አባታችን አብርሃም እርሱና  ሚስቱ ሸምግለው ሳለ እግዚአብሔር የተናገረው የተስፋ ቃል እንደሚፈጸምና ልጅን እንደሚወልዱ በእምነቱ ሳይደክም ተመለከተ። እግዚአብሔርን አመነ ጽድቅም ሆኖ ተቆጠረለት። ይህ የእግዚአብሔር አሰራር በርሱ ብቻ አላቆመም። ሐዋርያው ሲናገር  «ነገር ግን፦ ተቈጠረለት የሚለው ቃል ስለ እርሱ ብቻ የተጻፈ አይደለም፥ ስለ እኛም ነው እንጂ፤ስለ በደላችን አልፎ የተሰጠውን እኛን ስለ ማጽደቅም የተነሣውን ጌታችንን ኢየሱስን ከሙታን ባስነሣው ለምናምን ለእኛ ይቈጠርልን ዘንድ አለው።» ይለናል። ሮሜ.4፡23-25
ስለዚህ በክርስቶስ የተፈጸመውን እኛን የማዳን የማስነሳትና በሰማያዊ ስፍራ የማስቀመጥ ሥራ በማመን ወደዚህ የብጽዕና ሕይወት እንግባ።

በእምነቱ ሳይደክም ተመለከተ። Not Weaken In Faith

የተገለጠው ሕይወት አገልግሎት ከአብ ዘንድ የነበረውንና ለኛም ለሰው ልጆች የተገለጠውን የዘላለምን ሕይወት ኢየሱስ ክርስቶስን ለማወጅ የሚሰራ አገልግሎት ነው። ለሰው ሁሉ የሚያስፈልገው ሌላ ምን ሳይሆን ይህ የተገለጠው ሕይወት ሲሆን ወንጌሉን ሰምቶ በልጁ በክርስቶስ ያመነ ሁሉ ይህንን ዘላለማዊ ሕይወት ክርስቶስን በማግኘት ከአብ ከወልድና ከመንፈስ ቅዱስ ጋር ኅብረት ይኖረዋል።