عظات وتأملات اسبوع الآلام

تأمل حب فوق العـادي - أبونا داود لمعي

اسبوع حب لآنه اجمل صورة للحب الإلهي بنشوفها في الصليب .. أسبوع خوف لأنه الخطية تسبب موت .. وبالحب والخوف نوصل للتغيير

تأمل اسبوع الآلام - أسبوع حب وخوف وتغيير أبونا داود لمعي

ثقة كل واحد فينا في حب ربنا له... هي أساس إيماننا ... من لي في السماء، مش عايز حاجة في السما غيرك، ما تقوليش في السما في حاجات حلوة انا مش فارق معايا انا عاوزك إنت، أكون مع المسيح...

لو تعرفوا بحبكم قد إيه

اللي بيحب حد بجد  ما بيعرفش غير يسامحه ، وربنا بيحبك قوي يا بختك انت محبوب

حتى لو انكرته هيسامحك ربنا بيحبك قوي - تأمل ابونا داود لمعي

اقنعتني فاقتنعت ألححت علي فغلبت - تأمل أبونا داود لمعي

تأمل أبونا داود لمعي -  من عظة كيف يراني الله

شوف نفسك بعيون ربنا مش بعيون الناس - أبونا داود لمعي

إلاتكال على الله - أبونا داود لمعي -12-2-2016

ماذا ينتظر منك الله.. ربنا مش مستني منا فوق طاقتنا .. احنا نظن ان الله ينتظر منا كثيراً عشان كده ضمائرنا دائماَ مثقلة.. دايماً حاسين بذنب اننا معملناش المفروض يتعمل إنما ربنا اطيب من كده.. ربنا بيقول أنا اللي اشيل مش انتم اللي تشيلوا، انتم عيال بس خليكم فاكرين انكم عيال.. تبكيت الروح القدس معزي مش إحساس ذنب مستمر.. لما ربنا يشاورلك على غلطة يطبطب عليك وياخدك في حضنه ويقولك حاول بلاش دي بس انا مش زعلان وبحبك ما تحافش لا تعود تخطئ أيضاً بيقولها بمنتهى الحب وحضنه مفتوح مش وهو رافضك .. مشكلتنا اننا فاكرين ان ربنا مستني مننا كتير وده بيوصلنا لإحساس تقصير ومقارنة ودي اسوأ حاجة.. لو كنا بسطاء كنا نقول واحد حلو نفرحله.. لكن كل ما نشوف واحد حلو نقول مفيش فايدة انا ما انفعش.. طريقة التفكير دي مش بتاعت ربنا انت تقول اللي عمله كويس يعملني كويس فانت تقوله يارب نفسي ابقى حلو زي كده وتحبه وتفرحله.. المقارنة ممكن توصلك للنكد .. ربنا عايزنا في سلام مستمر .. ربنا من طيبته وتواضعه ينتظر أقل مما ننتظر من أنفسنا.. بطرس كان فاكر إن التوبة هتكلفه كتير قوي لكن ما كلفتوش غير دمعتين.. الإبن الضال التوبة كلفته خطوتين.. حين يعلن الله لنا المطلوب ليس معناه انه منتظر تطبيقه بسرعة أو بسهولة.. كون ربنا طلب طلبات مثالية مش عارفين نعملها ده مش معناه انه مستنينا نعملها دلوقتي.. ربنا عارف اننا زي الأطفال المبتدئين.. انت خليك طفل قوله انا لسه بدري عليّ وبيني وبين اللي انت عايزه أميال لكن مش بيعد على ربنا نوصل لكده.. ماذا ينتظر منك الله .. الله ينتطر منّا الثقة والإيمان اسهل حاجة على الطفل انه يرمي نفسه على ابوه يشيله لكن صعوبتها في التفكير الثقة تحتاج إلى إتضاع كل ما اتضعت وحسيت انك صغير كل ما ثقتك في ربنا زادت  وحتى مش فارق معاك تقصيراتك مش على سبل التهاون لكن ما بتنكدش عليك ما بتضيعش سلامك لأنك متكل يارب من الأول للآخر انت المسؤل.. تاني حاجة مستنيها ربنا الرجاء اللي هو العشم انك تكون منتظر أخبار حلوة دايماً..

ربنا مستني منك إيه | تأمل معزّي أبونا داود لمعي

أبوكم يعلم ضعفكم_أبونا داود لمعي

تقديس أسبوع الآلام - قداسة البابا شنوده الثالث - 16-04-1979

خدمة رسالة من ربنا
خدمة مسيحية بتبعتلك رسايل يوميا (ما عدا الجمعة) .. رساله من ربنا
هتبعلك كل يوم رساله مخصوص ليك انت من ربنا 
واثقين ان ربنا قادر يوصلك كلام كتير اوي من خلال الخدمة دي 
لو حابب تشترك 😀 
ادخل اللينك ده m.me/221591777852686?ref
اضغط علي بدء الاستخدام او Get Started
#رسالة_من_ربنا

الصلاة قد لاتغير الظروف لكنها تغيرك انت - ابونا داود لمعي

لا تقلق تداريب روحية لعلاج القلق أبونا داود لمعي..
سيطر على عقلك راقب أفكارك الشغل والعيال والفلوس والناس والصحة كله بيجيب قلق هتلاقي نفسك طول اليوم عمال توقف الأفكار وتفرمل نفسك.. قاوم الخوف عشان تقاوم الخوف صلي الصلاة واسم ربنا يسوع يطرد الخوف.. ما تجاريش القلق بالكلام لما تتكلم كلام القلق الكلام يرجع من لسانك لدماغك يخبط في قلبك فرمل لسانك.. 
في ثلاثيات ضد القلق .. كلمات ضد القلق قولها كتير الشعارات دي لما تقولها كتير تدخل دماغك وقلبك فتخف من الخوف والقلق.. الثلاثية الأولى كله للخير ربنا موجود مصيرها تنتهي.. كله للخير ربنا مش بس موجود لكن هو طبعه خيّر.. كمان لو في مشكلة أو تجربه أو خطية مسيرها تنتهي.. الثلاثية التانية ربنا بيحبني اوي ربنا قوي أوي وربنا عارف كل حاجة.. كونك محبوب عن ربنا ده شعور مريح بغض النظر عن الخطية ربنا بيحبك فعلاً واللي بيحبك قادر وحكيم وعارف كل حاجة.. اللي شار امبارح يشيل بكره، يريد أن الجميع يخلصون، نصيبي هو الرب.. 
أبوكم يعلم ما تحتاجون إليه.. أبوكم يعلم دي فكرة مريحة جداً لأن حتى لما تقول هو هيسمعلي أنا انا خاطي انا وعدت ومش بلتزم أنا ضعيف أنا وحش ربنا عارف ضعفك وقابلك وبيحبك زي ما انت عارف قدرتك وعارف انك مش هتقدر تعمل كتير ولو وعدت مش هتلتزم كتير لكن هو بيسامح وبيقبلنك.. أبوكم عارف اللي بيحصل حواليك السياسة وكل أمور الدنيا ربنا ضابط الكل عارف امبارح وعارف بكرة اطمئن.. الكلام ده دواء سحري للقلق لو قدرنا نفهمه نحسه.

علاج القلق تأمل أبونا داود لمعي

عيد عرس قانا الجليل تأمل مهما قال لكم فافعلوه أبونا داود لمعي
لو عايز تفرح في الأرض وتدخل السما إخضع للوصية
في القداس بنيجي بمشاكلنا نفسنا نفرح.. العذراء تبص علينا تلاقينا مهمومين فتميل عليه تقول له ليس لهم خمر بالمعني الروحي فرحهم وتقولنا عشان تفرحوا اللي يقوله إعملوه لو سمعنا كلام المسيح نلاقي نفسنا أسعد ناس في الدنيا اللي فرحوا في معجزة تحويل الماء إلى خمر الخدام لأنهم شافوا المعجزة.. ده اللي بيحصل في القداس بندخل عندنا خطايا ومشاكل ومتاعب ربنا بيغيرنا بيحصل تغيير ونطلع فرحانين.. لما الخدام سمعوا كلام القديسة العذراء مريم داقوا المعجزة... 
مفهوم الشفاعة.. القديسة العذراء بتصلي لأولادها من غير ما يطلبوا.. في قانا الجليل ماحدش قال للعدرا إعملي حاجة لكن بقلب الأم هي طلبت من ربنا لأجلهم.. كلنا نقدر نطلب ولنا دالة لكن دالة العدرا أحلى إحنا لنا قديسين مارجرجس ومارمرقس ومارمينا لكن دالة العدرا أعلى ربنا مش ممكن يكسفنا القديسين بيصلولنا من غير ما نطلب منهم.. 
الكنيسة مش مكان للأبرار الحب الغير مشروط من ربنا يسوع المسيح وأمنا العذراء مريم وكل القديسين بيقدموا الحب والشفاعة لكل حد حتى لو مش كويسين..
كيف نخضع للوصية.. إزاي نعيش زي أمنا العذراء خاضعة لربنا يسوع.. الطاعة مش سهلة لكن طاعة الله تدخل السما ربنا وصاياه بتتلخص في موضوعين كبار الصلاة والمحبة.. أول شئ يساعدك تخضع للوصية انك تقول لربنا ساعدني أنفذ الوصية وقويني اسمع كلامك بدوني لا تقدرون أن تفعلوا شئ كل ما تلاقي وصية في الإنجيل رجعها لربنا طلب هو يقول صلوا نقول ساعدني اصلي افرحوا نقول فرحنا يارب سامحوا ساعدني اسامح.. تاني حاجة تساعدنا على الطاعة الثقة الشديدة على قد ثقتك إن وصايا المسيح هي طريق الحياة الأبدية على قد ما هتقول حاضر يارب لكن الإيمان الضعيف والتشكك هو اللي بيخلينا مش قادرين نسمع الكلام.. تالت حاجة تساعدنا على الخضوع للوصية القدوة الحسنة كل القديسين مكانوش بيمشوا بدماغهم عندهم خضوع لربنا والوصية والكنسية وأب الإعتراف..
بركات الطاعة لو إنت اتعلمت تقول حاضر يارب زي العدرا مهما قال لكم فافعلوه يحصل لك اللي حصل للخدام هتشوف المعجزة.. الطاعة هتفتح عينك على أسرار الناس مش شايفاها هتشوف ربنا واضح هتشوف عمل ربنا هتشوف إيد ربنا هتشوف معجزات في وقت الناس مش شايفين معجزة لأنك إنت قولت حاضر.. هيبقى عندك إستنارة عينك تشوف حاجة غير العادي دي طريقها الطاعة وهتخلي في معجزات في حياتك المعجزة هي تغيير الناس.. كل واحد يفكر في كام وصية ويسمع كلام أم النور مهما قال لكم فافعلوه

لو عايز تشوف معجزات إخضع للوصية - مهما قال لكم فافعلوه - أبونا داود لمعي

علامة الصليب في الأول بنحط ايدنا فوق راسنا نعلن إن الآب فوق العقل لا يرى وبعدين نحط ايدنا في وسط البطن رمز للتجسد انه نزل من السما إلى الأرض اصبح إبن الإنسان وبعدين من الشمال إعلان إن الروح القدس دخل القلب وسكن فيه إلى اليمين ياخدنا إلى السما يجعلنا من أصحاب اليمين عن يمين الآب كل حين.. مجرد رشم الصليب كأنه قانون إيمان.. 
كل مرة ترشم الصليب تصع اصبعك مكان الميرون لما لمس راسك المسحة اللي بعدها اصبحت مسيحي بمعنى انك تعلن انك منتمي للمسيح الزيت هو العلامة اللي ميزتك كمسيحي.. برشم الصليب تستعيد عمل الروح القدس..
رشم الصليب طقس عمره لا يقل عن 1800 سنة يقال انه من جيل الرسل لكن اقدم أقوال الأباء عن الصليب من سنة 200 ميلادية..
الصليب ذكر كعلامة داخل الإنجيل.. سمعان الشيخ لما شاف القديسة العذراء مريم شايلة المسيح قال ان هذا قد وضع لسقوط وقيام كثيرين ولعلامة تقاوم.. سمعان الشيخ ذكر ان المسيح له علامة تقاوم.. تقاوم لأنها هي التي اسقطت الشيطان.. لذلك الآباء بيقولوا اكثروا من رشم الصليب..
العلامة ذكرها السيد المسيح بنفسه لما ذكر علامات مجيئه وقال تظهر علامة إبن الإنسان في السماء.. المزمور ذكر الصليب كنبوة قال الرب أعطى علامة لخائفيه.. ومنها تسبحة يوم الجمعة ربنا يسوع المسيح اعطى علامة لعبيده .. 
إحنا نتمسك بعلامة الصليب كرشم وعلامة وايقونه نمجد في الصليب لأنه الصليب هو اللي عمل كل حاجة..
حياتنا مرتبطة بالأسرار الروحية المعمودية الميرون التوبة والإعتراف الكهنوت التناول سر مسحة المرضى الزيجة .. كل اسرار الكنيسة سلاحها الصليب.. رشم الصليب أساسي في كل الأسرار.

حتى لو انكرته هيسامحك ربنا بيحبك قوي - تأمل ابونا داود لمعي

Mermaid

Recent comments

ⲣⲇⲛⲇⲁ ϥϧⲣⲉ

Related tracks