Es ilgojūs
Ari tod, kod soku tū, es ilgojūs
Iz ekrana vērdamīs es ilgojūs
Laiks iraid tik ļauns
Es īneistu
Ka vērtīs vīnam iz ūtru tik gryuši tān ir

I vysod zīma te
Ari juņa vydā
Muna sirds cauri laikam skrīn
Kai cauri snīgam
Puori zemeslūdei  i tovu rūku turēt
Lai zīma izbeidzās
Cik ilgām leidz ar snīgu juoizkreit
Lai atīt pavasara dīna
Draugs

Taipoš kai puteklis mozs 
Kas lidoj pa gaisu 
Kas lidoj pa gaisu
Es tai kai snīgs tik uotri
Tik zibeneigi
Sasnīgt tevi varātu

Snīgpuorslys tik lānai kreit
I vīna nu ūtrys tuoļuok teik
Es ilgojūs, es ilgojūs
Es ilgojūs, es ilgojūs
Cik vēļ ilgi juogaida?
I cik vēļ nakšu nagulēt?
Kod redzēsimēs? Kod redzēsimēs?
Kod sazatiksimēs? Kod sazatiksimēs?

Beigsīs borguo zīma
Kod pi myusu atīs pavasars
Zīdi sazīdes
Palīc te drupeit ilguok
Tok palic te

Nazkas manī pazamainiejs
Voi nazkas apleik pazamainiejs?
Suoku īneist pat itū momentu
Tuos ir puormejis
Vīnkuorši tys tai ir
Puoruok daudz īneistu
I daudzi grybu
Nav dīnys kod par tevi nadūmuotu
Nabeidzamys ilgys
Kū lobpruot izdziestu
Reizem gribīs variantu vīgluokū

Es izpyušu soltuos dūmys
Kai boltus dyumus
Kai boltus dyumus
Tai gribīs daudz kū izdzēst
Bet eistineibā
Tevi taipoš es turiešu

Snīgpuorslys tik lānai kreit
I vīna nu ūtrys tuoļuok teik
Es ilgojūs, es ilgojūs
Es ilgojūs, es ilgojūs
Cik vēļ ilgi juogaida?
I cik vēļ nakšu nagulēt?
Kod redzēsimēs? Kod redzēsimēs?
Kod sazatiksimēs? Kod sazatiksimēs?

Tu zyni jau, muns lobuokīs
Reita ausma atīs
Tei tymseiba tei zīma
Navā myužeiga

Verīs jau tuos vīšnis zīd
I zīma ari aizīt
Es ilgojūs, es ilgojūs
Es ilgojūs, es ilgojūs
Ilgys nabyus myužeigas
Pagaidi vēļ dažys nakts
Es te byušu, es tepat byušu
Es atīšu, es atīšu

Beigsīs borguo zīma
Kod pi myusu atīs pavasars
Zīdi sazīdes
Palīc te drupeit ilguok
Tok palic te

pavasara dīna (aba 봄날 (spring day), k-popa kavers ltg)

Audio nu performaņcis "Puotorus skaitom aiz laika".

"Performancē "Puotorus skaitom aiz laika" (latviešu literārajā valodā – "Pātarus skaitām savlaicīgi") mygluojs rosina domāt par neērtiem cilvēkiem, vietām un notikumiem, kurus dažkārt mēģinām apglabāt dzīvus. Lai gan šāds samierināšanās veids var sniegt atvieglojumu, ilgtermiņā tā nodarām pāri gan sev, gan tematam, kurš tiek nostumts perifērijā."

es nezinu nevienu stereotipu 
bet gardi pasmiešos
un tos saldi atražošu atgremošu

iz tīni nadreikst vērtīs
tī tik pūsts 
izneiceiba
i nikuo cyta
i vyspuor Gors ir tikai datora grafika
nazkaida hologramma
kas jau dekadi
stuov pastateita iz kolna
es natycu
ka tī var koč kas taids eksistēt

tai pat kai navar byut
ka tuoszemis bārni
sajem laurus i vītys
nu jūs robotim
nav pasorguots nivīns
robotikys čempionatu rings
nūvodā elektreibu pīslādz
tik reizi godā
taipoš vodi nav dastīpti
leidz kotrai sātai i dvoram
a tys
ka iz Bolvu nūvodu
nazkaidu pīrūbežu 
brauc teatri nu ruodēt nu Reigys
ir vyspuor absurds/ breds
kas vyspuor ir Upeite
tev laikam ir suocīs delīrijs
i kai tev nav kauna
maņ mieginuot īstuostēt
ka tev pogrobā 
nastuov samogona aparats

tei zeme ir naārta
tī dzeivoj 
pavysom nasaprūtoma volūda
kurā spieļoj tikai folkļoru
moš vēļ šlāgeri
i pusdzeivī skaita puotorus
pi seve sātā 
vari darēt kū gribi
tok kod asi iz īlys
pīvoldi sovu mēli
i nasalauz
munys latviskuos
ausu glīmežneicys

tei zeme aiz Viļuonu
ir uzskotoma par palākū zonu
tū tok var mīreigi
bez briekšonys atdūt Krīvejai
es naasmu tī bejs
vaira par divdesmit godu
tī tok nav īspiejamys puormainis
var attuolynuoti prīcuotīs
ka tys vyss
ir padūmju savīneibā īstriedzs
pa īlom staigoj viņ kleseituoji
i nastuost maņ lyudzu
kā tī ir tik pa breivdīnom
sabraukušī reidzuoni

kai puotorus skaiti
kod prozamūsšu es grybu
lai tei zeme naeksistej munā redzislūkā
jei ir gyužoma periferejā
lai maņ par jū nav juolosa tvīti
i zinis LSMā
es grybu tū atguoduot tikai breidī
kod juosoka svātais
"no Latgales nāk mana vecmāmiņa"
i kod atīt laiks pazasmīt
par DJ guntixa
balādem
i repa sonātem

Nu performaņcis "Puotorus skaitom aiz laika" (Tallinys īlys kvartals, 13.09.2023.)

originalīs video publiciets tviterī novembra vydā

https://twitter.com/aizskriejushuo/status/1326611362051731456?s=20&t=T2qAovXfR0VNBwrzmu3Ahw

kod maņ vaira nabyus c19

munā golvā tikai vīns
koksa grami pīci
aizlidoju vīns
iz tuolem bez apzinis
golvā dūmys viņ
kod tys beigsīs?
voi naasmu es vīns?
boltīs zuts pi maņa lidoj

šudiņ naasmu zvaigžņu givs
kreitu lejī kai bolka guļu
natycu tam kas pa uoru
kai vysta bodā dzīžu
tai kai vylks iz mienešnīku
golva tukša tai kai īla
prīškā tovai sātai
izšķeistu es tai kai batons
vuoļojās jis tī pa goldu
švaki kliust kod naīvalku
bruoli kurva plēš man seji
golvā bordeļs tai kai tv
nabreinūs ka vyss ir tai
vīlu tryukst vyss īguodūs
izdzeivuošu es ci nā
pusi sātys prodierss tān
es jau asmu apsapisīs
i nu sātys puordūts vyss ir
asmu porodūs konkretnai
daguns tai kai tabalugai
dīna div jau bez tripa
kur tys tuorps bolta ķimeja
tai jau besej itei lomka
tai kai čūkstā kūstu blusa

munā golvā tikai vīns
koksa grami pīci
aizlidoju vīns
iz tuolem bez apzinis
golvā dūmys viņ
kod tys beigsīs?
voi naasmu es vīns?
boltīs zuts pi maņa lidoj

ķimejis tusa eimom slāpuot
pi dilera na iz alpim
o bļa kurva tyuleņ mieršu
ja koč kū es naīviļkšu
grybu zvaigžņu dasaskart 
bet nikuo maņ athadņaks
lomkas maņ ir totālas
koč sapynūs es kosmonauts
nauda ir? kreiti arī?
es tok naskrīšu pats aizej
grybu lēkt kai pantēra
akciju nav pi dilera
vaira nav teišom nabyus
nuove laikam līk maņ sapyut
nareišu maņ ir drudzs
cik vēļ ilgi nasalyuzs?
kondiceja napalaiss
sapynā koksa vagons
geriča grams lai just garšu
grybu vadeit kadilaku
lai var nūbraukt pusi gorods
bet maņ kotram iraida porods
es tok sovys opcejis
kai ar škērem apgrīzis

munā golvā tikai vīns
koksa grami pīci
aizlidoju vīns
iz tuolem bez apzinis
golvā dūmys viņ
kod tys beigsīs?
voi naasmu es vīns?
boltīs zuts pi maņa lidoj

suni kai iz diskaveri
grybu saut kai pistaleti
sev i geru i cytys vīlys
daguns tukšs maņ tī trikmīņs
tev nav gargamelas numers?
moš jam kotlā drupeit gerys
zynu nasu muļkeibys
bet iz golda nav kū uzlikt
kārmanūs maņ ari tukšums
mekleju moš kaids vacīs kruojums
koč nu dvacārs atrostūs
liduotu es plašumūs
tai kai mozuo bite maja
dzīd maņ ausī dzīsmis nu kajas
smīkls nuok natycu tam
poza kai nūspruogušam lūpam
drudzis palīk arviņ švakuoks
rānom pylns kai fakira čūksts
tai kai taida nateira mauļa
vuoļojūs dagu aļņis līsmā
hej džonij grybu buorsteit
i kai začs pa pļovu laksteit
bet ar sovu trokū lomku 
nūveistu kai plāsta zuole

munā golvā tikai vīns
koksa grami pīci
aizlidoju vīns
iz tuolem bez apzinis
golvā dūmys viņ
kod tys beigsīs?
voi naasmu es vīns?
boltīs zuts pi maņa lidoj

kur tys boltīs zuts? (iz leji) (aba "Gdzie jest biały węgorz? (Zejście)" ltg kavers)

Grupys Likteneigīs Pagrīzīns iz Vaiņovu dzīsmis Ar Plastmasys Spani kavers.

Paļdis Dānejai par salūtim pīcūs vokorā.
Paļdis pīturai par nūsaukumu.
Paļdis Edeitei par gruomotu i Juram par notom 21.-23. lpp.
Paļdis tviteram par eksistenci.
Tak til NIB for fangirling.
Paļdis aļikam par ukuleli.
Paldies faniem ✌️

https://twitter.com/aizskriejushuo/status/1344676678757445632?s=20&t=T2qAovXfR0VNBwrzmu3Ahw

Ar Plastmasys Spani (L.P.I.V. kavers, Jaungoda apsveikums tviteram edišn)

pīkuss latgalīšu students ar teļepona diktofonu i narealizietom idejom

Zamys kvalitatis kaveri latgaliski

Popular tracks