جو

الجوكر تطلب اما تطلب

Music Production: GELBA
Mix by: Sherif Magdi
Master By: Dan Suter
Special Thanks: Amr Hassan

الكلمات:
انا واحمد والجوكر لينا الشرف
شخصياتنا ليها معنى وليها غرض
مش بنرايم اسم وكلمة .. ده مش فرح
شخصياتك زي بعض زي الخرة

وإن جيت ع الجد و ع الجدون، ف انت عملت الهبد لون
إفضل قدم حاجة واقعة تغفل يوسف في الشابوة
زميلي ب الحي ارميكوا من فوق
أرض الحي بتاعنا شوك
بنطق حي يجيلي فوج
هل منكوا حي ضد الموت!

متمسكش زي الهوا
فوق ده احنا دافنينه سوا
انت شوفت ناس بتعمل عوء ... مش بتعمل عوء
تزيف التاريخ، ويجيك العوج .. انا أديك الدوا
لما الراب وراكوا الورق الأخضر كان في جيبي استوى

الخط بعيد .. اما أرجع أشوف يكونوا عطلوا
لو بتنافس كان كتير من جيلي فضلوا
ييجي يشوط .. أصفر .. يسأل ليه باصيتله!
تطلب أما تطلب أغيب وأقوم ناطتله


بين الواقع والخيال في خط .. شده
لو في وعيه كان لعب مع اللي قده
صعب تفهم العبيط يقف ده حده
لو نضيف كانوا العيال خدوه أما عدوا

زميلي الدار أمان ولو بيكم متحاطة
لينا نظرة .. وانتوا مش عيال حطاطة
دلوقتي بيس! انتوا فاكريننا بتوع بطاطا!
منتراضاش لو جبتوا مين عشان نتراضى

كل دول من وحي الفركة
أقزام مفيش عمالقة
الأفرنجي مسمعوش، ومش شايف عرب وأفارقة
لو للراب نوبل أرفضها زي سارتر
كلام كبير كإنه على بفرة بماركر

تقول إعلان وشركة .. شكلك ايه أما ده يتنفي!
تجيبلي شركة وانت تحت لوجو محطهوش لو حفي!!
انا لو مقلق كان ال pause يكون موقفي!
انت دخان أسيبك تطلع فتختفي

وانت عارف سعر إسائتي
لما أحب باخده نقدي
واحدة من بتوع زمان .. على بيتات دلوقتي
عقلك مهوي
بتاع محتوى لا يحتوي
انت حاطط سقف ضحك عالي أوي

بين الواقع والخيال في خط .. شده
لو في وعيه كان لعب مع اللي قده
صعب تفهم العبيط يقف ده حده
لو نضيف كانوا العيال خدوه أما عدوا

خوفت تخلص الأسامي منه يعيط
حفرت في قورة الكاريير رقم .. وإتسيط
معادتش إيد القنصل ثابتة عشان تخيط
كل اللي ع الحيطان ده زفت .. بيض

وإنزل م المكانة؛ عشان الأرض مش شايلانا
إركب رمسيس .. هناك هتلاقي العيب عدانا
محدش شايف حد زي ما نكون في حانة
ع الناهية ولا أشخاص ولا تراكات عاجبانا

متقوليش مين اللي إتعرف
متجيليش إلا من طرف
لعبي لوحده معاكوا شرف
زي أبو مكة لما إحترف

منتساواش .. مدير أعمالك نفسه إعترف
قال ع الأوديو قرف، بس الفيديو صرف

سين في غيبتي شم نفسه .. جيت في منتصف كاريره
رجعوا كل shortcut خدوها .. رجعوا زيرو

إفتكرني زيه بقول هجيله ومش هجيله
أما باشا نزلت باشا بل سريره

بين الواقع والخيال في خط .. شده
لو في وعيه كان لعب مع اللي قده
صعب تفهم العبيط يقف ده حده
لو نضيف كانوا العيال خدوه أما عدوا

مهما تعلوا بنبقى فوقكوا زي الغطا
تولعوها تستهلككوا زي الحطب
كل الهد ده في كاريركوا وقت الفضا
مهما بمشي باجي تاني زي المطر

ده لا انت كين، ولا انت دون
كاشف كله بالدرون
متمثلوش علينا .. احنا مش مسرح البالون
مينفعش م المكسيك تكون
تكسف الزمالك! .. قول
بشركة ياسطى زي بدون
عدد .. ملكش بووم

وسط إرباع .. النص برم
كلها حساباتها فرم
الحفلة لما تخلص اللي هيفضل الدكره
زميلي انتوا نايمين في حقل الدرة .. والأشباح في طرة
بالخميرة وجاي ع المكسيك أحط كاش في طرح

أبطال شتموه أما كان في ضهري إتأسفتله
نطط عليا في غيبتي عيال، وقدما بطلوا
تشوفني نازل دب دب تقول فضيتله
تطلب اما تطلب ... أغيب وأقوم حاطتله

TOTLOB AMA TOTLOB

EL JOKER - TOTLOB AMA TOTLOB | الجوكر - تطلب أما تطلب

الجوكر- ساعه التجلي

FL EX - MESAMA3EEN FT. _Husayn- (Official Music Video) _ فليكس - مسمعين مع حُسَين(MP3_160K).mp3

EL Waili Mnml with @DoniaWaelll // الوايلي منمل مع دنيا وائل

Follow El Joker on:
Facebook: https://www.facebook.com/eljokermusic
Twitter: https://twitter.com/eljokermusic
Instagram: https://www.instagram.com/eljoker_music
----------------------------
Lyrics | كلمات الاغنية

عاجل حالة من الجنون
 أيها المواطنون
جنايني من أصول مصرية 
قال في تل أبيب شالوم
هل القبة الحديد حديد؟ 
هل القبة الحديد هتدوم؟ 

سؤال في نفس كل صهيوني 
عنده تروما من الخرطوم
وفي لقاء مع الجنود على الحدود
نفوا الحدود
من النهر للنهر 
وسريعا تدخل رجل مسؤول

وقال يا ولاد 
بلاش نلقح على مصر بالذات
ده السادات 
رجع بابا وعمو ببجامات
أما عن الدين حصل Gap 
بس لينا ضهر 

صرح مسؤول أمريكي
 ما بين الخيرين حساب …قه قه
أما عن الشأن الداخلي
فيه آراء إننا في أزمة

ونتنياهو قال
وشرف أبوهم مالهومش إلا الجزمة
أما عن الشأن الخارجي
فأحنا الديموقراطية 
في شرق أوسط وحش 
تسوده استبدادية 

طبعا دي الصورة اللي بنصدرها لكل الدول الغربية 
علشان نحظى منهم بمساندة غير مشروطة ولا نهائية 

إحنا ضحايا 
 وده بيدينا نفوذ 
إنت جدك حرق جدي 
إدينا فلوس 
وإنت مغمض ادعم إسرائيل كل لما تعوز 
 ولا نقول للعالم إنك نازي وسمعتك تبوظ

إحنا ضحايا 
 وده بيدينا نفوذ 
إنت جدك حرق جدي 
إدينا فلوس 
وإنت مغمض ادعم إسرائيل كل لما تعوز 
 ولا نقول للعالم إنك نازي وسمعتك تبوظ

تؤكد الداخلية والخارجية  
على مدى أهمية
 إعطاء المتظاهرين الداعمين كل الحرية 
وقمع أعداء السامية 
وتدين المعترفين بأي دولة فلسطينية
وننكر الوحشية 
سلاحنا دقيق % 90 
بيقتل من 90 ل 100 .. ومش بطريقة عشوائية

 أصل دول يا دروع بشرية
يا من حماس الإرهابية 
 يا إما ناس كده معدية لكن من أصول عربية
وده جيد .. العربي الحلو العربي الميت 
 أي بشري عبد في ديننا لليهودي السيد 
دي عقيدة ما بنعلنهاش إلا بتصرف 
 علشان البشر كفرة جهلة يفتكروها تطرف

شعب الله المختار .. يا عم 
وإنتوا جميعا ولا من نفس الطينة ولا من نفس الدم 
بنقول حروب حرية 
مش حروب دينية علشان  الزن 
 وعلشان مش كله يبقى علينا 
إحنا أفضل .. بس البشر كم

إحنا ضحايا 
 وده بيدينا نفوذ 
إنت جدك حرق جدي 
إدينا فلوس 
وإنت مغمض ادعم إسرائيل كل لما تعوز 
 ولا نقول للعالم إنك نازي وسمعتك تبوظ

إحنا ضحايا 
 وده بيدينا نفوذ 
إنت جدك حرق جدي 
إدينا فلوس 
وإنت مغمض ادعم إسرائيل كل لما تعوز 
 ولا نقول للعالم إنك نازي وسمعتك تبوظ

ومعنا اتصال من القاهرة 
ألو
كام سنة وكام مليار .. علشان تتحكم في الأخبار 
 لحد ما بقى فيه جيل غربي جديد 
مسمم الأفكار 
 وهوب فجأة الوهم انهار 
إيه مبرر حجم الدمار
وإزاي هتعيش دور الضحية 
وإنت بتقتل الأطفال

وده بيطرح تساؤل 
حكومة أمريكا أو غيرها 
قادرة تفضل ماددة إيدها لإمتى 
 لبلد بقت سمعتها 
بتدين اللي يساعدها 
وساختكم كل الناس شافتها 

 قريبا الحكومات الجاية هترميكم من مركب حملتها
وساعتها مين هيلوم عليا لو الغضب عماني 
 انساني يا ابن عمي! لا أحمل ليك شعور إنساني 
في قلبي أضعاف اللي كان في أكتوبر فلما تجيلي تاني 
هخليك تقسم بالله إن أرحم خلق الله الألماني

EL JOKER - DAHAYA l الجوكر - ضحايا

Dahaya - ضحايا 
Lyrics


[المقطع الأول]
عاجل، حالة من الجنون أيها المواطنون
جنايني من أصول مصرية قال في تل أبيب شالوم (يالهوي)
هل القبة الحديد حديد؟ هل القبة الحديد هتدوم؟
سؤال في نفس كل صهيوني عنده تروما من الخرطوم
وفي لقاء مع الجنود على الحدود نفوا الحدود
من النهر للنهر وسريعاً تدخل رجل مسؤول
وقال يا ولاد (يا ولاد) بلاش نلقح على مصر بالذات (بلاش)
ده السادات رجع بابا وعمو ببجامات
‫أما عن الدين حصل Gap بس لينا ضهر
صرح مسؤول أمريكي ما بين الخيرين حساب قة قة
أما عن الشأن الداخلي فيه آراء إننا في أزمة
ونتنياهو قال وشرف أبوهم مالهومش إلا الجزمة
أما عن الشأن الخارجي فإحنا الديمقراطية (طبعاً)
في شرق أوسط وحش (وحش) تسوده اِستبداديّة (آه)
طبعاً دي الصورة اللي بنصدرها لكل الدول الغربية
علشان نحظى منهم بمُسانَدة غير مشروطة ولا نهائية


[اللازمة]
إحنا ضحايا وده بيدينا نفوذ
إنت جدك حرق جدي، إدينا فلوس
وإنت مغمض إدعم إسرائيل كل أما تعوز
ولا نقول للعالم إنك نازي وسمعتك تبوظ؟
إحنا ضحايا وده بيدينا نفوذ
إنت جدك حرق جدي، إدينا فلوس
وإنت مغمض إدعم إسرائيل كل أما تعوز
ولا نقول للعالم إنك نازي وسمعتك تبوظ؟

[المقطع الثاني]
تؤكد الداخلية والخارجية على مدى أهمية
إعطاء المتظاهرين الداعمين كل الحرية (كل الحرية)
وقمع أعداء السامية وتدين المعترفين بأي دولة فلسطينية
وننكر الوحشية، سلاحنا دقيق ٩٠ في المية (آه)
بيقتل من ٩٠ لـ ١٠٠ (بم بم) ومش بطريقة عشوائية
أصل دول يا دروع بشرية يا من حماس الإرهابية
يا إما ناس كده معدية لكن من أصول عربية
وده جيد (ممتاز) العربي الحلو العربي الميت
أي بشري عبد في ديننا لليهودي السيد
دي عقيدة ما بنعلنهاش إلا بتصرف
عشان البشر كفرة جهلة يفتكروها تطرف
هاها، شعب الله المختار يا عم
وإنتوا جميعاً ولا من نفس الطينة ولا من نفس الدم
بنقول حروب حرية مش حروب دينية عشان الزن
وعشان مش كله يبقى علينا إحنا أفضل بس البشر كم
اللازمة]
إحنا ضحايا وده بيدينا نفوذ
إنت جدك حرق جدي، إدينا فلوس
وإنت مغمض إدعم إسرائيل كل أما تعوز
ولا نقول للعالم إنك نازي وسمعتك تبوظ؟
إحنا ضحايا وده بيدينا نفوذ
إنت جدك حرق جدي، إدينا فلوس
وإنت مغمض إدعم إسرائيل كل أما تعوز
ولا نقول للعالم إنك نازي وسمعتك تبوظ؟

[المقطع الثالث]
(ومعنا إتصال من القاهرة، ألو)
كام سنة وكام مليار عشان تتحكم في الأخبار
لحد ما بقى فيه جيل غربي جديد مسمم الأفكار
وهوب فجأة الوهم إنهار، إيه مُبرر حجم الدمار؟
وإزاي تعيش دور الضحية (إزاي؟) وإنت بتقتل الأطفال؟
وده بيطرح تساؤل (تساؤل) حكومة أمريكا أو غيرها
قادرة تفضل ماددة إيدها لإمتى لبلد بقت سمعتها
بتدين اللي يساعدها، وساختكو كل الناس شافتها
قريباً الحكومات الجاية هترميكم من مركب حملتها
وساعتها مين هيلوم عليا لو الغضب عماني (عماني)
إنساني يا إبن عمي لا أحمل ليك شعور إنساني
وفي قلبي أضعاف اللي كان في أكتوبر فأما تجيلي تاني
هخليك تقسم بالله إن أرحم خلق الله الألماني
(يبدو أن إتصالنا إنقطع مع القاهرة)

EL JOKER DAHAYA l الجوكر ضحايا

EL JOKER - ZAYI ZAYAK  _ الجوكر - زيي زيك

الـــكـــلـــمـــات

بطلت أكلم حد لحد ما حد خد بإيدى
لو مكانتش إقتنعت بيا مكانتش ظهرت عبقريتى
كله أصاب فيما أصاب ، وأخطأ فيما أخطأ
الحق أحق أن يُتبع مهما هنوصل أبطأ

إنت عمرك ما اقتنعت بـ قد إيه بنكمل بعض
أنا لاحظت كون الفكرة بتقوى بنقد نقط الضعف
تعدد عصبياتنا فى العموم شيئ مفيد
وإن استمر الفيل فى إعتقاد إن الإله فيل

بلجألك إختصارا فى اللى أنا فيه فعلا محتاجك
مستحيل حد من الصفر لوحده يعرف كل حاجة
ده مش معناه إنى أقل ، ولا إن انت أعلى
أنا بقفل التآويل ، وانت بتغرق فى المعنى

لسه معرفتيش من إمتى مبتفهميليش ولا كلمة ؟
من ساعة ما كل حاجة معاكى إبتدت تكون مملة
عمرك ما شوفتى حقيقتى ، ولا فهمتى حقيقة ده كله
كل واحد شاف التانى الواحد اللى حب يكونله

مضطر أسيبك وأمشى منعا للمخاطرة
الورقة رافضة أعيشلك وأبقى أزورها كل فترة
أنا بشرح على قد عقولكوا ، ولسه متفهمش شرحى
انت كلامك مات ، وإنت لسه عايش ، إنت سطحى

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

ظروفه كانت غير ظروفهم ، فخرج عن الإجماع
ظروفنا الآن شبه ظروفه فـ اجتمعنا على فتواه
مش فى صالحك يبقى مثالى طول مـ انت فى قمة متعدد
باب الإيمان قصير ، مبيدخلوش متكبر

سيبيلى حاجة أفتكرك بيها ، حاجة ريحتك فيها
حاجة استخدمتيها ، فى أوقات مش حبانى أعيش ناسيها
للهروب من واقعهم ، للأسف لازم توقيعهم
يؤسفنى أقولك -فى بعض الحاجات- شبة طيعهم

بس ده مؤقتا ، هما يقولوا بطل وأبقى بطل
وأوعى إنتظارهم إنك تقع هو اللى يسقطك
وتبدأ النهاية بـ إنى أقبل حاجات مرفوضة
واحدة بجمالك إنتى فى بالى صعب تكون موجودة

أجزاء شبه عشوائية سوا تبان مخيفة
انت سامع مـ الغنوة آله بتعزف صوت مؤامرة سخيفة
اللى فى صالح السيناريو طول عمرى بنفذه
لو أبرهة بيغرق قبل عام الفيل هروح أنقذه

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

معرفتش أشكر مين ساعتها وعدى الموقف عادى
مجاش فى بالى إن أنا الشخص اللى أنقذ حياتى
براجع نفسى لما ألاقينى تهت فى التفاصيل
فـ أنفصل عنى الجزء اللى مراقبنى من بعيد

شايفك يا بلدى بتبصيله ، وإنتى بترقصيله
بصة فلسطينى لإسرائيلى ناهب محصول طينه
فى لوحات يادوب ، فيها بسيب كذا خط ولون
كوّنوا فى كل عصر كل رسمة تفيد الكون

غلبانة ، بتقول للناس إنها بكره هتنسانا
مش عارفة إن اللى يعيش من غيرنا أكيد معاشش معانا
صدقى اللى إنتى بتحسيه ، كدبى اللى إنتى بتشوفيه
استخدمى البعد اللى إنتى عارفة إنك فى حضنى فيه

كان باين فى عينيكى الزهق
مبانتليش فى عينك غيرة
قلتلك إنى عارف إن دى الرقصة الأخيرة

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

________________________________________­_

El Ra2sa El 2a5ira

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker _ El Ra2sa El 2a5ira I الجوكر _ الرقصة الأخيرة

موناليزا تانية الجوكر

اغنية الجوكر اختار مكانك توزيع حسن الشافعي 2013

الكلمات 
.
 كانت بتمص مني كل مللي طاقه ، وانا على أمل أصحى يوم ألاقيها حست ... ألاقى حالها اتعدل بالتدريج فقدت الأمل ... كل اللي هيتعمل إتعمل معادش عندي غير انتي صح ... علشان معدتش حمل جدل كان سهل أسيبك بدري ، لولا قلت سهل أسيبك لو حالك متعدلش ... ومتعدلش ... وخايف أسيبك لأحسن أتوجع في البعد وجع مستحملوش فبقول وجع عارفينه أضمن من اللي منعرفوش مش يمكن أسيبك أتعب .. أضعف .. أرجع .. ترفضيني أو تقبليني وانتي عارفه إن انتي إمتلكتيني فأخسر حتى صرخة جبت اخري ، وهى يادوب بتخليكي بعد سنين عجاف تروي عطشي يوم ياريتني كارهك انتي ... انا كاره نفسي وانا معاكي كاره نفسي عشان حباكي ... رافض نفسي عشان قبلاكي ونفسي ييجي يوم وأكتفي ، ييجي يوم وأختفي نفسي أحط راسي على المخدة راضي عن موقفي كنتي أول نمرة أحفظها ... أول صوره في المحفظه أول خوف هستيري لسبب زي إنك موبايلك فصل أدمنت حضورك .. حتى لو هتنامي على السماعة اكتشفت معاكي إن المكالمة بتفصل بعد ساعة معادش فيا مكان لطعن ... معادش لحاجه طعم مجرد رفس الغطا ، والقوم من على السرير بقى صعب عدت سنه من يوم ما بعدنا ، ولأجل ما أكون صريح سنه تقلها ميتوصفش .. مهما أكون فصيح تدريجيا كان بيموت إحساسي .. لما عيني فضيت عشت معاها بصفتي لوح إزاز .. وكتر خيرها رضيت ولسه بحكي عنك للحيطان ، وللطريق ولسه العمر بيجري ، ولسه كل يوم بطيء وكل ما ائن .. أفقد الأمل في كون الجرح يلم فـاقول مسيرها تزهق ... هي تقول مسيري أحن انا في وضع ببذل فيه مجهود يسوء .. ميتحسنش مانا بتواجه إني مزيف .. بنفجر مش عاجبك إمشي أحلامنا كان مبالغ فيها ولا الواقع خاننا العيب كان في إجاباتنا ، ولا العيب كان إمتحاننا عزفنا على أوتار اللوم ، وعلى أوتار الأسف نكره كل شيء مش كامل ، واحنا مش كاملين للأسف كنتي أول نمرة أحفظها ... أول صوره في المحفظه أول خوف هستيري لسبب زي إنك موبايلك فصل أدمنت حضورك .. حتى لو هتنامي على السماعة اكتشفت معاكي إن المكالمة بتفصل بعد ساعة كنتي آخر نمرة أحفظها ... آخر صوره في المحفظه آخر خوف هستيري لسبب زي إنك موبايلك فصل أدمنت حضورك .. حتى لو هتنامي على السماعة اكتشفت معاكي إن المكالمة بتفصل بعد ساعة

الجوكر- كنتي

الجوكر - متهمش

الــكــلــمــات

بنقدم قبل النوم عرض شاش وميكروكروم
تهزيئاً لدراكولا .. بطولة الفيلم لفص توم
فاضل ألف جنيه على أول ألف في المليون
أو شفرة موس ، يا حبل في نجفة الصالون

آدي اللي إتلصم عطل .. الواقع يخذلك تتسطل
صعب تعيش بـ اللي منك فِضِل ، وصعب اللي فاضل فيك يتقتل
راسه مش في الطين عشان كرامته سوى البلاطة
لأ ،كان عنده إرادة .. بس هبت ريح وطاطا

في قمة الهيكل ده عين ترى الجميع
في أرض الذئب جُرِم إجتماع قطيع
ونادى منادي بكوننا اتنقذنا .. بحال المراكب اللي غرقت وعظنا
شكر كل اللي شارك ببصمة .. لقانا بنغرق نادى لقراصنة

صاحب الشيطان ومتصاحبش فكرة
الشر واقع ، والبلد دي خرم إبرة

اليأس سلاح ، وتلم .. يعشق اللي خاف فـ سِلِم
أما باني اللي بيتهدم .. لو مفاقش مكانش حِلِم
وطننا ضاق ، لكنه عشق .. الوضع ساء ، تحليته غش
وزيرنا مات ، وملكنا كِش ... وإتقال معلش

صمتك مش علامة رضا .. علامة الفرهده
كلنا أطراف في صراع على حتة جبنة في المصيدة
اللي متسطلش كفايه عاز فنون تسطله
ديلرات الكار نجوم طريق مخطيناش أوله

انا لما قولت لأ .. كنت بقولها عشان شاريكي
انا عند حسن ظنك .. قالب الدنيا ومش لاقيكي
قالولك إني طايش .. وإني مش بفكر فيكي
قسموني أتنين إتغدوا ببعض .. عشان يتعشوا بيكي

قالي ملفك كِبِر .. جملة سياسة كمان وشكرا
قولتله متهددنيش .. انت متعرفش انا مين في شبرا
هما اللي إتمادوا ؛ فـ مخدتش الدوا في ميعاده
كُنا سته .. وسته مننا ماتوا

طموحك نازل أرض الواقع .. هيبططك
اللي عوزته ، واللي إتحقق .. شىء ، وعكسه .. وده أحبطك
نِداك في مالطا ربى فيك الكسل
معادش فيها حاجه حلوة ، أو سوادها عسل

مربوطين في ساقية أكل العيش .. من تعليم لـ جيش
لـ حب قتله سعر السوق .. فقالوا عنه طيش
مش صدفة كل الناس دي بقت بتحلم بـ اللجوء
محدش غيرنا بيعزف .. تيتانيك بتغرق .. فوق

البلد دي فيها ظلم والسكوت عليه جريمة
فاضل ايه عشان تحس إنك ملكش قيمة
إتهانت جوه قبل بره .. ألف بدل مرة
سكرهم يا نمل مرر .. إتحرر
__________________________________________

Mosem El Ze2ab

Lyrics: El Joker
Vocals: El Joker
Music: Hanto
Master & mix: Youssef Anwer
Des. by: Mostafa Karim
© 2018 El Joker

الجوكر - موسم الذئاب

دنيا الجوكر

Lyrics
سفينتي متبنيتش عشان جماهير عريضة
لو شىء بغنوة إتهد يتبني بقصيدة
لا اختارت جاري ، ولا قُطر فتحة غاري
مصمم ع اللي اختارته ، ومش حزين مع اختياري

لا شىء لا يمكن استبداله .. عالج التعلق
ناس كتير ع القمة لا تفقه التسلق
أغلى من حاجات ، وكافرة بالتدرج
تيجان ملوك دابت نتيجة التملق

غير العامة .. بنطارد الفراشات بشغف
ع المشانق أطفال إذا فرعون ارتجف
جيوشنا لفت من غير ما تضرب سهم
من قصاد حصون ورق كانت مدهونة وهم

أرواح فرادى اتطفت لما قلدت الإجواز
بوظت اللوحة لما حاوطتها ببرواز
تجار إصلاح لكن من يوم ما فهموا الناس
تاجروا في الغضب والطوب .. وسط بيوت إزاز

عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني

فينا حته أغمق من أغمق مكان في الكون
أقدم حتة غسيل لسه بتطفح لون
في ناس مكان ما تشوط ينصبولها جون
احنا اللي حاربنا ده في عز ما كننا دول

بغير الأسامي وأحكي نفس القصة
كل شىء بيغلى ، وانتي رخيصة لسه
بغطس في الوجع بدون أنفاس حابسها
ريحتك في كل حاجه كنت بتنفسها

تعالي قبل النوم وانا احكيلك حكاية
عالم سلبي طول ما الأكسجين محايد
في فرق بين كويسين وبين بطلنا
الناس مبيبانوش بجد غير في الضلمة

كان بيننا خيوط لكن مش باقي غير أرفعهم
بينطوا من عماير والهوا بيرفعهم
قالتلي مبتعرفش تحب ليه ترتبط؟
انا بحب انا .. حتى لو اتشقلبت

عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني

مش عارف .. انا الحقيقي ولا غش
بقطع وش ألاقي تحته وش
أشك في اللي بنى ، وأشك في اللي اتبنى
أصعب اكتشاف في العالم اكتشاف ال انا

عصاه تبلع عصيانهم ؛ فبيصبح مكروه
يقولوا عليه من ضهره ، ويخافوا يناظروه
لا دينه دينهم ، ولا عايز رضا التمثال
يبص على معبدهم يضحك من عدد الإقفال

ده بسبب كشافات الليل بقى النهار مليل
مادام بياخدوا اكتر منك .. الكتير قليل
في ركن في الفضاء ، وجنبك اكسجين متسيل
لا حمل إنك تشيل ، ولا إنك تشيل

إسأل فحم المكن عن معنى رأسمالي
بفضل اخواتنا في فلسطين بقى للطوب معاني
لو مش عارف ابن آدم كنت لومتك
جرب تكونني ساعة .. تنفجر جمجمتك

غبي لدرجة ان الرد اللي انت قولته
بكتب قصايد ، وده شرف عمرك ما نولته
الجامد الروش ده أعلى لقب طولته
فيلمكوا رخيص ، وانا انسحبت من بطولته

عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني

El Joker - Qasida l الجوكر - قصيدة

the lonely saddest greatest part of my brain 

EL JOKER DAHAYA l الجوكر ضحايا

MG

Related tracks