Mocion 36 presenta den Staten pa partido AVP no a wordo aproba pa Fraccion di MEP. E mocion tabata pa aumenta prevencion y siguridad den nos pais. Sinembargo e eror di AVP den e mocion tabata cu e la keda demasiado amplio y ta mete den e bida priva di ciudadanonan.  MEP ta spera cu e mocion aki wordo poni den un schredder y no wordo implementa.

Parlamentario Guillfred Besaril: Dicon MEP a vota contra mocion di fiesta priva?

Movimiento Electoral di Pueblo si lo kier a mira cu AVP lo a presenta un mocion pa controla Minister di Husticia pa cumpli pa e 10 miyon florin cu a wordo priminti na e grupo di manifestantenan wordo aloca pa combatimento di criminalidad.

Parlamentario Guillfred Besaril: Loke si MEP a desea di mira den un mocion di AVP.

Faltando 10 luna pa e pueblo bay elecion, nos ta keda constata mal meneho di e gobierno aki. Tur presupuesto cu e gobierno a entrega a resulta di ta irealistico. Te hasta na 2014 a bay asina leu cu gobierno di Mike Eman a haya un KB for di Hulanda. Tambe nos a haya CFT riba nos. E pregunta ta keda e ora: E situacion a cambia?

Parlamentario Ady Thijsen: Situacion Social Economico Financiero Politico 1

Durante tratamento di Presupuesto 2017, nos a ripara un Mike Eman nervioso, den paniek, insigur y instabil. Y e la core bay anuncia algun promesanan na e pueblo aki. Pueblo ta sufriendo den un woestijn. Y Mike Eman kier djis dune un tiki awa awo, keriendo cu e ta salba e pueblo y kita su sed y drecha su situacion. Absulotamente no. Mike Eman a duna e pueblo un tiki awa djis pa e no muri e dia ey....!

Parlamentario Ady Thijsen: Situacion Social Economico Financiero Politico 2: Promesanan di Mike Eman

“Violencia domestico, especialmente violencia contra hende muher, ta algo cu ta afecta e nucleo familiar na e peor forma. Mi kier wak cu nos comunidad ta uni pa kibra e taboe aki, y pa pone un paro na e violencia aki contra hende muher y mucha muher".

Parlamentario Evelyn Wever-Croes: Violencia Domestico

"Mi postura pa cu e amienda y su introduccion. Despues di 2 luna y 20 dia cu e tema aki a wordo atendi y cu nos a yega na un consensus riba e amienda aki, mi ta trece mi refleccion padilanti. Despues cu e amienda a wordo aproba, MEP a duna cara na pueblo riba e contenido di e amienda. MEP a carga tur e peso di esaki y a ricibi y wanta e sla di e sentimento di e pueblo cu te cu e dia di awe no ta di acuerdo cu e desicion cu a wordo tuma. Gobierno di AVP sinembargo nunca a duna cara na e pueblo".

Parlamentario Glenbert Croes: Postura Amienda 1

"Kico tawata mi refleccionnan den e 2 luna y 20 dianan cu a pasa desde cu e amienda a wordo aproba?"

Parlamentario Glenbert: Postura Amienda 2

"Como partido nos ta kere den e sacramento di matrimonio manera e ta awor, pero tambe nos ta kere cu mester bin cu un manera pa tur pareha cu ta biba hunto y cu no kier casa, por tin un solucion pa nan situacion. Y nos lo bay traha riba esaki".

Parlamentario Glenberbert Croes: Postura Amienda 3

"Esaki no ta kita cu nos tin e obligacion como pais pa crea un ley pa tur pareha cu ta biba hunto regla nan asuntonan legalmente. Pasobra nos no lo laga un bashi huridico habri pa ningun huez bin cu no ta comprende nos cultura bin impone leynan riba nos".

Parlamentario Glenbert Croes. Postura Amienda 4

Den e dianan aki atrobe nos ta wordo azota pa un ola di criminalidad agresivo na Aruba. Lider di MEP Evelyn Wever-Croes a indica un biaha mas cu e problemanan di nos pais ta serio, pero e solucionnan no ta dificil. Nos por surpasa e problemanan, pero nos mester tin un vision bon cla con pa hasi Aruba mas sigur pa tur cuidadano. Nos mester tin determinacion pa actua cu man duro contra criminalnan, y prepara e leynan necesario cu prioridad. Y finalmente nos mester tin curashi pa caba cu abuso. “Mi ta conbensi cu si nos pone un vision cla nos dilanti, nos mustra determinacion y curashi pa combati criminalidad, nos lo logra, pero no cu e gobierno aki, y sigur no cu Minister Dowers” segun lider di MEP.

Fraccion Di MEP