Konty

a Short one By Me .. Hope u Like It 
Written By : Memo Ayman
Music By : TunnaBeatz 
Duration : 01:31
--
Youtube Link : https://www.youtube.com/watch?v=OLpD48fQMjE

Lost!!

https://www.facebook.com/MohamedAyman
---
كرهت وجودي و سدودي منعاني اني اتقدم ..
كل حروفي بتتلخبط منعاني اقول و اتكلم ..
عايش في كتابتي و كئابتي و كُتبي اللي ف مكتبتي ..
شايل همومي و لغيري هموم حوالين رقبتي ..
مطلوب مني ابقى عاقل رغم جنون الزمن ..
مطلوب مني كل غلطه لغيري ادفعلها تمن ..
مطلوب مني اني ابقى .. مثل اعلى و اني القى عيون بصالي و مستنيه اخلق الكون اللي اتهدم ..
كله صابر عالمشاكل رغم وجود حلولها ..
الكل ساكت بس اضايقوا من كلمة حق اقولها ..
الكل عارف الحقيقه بس الكدب نتيجته احلى و اهه عين الخلق شايفه لكن فين عقولها ؟ ..
ساكته و راضيه قلوبنا و هاديه .. لكن وجعها شد ..
رغم وجود ناس في حياتنا .. عايشين مش لاقيين حد ..
فين الضهر و السند .. فين الامان في بكره ؟ ..
وحده و قسوه مع كئابه بقوا بالنسبلنا اسره

جوايا احساس ب إني بقيت اكتر كائن ضعيف .. بقيت بخاف من الناس و من نفسي و الاحساس سخيف ..
انك تقف في المرايه كاره صورتك و اللي فيها .. كاره عمرك اللي عيشته و كل حاجة عشت ليها ..
مش عارف هي ايه فايدتك في الحياه و هدفك .. حاولت تطلب المساعده و كله رده كسفك .. و كان الرد منك اسفك انك لجأت لحد في يوم .. انك فكرت ان راحتك لما تحكي الهموم .. 

عرفت الوحده و قسوتها
و خسرت ياما بني ادمين
وبدأت اعتب على نفسي
و احسد غيري عشان عايشين
صدقت كلامي و وعودي
و رسمت طريقي و حدودي
و لما بدأت اخط خطوه
لقيت رجليا مش قادرين
حيطان كتير و انا رافض
اريح نفسي و تسندني
و عارف اني بتجنن
و نفسي جناني ينجدني
و نفسي الوحده تحضني
بدل م القسوه كسراني
و كل شويه تقول اسمي
عشان ماسرحش و انساني 
انا خايف اقول ان انا خايف ..
عشان الخوف هيضعفني
عشان القسوه لو زادت
صعب كرامتي تنصفني ..
و صعب القسوه تتنازل 
و تبقى حاجة مابتوجعش
و صعب استنى اللي يفهمنى
والكل اساساً مابيسمعش
بحاول امنع نفسي من التفكير في و اللي عدى .. و كل م انوي و اقول هشد الاقي الدنيا عليا شده ..
الاقي نفسي وقعت مره و لما اقوم اقع تاني .. و كل وقعه ورا وقعه احس الدنيا كسراني ..

جوايا احساس ب إني بقيت اكتر كائن ضعيف .. بقيت بخاف من الناس و من نفسي و الاحساس سخيف ..
انك تقف في المرايه كاره صورتك و اللي فيها .. كاره عمرك اللي عيشته و كل حاجة عشت ليها ..
مش عارف هي ايه فايدتك في الحياه و هدفك .. حاولت تطلب المساعده و كله رده كسفك .. و كان الرد منك اسفك انك لجأت لحد في يوم .. انك فكرت ان راحتك لما تحكي الهموم ..

2017

MohamedAyman-Bara L Donia

https://www.facebook.com/MemozAyman
إنتي :
-----
و عشان قلبي اتعود يتساب
امسكي فيا و ماتسبنيش
و كوني في حضني م يمكن ان
يجري العمر و مالحقكيش 

خليكي في اوقات الشده
سندي و امني ماتخذلنيش
 ده انا في وقت الوحده
رغم الخوف
وجودك جنبي ماخوفنيش ..
--
اتعود قلبي على فراقه
و ناس ياما مشيت و ماجتش
و عشان قلبي اتعود مايسيبش
انا همسك فيكي و ماسبكيش
----
بنعيش العمر و ايامه
نحلم اننا نلقى الدنيا
و انا لما لقيتك يومها عرفت 
ان الدنيا بحالها ماتلزمنيش
#محمد_أيمن

Mohamed Ayman - Enty

بتتكسَّر
----
حاجة صعبة ان انت تكون عندك 
ذكرى مش قادر تنساها ..
بتطاردك كل م بتكون ..
في مكان ما كنت بتلقاها ..
وحشاك ضحكتها و تفاصيلها
و اوقات م كنت بتحكيلها ..
ان انت حياتك من غيرها
انسان و تايه في متاهه ..
---
حاجة صعبة ان انت تكون عايش
من ابسط حاجة بتتأثر ..
القوه في بُعدها معدومه
فمن ابسط حاجة بتتكسر ..
ضحكتها اللي فارقت يومك
و الوجع اللي زاد في همومك ..
كلمات في كتابك مكتوبه
و ايات بصعوبه بتتفسر .. 
---
حاجة صعبه ان انت يكون عندك
ناس بتنسيك حزنك، همك
ناس بتنسيك انك عايش 
في الدنيا منفض مش همك ..
ناس بتنسيك انك لما 
تخسر، هتشيلك و هتسند ..
ناس بتنسيك ايام كانت ..
سبب لدموعك و لـ المك
---
حاجة صعبة ان انت تكون عارف
حزنك .. ، اسبابه .. و تفاصيله 
و مش عارف تحكي اللي مضايقك
ولا تجري في حضنها تحكيله ..
حاجة صعبه ان انت تكون فاهم
ان العلاقات عادي بتخلص ..
و مفيش قدامك غير انك ..
تفتكر الشخص و تدعيله
#محمد_أيمن

بتتكسَّر

BEAT : Decibel Lírical
Lyrics : Mohamed Ayman
--------
خلاص فقدنا التحكم .. بقينا عرايس ماريونت
الحقيقة تقيلة و مُرة .. و الواقع بقى كله شيت 
الاكتئاب و الهم اساسي .. عند كل ولد و بنت 
و شخصياتنا بقت مصطنعه محبوسة جوا سلك نت .. 
ماحدش باصص رايح فين ولا حد فاهم عايز ايه
و انت تايه تسأل نفسك طب الناس دي عايشه ليه !
افضل اجري و مهما تجري دايما يفاجئك السكوت
ساعدت واحد لما خدت صوره ليه و هو بيموت ..
----
النفوس بقت عجيبه .. ناخد سيلفي مع مصيبه
كله شايل جوا منه هموم و ذكريات حزينه ..
و انت شايف كل حاجه و مستغرب الوشوش
و لما تغلط غصب عنك تقلب الوشوش وحوش ..
حاولت تعتذر و لكن انت مفيش حاجة ف ايديك
انسان ساكت جوا نفسه .. بيداري هموم كتير عليك
ماحبش يشيلك همومه .. ف اضطر يبعت ضحكه فيك
اطلع اجري و مهما تجري هتشوف كل شئ بعينيك
----
جوا منك بطل غار .. لما شاف غلط بعينه ..
قرر يتحرك و مايسكوتش لقى رجليه مش شايلينه
كان مستني يبقى حاجة يغير حقيقة الحياه ..
بس خاف من رد فعل يكسر كرامته او يهينه ..
وشوشنا ثابته في المرايه .. اسمينا مكتوبه في الدفاتر
من نفوسنا فينا نقص .. عمر م تداريه الفلاتر
ماحدش عارف خيره فين .. دايما بنجري على امنيه
ماحدش عارف شره فين .. يمكن يكون الشر هي
----
عايشين محبوسين جوه رساله جوه سين ..
عايشين بندّور عالتفاهه مهما كان مكانها فين ..
ممكن يكون اللي في ايدينا .. من جواه هو الجميل ..
لكن نفوسنا رافضه تقبل و بتدور عالبديل
قلِّب قلِّب مهما تقلِّب برضو نصيبك هيجيلك ..
لعل يكونلك فيه الخير او بداية شر ف ايدك ..
كل صامت عالكلام .. ساكت و مركز ب اهتمام ..
الدنيا تتقلب و تخرب .. يهمه دماغه و السلام ..
اصحوا فوقوا لو للحظه شوفوا الحقيقه ايه ..
ماتبقاش ماشي في سكه ضلمه و انت عارف الصح ايه
الشر ماسك ف ايدك و بقى جزء مهم منك ..
و لما تبقى في يوم لوحدك هتلاقيه هو اتخلى عنك
كله صور كله علق كله شيرلك حاجاتك 
كله فجأه نسيك في لحظة .. عملوا نكته من حياتك
كله شاور و انت ماشي بين الناس مداري وشك ..
لما قلت دول حبوني .. كانت القلوب بتغشك ..
و تلقى .. ناس .. بتعبد .. في روح
بحاولوا يخدعوك فتصدق ان ده المسموح
فتكون مجروح مش شايف حد
نفسك تتشاف .. مش لاقي حد ..
بداية الحياة انك انسان مالكش حد ..
---
بنت خافت من زمانها .. هربت و خدت القرار ..
كله جري قوام عليها .. يصور مشهد الانتحار ..
لما وقعت قالوا ماتت ف لما ماتت قالوا شير ..
ماحدش سأل عن حالتها ولا حد استنى التفسير
---
Watch The Videoon Facebook :

عرايس

انا و أنتِ

H1111- A Rendition

Oblivion

https://www.facebook.com/MemozAyman/
---
Lyrics Video
--
https://www.facebook.com/watch/?v=455113321861088

Mohamed Ayman

Popular tracks