                                                Lyrics الكلمات
 
عايز اسأل سؤال تبقي بشرط ليه اجابات
ليه معظم الناس بتبقي اجمل في البدايات 
كان نفسي اوضح ليها كل حاجه بس ماسبتش
غير صورة النهايه لينا في ورقة الأسكتش
                                                     Verse 1
  خدت بالنصيحه مابصتش ورايا بصيت قدامي 
فكرت الف مره قبل ماكتب واقول كلامي 
ثلاث شهور بعيد خلوني انسان جديد 
خلوني ازاي اعرف اقرر مع اني كنت وحيد 
بداية الورقه مع القلم للأسف كانت سريعة
بعد سطرين من الكلام بحبك دي الحقيقة 
بس الورقه من النوع اللي بيحب الصبر والتزويق
وعلشان تكتب وترسم يبقي لازم المستحيل 
مش هنسي اني جت عليا فتره وضعفت فيا
 بس الشاطر اللي يقع ويقوم مش يفضل مكتوم
كلماتنا كانت محتاجة لحلقة وصل تكون موجوده 
علشان تكون في النهاية علي الأقل جمل مفهومه 
بس اللي بنعيشه يوم فرح والباقي كالعادة
حزن نكد عتاب الم دايما مافيش سعادة
ولا انتي اخر حب ورسالتي ليها كمالة
بس حبيت اقولك ان دي اخر رسالة 

                                              Course
الأوضه ضلمه جدا بس لسه في نسبة ضوء 
نبض القلب شغال بس لسه في سنه خوف
طول ما بذره الأمل موجوده دايما ماتسبهاش 
اسقيها هيتحقق حلمك يمكن بكره ماتلقيهاش

                                            Verse 2
من صغري وانا شايف دايما ان الأعلي اولي 
يطلعوا يقولو مافيش فرق ونعيش في المزاولة
علشان انا مش ابن المدير ولا الأستاذ 
فالتقدير بتاعي كان لازم يقل عن ممتاز
فوق ال100 سنه جن وجان سمعا وطاعا 
خوفا من سيدنا سليمان طبعا امره مطاعا
وقع سليمان لما النمل جه اكل عكازه
كله ساب شغله افتكروا انهم بالحرية فازوا
اتحرك ماتستناش انك تهز شئ ساكن 
عايز تعيش لنفسك تتغير اتغير لكن 
ماتتأثرش برأي اي حد تاني مهما كان 
لو كانوا مكانك هيختارو نفس الرأي ده علشان
 ماحدش بيقتنع  غير برأيو مهما قالو 
ده ذكاء العقل بيزيد من كتر استعماله
كلوا عايش طمعان ةعايز يوصل لأخر الهرم 
ده ادم لما طمع في اكتر من حقه من الجنه اتحرم

                                                 Course
الأوضه ضلمه جدا بس لسه في نسبة ضوء 
نبض القلب شغال بس لسه في سنه خوف
طول ما بذره الأمل موجوده دايما ماتسبهاش 
اسقيها هيتحقق حلمك يمكن بكره ماتلقيهاش


فكرو وأرضوا بنصيبكم اعيد تاني ولا فهمتوا
ده العدد السالب لما بتكبر ارقامه بتقل قيمته


Words: M.Alla.Cr
Sing: M.Alaa.Cr
Beat: Free beat
Studio: ARDevel Studio




Wara2et Esketsh [1]

                                  الكلمات Lyrics
                                        ( Verse 1 )                      
   علشان عايزك معايا مستحمل كل حاجه معاكي 
  مستحمل كل غموضك مع اني شايفك من جواكي 
    كل ماجاي اكلمك اشوف في عنيكي خوف 
   قرب شويه وشوف علامات استفهام بتطوف 
  فين حبيبتي اللي عرفتها وفضلنا مع بعض سنين 
   180° درجه اتغيرت وسببه مش عارفين 
  طب فين الحب بتاع زمان خليني اغرق فيه 
  طول ماتزيد في الحب تفضل هي تقل فيه 
 ولما تبعد عنها تقرب منك ولما تقرب تقربلها 
 تضعف وتقول في سرك بلاش انت تصدها 
 بدور ومش بلاقي سما من غير نجوم ولكن 
 هفضل زي زي الباقي ولا هخرج من وضعي الساكت 
  يا حبري اشهد انك لأخر نقطه بتحكي عليها 
  ومهما خلص الحبر الكلام مش هيوصف في عينيها
  خدها نصيحه مش كل اللي بنحبهم هيكونو لينا 
 مش كل نوح بعد ما يتساب يقدر يبني سفينه 
                                                    (Course)                       
                               علاقه اشبه بأن مريض مقيد جوا مصحه 
                                لازم يفك قيده يزيد غلطها وهو يصحح 
                              لو كنت غلط في يوم عذرا فعلا بتأسفلك 
                              محتاج علاج لما لاقيته رميت في وشك قفلك 
                                                   (Verse 2)                        
                   من الشاعر لاصغر كاتب خلقوا من كل جرح حاله 
                    اما قصائدهم سبب الألم كان دايما تشخيص الحاله 
                                 جرحهم غرق كون دا وقف كلامي مؤقت 
                            وكانت نتيجه التشخيص خلت تفكيري معقد 
                          كنتي الحلم بالنسبالي كابوس البعد كان عقاب 
                          نمت حلمت وقعت شكل الحلم كان سراب 
                            علشان القلب يرجع سليم محتاج فتره نقاهه
                               بتقولي سيبي الحب قلبي اعمي لكن قراها 
                                بتتكلمي بلهجه مختلفه عن اللهجه الأولي 
                                 شايفك بصوره مايله شايفينك بصوره معدوله 
                                 هما عارفين شكلك عارف انا تفاصيل شكلك 
                                 لو كنتي سندريلا كان الامير حل مشاكلك 
                                    علشان احل كل لغز محتاج شويه دوافع 
                                 حب الملكه مش كفايه حرب بين رماح ومدافع 
                                  ان الآوان البس تاج بس انا مش الامير 
                                لو كل الناس دي راقعه يبقي انا اتأخرت كتير
COURSE
                                                  (Verse 3)                        
                         عايش بدور فيكي علي حاجه تثبتلي اني اقنعتك
                         مقولتش معجب بيكي بالعكس معجب انا بقناعتك 
                             عايشه حياتك عادي عايش بس علشان اكدلك 
                               ان كل كلمه وسطر في التراك كان متجهلك 
                                 بقولك اديني خيط ابيض اربط بيه العلاقه 
                                     ماتدنيش خيط اسود يهد فيا الطاقه 
                               مش علاقه سيره ولا علاقه ارتباط علاقه غيره 
                                 التحكم في جزء صعب دايما يضعف من تأثيرك 
                                        كلامهم غير صحيح أثر فيا غير النكهه 
                                لو الحب طلعله ريحه عمر الطعم ما يبقي فاكهه
                             لو عيشت عمري علي عمري كنت برضوا هختارها هي 
                                 انا مقتنع بيها زي ما هي كانت مقتنعه بيا 
                                   كل مشكله وليها حل مهما كانت عميقه 
                                مشكلتنا بنعقدها اكتر مهما كانت بسيطه 
                                  هحاول وافضل احاول مهما قضيت العمر بطوله 
                                  ما انتوا لو شوفتوها هتعذروني علي اللي بقول    
                                                 (Course                    
Words:M.Alaa.Cr
Sing:M.Alaa.Cr
Beat: Free beat 
Studio: Mi Mo Studio 
Like , Follow and share it , please ✌

حكايتنا

ام الدنيا )
                                           Lyrics  الكلمات 
                                           ( ام الدنيا ) 
                                             ( Verse 1)
                              من صغرنا علمونا حب البلد في قلوبنا 
                               تحيا مصر تحيا مصر هو ده اسلوبنا 
                         كلنا حبينا البلد دي ..... ماحدش حبها قدي 
                        يمكن عشان جو معتدل ومافيش زحمة عدي 
                   اتخرجت من الجامعه واشتغلت علي طول بشهادتي 
                   مش محتاج واسطه ولا كورسات كفاية بس ارادتي 
                     ولما جيت اخطب اطلب مني بس الدبلة 
                  مجتمع حضاري علشان كلو عارف فين القبلة
                 هتلاقي شوارع نظيفة وزارة البيئة اعلي مستوي
                        مافيش عيانين علشان في نقاء هواء 
                 مش هتلاقي شباب بتحشش وقاعدين في غورزة
                 ولا هتلاقي تحرش جنسي ولا يا فرسة ولا يا موزة
                   تنظيم مباريات والالتراس جوا مالي استادات 
                     لا في اشتباك مع امن ولا خناقات ولا حد مات   
                    كل يوم تقدم اكتر الرشوة اسلوب معاها مانفعش 
                    مافيش بطالة مافيش تلوث والنور مابينقطعش . 

                                          ( Course )
                       كل اللي سمع تنح مستغرب من كلامي 
                   نسيت اقول ان الحقيقه العكس فلا تبالي 
                   نفسي الاقي اجابة ليه ساموكي ام الدنيا 
                 بصي لنفسك بين الدول هنلاقي نفسك دمية 

                                        ( Verse 2) 
                     يمكن سبب اللي بيحصل مافيش وعي ديني 
                 هيجي منين ومافيش خطبة بتناقش امور ديني  
                      معظم الخطب بتتكلم عن وصف الجنة 
                         والجزء الاخر بيتكلم عن عذاب جهنم 
                      حتي في المدارس مهتمين بالعنت والمضاف 
                        الدين بره المجموع اما الرسم لازم يضاف 
                        زمان كانوا بيقولوا مربي دقنك ليه اخوان 
                       Oh My God man ولما الدقن طلعت موضة 
                         بنبان متدينين لكن الفكره مش مرغوبة 
                   عاصي وقايم من ع السجادة وعارف الرجوع بصعوبة
                   هتدخل سجن لو عارضت فتفضل دايما راكع 
                      تي ڤي . سوشيال ميديا دايما اعلامنا يجمل واقع 
                        تخلف وعي عدم ارشاد عقول كفرة 
                  بزرع مافيش حصاد علشان اصلا ارض صحراء
                   ولو جينا للغلابة طبعا واخدين حقهم من سنين
                    كلنا عارفين حقيقة بلدنا وبرضوا مكملين

Om Eldonia

Lyrics l الكلمات
                                    
                                             Chours
                             بتعجب من حالنا قبل كده وبين دلوقتي 
                     كنتي مستغربه من طربقة حبي لكن صدقتي
                     محتارة تسيبي ولا تمسكي فيا كان لازم تختاري 
                             زي ماعجبك ريحة وردي هيجرحك صباري

                                          Verse one                  
                    عقلي قرر يبعد ، قلبي رافض مش عايز يسمعني 
                    قلبك عايز يبقي معايا بس انتي عايزاه يودعني 
                    كلهم ركبوا وانتي هتغرقي ليه كان نفسي اسألك 
                      سفينتي سفينه نوح مش نورماندي ولا تيتانك
                      بنيتها ورغم مجئ معاد الرحيل استنيتها 
                       بس تقريبا الوقت ده معاد نومها او في بيتها 
                        يا ريتها هي اللي ركبت معايا وكنتو انتو الي غرقتو 
                      كل واحد بعد فتره تجمل العلاقه بتبان حقيقته 
                       كنت علشان احافظ عليكي كنت بجري مجري الدم 
                    كنت عايزك احسن واحده وجودك في حياتي مني اهم
                      مشاركه افضل اللحظات بقت في صمت بقت من غيرك 
                         بعدتي عني شوفت ضلمه قربتي شوفت خيرك
                          لو كنا خلاص بعدنا عايز اشوفك حتي ثانية
                            ولا اقولك خلاص يمكن تكوني ليا في دنيا تانيه 
                             بقيت نايم طول النهار وعايش طول ظلامه 
                             هكسر قلبي وابعد زي ما ابراهيم كسر اصنامه 

                                             Chours  2          
                   بعد فراقنا لسه مش ناسي ياريت ما الحب جانا 
                            من يوم لؤانا قولت حبه نافع لكن آذانا 
                         نفسي افضل معاها لكن سابتنا فهمت غلط 
                     مستحيل ارجع تاني بعد ما قلبي خف ونبض 

                                                   ( Verse 2 )                       
                       صحيح اسمحيلي اقدم ليكي الشكر والتعازي 
                           الشكر علي احلي ايام عشتها في حياتي  
                       اما التعازي فالانسان اختارته الدنيا من وسط  100 
                             علشان يحبك وبسبب حبك وفاته المنيه
                               مش ذنبه انه حبك ولا قولت برضو ذنبك 
                          الذنب علي اللي باع وعلي اللي فضل برضو جنبك 
                                بعد ما اتعهدنا تحب غيري واحب غيرها 
                                لو دي النهايه اموت وقبل موتي اكون قاتلها 
                                 ازاي تبيعي بعد حب سنين جاوبيني 
                           هتسيبيني علي اعتقادك كلمه واحشني هتهديني 
                                لأ..... بالحب سبقنا والنتيجه كانت فراقنا 
                                     ليه بعد ما اتعهدنا تيجي تلغي اتفقنا 
                              ماكنتش اتخيل هييجي يوم فيه وهقدر اكره 
                                عذرا لما قولت بحبك ماكنتش بعرف اقرأ
                                 ازاي هعرف اقرأ وانتي فارشه البحر طحينه 
                              اسف يا قلبي من يوم ما اتخدعنا لحد يوم ما صحينا

Words: M.Alaa.Cr
Sing: M.Alaa.Cr
Beat: Free beat
#MCR
Listen And Follow if you like it ;)

2 Years in 2 minute MCR l سنتين في دقيقتين

New Track Sokan El Leel ElJoker - تراك الجوكر الجديد سكان الليل

El Joker - Sokan El Leel - أغنية الجوكر - سكان الليل

F a t m a New Track 2017
                                       Lyrics l الكلماتـــــــــ
                           
                                             Verse 1
هي معترفه بحبي بس قولوها تأكيديا 
اكدلوها بعد فراقنا انا بموت تدريجيا 
لاخر نقطة دم كنت براهن مش هتمشي 
اظاهر لغة الحب معاها بالذات مابتتفهمش
سنه واحده مش تلاته كانت كفيلة انها تجرب 
صراع بين عقلي وقلبي ابعدي لا سبها تقرب
 ببعتلك في رسايل مابيوصلش رد ليها 
بتقولهم مش فاكرها لكن قلبك مش ناسيها
 احكيلكوا اية بالظبط بلاش تجيبوا سيرتها 
ايه اكتر اما تشوفك بتعيط وتسمع ضحكتها 
ازاي بتحضنيني وفي نفس الوقت بتبصيله 
ازاي بعد مامشي واسيبك تروحي تندهيلوا 
انا اللي حبك بس عمره ما شك في حبك ثانية 
انا واحد طلع غبي علشان حب واحدة خاينة 
لمو اللي باقي مني وحاولوا تجمعوه 
رجعوني بضحك خرجوني من دور المجروح


                              Verse 2

عمر اللي بحكهولك بالمكتوم في قلبي يساوي 
اعزفلي ع الكامنجا ارميلك بحر حكاوي 
اهي بعدت عني وحبيت غيري لكنه سابها 
انا مش شمتان يا حوا افهمي بقيت سيرتك سابقة 
عشمتيني وبعدتي ... فامتستنيش الأحلي
وانت ماتفكرش فيها بجد مش مستاهلة  
بالرغم دوري قصير في قصة بتسمعوها
الا ان اصغر حدث في عمقه يتوهوها 
بصلي في عنيا واعترفيلي ان انتي خنتي 
خليني اصدق افوق واقول انتي عليا هنتي 
 بقول محتاجلك .... انتي ليه مش عايزة تصدقي 
بمد ايديا ليكي بس انتي عايزة تغرقي ! 
مستغرب ازاي عاشقها دي مش عايزة راحتك 
استغربت اكتر احتاجتها لاقتها في حضن صاحبك
شوف كام قصة نفس اللون ونفس الجرح قطمك
فققرت اجمع كل القصص تحت مسمي فاطمة

#MCR
FaceBook تابعوني علي صفحتي الشخصية علي ال 
https://www.facebook.com/MusicMCR

Fatma l فاطمة Prod By :( LBaron )

إكتئاب | Depression

                                                        verse 1
-
ماليش في الدنيا حد غير اخواتي وابويا وامي 
اتعشمت ومابتعلمش من ناس قالت هتصوني 
شفت اصحاب اشكال والوان بس السناريو كاتب
الجدعان كام واحد وكتب بنت الحلال تخوني
- 
 مش بجيب اللوم عليها كان مسيرها تروح 
مش عادتك تروحي تنامي وشيفاني نايم مجروح 
ماتحكيش .... غيابي  عمره ماحسسها بنقص 
هي بتسمع منك حالي وهترجع تاني تكمل رقص
-
 بعدتي مشيتي ونسيتي وقالولي وقت وتنسي 
طب ليه بتجيلك في عز الليل تحكيلك حكاوي بأسمك
عايزة تغرقني .... بحبها مش عايزة تصدقني 
مابحكيش لحد .. بس دايما دمعتي بتسبقني 
-
كسرتيني ونسيتي .. مش هندم اني اخسرك 
اقسملك لو رجع الزمان هحبك علشان اكسرك
اخر قصيدة بكتبهالك وصدقيني مافيش بعديها 
كداب هتفضل تكتب لحد مايجي يوم تلاقيها

                                              course √√

شوفتوا الجرح كل ما تيجي سرتها ملامحة بتظهر 
زي صورتها لما افتكر قسوتها في نظري بتصغر  
طب فاكرين وعودها  .. اللي يا قلبي كنا بناخدها 
شابة في عشرينك بعد اربعينها ازاي يلمع وجودها 

رغم اني ماقويكي كسرتيني ورحتي فين 
مهما تغيبي عني شايفك عروسة بضفرتين 
اوعدك محمد مش هيكتئب من الحفلة الجاية
بس بطل عزف علي الالات واسمعني شوية

                                                        verse 2

-
قلبي اتأثر واتكسر وعمري ما اتكلمت 
بس مهما قالوا قصة واتعلمت انا اتألمت 
من بعدك شايفك شئ مصغر فصعب اطلعلك فانزل 
مافيش وداع ولا هي ليلي ولا في جمال روبانزل 
-
حكاوي كتير مش واصلة ليكي ... افتكر كنت قايل 
لوهموت غرقان ...  هبعتلك مع الموج رسايل
كفاية عشق وحب كفاية هي خلاص اكتفت 
ما هي زيكوا بالظبط خلصت مصلحتها اختفت
-
مابتألمش ....كل ما تيجي سيرتها مابتكلمش
 خلاص وصلنا لدرجة افوت قدامك وماسلمش 
ياريتني كنت ارفضها ... واسيب غيري ياخدها 
مش هنكر كل كلمة قولتهالك كنت أقصدها 
-
بكيت واتهديت مجاش في بالي انها تستغني 
حبي مش مخليها تستني بس هيخليها تستعمي
اتعودت ابقي لوحدي وابقي سند ليا وضهري 
عادي تسبني وتمشي موافق  بس ماطيبش خاطر
-
Love it so much <3
Share if you like it 
my Facebook Acc : https://www.facebook.com/MusicMCR
Prod By : S-lam Shetoz
Cover By : Ahmed SaloOm

CR l Depression l إكتئاب (Prod BY S-lam Shetoz )

Iam mohamed Alaa And The Nickname is MCR 
Iam Rapper .. Now You Can listen To my Tracks 
Sad Rap .. Sad instrumental .. Reality Rap 

You Can Watch My video in My page on Facebook
https://www.facebook.com/MusicMCR

And you Can watch My PiC and news in
www.instagram.com/MCR.musics/

Mohamed Alaa CR ✪

Popular tracks