بترسم ابتسامة .. تسيب فى الناس علامة 

المطر هنا زى البرد الناس بتقرب من بعضها 

يا مطهر القلوب .. يا مهون الدروب 

ابعت مرسالك تانى لجل احس بالدفا 

يا عالم الغيوب .. قوينى عالكروب 

ادينى هدية تانى جاية من بطن السما 

نقط مطر تزورنى فتزود طوفان أفكارى 

تنزل برد و سلام ، فاقدر لحظة أنسى حالى 

و أفتكر ما كان زمان و أنسى كل وضع سارى 

شكلى بحلم و أنا مش دارى.


نقطة مطر - Al-Sayed Ft. Skopgy



واقع من فوق قمة جبل بغرق وسط بحور الضيق 

تايهة عنى كُل السُبل .. عيشة ذُل, مش هتليق 

عيشة حزن , عيشة فقر , عيشة كُره للموجود 

عيشة بحلم فيها أكون إنسان مرة و يطلعلى صوت 

نفسى ينسانى القهر , نفسى أطلق الفقر 

طعمه مُر .. هحيا حُر لو هكسر الصخر 

إيه العمل ,, عندى أمل .. بس العُمر ماشى 

كُنت عايز أفضل هنا بس الزمن فاشى

الفقر مش عيب .. متقولهاش لو مش عايشها

كُل زبالة .. عيش عوالة و ارجع قول حاببها

بس وعظ بدون تجربة .. مش هيفيد بغير الشقا 

إزاى جاى تقول الحل بدون ما تفهم المشكلة

أنا طالع بره ,, نفسى مرة .. يبقى ليا قيمة 

الغربة صعبة ؟ عيشة حرة أحسن من القديمة

هيفيد بإيه التفكير و الندم على اللى جرى 

رايح لسلم الطيارة و فى ايدى التذكرة

----

شفت العالم من فوق .. حاولت إنى أفوق 

وجع فى روحى شوق .. لكنى مُستمر 

بحارب الظروف .. بحاول إنى أشوف 

بقتل فى قلبى الخوف مش عايز أستقر

----

أول خطوة فى أرض جديدة عين شريدة روح عنيدة 

اتعب اشقى علشان تلقى طلعت حاجة مش أكيدة 

ضعف , كسرة , دمع , حسرة , ذل مش بينتهى 

انتهيت نفسياً أول يوم من قبل ما ابتدى 

تُهت ملقيتش الحقيقة , أرجع و لا أفضل أجرب

لو رجعت هى هى , يبقى مرة تانى بهرب

غلبت أتعب و أكد ..  أقاوم الظروف تشد

أحاول أسعى و أبقى حاجة أقابل شئ فى الحيل يهد

و لسه برضه بجتهد و لليالى مش بعد 

لاغى فكرة الرجوع لحد ما أبقى مستعد

لاغى فكرة الركوع لأى فكر مستبد 

لاغى فكرة الخضوع على دراعاتى هتسند 

يا أكل العيش يا مُر يا مدوخنا فى البلاد 

يا سر جوه سر جوه بير الاستعباد 

فى قلب الأسر حُر , متعودين عالمُر 

و راجع مرة تانى بس يوم ما ألاقى الزاد 


تذكرة سفر

Video :

https://www.youtube.com/watch?v=x8ee_DUeOBo

السيرك Alsayed Ft. Ahmed mostafa

Dexter on the inside

Music: Dexter blood theme 

www.facebook.com/mc-sayed

-------


أمازلتُ أتنفس؟ 
لا يُهم, فإنى قد مِت منذ أزمان, لم يتبق فى سوى الجسد, العقل, الرغبة فى القتل, 
أعلم أننى مخطئٌ و لكننى لا أشعر بالذنب, كالعادة!
أنا أعترفُ بأننى وحش, لم أزعم قبلاً أننى بشرى, فليس هُناك بشرى بلا روح, 
لا أستطيع التوقف عن القتل, أكون طبيعياً إلى أن تأتينى الرغبة, يندفعُ الدمُ فى جسدى حتى يغطى عينى فلا أرى سواه, 
أراه فأُجنُ كأسدٍ اشتم رائحة خوف, يُصبح القتل أقصى غايتى و أقصى مرادى, كنت أقتل الحيوانات وقت طفولتى اشباعاً 
لتلك الرغبة, و لكنها لم تعد كافية, كما أن البشر هو اختيار اكثر منطقية من الحيوانات, فالحيوانات بريئة, أما البشر, فلا 
أعتقد, إننى لا أستطيع التوقف عن القتل, لكننى أستطيع اختيار من أقتل, علمنى أبى كيف, وضع لى قانوناً أحيا به, 
لا تدعهم يقبضون عليك, اخف آثارك فلا تُخطئ, زيف مشاعِرك و تصرفاتك, تصرف مثلهم, قُ م بإقناعهم أنك بشرى, و 
البندُ الأخير, لا تقتُل, سوى من قتل, و سيقتُل,

أعلم أن العديد من البشر قد يعتبرون وجودى نِقمة, لكن وجودى أنا و أمثالى من الملعونين يجعل العالم يستمر , تقبلتُ نفسى بشرورها و لست متخوفاً من قدرى المحتوم بالموت, لكن هناك من يستحقون الموت قبلى, و طالما وُجدوا, وُجدت. 


Dexter's darkness - ظلام

قواعد العشق الأربعون

Rap : Mohamed Al-Sayed 
www.facebook.com/mcsayed

Vocal,mix,master : Ahmed mostafa ES 

https://www.facebook.com/ahmed.mostafasinger.9?fref=ts

من الصعيد ( حادى بادى )

Hate

I have enough hate in my soul to inhiliate this whole universe 

Rage 

Of not being recognized for what I do 
Spending lifetime in a windmill that goes on and on unstoppable, whatever I do, whenever I do it, How ever I do it, it is what it is, I am always wrong, being robbed of the gratitude I deserve but still go on, Oh lord, How stupid did I get ! 
I thought they cared, so I cared, I thought they loved, I didn't hate ! 

But then I was a fool, they stabbed me in the back, betrayed, killed, turning me into a zombie that I never was, But I don't even have the energy to become one. 

It's not worth it, This whole long journey is not worth it, I am used up, Exhausted, with no more creativity or ability to do anything again, not even grief, I only have one thing left. 

RAGE !

RAGE - Voice Act -

من صرخة الولادة كنتى شخص مُضطهد 

اتولدتى طفلة حلوة ذنبك بس مش ولد 

اتربيتى أنك أقل لازم تحتاجى السند 

كلامهم كالمبارد خلى قلبك يتجلد 

آسف إنك من كلامهم لسه بتحسى بوجع

ذنبك أنك اتولدتى صدفة فى أسوأ مُجتمع 

كل شئ بيتمنع و رأيك مش بيتسمع 

محدش منهم مقتنع بكم الظلم المتبع 

بعتذرلك عن حدود كلامى و عجزى أولاً 

أنتى أقوى من خيالى و من بشاعة الزمن

و بعتذر عن كل حلم بتحلميه بيندفن 

و بعتذر عن صرخة نفسك تصرخيها فى العلن 

بعتذر عن كل مرة اتمنعتى من الغنا 

بعتذر عن كل كلمة قذرة بتسبب ضرر 

بعتذر عن كل قهرة قلتى فيها ليه أنا 

بعتذر عن يوم نزلت دموعك فيه زى المطر 

-------


أنتى الرحمة و النور .. أنتى الصرخة و الصوت 

أنتى طير جناحك شق حاجز صمت و سكوت 

أنتى نبض مستمر .. بيحارب الموت 

العزيمة بتستمد من روحك أنتى الصمود 

ليه الضعف و الحزن و الخوف المستبد 

ليه القهر و الظلم .. مش لشئ لكن للعند 

فأنتى قمتى .. تستردى .. حقك المسلوب فى الحياة لأنك بنت

-------


ممنوعة من السفر .. ممنوعة من الحياة 

ممنوعة من وجع مشاعرك يوم تقولى آه

مستقبل فى بيت و بس حبس بين أربع حيطان 

حلمك أنتى مش مُهم .. استقرار يليه أمان

آسف عن الاضطهاد فى بيت فدفن بالحيا 

و لو كررتى الرفض يتهموكى بقلة الحيا 

لو غلط يقولوا عادى الواد هيتعلم و يهدى 

لو غلطتى تبقى وصمة عار عليهم للأبد

هُم جهل و انحطاط و و كل أوجه الخلل 

أنتى روح جميلة حُرة مش هتفقد الأمل

أنتى بركان الأمل .. أنتى بدر مُكتمل 

أنتى صبر غطى قلب حالف انه يحتمل 

أنتى أقوى من الخضوع .. فرغى الغضب دموع 

صرخى بصوتك و قولى لأ هتشق الجموع 



----- 
Mix & Sound engineering : Ahmed mostafa

إليكي

Rap & Vocals by : Mohamed Al-Sayed
Mix & Mastering by : Ahmed mostafa

------
أنتى شر كان برئ .. و الجمال فى كل شئ 

أنت ضوء مغطى كل نقطة سودا الطريق

أنتى الحقيقة المربكة , و الجميلة المُهلكة

و السعيدة المُكئبة , أنتى النفس عمال يضيق 

أنتى الخنجر الجميل جوه روح بتكح دم 

أنتى قمر ليل غريب باعت ضى ويا هم

أنتى نصل  جارح شافى أنتى مصل و أحلى سم 

أنتى وصل ماكتملش أنتى قلب مش مهتم

أنتى جرح مالتئمش..فى قلب نام مقامش

أنتى رؤيا مبهجة فى روح ضريرة مبتحلمش

أنتى لحن معركة بتستمر مبتقفش 

مسك العشق مستمر فى الحياة وحتى النعش

يا مقصر الدروب .. يا مهون السنين 

يا كاشف الكروب و كاسر ضلمة ليل حزين

يا عالم بالعذاب اللى فى قلوبنا المغرمة 

أنزل رحمتك و بارك القلوب العاشقين


------
تستاهلى الحب و السعادة حتى لو عكسى أنا 
تستاهلى فرحتك تعوض .. أيام الشقا 
لو ما ابتسمش القدر ليا برضه موطنك هنا
تستاهلى تلمعى و تبقى وردة مفتحة
------

رجوعى دايم للحقيقة اللى مش بتتنسى

حتى فى حالة غضب و ضيق شوقى مش بيختفى

مهما الزمن أو الأفعال جوايا تعلم بالسنين

تلاقينى فى حربك ضد الدنيا أول المساندين

خايف عليكى من الأذى فهدعمك ورا الستار

ان وقعتى يوم هكون ايد تتمد فى وسط الحصار

لو هتبسطك مسافة فارقة بينا فاصنعيها

دعمى مش حاجة مشترط أنك أنتى تقبليها

مستمر غصب عنى لأنى شايفك منى .. مش هاممنى 

تبقى ليا أو مش ليا .. ده مش شئ يشغلنى .. أنا يشغلنى

تبقى حرة وقتها الكون ده ما هيساعنى .. لو تسمعنى 

روح موجودة .. صافية بس بعيدة عنى .. و عنك 

و عن عموم الدنيا .. بس لحظة .. فاكرة ايه هيحصل ؟

مهما تبعديها و تبعدينى هفضل أكتر و أكتر أحاول أغير

فى الواقع مش هقدر  أو هقدر معرفش 

لكن أنا جلدى و شخصى و حبى بيجبرنى مبطلش

إلمعى/إقرار - Al-Sayed

Official music video - فيديو كليب 
www.facebook.com/Estemara6/videos…1493259401617370

Rap
Al-Sayed : www.facebook.com/McSayed
Vocals, Mix & Master 
Ahmed Mostafa : www.facebook.com/ahmed.mostafasinger.9

استمارة 6
www.facebook.com/Estemara6/

بطل-Champion

تستيقظ صباح يوم ممطر من نوم متقطع ، تعبة ، محبطة من الحياة و من تدفقها المتسارع فى الطرقات ، تتخطى حواجز الملل و الارهاق إلى أن تصل إلى بقعتها الخاصة على رصيف مدينتها الصغيرة .. تبدأ بفرش جواربها الرثة و ملابسها المعبقة برائحة الفقر و القهر ، و تنتظر الزبائن الذين يبدون لوهلة كقطرات المياة الهاربة من صنبور معطوب ، بطيئة و مزعجة ، تتحمل صياح الأطفال و زعيق بائع الخضراوات الذى ابتلاها الله بجيرته ،
و لكنها تحتمل ، 
فكما الحال كل يوم .. عبر من أمامها ما ترك اثره فى القلب و رحل ، و تركها قد نبع بداخلها عالم لا نستطيع نحن أن نراه ، عالم يجعلها تحتمل ، عالم ترى انعكاس بريقه فى عينيها ، عالم .. يرزقها الحياة .


https://www.facebook.com/McSayed/videos/10208492643753141/

Al-Sayed

Popular tracks