Günther Öttinger wurd digital Kommissar
was ischn des, hot der erscht mal gfragt
isch des des mit dene SMS?
Fax kann er au scho bloß koin Stress

, Sebastian Kienle aus Mühlacker
isch Triathlet ond zwar en ganz tougher
Der isch Ironman gworda uff Hawai
Reschpekt Jonger des war eiwandfrei

Höhlaforscher Weschthausa hot verletzt
en dr riesiga Riesading Höhle fescht gsteckt
dem sei Rettung war phenomenal
was des koschtet hot des isch bruddaal

, Argentinier han I wirklich gern
aber noch lieber han I dr vierte Stern
mir Deutsche hens mal wieder elle zeigt,
Mir sen Weltmeister gworda ond Jogi geil

Riesa Skandal beim Adac
die henn sich nämlich a bissle verzählt
s beschte Auto isch gar ned dr Golf
sondern dr Leopard 2 der isch toll

Uff dr Welt gabs en neua Trend
mr wird vomma Kübel Eiswasser überschwemmt
Die Icebucketchallenge war für dr gute Zweck
gega die Nervakrankheit ALS

Stuttgart hot sich a bissle verändert
siehts aus wie a einziges Eikaufscenter
Gerber Milaneo wollt Ihr mich verarsche
Des ischd Königstraß uff 3 Etage

Die Deutsche Bahn hot wieder gstreikt
deswäga krieget die von mir en fetta dislike
Die Pilota hen au gstreikt des faule pack
Wurd en Deutschland überhaupt no ebbes gschafft?

, En Biberach doh wars oifach irre
da war en Taxifahrer mit zwoi Promille
dem sei Spezialität waret Serpentina
die hot der oifach pariert mit Schlangalinia

En Tübinga hot sich a Austauschstudent
aus dr USA en a Steinvagina ei klemmt
der isch fescht steckt metsammt Füß ond dr Hose
was warn des für a Verhüdungsmethode

Mega Fluktuation beim VFB
Hallole Ade Hallole Ade
Bobic, Hüüb Stevens ond dr Veh
derf mr überhaupt so oft auswechsla hee

Alexander Gerst aus Künzelsau
durft als 11.Deutscher ens Weltall nauf
den hot mr gfragt was willschn doh essa
ond der hot gsagt ha natürlich Kässpätzle

MC Bruddaal - Jahresrückblick 2014

Des war mei erschtes Layout ond die Idee zu dem Song.

Schwaebischer Nelly OG Layout feat.Bu$hido

Des isch em Ländle 2024 aus bruddaaler Sicht nadierlich ond uff schwäbisch.

Bruddaaler Jahresrückblick 2024

Bruddaaler Jahresrückblick 25 uff schwäbisch

Hallole Mudder I bens dei Kind
woisch was Baggy Hosa sen wieder inn
I hoff Du hosch die ned fortgschmissa
I könnt wieder aussäha wie 20 als hätt I end Hos gschissa
Wer hätt dacht dass dr Jahresrücklick 25
draußa isch vor GTA 6 ond Stuttgart 21
aber Dinge verändret sich wie dr Smart
der isch jetzt so groß wie a G Klass ha leck mi am Arsch
Glei em Januar isch voll dr Schtar komma
Dr Wigald Bohning isch en dr Rems gschwomma
der hot gsagt Rems isch altgermanisch für Schmutz
des stimmt nadierlich ned was für a Wutz
Die geilschte Doku ging ned om dr Ofarim
sondern om Haftbefehl ond bissle Kokain
Gfühlt jeder hots gsäha aber konnts ned glauba
Grüß ganget naus I hoff der bleibt jetzt sauber
Mundart aus Bayern war mit Wackelkontakt
Dr Song des Jahres ha des hot elle packt
dr Oimara von dr Hafner Alm
isch en subber Typ aber bald isch schwäbisch dran
Künschtliche Intelligenz hot überhand gnomma
Chat GPT ond Suno isch jetzt bei jedem ankomma
Isch des Fluch oder Sega oder boides bissle
viele Songs waret halt au vorher scho bschissa
A pro po bschissa Ralf Schumacher hot gnervt
Der hot jedem gsagt so viel isch dei Auto wert
die Preise stimmet ned was bischn Du für a Genie
sgaht leider bergab mit dr Auto Induschtrie
Brian May von Queen war der Surprise Act
der hot sich oifach em SI Zentrum versteckt
dann kam der naus was für a Atmosphäre
bei dr We will Rock You Musical Premiere
Mir Schwoba sen Top Model des isch nice
also Daniela Djokic ausm Esslinger Kreis
zom Glück prägt die mei Stadtbild mir Schwoba sen heiß
ond ned der alte Typ da der hässlich Greis
dr VfB Stuttgart isch nach 28 Johr
wieder Pokalsieger gworda yes yes Yall
des henn dann knapp über 30000 Leut
uffm Schloßplatz gfeiert die feiret no heut
Plötzlich stand en Elch midda uff dr Garage
en Oberwolfach em Schwarzwald leck mi am Arsch
elle hen sich gfrogt isch der von Schweda her gloffa
aber swar bloß dr Erwin ond der isch ausbrocha
Dahanna schlägt mr sich mitrer neua Plag rum
Tigermugg ond Ameis Tapinoma Magnum
wenn Du Pech hosch dann fresset die Dei Haus
oder Du kriegsch Tropafieber such dr oins aus
die sen aber nur halb so nervig wie wies ausschaut
nerviger sen Vertriebler für dr Glasfaserausbau
dStrahs wurd uffgrissa wägam kloinschta Stuss
vielleicht machet mr doh mol en Reisverschluss
Die aller beschde Serie em TV
hot en Hender Voderbach gspielt ha kennsch des au
Schwäbisch ond Hasaweiler des muss mr kenna
en Tschappel gings om bla bla ond dr Carlo Brenner
Torschten Schträter will a Nonne zamm treta
wenn er schwäbisch hört ha der isch a bissl bleed hä
Schwäbisch Jonger des isch was heiliges
da will I liebe mit rer Nonne macha so geil isch des
Remseck isch anscheinend dsicherschte Stadt
en ganz Bada Württaberg da wird koiner packt
Freiburg isch hingegen am schlimmschta
da wirsch ausgraubt am Kirchplatz an Pfingschta
I frog mi ernschthaft was mit dr Jugend läuft
die oine esset Pudding mit rer Gabel woisch
ond die andre die spielet Bandakrieg
des disch dr oinzige Handel der dahanna floriert
ja du wirsch aussortiert jetzt brauchsch Schnapps
die ganze Taditions Ondernähme bauet stella ab
Mercedes Bosch Porsche Stihl rescht han I vergessa
des isch echt traurig I hoff des wird bald besser
ond Stuttgart 21 koscht jetzt 11 Milliarda
so wie die müscht mol em echte Läba schaffa
die Baustell Jonger isch für elle a Qual
wenn des fertig isch hör I uff mit MC Bruddaal
vielleicht wemmer jetzt die ganze Boschler eistellt
die hen ja nix zom doh aktuell
dann könnt des noh fertig werda irgendwann
ond I könnt endlich uffhöra des wars bis dann
Machets gut Tschaule

Bruddaaler Jahresrueckblick 25

Emmer Mit Dr Soss - Goddes Plan Remix

Desch d'r excluuusive Remix Old Town Soß. A feurige Mischong aus Emmer mit d'r Soß ond Old Town Road!
Video dahanna uff Youtube:
https://www.youtube.com/watch?v=vZTfWw-xpcQ
Video dahanna uff Facebook:
https://www.facebook.com/McBruddaal/videos/392521131377122/

Old Town Soß

MC Bruddaal - ''Old Town Road Remix'' -> "Old Town Soß" (Lil Nas X & Billy Ray Cyrus)

Living the swabian dream! Rap uff schwäbisch!

MCBruddaal

Popular tracks