ارجعـ اغنى ، وابصـ للقمر وانا بحكى
انا مش بياع فـ كتابتى ، انا صونت وانتى بيعتى !
انا اتسميت انا اتعميت انا اتخميت فـ كـدبكـ
انا اتعشمت انا ترميت انا اكتفيت من عشقكـ
-
محبوب من دول و دول انا اتحبيت علشان مليجى
وتلف وتدور وتدوخ اما انا ف انا  مش ناسيكي
انا كنت بقول هشيل هموم الدنيا خلاص ونعدى 
انا مش سكران فـ الغنوة انا اللى قطر الحب فاتنى
-
ياروحـ القلب انا كنت بحلم نفضل دايما سوا
ملناش نصيب فـ الدنيا بس هنتجمع فـ السما
ويطيب الليل بذكرى وضحكة لينا فـ صورة
واضحكـ وقلبى يهون عليا عشانـ مكسورة
- 
ياليل ياعين انا فاكر اول لمسة وايدى فـ ايدها
هتدومـ لمين انا عمرى ماهنسى ولا هرجعـ احنيلها
سيبها ، تدور بين قلوب الناس
ولو لاقيتى فـ عشقى حلال عليكى يا بنت الناس  
-
اسرحـ ف اللحن واكتب نوته ف عشق القمرتنسه    
المحـ بطرفـ العين مراكب عشق ماليها مرسهـ 
-
ياروحـ الروحـ ، حبكـ خلاص اتنسى واتباعـ
ومسيرنا نتوه ، والعشقـ رايدني عشان سواحـ
ياحوا الجنة لينا برغم طول البعد ما بيننا
وفـ يوم نتمنى عشق يدوم ويطول وحلال يجمعنا
-
متكابر ، ماتحلكـ مش هنرجع اصلا
متعاند ، الكـيف مبيخدرش فـ لحظة
الليل طويل والعشق يهون والوحدة كانت اختبارى
البعد كان قراركـ اظن ان انساكـى اختيارى
-
قالوا عنك حية تلدع قولت قربكـ نعمة
ياحوا العشق اتنسى والبعد طال و بقى يتعبنا
وغيـبـنا .. ، وانا لسة فاكر كل كلمة
العند بالعند انتى اتنسيتى انا مش عايزها
-
فى روح متابعانى وماشية ورايا وبتراقبنى
و زى ماتعلمت و خيبت وعيبت هعلم ابنى
ويسيبنى ، ويغنى لـ واحدة ف لون عنيكى
ان كان للبحر موج فــ الليل موجة كان مليجى
-
اسبح في خيال الماضي وارمي همومك قصه قصه 
افرح كتير وما تزعل ما اللي باعكـ خسركـ انت

Vivid | حية

Prod. by : @ssoommbbooll
Rec. by : @thecaavee

الكلمات :
من غنوةة لـ غنوة .. وانا لسة بغنى مسيرنا هننسي 
والعشق تاعبنا .. والبحر صاحبنا وشربه عايزنا
واحلف بـ 100 يمين على اللى سابنى هييجى و يرجع
يا صحبى مسيرها ف يوم هتركع  .. 
-
وافرق لو طال غيابى واهرب من احلامى بـ اغانى
واصحى ف اخر الليل واتوه وافوق .. واعاتب حالى !!
انا مش هعمل حساب لعيش و ملح .. الكل ناقص
مليجى مَيتكسرش خالص ..
-
لو تعرف .. انا قلبى اتخم ف حبه ليك 
انا اللى اتقالى شوف بـ عنيك مش دى اللى بتموت فيك 
انا كنت ف كل فجر ابص ف سما وادعيله يجمعنا سوا
انا حباك انا رايداك كان كله كلام ف الهوا
-
تجمعنا صُدفة .. و اشوفك وانتى ف حضنه حلوة 
ماتسيبها .. ، وتبطل تحكى عنها ف غنوة
انا اكتفيت لفيت وتعبت كتير و بنيت احلام من كدبَك 
انا فاكر كلمة بحبك
**
فقدتك.. يا أعزالناس .. فقدت الحُب والطيبة
و أنا ملّيت فـ هـ الدنيا .. سواك إن طالت الغيبة
**
تعالى نسكر .. وافرح حبة قبل ما أفوق
محدش فيها سالك بـ قلبه احلف بـ دين مُحمد 
انا مش بياع ف كلام لـ ولاد ركلام بيهونوا العشرة
عاشرت فـ كل ولاد العوجة.. 
-
انا مش محتاج ليك .. انا كنت بغنى لناس بتعانى 
خسرت كل ولاد الساذجة ، عاشرت ف ناس حبانى
عشماان .. ، عشمان ف اللى ضاع واتنسى
حبيتهم اه .. لكن مشوفتش منهم غير اذى
-
لو تعرف ، البعد كان بحكم المولى 
انا لو بآيدى كنت هجيبلك تفاحة من الجنة 
انا كنت فـ ضهرك .. دلوقتى نسيتك
وانتى بقيتى عندى ذكرى فاتت زي غيرك
-
ونتوه فـ الليل .. ونسأل ع اللى ضاع مننا 
ونقول مواويل .. واتارى اللى راح عمرنا 
نسيتى حبنا .. انا اللى حافظت عليكى وصونتك
يا ريتنى م الاول ماشوفتك
**
شي أسوى بـ الألم و الأه و لكن البُقي لـ الله
يصبرني على بعدك و ده حظى و راضيها
**
THANK YOU FOR LISTENING & MY RESPECT FOR YOU <3

Lord's Rule | حُكم المَولى

Rec & Master : The Cave 
prod. : @ssoommbbooll
و اتارينى كنت فـ حلم طويل وفـ اخره فوقت
أنت خونت و أنت هونت و أنت كنت ضهر و توهت 
و مكانش غريب أنك فـ وسط كل دول و لوحدك
عاش كـ طير وحب الخير للغير مع ان الغير كان كارهك
-
سهله .. انا قدرك بيعاقبك ع اهلك
أنا نبرة موت تندهلك .. أنا و أنت فـ كون متدغدغ
حبه فـ نور و حبه فـ عتمه .. حبه قصور و حبه فـ كهفك
حبه فـ زحمه وحبه لوحدك .. حبه تعوم وحبه المرسي !
-
فـ انسي .. مش عادى انساها و تكون ماضى 
الناس دى وشوش و كل كلامهم ليا كان ع الفاضي
سلملى ع اللى بنسهر نكتبله وقوله اشتاقناك
قوله وحشناك .. قوله ان الليل غلاب و انا هستناك
-
الناس دى مزاد .. سلطانهم دة ميسواش بريزة
انتى سهله وانتى تافهه و انتى انا حبيتك غريزة
نفسي عزيزة .. طب عد انا شوفت ليك كام منظر
مبقتش بعرف اعدى و اشيل و اكتم و حلمى زهايمر
-
C- BEDO EL WALY :

و صار دة الحال يا خال و خانه
جدع بنى قصور فـ خياله مع صبيه كات ملازمة منامه
و بات يعزف الات ليها فـ نفس المكان
مكانش يعلم أن بعد قلوبهم بعد تونس عن لبنان
-
اتعلمت و اتعشمت تنام من غير ما اصوات تناديك
انا ضهرك وقت ما كل الخلق كانت غاوية تعاديك
انا قدرك من ربك كان مرضك داب فـ الجسم و قتلك
انا صاحبك وقت ما فكرت تحبها قال فوق يا عبيط
-
غبارة و دايرة .. غلطانة و اللى حضر يشهدلى 
انا كنت مأمنك ع ضهرى .. اما انت اتغفلت يا صحبي
فـ انام و اقوم .. ساعات بحب افلام الكرتون
و أتخيلها ساعات " اميرة " و أتخيل نفسي المجنون
-
يبقي فـ غنا .. كان هنا و فجأه أختفى وتاه و اتنسي
و انا مش كدة .. مع انى مجدع كله يحب الأذى
متخافش انا جمبك وعد الحر دين و انا ابن راجل
بيقولوا ان انتى شبهى انا كنت لوحدى وكله قصادى
-
وانا مش راضي .. معضش فيا غير اخويا
يابن ابويا انا الشارع علمنى العيش و الملح يصونك
و انت بيعت ..  و انت غيبت .. وانت ميلت انا اللى شيلت
كله كدب .. و وقت ما شيدتك للصح انت اللى سيبت
 ..
C- BEDO EL WALY :

و صار دة الحال يا خال و خانه
جدع بنى قصور فـ خياله مع صبيه كات ملازمة منامه
و بات يعزف الات ليها فـ نفس المكان
مكانش يعلم أن بعد قلوبهم بعد تونس عن لبنان

Auction I مزاد Ft. EL WALY

_
Underground Rapper From Dar El Sallam , Egypt
اسمعنى هتلاقينى معرفكش وبتكلم عنك ♥
Miligy ✪ 
_

MILIGY ✪

Popular tracks