Nýtt lag af væntanlegri barnaplötu eftir Braga Valdimar. Sigurður Guðmundsson syngur af innlifun og sérstakur gestur er Jón Gnarr — en honum er málefnið skylt, enda má hann ekki heita það sem hann heitir.


MANNANAFNANEFND
Flytjandi: Memfismafían ásamt Jóni Gnarr
Lag & texti: Bragi Valdimar
Upptökustjórn: Guðmundur Kristinn Jónsson, Hljóðrita

Daginn sem ég fæddist fékk ég nafn
Frekar stutt, það rímaði við Hrafn
Það var frumlegt, það var flippað
Og það fór mér býsna vel
En varðhundunum varð þó ekki um sel.

Því sumir vita betur börnin góð
hvað ber að nefna þessa litlu þjóð.
Það er einhver úldin blanda
af ofstæki og hefnd
sem drífur þessa mannanafnanefnd.

Ég heiti ekki neitt. Ég heiti ekki neitt.
Sumir heita Helmút og aðrir heita Jens.
En ég heiti ekki neitt.

Mamma og pabbi urðu svaka svekkt.
Og síðan urðu þau að borga sekt.
Því ordnung þarf og aga
svo allt sé slétt og fellt.
Niðursoðið, gerilsneytt og gelt.

Ég heiti ekki neitt. Ég heiti ekki neitt.
Sumir heita Gautviður og aðrir heita Kort.
En ég heiti ekki neitt.

Ég heiti ekki neitt. Ég heiti ekki neitt.
Sumir heita Bruno og aðrir heita Mars
En ég heiti ekki neitt.

Ég heiti ekki neitt. Ég heiti ekki neitt.
Sumir heita Parmes og aðrir heita Svan
En ég heiti ekki neitt.

Ég heiti ekki neitt. Ég heiti ekki neitt.
Sumir heita Ósvífur og aðrir heita Gnarr
En ég heiti ekki neitt.


Mannanafnanefnd

Titillag væntanlegrar barnaplötu eftir Braga Valdimar. Platan kemur út fyrir jólin 2015 og er nýstárleg blanda af geisladiski og barnabók. Sigríður Thorlacius syngur.

KARNIVALÍA
Flytjandi: Memfismafían ásamt Sigríði Thorlacius
Lag & texti: Bragi Valdimar
Upptökustjórn: Guðmundur Kristinn Jónsson, Hljóðrita

Karnivalía

Ljúfsár vögguvísa af Karnivalíu, nýrri barnabókaplötu eftir Braga Valdimar. Sigurður Guðmundsson syngur.

Í SJÁLFU SÉR
Flytjandi: Memfismafían ásamt Sigurði Guðmundssyni
Lag & texti: Bragi Valdimar
Upptökustjórn: Guðmundur Kristinn Jónsson, Hljóðrita

Í sjálfu sér

Lag af Karnivalíu, eftir Braga Valdimar Skúlason. Sigtryggur Baldursson syngur.

Memfismafían

Popular tracks