تفاصيل .. 
كلمات : ايمان خليل 
القاء : منة حافظ 

" ازيك ؟ لو فـ سرك دلوقتى بتقول " يهمك " ؟ هقولك يهمنى أكيد لانك مهما عملت فيا .. بس انت كنت فـ يوم من الايام الحتة الناقصة اللى مش عند حد .. غيرى .. واهى اتاخدت .. عموما .. انا بتمنى بجد تبقى كويس :)) 
انا مش بتكلم عشان أى حاجه ولو مش عاجبك الكلام من دلوقتى ممكن تقفله .. انا بتكلم بس عشان عايزة اتكلم .. 
اه على فكرة .. لازم تعرف أوى انى نسيتك .. ونسيت كل تفصيلة صغيرة حصلت معاك .. هثبتلك .. بس شوية 
 بُص أنا مهما اكون غلطت معاك ووجعتك .. فـ انت لازم تعرف ان الوجع اتردلى الساق ساقين .. وان انت كنت بتلونلى عيونى .. انا دلوقتى شايفة الدنيا باهتة أوى ..
مكانش ينفع تصبر شوية صغيرين ؟ انا كنت هتغير أكيد .. وحتى لو متغيرتش .. فـ اكيد انا كنت هعمل حاجه تنقذ العلاقة دى .. 
الوِحدة وحشة جداً .. دلوقتى انت بتقول فـ سرك " انتِ حواليكى ناس كتير " .. هقولك انت كنت عندى بيهم .. انت .. مش هم ..
اتمنى محدش يستغرب من انى متوقعه ردوده .. هو دلوقتى بيبتسم :))
المهم .. 
لازم تعرف أنك " احلى همومى " .. 
وانى تايهه اوى ومش عارفه مين يرتبلى أمور حياتى .. انت سيبتى متعلقة ولوحدى .. مش عارفه اعمل أى حاجه ..
عارف ؟ من كام يوم ركزت أوى فـ النجوم .. انا عارفه انك كنت بتحبها أوى 
 هو ليه مينفعش كل ما نفتكر حد وندعيله دعوة حلوة تتخلق نجمة فى السما بأسمه ؟! عشان كمان مبصش غير ع النجمة دى .. النجمة دى وبس
 اهو انت بقا فـ حياتى كنت زى " النجوم " اللى وجودها بس .. بيطمن
 ولما مبيكونش فيه نجوم .. احنا بنفضل ندور عليها .. 
تعرف أنى لحد دلوقتى بدور عليك ؟ لانى معدتش مطمنة ..
انا نسيت ع فكرة .. ونسيت أوى كمان .. نسيت المفاجآت والتفاصيل وكُل العيشة المبهجة اللى كنت عايشاها معاك .. تعرف أنك الوحيد اللى كنت تعرف " مفتاح فرحتى " ؟ .. صدقنى والله انا مش عارفه اضحك من قلبى وانت غايب! ..
انا بقيت انزل الشارع بـ عيونى الباهتة اللى حكيتلك عنها من شوية .. واشوف كل الناس شبه بعض .. أوى .. تقريبا مفيش غيرك انت اللى مختلف عنهم .. بس برغم اشتياقى ليك .. مكنتش بشوفك .. هو ليه لما حد بيوحشنا مبنشوفوش ؟ .. هو انت تعرف ان مكانش فى حد " بيبهرنى " غيرك ! .. مش عارفه ليه .. بس انا كنت بعديها لأنك فعلا مختلف عنهم وتصرفاتك مختلفة عنهم .. اصل محدش بيربط لـ حبيبته الكوتشى .. عشان حاجه كده بيسموها " كرامة " .. انت طبعا كنت ملكش دعوة بيهم .. لانك كنت " وهمى " .. 
لازم تعرف أنى قوية .. زمانك دلوقتى بتقول " لازم تبقى قوية بـ ربنا ثم بيا ي حبيبتى " .. بس احب اقولك وافكرك انى مبقيتش " حبيبتك " .. م علينا
 انا قوية .. جداً .. وهنساك بـ سهولة .. اصل مينفعش حد يقول لـ حد تانى بيحبه .. انه قاسى .. وانه مبيحسش .. وانه وانه وانه .. مكانش ينفع تقارننى بـ حد تانى لانك " كسرتنى " بجد .. وانت عارف انى بكره المقارنة أووى ..
بس كمان لازم تعرف ان الدنيا بقت بائسة أوى فـ وشى .. وان كل مسببات الفرحة والسعادة .. اللى هو انت يعنى .. راحوا .. وانى مش قادرة اتكيف .. مش قادر اوقف السما عن انها تنزل مطر .. فاكر لما كنت بعيط معاك وانت قولتلى لازم السما تبطل تنزل مطر عشان الناس ميتأذوش .. وكان قصدك بالسما .. انا :') 
طبعا فى تفاصيل كتير جدا .. بس انا تعبت بقا وهروح اكل " 




هوّ وانا .. تفاصيل

ولآخر لحظة اصنع معروف واغرز فكرة 
لا تيأس فالخير بنا فطرة 
الله استعمرنا, والأرض غدا تشهد
فحصاد اليوم غراس الأمس, وغراس اليوم غدا يُحصد 
لا لا لم نُخلق عبثاً حاشا, لا بل لنعمرها دنيا 
لا لنمهد درباً كي يأتي جيل يستكمل ما كان 
لا لا لن تسكن فينا همتنا ما دامت فينا غايتنا 
أن نحيا في الكون كراماً, إحساناً يتلو إحساناً 
لم نُخلق عبثاً لا 
وختام خواطر فالنأمل بشباب اليوم غداً أفضل 
جيل يمضي جيل يكمل ولآخر لحظة 
اصنع معروفاً وإغرس فكرة

لآخر لحظة - حمود الخضر ,, تتر خواطر 11

" إن أردتْ قياس تحضر شعبٍ, فما عليك إلا سماعُ موسيقاهم "
المجدُ للمزيكا الراقية
المجدُ للأندرجراوند 


Menna Hafez

Popular tracks