مبروك ليكي
حبي كان كنز بين ايديكي
واديك يا عم خنت 

ظهرتي فجأة وبعدتي فجأة
نص الكارثة المفاجأة
والنص التاني اني هنت 

كانت حياتي هادية
لحد لما ظهرت
وكنت مؤمن جدا
فوقت لما كفرت 

اديتك كل اللي باقي
والبواقي
واستنيت كتير ولا عمري هلاقي 

انا كنت الراحة والحنان
انا كنت الدفا والامان
ولكن مين يشوف
ويفيد ب اية تطمن
ياللي انت مدمن خوف 

انا بس بيكي سعيد
بس انت كنتي حريصة
فَضَلتي اكون بعيد
وفضلتي زينة رخيصة 

وهتترمي في يوم العيد
وتفضلي بدون لازمة
ياللي انتي حبك ازمة
وبحب بروحي لكن
الا الشرف والعرض
انا كل الكون فدايا
ياللي حابة تراب الارض
كنت اتمني تبقي معايا 

بس قلبك كان خسيس
لما يسيب في يوم الاغلي
هيروح يحب اكيد رخيص

لية بعدتي وسبتيني
ولية وحشتيني
لما شوفتك كنت عايش
فلية اختارتي تموتيني 

وساعات
بروح
اوقات ببوح
باللي كاسرني
وانتي تتجاهلي
طلعتي عين اهلي 

غنيت وطلع نشاز
تعبت كتير وغيري فاز
فكل الخيارات مباحة
افرحي بحياتك يا متاحة 

كنت فاكرك حورية
وانا الامير وطلعت بعيد
طلعتي حية
سمك اصاب واحد من العبيد 

سبتيني انا واختارتي هو
معندكيش طاقة للارتباط
وانتي عندك جوا 

الوقت مش راضي يفوت
بصرخ كتير بدون صوت
افرحي ياللي عايشة
وسايبة اكتر حد حبك يموت



زينة رخيصة • محمد النمس

مزيج القاع الاعلي

Mix Revolution مزيج الثورة

مزيج احتياج الشتاء

بعد منتصف العمر After middle age

هذا ما بعد الثانية عشر ماذلت اشتاق للبشر ❤
محمد النمس

ليلة من الافراط في التفكير Night of overthinking

البقعه الاكثر ظلام ( انتخابات) (+18).mp3

جواب بتخاف +18

 كتابه والقاء: محمد النمس
كل يوم ابعد واداري
كل يوم بالموت بحس
خليني عادي مكونش عاري
كنت عاوزك انتي بس

مكنتش ناوي علي البعاد 
مكنتش حاسبها
لما حد يسألني كنت ايه كنت حاببها
يمكن ماذلت ليه العناد

مكنتش عاوز اخش حرب
كنت عاوز بس حب
مكنش في بالي ابدا 
أنه يبقي كله كدب 

مكنتش ناوي نبعد وننسي كل الحكاوي
ملكيش بديل
اختارتي ليه اسوء طريقه للرحيل

قربت منك لانك وحيده
وعملت كل حاجه تقربك
لقيتك بعيده
مكنتش متخيل يوم تبقي مجرد وحي لقصيده

مش هنساكي حقيقة لأني
مشوفتيش غير الحنيه مني
فليه بعدتي وسبتيني 
يارب قويني

انا عارف اني كنت بعيد
وحياتي بالطول والعرض
يارب ياللي ساكن السما
عبدك حزين في الأرض
بعيد عنك وحيد
بس انت اقرب من الوريد


أما انتي حلوه حلاوة الفنون
في المظهر بس مش في المضمون
لو رجعتي هيبقي بشروطي
حتي لو علي موتي
حتي لو هكون ملعون
رجوع مجانا مش هيكون

نص سنه
انتي روحتي شوفتي حياه
سبتيني ابقي حد تاه
بوظتي طعم الغنا
حبيتي كل الناس إلا انا

كنت بدادي
مع أن يمكن النهايه كانت باينه
اللي اتلسع من الشوربه بينفخ في الزبادي
ومحسوبك كان جهينه

بعد فتره كله هيشوفك ويضرب كف علي كف
هتبقي زي جيتار مقطوع الاوتار
هيقولو بعدي عمر ما جرحك خف
مش النمس اللي يكون عالرف

عد معايا كام محاوله
عد.معايا كام جوله 
حاربت فيها نفسي عشانك
ونفسي كانت أولي

سايب زكري علي شفايفك من فضلك امسحيها
سايب ريقي علي رقبتك شيليه قبل ما تقطعيها
اللي زيك ميستاهلش غير أنه يعيش 
في الحياه اللي احنا فيها 

مفيش حواديت مفيش مغني
مفيش غير حب عمره ما ساعنا
هي كانت متستاهلش
زياده مدحها لعنه
حاجات كتير جايز موجوده بس عشان توجعنا

يا بشر انجاس 
بيخونو الناس
بطلت خمرا لكن
منك سكرت وشربت مر الكاس

زكرياتنا الحلوه مكنتش متخيل أنها توجعني
كل حيطه كل حضن كل كلمه كانت بتعلم
بس مكنتش عاوز اني اتالم
او احكي واقول انك سبتيني
تسأليني عاوز ايه كنت عاوزك بس تسمعيني

حدوته هتتحكي يمكن ليها عبره ومعني
قصه فيها عنوان حالنا
شيطان وشيطانه
منطقي مش هتنتهي في الجنه

زعلان منك او زعلان مننا
نص سنه او ١٠٠ سنه 
انا لسه هنا 
ومنايا ارضيكي
افتكرلي كام حاجه عملتها ليكي
واسال عليا لما اوحشك
مش هصدك ولا هعاتب فيكي
وهحاول مبكيش 
انا مش زي زمان 
امانه عليكي متنسانيش
مكنتش خايف منك قد مانا خايف عليكي
ولو حسيت بامان يمكن نحاول مره كمان















Half a year -نص سنه

شاعر بيحب المزيكا 
عقلو عجوز 
وقلبه فابريكا

Mohamed Elnems

Popular tracks