Mazareeta 3andaha Talent Music المزاريطة عندها تالانت By Amr Ismail

قصيدة #نقطة_بالسالب  (٢٢يناير٢٠٢٢) 

انا يمكن اكبر عيب فيا ضمن عيوبي الكتير، اني مبعرفش احكي او اوصف مشاعري لحد بالشكل الصح و اللي يخليني اتفهم صح 

من ٤ سنين أدركت المشكلة و صدقتها و حاولت احلها لكني بعد ٤ سنين ادركت ان ربنا مبياخدش مننا حاجة الا و يعوضنا قصادها بحاجة تانية تساعدنا و تهون علينا،، 

انا ممتنة لموهبتي البسيطة دي فوق ما اي حد ممكن يتخيل، ممتنة جدا انها هي الوحيدة اللي وقفت جمبي من البداية و لحد دلوقتي،، عمرها ما خذلتني او منعتني اني اعبر او حتى فهمتني غلط او اتخلت،، 

انا ممتنة ل بابا الله يرحمه انه ورثني جين زيادة من ال ١٠٠ جين اللي فيا منه ،، ممتنة لأمي و اخواتي البنات انهم بيسمعوني و بيفهموني 
و انهم الوحيدين اللي في العالم اللي متقبلين اسوأ ما فيا و عمرهم ما حسسوني اني عندي اي مشكلة او عيب،،

ممتنة لكل يوم صعب عيشته و لكل معاناه بسيطة في نظر الآخرين، خليتني اكتب قصايد كل ما اسمعها اصدق نفسي و افهمني اكتر و احس اني استاهل اني اكون اهون شوية على نفسي و اطبطب عليها و احبها اكتر من كدة.. 

انا عمري ما استنيت حاجة من حد و عمري ما استنيت دعم من حد الا و قدمتله اضعاف و ببقى مستنية بس التقدير، و اي حد بيقدرني قيراط بقدره فدان و دة اللي انا عايشة عليه و عمري ما هغيره.

مساويء الآخرين و خذلانهم عمره مرة ما غيرني و خلاني ابطل عطاء او محبة او جدعنة حتى لو من باب (حرص و متخونش) 
انا دايما كنت و هفضل مقتنعة ان الخير اللي بيتقابل بشر و خذلان النهاردة ،، هيجيلك بكرة في الف حاجة و حاجة. 

الحمدلله على كل مُرّ مَر بلُطف الله ولم يُغير لُطف قلوبنا 🤍 

و اخيراً، 
متنساش تسيب رأيك هيفرق معايا جدا 🤍

#ياسمين_محمود

قصيدة نقطة بالسالب | ياسمين محمود ( ٢٢ يناير ٢٠٢٢ )

افيون العلاقات !

youtube.com/watch?v=sLo4hDklO04

ياللي رحلوا - مارسيل خليفة ~ ألبوم أغاني المطر 1977

تجربه الوحدة_محمد محسن

"شريط بيسف" من ألبوم "دور ملعوب" لفريق "قرار إزالة" 
كلمات : محمد السيد
ألحان : ياسين محجوب
توزيع : قرار إزالة
غناء : ياسين محجوب - أحمد حمدي
مدير فني و إداري : محمد نوفل
ميكس و ماستر : نادر حمدي
تسجيل : محمد تمراز
______________________________
Watch it on Youtube : https://goo.gl/x7hs88
______________________________
: كلمات الأغنية
أنا في دوامة الدنيا ب ألف و ألف 
بتتقل خطوتي مرة ومرة تخف 
أغمض عيني و أفتحها كأني بشوف 
أعاند ياما وأتمرد على المألوف
وبطلع ماشي في الآخر على الموصوف 
و أعيد الكرّة وكأني شريط بيسف

أنا في السكة والمشوار ساعات بحتار
ومهما عملت في الآخر أكيد بختار
وعادي بباتها يوم غالب ويوم مغلوب 
وراضي ولا مش راضي دا دور ملعوب
لأني في لعبة الأيام مجرد كام
سنين عمري وإيه ضيعته م الاحلام
وكام آسف وكام شكرا وكام معيش
حاجات تيجي وحاجات متعودة متجيش
لو أجمع كله على بعضه هلاقي مفيش
ومهما أتعلم اللعبة ناقصني علام
______________________________
Buy it on
iTunes : https://goo.gl/x8Q5CC
Amazon:    https://goo.gl/euvp7j
______________________________
Listen to it on
Youtube : goo.gl/DiCM85
Spotify :   https://goo.gl/JsRgmk
Anghami :   https://goo.gl/rGbA5V
Deezer :   https://goo.gl/YV2Cqr
Saavn : https://goo.gl/Q3m57G
Yandex : https://goo.gl/mCvWuv
______________________________
Follow us on
Facebook :  https://facebook.com/QararEzala
Youtube : https://youtube.com/user/QararEzala
Instagram :  https://instagram.com/QararEzala

"Door Mal'oub (Played Role)" Album - Qarar Ezala | ألبوم "دورملعوب" - قرار إزالة

05- Sheret Bysef (Repeated Tape) - Qarar Ezala | شريط بيسف - قرار إزالة

غفير القصر أهم من الملك والقصر والحاشية
بيتغيّر عليه وزرا. . ويتغير عليه دواوين. . وناس قاعدة وناس ماشية
وهو الشاهد الأوحد على الأحداث هو اللى ف إيديه العد.. وهو اللى ف إيديه الحصر
هو مراية التواريخ.. وهو فيلسوف العصر وانت الفارس الخيبان لما الدنيا ضاقت بيك
طلِعت جبان.. هِرِبت ف قطر أحلامك وسِبت البيت.. أميرة القصر ضحكت لك.. رميت اللى ف إيديك وجريت. . يا واد اللى ف إيديك كان نور
أميرة القصر مش أحلى بنات الحور ولا انت الفارس الأوحد ولا الددبان
وسور القصر طول عمره بيتفرج على الفرسان بييجوا كل يوم يتلمّوا برّا الخط
 وعمر ما حد فيهم فكر انه ينُط. . يباتوا زى ما يباتوا. . يهاتوا زى ما يهاتوا
 ويركع تحت رجليها ويوهب عمره وحياته. . وبرضه تقول له مش عايزاك لو حبَّك غفير القصر كان عدَّاك كان ودَّاك لبلكونة الأميرة تشوف
 من جوّا بيبقى اللعب ع المكشوف يعنى حتكدب الكدبة اللى كل الناس بتكدبها. . وتحفظها. . وترسمها. . وتكتبها. . حتقول ان انت اللى اعتليت السور وجعت شهور. . وعمت بحور. . عشان توصل لأحلامك
ساعتها الناس حتمشى وراك وحتأمن على كلامك
وبالنسبة لغفير القصر. . يتغيّر زهقنا خلاص من العواجيز
 نشوف لك شاب وصغير. . عشان يتربى على إيدك
يا فاكر غربتك عيدك. . مفيش فى الغربة غير سهرك. . ولا تغرّكش أنوارها
 دى غربة تقيلة وبخيلة. . حتنهش لحم أيامك وتدّيك خيرها بالتيلة
مفيش فى الغربة يا ابن الغربة غير الزيف
فى وقت السرقة ليه يا اهبل عملت شريف ؟؟ وِرِثت من امك الإخلاص
يا ولد الناظرة مش كل الخدود تتباس بتعافر لوحدك ضد جهل الناس وكره الناس وعايش الغربة بتدور على سندك. . لو حبَّك غفير القصر كان نجدك
 كان عدلك على القبلة وردَّك فى الآيات السهو. . كان عدّاك من السراديب عشان توصل لباب البهو . . وتتملا فى نور الذكر والحضرة كما الدراويش
 مفيش مليم بييجى يا ولدى م السرقة وخيره يعيش
صلاتك باطلة يا ابن الناظرة وصيامك فطور مبتور
 وساعة السيف ما يطلع يا ابنى. . كل الناس حتشهد زور
يا شادد بؤجتك فى إديك على بوارج خلاص بطلت حكاية عقد فى الخارج
حبيبتك مش حتستناك. . لو حبّك غفير القصر كان ادَّاك
 مش كل الكلام يتقال ومش كل الودان تسمع
ولو مجبور على العيبة نصيحة منى تستمتع
غفير القصر مش حيهددك بالسر حتفضل تور فى ساقية غربتك بتدور محلّك سر سنين عمرك حتفرُط تحت عقب الباب وتصحى فجأة فتلاقى ان شعرك شاب  وحتحن لزمان فايت .طعم الفرح مهما بيحلا فى الغربة. طبيخ بايت ووجع الغربة زى الدبش يا واد اللى ماداقش الغربة ما تأدّبش
أنا الهربان من الخولى ومن غفري وانا اللى ببات على عرقى وعلى عفرى. . غريب ومعاه جواز سفرى. . ومش عاجبه
 انا المصرى اللى علّمته بقى بيرفع لى فى حواجبه
أنا المصرى اللى علّم أمتين تقرا
بقيت واقف طابور بالدور عشان اختم ورق هجرة. . غفير القصر لمّا ضحكت ماعجِبهوش لما زعلت ما عجبهوش لما سكت ما عجبهوش
 لما نطقت ما عجبهوش قال لى تجيب لى أوراقك وأحلامك ودمغة 
وحسن سير وسلوك وقبل الكل هات لى لسانك المبرد يقف 
ويقول انا صعلوك ساعتها انا قلت : ماعجبهوش
يا مهاجر وسايب حلمها يدبل صرمت الناقة
لحسن فى الحرام تِحبَل وتُهت ف غربتك والنوم. . قضيت العمر عَد نجوم
دى مش نفس النجوم يا اهبل. . دى مش نفس السنين والعمر
انا عارفك مشيت مغصوب ودايق المر لو بيدى لالمّ لك بيوت الحى والونسة واجيب لك كل أحلامك فى خيط معقود. . عيالك لما بتسافر بيبقى اسمهم ورثة مفيش فلاح حتطرح أرضه عز وهو مش موجود
غفير القصر غرّربنا عقود وعقود. . بقينا مقطوعين الإيد. . ومش ذنبى انى حبيتك عشان ترمينى للمطاريد واعيش العمر بتمنّاكى فى الأحلام
أزورك أسبوعين فى العام. . واشم هواكى فى الأفلام واحوّش نهرك الغالي واقول معلش بكرة ارجع والاقى حبيبتى لابسة لي وطبل وزمر وقرايب وهيصة وزينة بتلالي أتارى العمر بيعدى كلام فى كلام. . يا بياع السنين قل لى أجيبها بكام. .. غفير القصر بيبيع ابتساماته. . وبيوزّع على اللى مصدقين غِشه مابنحسّش فى وقت الغربة مين ماتوا. . ونحسد كل ميت مات على فرشه. . يعدى الموت على غفر القصور بالدور ما يوعظها. . ويرمونا فى ليل الغربة والتشريدة والمنفى ليالى تمر ولا حدّش من النايمين ملاحظها
وابات فى الغربة انا سقعان وغيرى ف بيتى يتدفّى
أنا من الناس لو غضبت بتفلت منها ملافظها
وغضب الغربة شارب دمى ما استرجع ولا استكفى 
ولا انتم حِمل غضب الناس ولا انتم حِمل سيل غيظها
ولا اتعلمتوا من الأيام وم الدوران وم اللفة
 فى الآخر مصيركم تيجيوا نفس الشلة وبتظهر ساعتها الشمس والحق اللى بات ضعفان بيستعفى. . ساعتها ننصب الزفة. . ويرجع مُهرنا الحَرْنان. . وننسى ان احنا كنا زمان بنهجر مصر. . عشان ماعرفش يفهمنا. . غفير القصر

Hisham Elgakh - غفير القصر

اختفاء جعفر المصرى راجح داوود

و مهما يطول المشوار 
و مهما تقسى علينا النار
أنا ماقدرش أكون غيري
و لا بعرف غير مصيري
نار يا نار يا نار 
و في قلبي نار 


فرقة صحرا - نار

فوكس - وتلف بيك السنين - من لقاء قناة صدى البلد

زَي شمس و قمر مَبيتلاقوش ..

سيهبُكَ الله من يأتي ويُنسيكَ كلَّ من تركُوكَ ورحلُوا ..

افيون العلاقات !

Merna Ashraf

Recent comments

Algamel Algamel

Algamel Algamel

abood

Ahmed

Related tracks