ربنا يفرح قلبك وانا كمان

شعر

كلمات : محمد إبراهيم

آداء : رباب محمد
https://www.facebook.com/roroo.lodaa

انا البنت اللى مرتبطتش
بعيل توتو فـ الجامعه
وقالو دى ماشيه تتنّك
وطالعه فيها بزياده
ولو جه واد يقول حاجه
تقول عيد تانى مش سامعه
ولو تهته عليه تضحك
وفـ الآخر تقول خلصت يا حماده ؟!
وعايشه حياتها مرتاحه
بعيد عن اى اى بعاد
وواثقه فـ نفسها جدا
مبتكلمش اى ولاد
وييجى واد ويتتلكك
ويحجز كرسى جمبيها
ويعمل فيها واد طيب وبرده خجول
وييجى الحيله فـ الآخر
ويطلب منّها الكشكول
وهيا فـ سرّها فاهمه
وتتحجج عشان يمشى
ويجى بعده واد تانى
يقول معجب ومبنامشى
وهيا لا هيا فرفوره .. ولا غاويه
كلام تيمو
دى بنت مخلّصه جدا ومـ الآخر
على قديمه
لا ناقصه واد يقول مشتاق
ويعمل فيها جامد بس
وشايف نفسه سى السيد
ويتحكم فـ فعل ولبس
كإن الواد خلاص يعنى
مفيش منه
وعامل فيها ميت راجل
انا اللى يحبنى لازم يكون عاقل
يجيلى لحد باب البيت
ساعتها هقول يا ميت اهلا
انا موافقه وكمان حبيت
ده دول اصلا عيال فافى وبتجلجل
عشان انا فاهمه مـ الأول
انا البنت اللى مرتبطتش
وقضّت وقتها سينجل

أنا البنت اللي مرتبطتش - محمد إبراهيم - رباب محمد

‎⁨ماجدة الرومي   طوق الياسمين⁩

افيون العلاقات !

تمانية - أحمد الطحان - إلقاء يوسف مراد منير

كلمات وإلقاء : محمود حسن

* * *

كنتى عايشه
وكنت عايـش 
كل واحد عادى وحده
قولتى ما نجرب نقرَّب ! ..
قولت ماشى وزى بعضه
خدت قلبك ، خدتى روحى
عمرى مره ما قولت روحى
عمر قلبي ما شَك لحظه ..
جَرحُه يجى م الى ساعده ! 
عـدَّت الأيام وسيبتى
شمسى غابت لما غيبتى
وإنتهى دورى فـ حياتك 
صِرت شئ من ماضى فاتِك
قلبي لَـمـلِـمْ ذكرياتك 
ويا كام كلمة حبيبتى
وإتفَقت معاه : هينسى .. 
وإنه لو شافِـك هيقسى ..
مش هيظهِر أى حاجه ..
وان جيتيله حتى إنتى
 
" كل ده كان كدب ، لكن 
حُبهـا كان فـيَّا ساكن 
شوفتها فـ كل الأماكن
حتى لو بصيت فصورتى 
حتى لو ضلمت أوضتى / تِترِسِم ع الحيط خيال
عمرها ما فارقتلى بال
بُعدى عنها كان مُحال
والنتيجه : خِسِرت راحتى "

لَفِت الأيام ورجعت
تِحلِف إنها بَعدِى تِعبِت
وإنها لكلامى سمعت ..
وإنها محتاجه حضنى !
- خايفه لا الأيام تاخدنى ..
منها هى لـواحـده تـانيه -
قلبي .. 
- وان كان نِفسه يرجع -
بس مَترَدِدش ثانيه
سيبتها ومشيـت وعينى
ع الى عَدَّى من سنينى
من بداية " إوعدينى "
لـما قلبي منها قَـرَّب
مفتكـرتـش لحظه إنى
لو هشوفها وهتقابلنى
قلبي هيبص لبعيد ..
وإنه منها فيوم هيهرب ! 

كل ده علشان وافِـقـت ..
لما قولت لنفسى "جَـرَّب" 


محمود حسن - حب من طرف ساذج

Singing, Guitars & Composing : Mahmoud Badrawy
www.facebook.com/Mahmoud.Badrawy.official

The Other Voice : Injy Badrawy
www.facebook.com/anoojz

Lyrics : Mahmoud Radwan
www.facebook.com/Mahmoud-Radwan-46550660403

Music Production : Mohamed Nassef
facebook.com/Mohamed.Nassef.composer

Recorded, Mixed And Mastered : At Eleven Studio
www.facebook.com/Studio11Eleven
By LeftyM @leftym 

 حافي وحُر صافي ومر 
وعمر ماكان في القلب شيئ 
إلا العسل 
والعسل بيسُر
أبيع وأشتري 
وأسيب وأفتري 
ومش فارق معايا أى شيئ 
الا إنتي ياحبيبة العُمر 

حبيبتي مهما طال بيا البعاد 
أنا ع المعاد وراجع بس تستني 
ووعد ماتبعديش عني 
وأنا علشان عنيكي السمرة 
حالف إن أنا أغني
مهما كان في الحلق مُر 
 
أنا الأسمر 
إللي عمر النيل ماغير كلمته وياه
وشالك جوا قلبه دفاه
في ليل البرد لف عشانك الدنيا 
فلو ثانية أمانة متخرجيش براه
ولادنية هواكى تغُر
حافي وحر

محمود بدراوي-حافي و حُر

ديسمبر للوحده

عن حدوته الحب الأول .. اللى عمرها ما خلصت بالجواز .. و عن الصدفه اللى بتجمعنا بناس كنا ما صدقنا نسيناهم 


_________________________________________________________

كان يوم عادي

سبتها من ست سنين فاتو ..	
_دلوقتى انا متجوّز غيرها _ 

مبحسش ناحيتها بحاجه 
مع ذلك و الله فاكرها 
ده لإن الجرح اللى يعلم 
عمره ما بيروح ..

مشهد متعاد .. 
بصيت لمراتى و قولتلها 
" بابك مفتوح "

فتحت بابها و قفلته تانى
بس يا سيدى  
مسكت إيدى .. و قالتلى 
هنسهر فين طيب ؟!
" ودينا مكان يبقى قريب "
علشان الزحمه وضيق الوقت 
و عشان مش حابه ان انت تسوق
شكلك مخنوق ..
رديت " أبدا " .. مضغوط 
و الشغل مهوش ماشى ..
ردت ماشى .. 
ودينا كافيه نشرب حاجه 
محتاجه أحس ان انا جنبك 
_ انا نايمه إمبارح زعلانه _
جه الوقت تكفر عن ذنبك 
قولتلها خلاص قلبك أبيض 
فـ قالتلى لا أبيض ولا ألوان 
ودينى مكان ..
 ويكون هادى 
ولحد الآن اليوم " عادى "
و مكانش فـ بالى انه هيقلب 
بحنين و بشوق ..
نازلين بهدوء 
و لقيتها قصادى معديه ..
معقوله بجد تكون هى ؟!!!!

معقوله الست سنين عدوا 
وبقينا بعاد 
" مشهد متعاد " 

و انا قاعد باصص لمراتى ..
_مزيكا حزينه بصوت واطى _
تقتحم المشهد و انا سارح 
و الوقت بيرجع ست سنين 
و كأنى مودعها إمبارح 
قاعد فـ كافيه و فـ إيدى كتاب ..
تدخل مـ الباب 
و فـ إيديها إكياس فيها هدايا ..
و حاجات انا كنت جايبهالها 
_ الشك بيكبر جوايا _
مستنى تقرب و أسألها 
فـ تقرب   و انا دقات قلبى 
عماله تزيد ..
الشك بيتحول تأكيد 
و بتسحب روحى مع الكرسى 
و بتقعد و تكلم عينى 
بنظرات مقدرتش أحللها 
و بتمسك ايدى و تفتحها 
و تحط الدبله و تقفلها  
و تعيد فـ كلام معناه مفهوم 
و تقول " معلش  انا لازم أقوم "
و المشهد يقلب تراجيديا 
وسواد متغلف بكوميديا 
ودراما فـ فيلم إسمه الدنيا
وده حالنا وحال كل العايشين 
 الحب اللى بيكبر فـ سنين 
يتهد فـ جزء من الثانيه 
ومحدش عارف ايه الأسباب 
 ومحدش عارف مين مسؤل 
يقطع سرحانى سؤال ..
بيقول ..
مالك يا حبيبى سرحت فـ إيه ؟!
_ أبدا يا حبيبتى انا مش سرحان _
انا بس فصلت عشان تعبان 
و أتنهد و انا ماسك إيدها 
و أوعدها انى أفضل أسعدها
و أضحك و أسأل بتحبينى ؟!
فترد تقول " طبعا يعنى "
مع انك بتطلع عينى 
وبسببك قلبى بيوجعنى 
 
" نكديه بطبعك هعمل ايه "
و مشاكلك فـ الغالب تافهه
فتقولى اسم الله و نتعاير  
و أطلع مـ العلبه سيجاره
فتمد اديها و تخطفها 
و تقولى بلاش شرب سجاير
عارف ؟! .. 
انا عمرى ما حسيت بأمومتى ..
غير و قت ما حبيتك جدا 
من قبل ما نتجوز حتى ..
بدعيلك و الفجر بيدن 
و كأنك إبنى اللى انا بنته 
ومسنوده عليه .. وماسكاه 
فـ إيدى ..
كل الموضوع ان انا عايزه 
أتدلع و أتحب يا سيدى 
حقك .. و الله انا حبيتك 
حسيت انك فعلا بنتى 
مع انى مكنتش متخيل 
اللى أتجوزها تكون انتى 
ده لأن انا و انتى زمان كنا 
إتنين إصحاب يدوا نصايح 
يا بنمسك دايما فـ خناق بعض
يا بنمسك على بعض فضايح
ومكانش فـ بالى ان قلوبنا 
مشاعرها فـ لحظه هتتحول 
و أكتشف ان انا بعد ده كله 
حبيتك انتى من الأول  
أيوه الواقع عمره ما كان 
يشبه للأفلام يا جماعه |
لو دققنا فـ كل الناس 
هنشوف كل الناس متباعه 
واحد سايب واحده وواحده 
سايبه فـ واحد سايب غيرها 
آه الأحاسيس فـ الأول حلوه 
بس وجعها يبان فـ آخرها 
الجارح بكره هيتجرح 
و المجروح ده مسيره يخف
كلنا أدوارنا بتتبدل 
طول مالأيام دايره تلف


كان يوم عادى _  محمد ابراهيم

لأنك معايا

تجربه الوحدة_محمد محسن

اية عبدالله - واحشني

اغـنيه انا لسه هنا مي كساب 2019

Mhrgnat.com | ABKR .. 01066855595

محمد منير - شبابيك 1981 جودة عالية

و مهما يطول المشوار 
و مهما تقسى علينا النار
أنا ماقدرش أكون غيري
و لا بعرف غير مصيري
نار يا نار يا نار 
و في قلبي نار 


فرقة صحرا - نار

لقد صنع المزيج من ..
- مكالمة هند صبري في فيلم هيليوبلس.
- هاني عادل هحكي عنك.
- فيروز حبوا بعضن.
- دينا الوديدي تدور وترجع.
- حازم ايهاب قالي الوداع(cover).
- جوليا بطرس خلاص انتهينا.
- أم كلثوم كان لك معايا من أغنية أنساك
- مسار إجبارينهايات الحكاوي.
- متحلمشي مدحت صالح من فيلم زكي شان.

افتَرَقنَا  - مزج

سيهبُكَ الله من يأتي ويُنسيكَ كلَّ من تركُوكَ ورحلُوا ..

افيون العلاقات !

Merna Ashraf

Recent comments

Algamel Algamel

Algamel Algamel

abood

Ahmed

Related tracks