قعدة مزيكا®

اللف فى شوارعك " الكوتشى اللى باش " محمد محسن

"رباعيات علي غير العادة"

أنا اللي عمري اشتياق في اشتياق
وقطر داخل في محطة فراق
قصدت نبع السم .. وشربت سم
من كتر شوقي وعشمي ف الترياق

عجبي

على رجلي دم نظرت له ما احتملت
على إيدي دم سألت ليه ؟ لم وصلت
على كتفي دم وحتى على راسي دم
أنا كُلي دم... قتلت ؟ولا انقتلت؟

عجبي

غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم

عجبي



رباعيات "صلاح جاهين" بصوته

قعدة مزيكا| محمد محسن - (نشبه لإيه - من زمان جدا)

قـعـدة مزيكـا - محمد محسن - خايف أقول اللي في قلبي

ح اجري كأني فوق حصان - علي الحجار/صلاح جاهين/محمد الشيخ

كلمات عمرو حسن 
الحان يحيي نديم 

 


كان بلياتشو متخصص
يموت -قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
و هو لأنه بلياتشو
مقالشى هو نفسه ف إيه
دا كان لما يشوف دمعة
يروح و يشيلها ف المونتاج
و كان لو يوم يعوز ضحكة
يروح يرسمها بالمكياج
وقف على كرسى قدامها
و شد المشنقة بايديه
و جه واحد وقال وقّف
و ضحكوا الناس على الإفيه
فضل يضحك على نفسه
و مش عارف بيضحك ليه !!
دا كان بلياتشو متخصص
يموت قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
دخل بدماغه ف الحلَقة
و شدوا الكرسى من تحتيه
وهو لأنه بلياتشو
مقالشى هو نفسه ف إيه
و ف المرة دى تحديداً
مجاش واحد كما العادة
ف آخر لحظة قال وقّف
و بص ف عينها وقت الموت
تخيل وقتها شاف إيه ؟
لقاها واقفة بتصقف
مع الجمهور على الإفيه
و راح مع دوشة السوكسيه

فرقة عمدان النور "البلياتشو" برنامج قعدة مزيكا

قعدة مزيكا - فرقة عمدان النور (Gazaga Band) - مسارح و سيما

حبيبتى كل ما بنسى تفكرنى الحاجات بيكى

ائنك تدمعك عينى كأنى مش هغنيكى

دمايا متستهلش تكون كحلة ليله لعينيكى

و انا الدرويش ..

انا السابح بمسبحتى .. ومبخرتى .. و توب الخيش

اغنى لك .. و امول لك مواويلك .. ماتسمعنيش ولا تشوفينيش

ومش لازم مادام عايشة .. مادمت بعيش

وياما بيكى عقلى اتجن

وانتى الأنّ .. انتى الظن

و أنتى قلمى لحظة فن

يا غنيوتى .. انا احزن اغانيكى

و انت الحلم .. اااه من حلم .. لا نسينى ولا نسيكى ..

حبيبتي كل ما بنسى تفكرني الحاجات بيكي - عبدالرحمن الابنودي

Hany Adel -  antika - هاني عادل و يسرا الهواري - انتيكة -  قعدة مزيكا

المينا باند 
إسكندريه 
كلمات : أحمد سعد
#قعدت_مزيكا 

قعدة مزيكا - فرقة الميناء - إسكندرية

من فيلم الإنسان يعيش مرة واحدة - علي الشريف - عم بكري 
انا خايف علشان مبسوط!!
.. الدنيا ياولدى ليها وشين ابيض واسود ، لما تبقى بيضه قدامك افتكر الاسود علشان تسلم ، ولما تبقى سوده افتكر الابيض علشان تقدر تعيش لبكره.


الإنسان يعيش مرة واحدة - على الشريف - الحالة - عم بكري

الل اشترى منك موزنش- غناء حسن ذكي والحانة

اللي اشترى منك موزنش

زعلان شوية - وجيه عزيز

كلمات : محمد الناصر على
 ألحان : وجيه عزيز


إن مقدرتش تضحك - أحمد زكي (هيستيريا)


ان ما قدرتش تضحك .. 
ما تدمّعش ولا تبكيش
وإن ما فضلش معاك غير قلبك
إوعى تخاف !! 
مش هاتموت .. هاتعيش
وإن سألوك الناس .. عن ضي
جوا عيونك ما بيلمعشي
ما تخبيش ..
قولهم العيب مش فيا
ده العيب م الضي !!

وأنا مش عاشق ضلمة
ولا زعّلت الضي
مسير الضي لوحده .. هايلمع
ومسير الضحك لوحده هايطلع
ما بيجرحش ولا يئذيش

إن ما قدرتش تضحك .. 
ما تدمّعش ولا تبكيش
وإن ما فضلش معاك غير قلبك
إوعى تخاف !! 
مش هاتموت .. هاتعيش
وإن سألوك الناس .. عن ضي
جوا عيونك ما بيلمعشي
ما تخبيش ..
قولهم العيب مش فيا
ده العيب م الضي

كلمات : محمد ناصر﻿ علي
الحان : وجيه عزيز

احمد زكي - العيب في الضي - فيلم هستيريا

من البوم ناقص حتة

كلمات الاغنية:


قلت أبص في المراية
يمكن أكون احلويت
فضلت داير أبص
ما خلتش ولا مراية في البيت
في الحمام في الأوضة
في دولاب أو متعلقة ع الحيط
شفت سكت شوية
وبعدين اتخضيت
معقول أنا قضيت العمر دا كله
زي ما رحت زي ما جيت
معقول أنا عمري ما فكرت
ولا غيرت ولا اتغيرت ولا حبيت
وإزاي ساكت على روحى دا كله
وليه استنيت
يا ريت ما كان عندى مراية
ويا ريتنى ما بصيت


قعدة مزيكا| محمد محسن - (نشبه لإيه - من زمان جدا)

Mennah Fekrie

Recent comments

Muhammad Fat-hy

Ziad Farghaly

Ziad Farghaly

Mohamed AbdElwahab

Related tracks