الله المستعان على اللي جاي

جميل جدأإ كلامكـ و صح دة اللى بيحصل بس الناس الغلابة مش بـأإديهاا حـأجة للاسف :/

جميل اووي كلامك ^^ ..بس المشكله ان اللي بيعمل حاجه صح فـ البلد دي ..بيكون بيعمل حاجه غريبه ..محدش هيجيب حق حد عشاان محدش بيخاف ع حد :\

احنا بننسى و اللى مات زى اللى بيموت زى اللى حيموت

المفضله

قبل نهاية الشتا

كتابة وأداء صوتي: سماح هشام
الموسيقى الخلفية: فاضي شوية - ليث سليمان
شوفوا الفيديو كامل من هنا:
https://facebook.com/Samahhesham2/videos/292459758957820/

صاحبي الوحيد ج2 - VoiceNote

كلمات : @ZeinaCoutry
أداء صوتي: @ZeinaCoutry

إعداد: عبدالله نوفل

الكلمات:

علموني في ابتداءي
 يعني ايه كلمة "وطن"
 يعني حب فيه ألاقي
 يعني برضه يوم سكاتي 
اصحى الاقي حلمي عايش
 مش ورقة وحبر بايش 
وفي يوم وليلة بيتدفن 

قلت آه وآلف اه 
على حلمي اللي تاه 
ووطني اللي انكسر
 آه لو فاكرينها حياه 
ومش بندفع التمن
 آه على اللي كان 
واه على اللي خان 
آه على اللي راح
 واخص على اللي هان.. 

يا دم سايل بين ضلوع 
فين القصاص؟ 
يا طير واقف على الفروع
 اوعى الرصاص..

 يا حزن عشش في الوطن
 حالف ما يمشي!
 كل حلم فيه اتدفن 
والظالم..متحاسبشي

 يا جرح بينزف على العلم
مزادش غير الاحمر
بيدور عللي يداوي ألم
 عمال يزيد اكتر واكتر

 يا ترى فكرة انا مين؟ 
انا كلمة اتمسحت من كتبك 
علشان متعادة 
انا كنت زمان بقعد علقهوة 
واطلبها زيادة

انا كلمة اتحدفت من الجملة
علشان من الاول مش فارقة
انا عيل دايخ على لقمة
في بلد اصلاً مش فايقة

انا شباك مش طايق يفتح
في عز الشمس ماهي قايدة
انا نفس الكلمة اللي أتحدفت
علشان فعلاً ملهاش فايدة..

 ده انا اللي الرعب 
ملا ضلوع جسمي
 واتكتب بالدم!!
 على الحيطان اسمي
 
انا اللي اتقتل
 وانا اللي..اتسحل
 انا اللي نبض قلبي 
رسملكوا الأمل.
. 
انا اللي اتقال عليا شهيد 
واتحطتلي كام صورة 
مفيش يومين واتغيرت
 والذكرى بقت مهجورة.. 

بس اللي مطمني 
انك موجودة 
واللي معذبني
 انك مهدودة
 لسَاني أمل
 كلي أمل 
ترجعي من جديد
 قلبك جامد 
بس طيب
 من حديد
بس ابيض

خلي بالكوا من بلدنا 
واوعوا فيكوا حد يمشي
 خلي بالكوا من ولادنا 
ده الامل عايش مماتشي

#زينة_قطري

حبر بايش..

Music for John debney 
Official page ...
https://www.facebook.com/RawyAziz.2

Live Video 
https://www.youtube.com/watch?v=f3H4DFcMNC4

هو انتي ليه ديماً كده ...
زهقانة ومعقدة ..
ومش مدية فرصة ..
أكتبك قصايد ....
هو انتي ليه ديماً كده قلبك بارد ...
ليه وقت الشتا ...
بتسيبي قلبي يسقع ..
وإيديا وحيدة ...
هو انتي ليه ديماً بعيدة ...
وسايبة حاجة ..
منك حوليا ..
هو إنتي ليه بتحلوي كل شوية ...
وكل لُقا بينا ليه
بقصيدة ..
هو انتي ليه ديماً بعيدة ....
رغم قربك ...
أكن قلبك 
بنت في إبتدائي ..
بتنكسف تلقائي ...
من زميلها ...
حتى بحبك .. 
لما قالها ..
مافهمتيش ...
وكملتي كسوف ...
ولجل ظروف الطفولة
 والمعيّلة ...
قلب كلامه هزار ...
معيار البرائة 
جعلك تحبي بدون كلام ...
جعل حبك مجاز ...
قلبي الإزاز ..
حاسبي عليه لا تكسريه ...
وحسبي لا يجرحك ...
لو جيتي في يوم عليه ...
هو إنتي ليه 
قلبك مضفر وجع ...
وذكريات صور قديمة 
وأنا جنبك ...
ياست الكل 
قلبك ..
أنا أوّلى بيه ...
رتبي رفوفه ...
وإكنسي قديمك ...
وسكنيني فيه ....

#راوي_عزيز

هو إنتي ليه ديماً كده - راوي عزيز - من ديوان رُكام

فاكرين ؟!

كلمات واداء : الشاعر محمد عبد العال
(www.facebook.com/77Melsayed)

هندسة صوتية : أحمد مسعد عدلي
(www.facebook.com/anaahmedmosad)

موسيقى : عمر خيرت - آسف ايها القانون

~*~*~*~*~*~*~*~*~*~*~*~*~
  كان ليا أصحاب

كَان لِيا اصحاب لَكن ملّوا
م العِشرة أو يمكِن مِني
كان لِيا صَديق كِتفه فـ كِتفي
بقَى نَادِر لَو يسأل عَنِّي
كان لِيا اصحاب فــ فَرِيق كُورة
لَكن شالوا اسمي عَشان مَبشوفش 
يِمكن مِن غير النَضَّارة
أنا كُنت عِرفت اباصي مَشُوطش
أو يِمكن لو كُنت بذَاكِر
و بَجيب تَقدِير و بصَلي الفَرض
مِين فِيكم يِرضى إنه يصَاحِب
واحِد مِن أسوأ أهْل الأرض !
كان لِيا اصحاب وَقت ما اهزَّر
الاقِيهم أقرب مِن نَفسي
و كَعادة الأشياء يُوم مَا اسكت
ف الرُكن الضَلمة بَكون مَنسِي
كان لِيا دُموع كُنت شَايلها
لو جَالي الغَدْر مِن الأغراب
و نزفت الدَمْع و كَان سَببه
غُرب لكن كنَّا فــ يُوم أصحَاب
كان لِينا حَكاوي و غَناوي
مِشيوا و نِسيُوها فــ جُيوبهم
قربوا و شَافُوني عَلى عُيوبي
عِرفُوها لكن نِسيوا عُيوبهم
ياما قُلت أوعدوا إنكوا تِبقُوا
و إن الأيَّام و المُوت أضْعف
صَدقتوا غُروركم و وعدتوا
لكن كالعَادة الدُنيا أحرَف
و طَبيعِة اللعب فــ عَرض البَحر
إن الحُوت أكبَّر م البَاقي
خُفتوا ليبلَعُكُم فتَركتُوا
يُونِس فــ الضَلمَة وَحِيد باقِي
و أنا أصْلا حَبيت الضَلمة
عَلشان كَات مَلجا لدمُوعي
و كمان كات مَرسم تَقلِيدي
بَرسِمكُم فِيه لِسه بتُوعي
فــ إيديكُوا الشَاهدة عَلى سَلامِي
أنا سِبت أواخِر نُقط الوِد
المُوت بالسِيف لَو مِش حَامِي
يشبه تجَاهُلنا لبَعْض بجد
كان لِيا أصحَاب علموا فِيا
و اختاروا يُكُونوا في صَف الغُرب
فبقيت مَع كُل النَاس دَايمَاً
سَايب في ما بينا أبعَد قُرب
كان لِيا اصحاب اسْم و صُورة
ناقصِين أرواح تِسنِد رُوحي
يا بَقايا القَلب المَكسُورة
بطَّلي تُلومِيهم و تنُوحِي
كان ليا اصحاب و اصحَاب يَاما
سَابوا فِيا كِتير قَبْل مَا يِمشُوا
مِين أصْلا عَاقِل هيصَاحِب
طُول عُمْره بَواقِي البِليَاتشُو !

 



كان ليا اصحاب - محمد عبدالعال I Mohamed Abdelaal - Kan leya as7ab

مُهلـه لآخـر الشهـر ..!

كان يوم عادي

سبتها من ست سنين فاتو ..	
_دلوقتى انا متجوّز غيرها _

مبحسش ناحيتها بحاجه 
مع ذلك و الله فاكرها 
ده لإن الجرح اللى يعلم 
عمره ما بيروح ..

مشهد متعاد .. 
بصيت لمراتى و قولتلها 
" بابك مفتوح "

فتحت بابها و قفلته تانى
بس يا سيدى 
مسكت إيدى .. و قالتلى 
هنسهر فين طيب ؟!
" ودينا مكان يبقى قريب "
علشان الزحمه وضيق الوقت 
و عشان مش حابه ان انت تسوق
شكلك مخنوق ..
رديت " أبدا " .. مضغوط 
و الشغل مهوش ماشى ..
ردت ماشى .. 
ودينا كافيه نشرب حاجه 
محتاجه أحس ان انا جنبك 
_ انا نايمه إمبارح زعلانه _
جه الوقت تكفر عن ذنبك 
قولتلها خلاص قلبك أبيض 
فـ قالتلى لا أبيض ولا ألوان 
ودينى مكان ..
ويكون هادى 
ولحد الآن اليوم " عادى "
و مكانش فـ بالى انه هيقلب 
بحنين و بشوق ..
نازلين بهدوء 
و لقيتها قصادى معديه ..
معقوله بجد تكون هى ؟!!!!

معقوله الست سنين عدوا 
وبقينا بعاد 
" مشهد متعاد "

و انا قاعد باصص لمراتى ..
_مزيكا حزينه بصوت واطى _
تقتحم المشهد و انا سارح 
و الوقت بيرجع ست سنين 
و كأنى مودعها إمبارح 
قاعد فـ كافيه و فـ إيدى كتاب ..
تدخل مـ الباب 
و فـ إيديها إكياس فيها هدايا ..
و حاجات انا كنت جايبهالها 
_ الشك بيكبر جوايا _
مستنى تقرب و أسألها 
فـ تقرب و انا دقات قلبى 
عماله تزيد ..
الشك بيتحول تأكيد 
و بتسحب روحى مع الكرسى 
و بتقعد و تكلم عينى 
بنظرات مقدرتش أحللها 
و بتمسك ايدى و تفتحها 
و تحط الدبله و تقفلها 
و تعيد فـ كلام معناه مفهوم 
و تقول " معلش انا لازم أقوم "
و المشهد يقلب تراجيديا 
وسواد متغلف بكوميديا 
ودراما فـ فيلم إسمه الدنيا
وده حالنا وحال كل العايشين 
الحب اللى بيكبر فـ سنين 
يتهد فـ جزء من الثانيه 
ومحدش عارف ايه الأسباب 
ومحدش عارف مين مسؤل 
يقطع سرحانى سؤال ..
بيقول ..
مالك يا حبيبى سرحت فـ إيه ؟!
_ أبدا يا حبيبتى انا مش سرحان _
انا بس فصلت عشان تعبان 
و أتنهد و انا ماسك إيدها 
و أوعدها انى أفضل أسعدها
و أضحك و أسأل بتحبينى ؟!
فترد تقول " طبعا يعنى "
مع انك بتطلع عينى 
وبسببك قلبى بيوجعنى

" نكديه بطبعك هعمل ايه "
و مشاكلك فـ الغالب تافهه
فتقولى اسم الله و نتعاير 
و أطلع مـ العلبه سيجاره
فتمد اديها و تخطفها 
و تقولى بلاش شرب سجاير
عارف ؟! .. 
انا عمرى ما حسيت بأمومتى ..
غير و قت ما حبيتك جدا 
من قبل ما نتجوز حتى ..
بدعيلك و الفجر بيدن 
و كأنك إبنى اللى انا بنته 
ومسنوده عليه .. وماسكاه 
فـ إيدى ..
كل الموضوع ان انا عايزه 
أتدلع و أتحب يا سيدى 
حقك .. و الله انا حبيتك 
حسيت انك فعلا بنتى 
مع انى مكنتش متخيل 
اللى أتجوزها تكون انتى 
ده لأن انا و انتى زمان كنا 
إتنين إصحاب يدوا نصايح 
يا بنمسك دايما فـ خناق بعض
يا بنمسك على بعض فضايح
ومكانش فـ بالى ان قلوبنا 
مشاعرها فـ لحظه هتتحول 
و أكتشف ان انا بعد ده كله 
حبيتك انتى من الأول 
أيوه الواقع عمره ما كان 
يشبه للأفلام يا جماعه |
لو دققنا فـ كل الناس 
هنشوف كل الناس متباعه 
واحد سايب واحده وواحده 
سايبه فـ واحد سايب غيرها 
آه الأحاسيس فـ الأول حلوه 
بس وجعها يبان فـ آخرها 
الجارح بكره هيتجرح 
و المجروح ده مسيره يخف
كلنا أدوارنا بتتبدل 
طول مالأيام دايره تلف 

كان يوم عادى محمد ابراهيم

www.facebook.com/Marwanatef20
instagram:Marwan_atef
snapchat:marwan_atef
twitter:Marwan_3atef
youtube.com/marwanatefvo

مروان عاطف - امي

مبدئيا النص خارج من طلوع الروح
من جروح متخربشه بضيقة النفس 
واحاسيس كتير يصعب عليا وصفها دلوقت
كان الوقت .. 2 بليل الوقت حزين والقلب عليل
وعقارب الساعه .. بتدلع وتسمّع دقاتها ف نبضي
وانا ايدي بترفع تليفونها  وترن عليه ..
نبضاتي تزيد .. طيب اهدي
غيرانه عليه ؟؟ مش من حقك
غلطانه ومين اصلا زقك علي فُرقه وبعد
مش كنتوا لبعض ؟؟
رد بكل جفا وبرود وشعاع تسخييف  بيسيطر دايما ع المشهد
تكثييف المشهد تفاصيله
سجاد الارض كان يشهد علي رعشة ايدها و اطرافها
كان يبعد كات هي تجيله 
ايه يعني الدنيا بتزلزل وفتات احلامكوا مطر ع الارض
ايه يعني الفرحه بتتكسر والدمعه بتنزل تتحسر
علي عيل اتوفي ف رحمي من قبل ما ايدك تلمسني
مخنوق بالعند
ماسكين ف خناقنا وسايبينه 
سكينه بينحر ف جنينا  ف يقع بهتان
نتجاهل الكارثه ونتساهل ف نقف ونكمل تلوينه
فً يموت ندمان
كان ذنب الحب انه اختارنا 
اتنين عشاق
اتنين بغبااااء علقوا الفاضل من روحهم ف مهب الريح
مستني ايه بعد الغربه غير كوم تجريح
علي كام تخبيط  علي كام تفنيطه  لمشاعرنا
بنراهن بعض علي القوه ف بنخسر ضعف ونخسرنا
هنزايد علي بعض لأمتي 
ولأمتي هنفضل نرمي ضلوعنا 
ف ناس ماشيين
الناس خاينين هيخونوا اللمسه وانفاسنا
وهيجروا يتاجروا ب احساسنا  ف احضان تانيين
متقولش بأن الحب قرار
او انك بطلت تحس
عقاب ع النفس
 انك تنكر لحظات  الشغف اللي ف روحك لما بتتكاسل تقابلها
تقبلها لغيرك يلمسها
تقبلها يكون حد حاسسها
بيطمن خوفها ومخاوفها
وشايفها ... 
طب لحظه وقبل اما اكمل روح لملم منك شفايفها
روح افصل عطرها من حضنك 
واستر لحظات العري اللي ما بينكوا اذا كان روحاني او جسدي
عدي علي قلبي بكام مشرط يمكن ترتاح
لو كنت قفلتك علي قلبي
ادي المفتاح 
نتعذب انا وانت شويه
وهننزف شوق ولوم وفتور 
بمرور الوقت وقراراته
هيلف الدور وحاجات جوانا هتتبعتر
مش هعرف المك من تاني
ولا هعرف الومك من تاني
لو كنت انا بفضل دلوقتي 
ف مسيري هغيب
وهسيب الحلم لناس غيري
تقديري وشوقي اكيد اقوي
من نظرة غضبك ف عنيا
حبيتك حب ميضعفنيش
ولا انك تستقوي عليا
ولا انك تهرب من نفسك
تهرب من حضني وجناته
وتدوق النار
حبيتك حب ميدبحنيش بالحنيه
ويتسمي قرار
لو كان الحب بجد قرار
كنت اتأخرت اما قابلتك
وظبطت الساعه علي مكالمه واتنين ف اليوم
ويغلبني النوم قبل اما اصارحك
او اعاقب قلبي اللي طرحلك
بساتين الوان 
كنت امنع عيني اما تشوفك تضحك بجنان
كنت امنع نفسي اما سابتلك كل ما فيها بدون عنوان
كنت احرم الطفله ف روحي من اول مره تشوفك
اب 
لو كان الحب وتبطيله عندك ب قرار
كنت امنع نفسي قبل ما احب

القرار .. " رؤي الدمرداش "

جرس إنذار - محمد الكافوري - هندسة صوتية: محمد صالح (تيكو)

عبدالرحمن حجاج
تغريد حسن

اليوم التاني

وش السعد - أحمد فوزي 

كلمات : ابراهيم فرج
Lyrics: ibrahem farag
الحان : احمد فوزي 
Composer : ahmed fawzy
توزيع : احمد مجدي
Arranger : ahmed magdy 
كمان : زياد ياسر 
Violin : ziad yasser
جيتار : اندرو ماهر
Guitar : andrew maher
ميكس وماستر : نور عباس  
Mix and master : nour abbas

Voice over : Emmi

Studio vibe / islam refaat

كلمات الأغنية :

بحبك .. ثم اما بعد 
يا كل الخير يا وش السعد 
رهاني وخدته م الدنيا 
واول واحده توفي بوعد .. 

دي تاهت مني ولقيتها 
خلاص مبقتش متحير 
حياتي معاكي حبيتها .. 
بقيت احسن وبتغير ..
قعدتي ف قلبي ربعتي .. 
بقيتي ملكي وبتاعتي .. 
وقلبي كان خلاص عجز 
وحضنك رجعه صغير 

بحبك ثم لينا الحق .. 
نغير معني كلمة لأ .. 
انا قلبي اللي عاش ساكت 
يادوب بص ف عيونك دق

دي تاهت مني ولقيتها 
خلاص مبقتش متحير 
حياتي معاكي حبيتها .. 
بقيت احسن وبتغير ..
قعدتي ف قلبي ربعتي .. 
بقيتي ملكي وبتاعتي .. 
وقلبي كان خلاص عجز 
وحضنك رجعه صغير
#وش_السعد

Ahmed Fawzy - Wesh El Sa3d ||| احمد فوزي - وش السعد HQ

فى اختلافنا رحمة !! غناء الجوكر و عبدلله الحسيني

سيهبُكَ الله من يأتي ويُنسيكَ كلَّ من تركُوكَ ورحلُوا ..

فاكرين ؟!

Merna Ashraf

Recent comments

Yasser Aziuzz

Mahmoud Moh

TatOo ✪

Kareem Sameer 9

Related tracks