الكلمات
ـــــــــــ

ادي الجرح اللى بستناه و ادي المعاده اسرع من الريح
ادي الي في يوم ما اتمنناه و ادي الجرح اللى شبه صريح
ادي اللى بقلبي حبيتوا و ادي اللى بأيدي ماسك فيه
ادي الشخص اللى ما أزيتوا و كنت في يوم تايه اراضيه
وادي اللى شفتوا في منامي عروسة مجملة الفستان 
و شفت نفسي بالبدلة في الكوشة و هي جمبي مدام
وادي الليل اللى انا سهرتوا و ادي الدمعة اللى قتلاني
وادي عريس جه و خطفها و انا أيدي ف جيبي و في مكاني
ادي الدنيا و ادي الايام و ادي الزمن اللى ماشي عكس
وادي و رقة في كشكولي و جه عليها علامة اكس
وادي حبي الضاع ببلاش و ادي قلبي الي داير نبض
و ادي شخص غيري عاش و ادي نفسي اللى عايزة الحرق
انا اللى فضلت للاخر و كان نفسوا ف كلمة حب
انا اللى استحمل اوجاعك وانا الميت و انا اللى اتهد
ــــــــــــــــــــــــــــــــــــــــــ
يتغير كادر الكاميرا و اشوف مشهد من المستقبل
واشوف عنيها فرحانة معاه فبطر انى اقبل
ــــــــــــــــــــــــــــــــــــــــــ
أدى عريسك اكيد افضل انا لسة مجرد صفر
مملكش حاجة اقدمها غير و رقة و قلم و كام بيت شعر
انا اتمنالك الاحسن لانى جد حبيتك
رغم كونى بتمنى اكون بدالوا جليس بيتك
رغم حزنى فرحانلك وصدقينى انا مبسوط
اهم حاجة ترتاحى و من قلبى بقول مبروك
متزعليش يوم لجرحى لا انا عادى و بتأقلم
متتشغليش يوم لضعفى عندى أرادة ما استسلم
انا بدونك عادى هاعيش لكن بيكى هاعيش افضل
وادام ربى كاتبلى اعيش هاعيش عادى اكيد هقدر
# و مش هطلب انا منك تسمى ابنك على اسمى
لكن هطلب متنسينيش و تحكى عنى و ابتسمى
قوليلهم (عمو) كان مجنون و كان عاشق تفاصيلى
قوليلهم كان يكون مبسوط وانتى بتنامى على صوتى
و اوعى تقولى اخطائى و اياكى تقولى حبيتوا
و اوعى تقولى ف اول يوم ف سنة جديده بكيتوا
و لو سألوكى عنى فين قوليلهم مات شهيد البحر
قوليلهم يمكن خسرنى لكن كسب قصيدة شعر
ــــــــــــــــــــــــــــــــــــــــــ
وانام فجأه و اشوف حلمى وانتى جمبة ف الكوشة
مجملة الطرحه البيضة و اشوف عنيكى مبسوطة
و اشوفها تروح شمال و يمين تدور عنى واقف فين
وانا مدارى ف الزحمة و عينى باكية على الخدين
ـــــــــــــــــــــــــــــــــــــــــــ
جليس بيتك بقى زوجك بقى اسمك على اسموا
وشفتوا معاكى ف الكوشة و انتوا الاتنين بتبتسموا
و فرحك شفتوا ف منامى و كنت بشوف نفسى الزوج
و فجأه الصورة بتغيم و اشوفوا هو اللى لاعب الدور
بوكية الورد جالك فجأه و ظهر هو على فجأه 
وانا ميت من اللهفة و شفت عنيكى فرحانة
و كنتى جاية تحكيلى وصوتك فرحان عفوياً
وقولتى جابلى ورد كتير و انا اللى عيونى غرقانة
انا اهانة لقصة حب جيت اعيشها معاشتنيش
ورفضت حتى تسمعنى و قالتلى لوحدك عيش
دى حتى لما قالتلى بحبك كانت خلاص بتام
ولما صحيت قلتلها انكرت و قالت دا اى كلام
قالتلى زمان اه حبيتك ف فترة و كنت ديما اغير
و كنت بموت اوى ف صوتك و كنت بتوه من التفكير
قالتلى لو هتتقدم نأجلوا هو و انت انجز 
لكن هقدر انافسوا ازاى وانا عاطل هو مهندس
انا فقرى مكنش عيب و لا ظروفى دى بأيدى
لكنى كبرت و لقتنى محقون بالفقر ف وريدى
فمش هقدر انا اصلا اعيشك نفس عيشتك
فلية اظلم بنات الناس و لية اصلا اشيل وزرك
انا سبتك لية هو احسن عشان بس حبيتك 
و اخر سطر ف الغنوة لو من نصيبى هازور بيتك
ــــــــــــــــــــــــــــــــــــــــــ
انا بادء سنة جديده و كانت باينة من العنوان
جليس بيتك دى حقيقة و مش قصة من الافلام

#تمت


MiGo Rap - جليس بيتك - 2015

MiGo Rap - كنت اعمى (جليس بيتك II)

زهقت من حياتى ف قررت اخلص منها !
لو كان علاج النفس الموت ل كان زمانى عاملها 
بس انا هخلص منها بالمصارحه من دون كدب
انا معملتش اى حاجة صح لاء بالعكس غلط
لما بعدت عن ربنا و نسيته بشكل كان نهائى
لما اتمسكت بالتفاهات ف بقيت انسان هوائى
لما خنت .. لما بعت .. لما قلت . انى جبل
لما بعدت .. لما عاندت .. لما عوجت . اللى اتعدل
لما ايه ؟! اللمه دى انا عمرى ما عشت فيها
الوحده كانت اوفى صديق مع اكتئابى لاقيها
صدمات كتير ف الواحد بس الصح انه ميتهدش
الصدمه بتوجع تجرح لسه فى اتقل ماتتخضش
اول صدمع المعاد تالته ابتدائى ف الأجازه
انفصال ابويا و امى كرهت ابويا دى الخلاصه
عادى جداً الحياه موقفتش مستمره
تتوالى الصدمات و كل صدمه تصحى صدمه
ــــــــــــــــــــ
أدى الحياه .. و أدى احنا فيها
وأدى اللى عايش .. بيجاريها
و أدى اللى حب .. ولا طالشى 
و أدى اللى ساهر .. و لا نامشى
وأدى اللى عاش فاكر حياته انها هتتعدل و تمشى
ـــــــــــــــــــــــــ
أسف لو كان اللوحه الاسود غالب فيها
دى حياتى انا مريض أعذرونى دى الحقيقه
انا مريض بفقد الناس بيخسرونى او بخسرهم
مع ان الحب كان م القلب طالع و بقدرهم
هما خانوا .. هما باعوا .. هما بعدوا .. هما سابوا
هما اتحبوا و لا حبوا .. هما عادى .. غمه راحت
هى سابت .. هى مين .. هى اللى عشانها بغنى
هى اللى لما اتخطبت كنت انا اول واحد أهنى
..
أشخاص حبتهم بس هما محبونيش ف عادى 
من امته اللى انا بحتاجه بالأمكان بيبقى قصادى
او من امتى اللى انا حبيته كان بيحب بقلب صادق
ملعون الحب اللى يبيعك و يهينك و انت ساكت
أسف... أسف لنفسى او اسف لكل واحد واحد
أسف لـ طيبتى اللى خلت كل واحد جاحد
أسف لـ أبويا أللى صنع منى شخص عاجز
أسف لكل صدمع كانت بتدمر فيا أسف
ـــــــــــــــــــــــــــــ
أدى الحياه .. و أدى احنا فيها
وأدى اللى عايش .. بيجاريها
و أدى اللى حب .. ولا طالشى 
و أدى اللى ساهر .. و لا نامشى
وأدى اللى عاش فاكر حياته انها هتتعدل و تمشى
ـــــــــــــــــــــــــــــ
يا كل واحد كان مفكر الحياه دى سهله 
يا كل واحد زهق فيها و تعب م المعافره
لسه اللى جاى أحلى شد حيلك استقيم
قرب من ربك اكتر اطلب نور ل طريق عظيم
قدامك واحد مدمر نفسياً منذوا طفولته 
مش هقولك خده قدوه بس اتعلم من تجاربه
انا لسه واقف على رجلى رغم صدمات جايه تهد
لسه قلبى داير نبض .... هفضل اعافر بكل عند
ـــــــــــــــــــــــــــــ
أدى الحياه .. و أدى احنا فيها
وأدى اللى عايش .. بيجاريها
و أدى اللى حب .. ولا طالشى 
و أدى اللى ساهر .. و لا نامشى
وأدى اللى عاش فاكر حياته انها هتتعدل و تمشى
ـــــــــــــــــــــــــــــ

يا كل واحد كان مفكر الحياه دى سهله 
يا كل واحد زهق فيها و تعب م المعافره
لسه اللى جاى أحلى شد حيلك استقيم
قرب من ربك اكتر اطلب نور ل طريق عظيم
قدامك واحد مدمر نفسياً منذوا طفولته 
مش هقولك خده قدوه بس اتعلم من تجاربه
انا لسه واقف على رجلى رغم صدمات جايه تهد
لسه قلبى داير نبض .... هفضل اعافر بكل عند
#MiGo_Rap
ThnQ


MiGo Rap - أسف - 2015

V1-Cho: MiGo Rap
V2: Bele
MiGo FaceBook
https://www.facebook.com/Fnan.Hazen
Bele FaceBook
https://www.facebook.com/Mahmoud.alhoedy

MiGo Rap Ft Bele - مصر مبتفرحش

عن مسرحيه مالك للمخرح وليد محمد عن روايه مالك ل محمود بكرى
#MiGo_Rap


اكسير الحياه   - MiGo Rap

MiGo Rap - ليله سودا

مجنون نفسى
.............
انا مت مرتين ف المره التالته سبته و مشيت
بسمع اصوات غريبه جدا و انا اعد ف البيت
حاسه بيراقبنى من ضهرى ببص مالقهوش
حابب ريحه شم الدم انتوا العبط انا مش عبيط
عفركوش مرتكوش بعانى جدا اظهر و بان
الشقه مش سايعانى ف بكتبلك و انا ف الحمام
بحلم بال 60 ايوه انا الفاشل
اليقظه ف دقيقتين ع النصيه واقف بغازل
اربع حيطان متر ف متر الحمام دا ديق
افكارى مش عارفه تفرد طولها تغرب ولا تشرق
انت خاين .. زيك .. الحمد لله كويس
بتضحك ليه انت غبى؟!  انا مش بهيس
....
دى اعراض تتنقلك حاسب من الطوفان
سيب نص الكبايه الفاضى فاضى و ادلق المليان
دى اعراض تتنقلك متحللش الحرام
فضى الكبايه كلها و لا نص فاضى و لا مليان
....
بص ع الارض الخصبه و سيبك م الصحراويه
الواحه . العجب . الساعه . 60 دقيقه بالثانيه
انا مش عاقل خالص لاء انا مجنون نفسى
مش حابب انى اتعالج عامل فرمه سكسى
اندكسى مليان لغه عربيه فصحى
ارقام موبايلات و حاجه بنت وسخه
اسف على الشتيمه.. على فكره ماليش صحاب
فاكرنى ف المصايب ف شايفهم اغراب
....
الابيض بيليق فيا ف بلاش تلبسيلى اسود
انتى اكتر واحده انا حبتها ف عن مسارك مش هحود
دا اكتئاب حاد واصل للكوميديا بسنه
موبايلى طول اليوم مفتوح مستقبلتش ولا رنه
....
استنى .. انا بنده .. عليك من سنين
كنت فين طول الفتره دى؟ سؤالى, انت مين؟ (معرفش)
بقلب ورق الماضى فجأه لقيت كشكولى خلص
لما اموت ابقوا ادعولى و ما تفتكروليش الوحش
*انت ايه خلاك كده و ايه اللى زرعك وسط دا
هشش بس اسكت خلاص مش عايز اسمع صوتك بقى
انا الانسان باهت عليا كبرياء فنان 
اما الشخص التالت فالت متعاقد مع الشيطان
ف انتى صعبانه عليا استحملتى مراحلى الثلاثيه
بس بأكدلك ان الانسان كان ليه الاولاويه
*مالك؟ - الحياه كئيبه *اهلا بيك تذكر
*حالك من احوال غريبه .. الشيطان مسيطر
ثكر جميع الابواب و ابدأ سرد ما وراء الطبيعه
الاكتئاب فشخ الواقع ف اصبحت حالتى مريعه
كلكم كلاب ايوه كلكم كلاب
صداقه دى عندها البومه براس غراب
صبوا فيا من احزانكوا هسمعلكوا و اديكوا و دانى
و اللى بيسمع من كل الناس مين بس يسمع احزانه
ف اصبحت ف مريض نفسى و نفسى مش قابله المرض
انا مجنون اعترف بجنانى اى كان صح او غلط
..
تمت

MiGo Rap - مجنون نفسى

كلمات
............
بعد الجواز زوج و زوجه و الحياه بتبتدى
و الورده كل يوم يسقوها واللى فات يتمضى
روتين حياتنا الهاجم على اسرنا بيحتلهم
ورب الكون يرزقهم بونسهم الطفل ابنهم
وفحضنهم يكبر و مشاكلهم تكتر
فالكابوس يحتل العيشه و الام بحياتهم تكفر
وتسيب البيت و تبعد مُصره عالانفصال
تدمير الاسره سهل جدا ف وقت الانفعال
و بيحصل الطلاق والابن بيعيش شقاء
فالام بتشوف حياتها و الاب الحياه سرقاه
و يبقى الابن بينا والدنيا سودا ضلمه
حوز الام مرات الاب فـ الحياه مش كامله
يوم هنا و النظره بتقتل يوم هنا و الكلمه بتوجع
يوم ف يوم مش لاقى مكانه العين تحمر تدمع
يضرخ الدنيا ظالمه و المعامله زى الزفت
فساب البيت و كتب ورقه نصها انا زهقت

واخداه الحياه و حضن الشارع التقاه 
و الخطوه ف ليل الوحده تزود الاحزان معاه
والاشتياق لماضى قديم انعدم و كل الحب نساه
واخداه الحياه و حضن الشارع التقاه 
و الخطوه ف ليل الوحده تزود الاحزان معاه
والاشتياق لماضى قديم انعدم و كل الحب نساه
واخداه الحياه والجراح مخلياااه
بقى شخص تانى غير العادى والشارع مقوااه

اليوم بيجر يوم و الشوارع بتبهدله
لكن اللى شافو فيها اقل من اللى استحمله
على الرصيف مكانو و الزباله فيها طعاموا
واللى يميل عليه بأكل و اللى يهينوا ويلعن حالوا
واللى بيطمع فى و بيغريه بكنوز البحر
تعدى جنسى والزن ع الودان كالسحر
ويمد ايده و يا بيحنوا يا بيهنوه
و مافيش رفيق غير اطفال زيو بيشبهوه
مع كل واحد م الشارع حكايتوا بيقصها
بيواسوا بعض رغم الكل فدواما و ما بعدها
يسأل على شغل و الرد دوما فاجع
مافيش صاحب شغل بيشغل اطفال شوارع
ورغم ظروفهم اللى بتقتلهم كل يوم
بيشوفو م الناس معامله بتزود فيهم هموم
هما مش كلاب هما بشر زيينا
ليه بنبصلهم بأستحقهار ونعاملهم بأفترا

واخداه الحياه و حضن الشارع التقاه 
و الخطوه ف ليل الوحده تزود الاحزان معاه
والاشتياق لماضى قديم انعدم و كل الحب نساه
واخداه الحياه و حضن الشارع التقاه 
و الخطوه ف ليل الوحده تزود الاحزان معاه
والاشتياق لماضى قديم انعدم و كل الحب نساه
واخداه الحياه والجراح مخلياااه
بقى شخص تانى غير العادى والشارع مقوااه

تمت

MiGo Rap - حضن الشارع

MiGo Rap Mix With Mohamed Mouner 
الكلمات
ــــــــــــــــــــــــــــــــــــ
من غير كسوف....
مشيت وياكى للأخر أتارى اولك أخر
عنيكى خدتنى للحلم اللى مابيكملش
ــــــــــــــــــــــــــــــــــــ
أخدني سحر عنيكي لـ طريق آخرتُه معروفه
لـ دقة قلب ، لـ لمعة عين ، لـ مسكة إيد مكسوفه
لـ طريق نهايتُه سد في الأساطير قالوا عنوا كده
لكني مكمل فيه و مُستمع و الأحداث مُبهجه
مبسوط لـ ضحكتك ، لـ هَمسِك حتي و لمستك
لأي لحظه حلوه بيننا و حتي كلمة بَعشَقك
فـ الإيمان بـ الحُب واجب و انا بأمنِك عـ اللي باقي
من حياتي و الأفعال أكيد أهم من الكلام
ــــــــــــــــــــــــــــــــــــ
كلام خلى احلامى تشوفنى واشوفها قدامى
وهمتينى وخلاص مقدرش ماتكلمش
ــــــــــــــــــــــــــــــــــــ
أحلامي كانت كوابيس طُموحاتي شبه متدمره
لكن معاكي رسمت خطه و حددت حياتي بالمسطره
شوفت الحياه بتضحكلي و كُل حاجه بتتكون
و كُل رسمه باهته تلقائي بدأت تتلون
إتغيرت حياتي الحُب ده جميل بشكل
فعلاً إحساسوا ساحر حَوِّل كُل صعب سهل
فـ بعترف حبيتك و حبيت ضحكتك الصافيه
وغلاوة نظرتك الدافيه لاخدك بالزوق أو بالعافيه
ــــــــــــــــــــــــــــــــــــ
شوفت العيون بتلون شوفت الحنين مكبوت
شوفت الحُب بيسنن مع ضحكه بنت بنوت
شوفت الكلام مكتوب إتحس متقالشي
لو كُنتي راجيه حياه فـ حياتي اهي خُشي
ــــــــــــــــــــــــــــــــــــ
من غير كسوف...
ايوه انا مليت .. من كتر ما استنيت 
وتعبت لما داريت .. احساسى بعنيكى
من غير كسوف...
انتى اللى انا حبيت .. وعشفت و اتمنيت
شلتك ف قلبي سنين .. عمال اخبيكى
ــــــــــــــــــــــــــــــــــــ
هداري لحد إمتى الحُب عمروا ما كان غلطه
كُل القصص بتقول إن قصتنا حاله طارئه
الصُدفه جمعتنا واتولدت بيننا المشاعر
و دي تبقي أحلي صُدفه اللي بتخلق حُب طاهر
الخيانه مش طريقنا طالما الحُب ساري فـ عروقنا
إنتي مكسب ليا و يا بخت اللي حبيبها شاعر
'' فـ يا من هواه القلب تذكر إن قلبي هالك ''
''وعندما نبض إليك وجد أن الشعور مُتشارك''
فـ العقل و القلب اتحدوا لأول مره و دوبت فيكي
و سهرت طول الليل أكتب أشعار فـ جمال عنيكي
أنا دوقت حلاوة الحُب معاكي لأول مره بجد
 و عندي شعور بإن قلبي أول مره يحب
ده انا كُل ما اسمع صوتك أحس بنبضات قلبي تزيد
آيوه بحبك و هفضل أحبك كُل مره حُب جديد
وإياكي تبقي عاقله فـ حُبك أنا حابك وانتي مجنونه
ولإني مركز قوتك فـ انتي بنوتي الصغنونه
ــــــــــــــــــــــــــــــــــــ
مشيت وياكى للأخر أتارى اولك أخر
عنيكى خدتنى للحلم اللى مابيكملش
كلام خلى احلامى تشوفنى واشوفها قدامى
وهمتينى وخلاص مقدرش ماتكلمش

MiGo

Popular tracks