اسف .. الماستر على قدي بقا :D
___________________________
الكلمات :

لـ أي كنيسة لـ كل جامع  ..  لـ أي مَهد لـ كل دين
لـ اللى قال أربع صوابع .. واللى شاور بـ صباعين
لـ اللى راكع لـ السُكات .. لـ اللى قال يسقط ومات
لـ اللى فاهم فـ السياسة .. واللى قال رايحة لـ فين
لية أكمنك قولت أيوة .. تلغى صوتى إن قولت لا
رأيي قابل لـ المُناقشة .. وانتَ برضه مش إله
شكلى فـ المرايا إنتَ .. وقلبى شكلك فـ الحياة
رب واحد مصر واحدة .. شعب خالد رغم شدة
جيش برغم الصعب عَدى .. مـ الغرق لـ شطوط نجاة
اللى فات قال لـ الليلادى .. لـ الوطن بس السيادة
أيوة عشقت فـ يوم بلادى .. بس مش عاشق بيادة
الحنين خلانى أصبر .. عـ الوجع رغم السنين
كبّرت لما كنت بـ أعبُر .. بس ما تاجرتيش بـ دين
كنت فـ عز الجرح صامد .. وعُمر ما كان الجرح هاين
انا انتَ شعب واحد .. ليه ضرورى بنا خاين
كنت فرح عاش فـ قلبك .. وكنت ضهرى فـ وقت خوف
صفى كان هو صفك .. بقينا ليه يا صحبى صفوف
كنا دايما عـ الظروف  .. عمر ما فرقنا بُعد
أنا أنتَ .. أنتَ هوه .. هوه إحنا .. إحنا بعض
إحنا كنا اللى بنُعبُر .. وخط النار شايفينُه يُسر
قالها قلبى الله أكبر .. رد قلبك تحيا مصر
كنا دايما عـ الأعادى .. إيد قوية وقلب داب
مصر مش للى يعادى .. ولا هتكون يوم للكلاب
مصر للى مات فـ شارع .. دمُه سال يروى السنين
للى قال أربع صوابع .. واللى شاور بـ صباعين

مصر واحدة | MASR WA7DA

بعمل كذا حاجة فـ نفس الوقت 

MeGo Paraphrenia

Popular tracks