احلى كلمات

وحشتيني ❤? عمرو حسن

آسف على المواعيد

نفّضت جسمي من تراب الغُربه في الأوطان
وقولت هاتغرّب
في بلاد يجوز بالصدفه هاتساعني
توجعني جايز، بس هبقى اخترت
بصيّت لأمي وقتها .. واحترت
:قالت ساعتها بعقلها
سافر يا إبني قوام 
الدوله دي بتموّت الأحلام 
وتموّتك يا الورد من قبل ما تفتّح
الدوله دي بتجرح 
كل اللي يُحضنها
وبتفتخر كونها .. زي النوا ف التمر
لكن دموع عينها 
خرجت ساعتها تقول: باقي قد إيه في العمر 
علشان اسيبك تمشي، وتسيبني 
ملعون أبوها غُربه تحرمني 
بعد السنين ما تُمّر .. إني أحضنك يا ابني
قبل السفر باسبوع -
فتّحت كل الشُنط 
وكل يوم افتكر، وأحط ف هدومي
واضحك على همومي 
وأقول بغِلّ خلاص، خليكم انتو هنا
جايّه ليالي الهَنا .. وبكره هتشوفوا
لسه يا أمي ابنك- 
غاوي يبتسم علشان .. مايلمحوش خوفه
طالع جدع لأبوه 
لأ .. أبويا كان أجدع-
مابقتش عارف أنام، وبعدّ ف الأيام 
وامشي وانا بودّع
بودّع اصحابي وقعدة القهوه 
واخواتي وقرايبي وجيراني والعِزوه
وانا خايف إني أمشي
ولحد غالي نسيت
حتى حيطان البيت، والله مانسيتهاش
ودّعت كل الناس 
مافضلش غير أمي 
وانا بأدعي اني أموت/لكن مادوعّهاش
خبّت دموعها وقتها وقالتلي: خُد بالك
الغُربه صعبه وانا، والله دعيالك
وبكره تتجوز وتجيني بعيالك 
وانا برده هعذُركم لو غبتوا أو ماجيتوش
ويكبروا ف حضنك
-أو قصدي مايسفروش-
انا فاكر إني زمان 
رسمت طياره، وحلمت أطير في السما 
ودعيت ساعتها يكون/ باب القدر مفتوح
وأديني طيرت إنما 
بالجسم مش بالروح
شهرين يا أمي وانا .. تايه ما بين الناس
صالب ف ضهري عشان 
خايف أقع وأنداس 
وأرجع أنام، وأدعي /الوقت بيّا يفوت
وأقول وانا خايف
: بالدمع مش بالصوت
هاتنام حزين يا غريب 
ولا حد هايضمّك
ودوام يجيب ف دوام 
ويحلبو في دمك 
العُسر بعده يَسير 
ف ازاي حيطان وسرير
.. هايحسّوا بهمومك 
من بعد حضن أمك !

زي النوا في التمر - اسماعيل الدابي

Official Acc ..
www.facebook.com/RawyAziz.2

مزيكا لـ أمين بوحافة , وغناء الشيخ أحمد برين ..

ديوان #هذا_الحب_غير_صِحي 2019

بحبك / سلام

تخيّل
لو بإيدك ترجع بالزمن لورا
كنت هتعمل ايه ؟
يوصلك لحال افضل
في المستقبل اللي عيشته...
كنت هتنهي كام مشوار بدأته..؟
كنت
هتذاكر كويس الاحداث
وماتعتمدش ع الناس
وتعمل بكلام ابوك
فمش هتحاولش تجرب
اي شئ خرّب في دنيتك...
كنت هتعوج كام حاجة عن مسارها الحالي ..
وبالتالي هتعدل ف ذكرياتك..
وترصص
الاصحاب ف حياتك 
زي ما اتمنيت...
في وقتها..
كنت هتوّقف لسانك عن كام "بحبك" قُلتها...
وتبتدي من مكان ما بديت...
بس للاسف
كل اللي حصل ده حصل بالفعل
ماكانش تمثيل !
ماهوش عُرضة للفلاش باك..
وغير قابل للتعديل..
لفترة كبيرة
كنت شخص سطحي..
بعالج جرحي
بجرح لشخص آخر..
عمري ماعرفت آخر
لأي ارتباط
ديما بسيب أنا الاول
قبل ما يتحول
الحب لمشاعر تلمة
للبنات أحزان سامة
مفعولها بيبطل
كل الحيّل الرومانسية
ولأني شاطر في الأسية والكلام المزيف ...
بضطر أستأنف الموضوع
بكل كذب..
فيه مرة واحد حب واحدة
فأقنعها انها باردة
وسابها تعيش علي هذا اليقين
مع شخص مالوش ذنب !
من الواضح جدا
انك بقيت بتحزن
علي فراق ناس ..
مابيهمهاش غيابك من وجودك ..
البنت اللي كانت بتغير في مودك
شقلبت حياتك للاسوء
اليومين دول ..
بطلت تقول
اللي جواك ..
كان نفسك تكونلها ملاك
الحزن ملاك ..
وخلاك تسلِّم للواقع ...
خلاك تمشي سرحان في الشوارع
بتدور على ريحتها
انت مش هتبطل بص علي بيتها ؟
ولا انت غاوي الحب
من علي بعد...
ياعبيط .. البنت خالفت الوعد !
بتحبها ليه لسة !
بتجري ليه في رئتينك نفسها ..
وهي روحها مش فيك ...
تخيّل
الجمال ده ممكن يأذيك ...
تخيل
الطفلة اللي كنت بتكلم القمر عنها ..
بيعجبها لهفتك عليها ..
وكأنها راهنت صحابها عليك ..
توقعك / بعدين تودعك ..
تسيبك / بعدين تواسيك ...
وتفضل انت تستوعب
في اللي حاصل ..
معلش تستاهل ..
وتاخد غيرها ...
يوم ما ربنا هداك وخلاك تعشق بدون ما تكدب..
شربت مقلب / ماضحكتش عليه ...
ازاي ممكن في يوم - وجعك / حبيبك يتباهی بيه ...
مشهد مفاجئ
غير من طبيعة الاحداث ..
لغبط ف عقلك الناس
ولزمك
تكمل باقي القصة ..
بدون كلاكيت
ألف مرة ..
بدون معلش فرصة تانية
بدون ماتلحق لسانك ف اخر ثانية ..
بدون رجوع للي فات..
بدون نهايات سعيدة ..
فتسيب النهاية مفتوحة
لناس مجروحة
أملها ف ربنا كبير تتحب ..
أكتر ما تحب ..
وتعمل حسابها
تعلم قلوبها ماتصدقش اي كدب ،،
مشاعر مُرة
ومرت بين روحك المكسورة ،،
عوجتلك الصورة
ساعدتك تشوف الناس أوضح
ساعدتك لما تزعل تجرح
مش تعدي , وتشيل ..
وتبقي في نظرهم مش بتحس ..
ساعدتك تبُص ع الموضوع
من برة ..
انت ماحبيتش من أول نظرة..،
لكن بتعرف تعشق
زي الافلام تمام
بتكره الواقعية
وبتتوهم كويس ،،
والبتالي
مش بتعرف تميز
بين الناس ...
ازاي جالك احساس
تحب حد ماحبكش ،،
غالباً
الواحد لما بيحس بأعراض الحب ،،
قلبه بيطُب منه
ويقول اللي جواه والسلام ،،
زي بالظبط
اول مرة قلت "بحبك"
قلتها وبعدها قلت سلام ،،
تخيل ..
لو كل الناس فهمت بعض ..
ماكانش حد هيشيل من التاني ...
وماكناش هنستهون بوجع حد ..
واحتمال الحب يتحول لفصيلة دم ...
ياعزيزي
البشر كلهم مرضی بعدم الفهم ...
برغم الحزن
اللي امتلكني ...
ياحبيبتي
أنا القمر صدقني ...
لما حكيتله إنك زيه بالمللي ..
بتضحّكِي السما لما تطلي ...
يااجمل عيون بصتلي ...
انا شوفت فيكي الحياة ،،
وشوفت فيكي اللي فاضلي ،،
وانا لو كان املي
ارجع بالزمن لورا
كنت هقولك نفس الكلام ..
أنا بحبك جدا / آسف / سلام ،،

بحبك .. سلام | راوي عزيز

احمد الحضري - مابين ديسمبر و ديسمبر | Ahmed ELhadry - ma bien desmber w desmber

Kan Fadl..

من حفلة ساقية الصاوى 12_7

آية / محمد سعد

غرفة عمليات 907 || أحمد سمير

موال ببيع وجع  موال حزين 2018 _كلام حزين لكل مجروح.mp3

الشبح ابو اصاله / Abu Asala

01149301357 موال مفيش جدع  موال حزين 2018 _كلام حزين عن الدنيا

يا سيباني ومش عارف أعيش بعدك حصلك إيه ؟
منين جبتي القساوة وليه ..
وليه بعدتي ؟
ده أنا يا ستي بقالي شهر والله
بحاول أكلمك لكن ..
ما بين خايف لا ماترديش
وخايف برضو لـ تردي !
ما بزيادة انتي ماتعبتيش ؟
مابتحسيش وجع قلبي ..
مابتحنيش ساعات ليا ؟
كلامنا وكل حكاوينا
وحتي هزارنا ماوحشكيش ؟
مفيش ولا مره حسيتي ان أنا واحشك
وقولتي تسألي عليا ؟
مابتشوفينيش في فنجان قهوتك صدفه !
ولا حتي في صوت ورده فـ ليالينا ؟
ماصدقتيش زمان لما غلبني الخوف
وقولت في يوم هانتفارق ..
أدي الأيام بتتسابق وبتحاول تنسينا .

زمان أنا قولتلك ياما وماسمعتيش
كتبت قصايد الدنيا ومابتقريش !
أنا حابب أقول بس إني مستغرب ..
كما العاده .
لا فاهمين ليه بنبعد بعض
ولا فاهمين ليه بنقرب !
أنا حابب أقول بس إني مانستكيش
فـ لو مبسوطه من غيري ,
ما بزياده انتي ماشبعتيش ؟

يا واخده من الزمن وقته
وواخده من السعاده السر
وحشتيني ..
وحشني العمر بمشاكله
وحشني كلامنا مـ المغرب لحد الفجر
وحشتيني ..
يا سيباني وأنا عادي ,
ممشي الدنيا من بعدك ومن غيرك
وهافضل برضو مش راضي .
وهفضل بشرب القهوة في نص الليل
وأشوف صورتك وأنا قاصد ومش صدفه
وبفتكرك كـ حلم جميل
وأوهم نفسي إن زمان غلبني الخوف
وقولت في يوم هانتفارق !
ودي حاجه ماحصلتليش ..
لأن زمان لما غلبني الخوف ..
ماقولتش حاجه غير : خايف فـ ماتسيبنيش .
وسيبتيني .


قصيدة يا سيباني - عبدالرحمن سامي 

Facebook profile
https://www.facebook.com/Abdlrhman.sami.belal 

Facebook Page
https://www.facebook.com/AbdlrhmanSamiOfficial/

يا سيباني / عبدالرحمن سامي

غير متاح

وبتسأليني _ مصطفي عصمت

زي عادة | سندس السيد

" دروشة " 💚 للشاعر وسام صابر

إلي من إمتلك قلبي ♥️ هبه القماش ♥️🎙️🎧

شفت الزمن | 4oft el zamn | نور محمد | 2mriky

قصيدة مشهد حياه(وجدي النحاس)

كسر قلمه (kasar_almo)

والمطر اللي بينزل دلوقت 
مش شبه اللي المطر اللي انا شُفته أول ما بدأت 
الشارع مش هو الشارع 
مش بس عشان طلعت عُمارات 
انما علشان ماتت حَضارات 
ماتت نظرات كانت عن حق 
ضاعت سلامات مخلوطه بأحلام ومحاولات 
والأمر الواقع بقى مش أكتر من اسمه 
الواحد بيعاين جسمه 
زي مابيفتّش محفظته 
بيدوّر على أجزاء منه ، فتحِت مواضيع
خبطت ف كراسي وف مشاعر وخريف وربيع 
وكإن الواحد بيسلِّم 
على شيء هيضيع قبل مابيضيع
--

القطر اللي بييجي برُكّاب 
مش زي القطر اللي بيمّشي محمِّل 
والناقص مضطر يكمل 

--
لم شفايفي من ع المجات واحسب 
عدد المرات اللي انا جرّبت حاجات فيها مع ناس مشيّت 
ارفع بصماتي من الأبواب وانت هتعرف 
ان انا ماتركتش باب إلا وجرّبت 
كل ما اقول قرّبت 
اتفرج على نفسي لوحدي
مزروع ف الأوضه اللي انا باقلع فها همومي 
بتأمل ناس لابس هدومي وعايشه مكاني
باتفرج على مشاريع أطفال
اتفق الشُركا يفضّوها
وبيوت كل ما ييجي العمال يبنوا حيطانها 
ييجوا ناس تانيين غير العُمال ويهدّوها 

--

مين المفروض دلوقتي يصبّر مين؟
الناس فاكره الطبطبه بالإيد 
واللي انا عاوزُه / ناقص ف السوق 
محتاج خمره تخلّيني أفوق
أو بِنج يحرّك أوجاعي
انما باجي ف أوقات وباقول مالهاش داعي 
الناس فيها اللي مكفّيها
مش هاتسوّل شلة أصحاب 
يطلبوا مشاريب وامشي آخرهم 
ولا ناوي أعكر صفو حاجات بحاجات غيرهم 
يكفيني أشيل بُرج إداري ، واغرس شجرة
ارفع عمدان من مطرحها ، وازرع أهلي 
اتبع خطوات ع السجادة وابني مكانها معارفي السابقين
مين المفروض دلوقتي يواسي ف مين

-- 

الناس ف الشارع ماشيه بناس مش حابّينهم 
عايشين ف أماكن مش مِنهُم 
واللي مصدّق ف الناس دلوقت 
بُكره يدينهُم 
انما بارجع أوقات وباقول : 
أنانيه ان انا افكّر بس ف نفسي 
لو كنت نجحت ف كل اللي انا دبّرتُه زمان 
كنت هاشرّد عشرين أسرة
هامنع رزق عن السينمات واكشاك الورد 
هامنع أطفال ييجوا العالم من باب غلطي 
واقطع بخيالي اللي انا ماملُكش سواه 
هافصل بين إيد واحد ماشي 
وبين الإيد اللي بتمشي معاه
وكإن المُخرِج مختارني أسلِّم لبديل
شغال عن الحظ مُجرَّد مندوب توصيل 
عقلي يقول لي : 
بإيديك قررت 
ومافيش حاجة اسمها مش عايز بعد امّا اخترتْ
اتفرج على فيلمك بحياد 
قلبي يقول لي :
لو كُنت ف يوم مازعلت هديت
لو كُنت ف يوم ما وقِفْت مشيت 
لو كنت نسيت 
كنت هاتبقى ف مطرح أحسن
بدل التواريخ ماتشيّد دنيا على كتافك 
ملعونه التواريخ اللي بتطلع على أكتافك 
لو كان فيهم واحد شافك زي ماتقصُد / مش زي ماقُلت
لو كان واحد فعلاً حسّك زي امّا بقيت / مش زي ماكُنت 
كان ممكن يبقى الفيلم جميل 
نهايات أسعد 
أعصاب أجمد 
وبيوت فيها ناس مش مهجورة
أحسن ما انت قُصاد الصورة 
بتبُص على الفيلم بحسره 
ولا منّك بتحقّق ايرادات 
ولا منك خارج بـ جوايز 

-- 

في الدنيا اللي بتحرِم محتاج 
وبتدّي لواحد مش عايز.

#الفيلم_اللي_ماخدش_جوايز

قصيدة الفيلم اللي ماخدش جوايز " عمرو حسن "

احلى كلمات

Mido Hassan