يا نهار اسود!! مش قادر أقول غير كده، أعذريني، دي حلوة قوي

يالله، ياالله، يالله ! :) <3

ان كان امل العشاق القرب فا أنا أملي ف حبك هو الحب ♥♡

❤️صمت فى حرم جمال الكلمات

انا اللى بسمع مزيكا trance و deep house لما سمعتك بكيت 

كتابة : هديل عبد السّلام

https://www.facebook.com/Dooula

صوت : منّة كُردى

https://www.facebook.com/Kawkabmashy

محدش يلومنى عـ Resistant بتاعتى :D 
معرفتش أعدّل  فيها بعد ما 6 ساعات شغل


النصّ :

" ده أنا بترجّاك، الله يجازيك، يا شاغلني معاك وشاغلني عليك " 

لمّا الحياة بتُقَف هنا، وعند اللحظة دي بالذات، اللحظة اللي بتُدرِك فيها إنّك بتحب، فتلغي كل اللي قبلها، وبتعتبر إنه الزّمن وقف عندها، حتى بعد الفراق، إنت واقف عند نفس اللحظة، نفس الوقفة، حتى لو عدّى شهور، ولو عدّى سنة، 
" إن غِبت سنة أنا برضه أنا، لا أقدر أنساك ولا لِيّا غِنى " 
ويفضل مُنتهى أملَك وآخر رِضاك، ومُنيِتَك وأمنيتك في الحُب نفسه، مش لمصلحة معيّنة، ولا لإحساس معيّن، مش عشان نعيم القُرب، عشان الحُب نفسه كحالة وقيمة مُجرّدة من أي حاجة تانية، بعيدة عن كُل العوامل من مسافات وزمن وجفا وقُرب. 
" وإن كان أمَل العُشّاق القُرب، أنا أملي فـ حُبّك هوَّ الحُب " 
لمّا أملَك فعلًا بيبقى في الحُب نفسه، البِعاد ما بيأثّرش عليك، ولا بيغيّر من حالتك، ولا الجفا بيبعِد قلبك عن النقطة اللي واقف فيها من لحظة ما أدرك إنه بيحب،
" أنا لا اتمنّيت ولا قُلت ياريت، ولا بُعدَك عنّي جعَلني سَليت "
لدرجة إنّه أقصى طموحاتك هو بس إنه الناس تعرف وتقول إنّك بتحب، 
" ده أنا كل منايا أدوق اللّوم، ويقولوا عليّا الناس حبّيت " 
الواحد في الحالة دي بيبقى عنده حالة من النشوة المستمرّة كده، لدرجة إنه بيبقى متخدّر، مفيش حاجة بتأثّر معاه، الحُب لمّا بيوصل لمرحلة معيّنة، بيبقى من الصّعب جدًا الحاجات العادية زي الخصام والصُّلح دي تأثّر عليه،
 بيبقى Resistant لكُل حاجة
، بيعمل ابتسامة بلهاء كده مالهاش تفسير، مش واقعية ع الإطلاق ويمكن حلاوتها في كده، إنها مش عقلانيّة. 
" تخاصمني كتير تصالحني كتير، كُل ده يا حبيبي مالوش تأثير. 
توصِلني سنين، تهجُرني سنين، ما تغيّرنيش ده أنا حُبّي كبير " 
التوبة عن حاجة بتعملها بلا وعي أصلًا بتبقى حاجة مش منطقية، هتتوب عن حاجة بتعملها بغير إرادتك إزاي ! 
" أنا أتوب عن حُبّك أنا ؟! " ... أنـــا ؟!!!!

أنا أملى فـ حبّك هوّ الحب _هديل عبد السلام_منة كردى

هنا مش مكان لـ معلومات وتفاصيل روتينية مُملة ...
بس أقدر أقول انى بحب هنا ..

Comments

Adel Abdelhamid

MǿHamed Mòstafa

Ayah elmahdy

Hamdi

Alyaa Mohamed 12

mariam.altoney

Alaa Mohamed 7

Mohamed Abo Al-Ȝla

Nour J. Moh

Israa Ibrahim 3