قراءة في لوقا 7
المسيح والمرأة في بيت سمعان .. بالبلدي كدة


واحد "كويس" عزم يسوع ع الغدا
فالمسيح لأنه مش بيرفض حد،  لبّى الندا
ولما انتشر الخبر
سمعت بيه واحدة ست (لامؤاخذة) سلوكها كان بطال
ومشهورة بكدة ف المنطقة.
وأول ما سمعت، خدت معاها إزازة العطر
ودخلت – معرفش إزاي- بيت الراجل "الكويس" !
(غالباً من غير ماحد ياخد باله)
وكان المسيح حسب عوايد الناس ف الزمن ده
متكي قدام الطبلية على شلتة كبيرة وممدد رجليه لورا
جت الست اللي "لامؤاخذة مش كويسة"،
من ورا المسيح وهي مدمعة.. وراحت مرمية ع الأرض وهاتك يا عياط!
وف وسط انهيارها دموعها كانت زي النهر على رجلين السيد بتغسلها.. والمسيح معلقش!
شوية، وبدأت كمان تنشف رجليه بشعر راسها.. وهو برضه معلقش!
فبدأت تبوس ف رجليه وتدهنهم بالعطر اللي معاها!!!
ولما الراجل "الكويس" شاف المنظر ده.. معجبهوش نهائي
وابتدت الأفكار تلعب بدماغه كأن جواه خناقة:
يا إما يسوع ده مش نبي ولا حاجة، فمش عارف الست دي تبقى مين..
أو هو عارفها وعارف مصايبها وساكتلها..
استغفر الله العظيم.. إزاي كتلة النجاسة دي تلمس الراجل الطاهر الكُمّل ده، ويفضل بريء؟ إزاي يعني؟!
قطع حبل أفكاره صوت المسيح الهادي الجريء الحاسم:
يا سمعان.. إديني ودنك واسمعني
كان في 2 مديونين.. واخد بالك؟ 2 مديونين لنفس السيد
واحد مديون بكتير والتاني مديون بقليل 
والاتنين هيروحوا السجن بسبب ديونهم لأنهم مش معاهم يسددوا
ولما السيد لقاهم معدمين.. سامحهم هم الاتنين
تفتكر مين فيهم يا سمعان هيبقى ممتن وشايل الجميل وبيحب سيده أكتر؟؟
سمعان قاله: متهيألي اللي كان مديون أكتر!
رد عليه المسيح وقاله: برافو عليك يا سمعان..
شايف الست الغلبانة دي اللي انت شايفها وحشة قوي؟
أهي دي بتحب ربنا أكتر منك بكتير.. تخيل!!
عاوز تعرف الدليل؟
انت عزمتني عندك ف البيت، لكن واجبات الضيافة المعتادة معملتهاش
مخلتش عبيدك يغسلوا رجليّ، ولاقمت استقبلتني بالبوس والأحضان، ولاقدمتلي عطور.
لكن الست دي غسلت رجليّ بدموع عينيها.. ومسحتهم بشعر راسها
دهنت بالعطر رجليّ ومبطلتش تبوس فيهم..
انت متخيل كم الحب اللي هي بتحبهوني؟؟!
عارف ليه؟ لأنها حاسة بكم الغفران
حاسة قد إيه هي كانت مديونة، وانا سامحتها.
أما انت فمش حاسس أصلا انك غلطان ف شيء أو مديون، وبالتالي مش حاسس بالغفران
فحبك شبه معدوم للأسف.
وراح باصص للست "اللي كانت وحشة" وقالها:
انا غفرتلك خطاياكي خلاص
بسبب إيمانك بقيتي حرة م الخطية ونتايجها..
انطلقي بفرح وحرية وسلام

والمجد لله دائماً

إنجيل لوقا 7 - على قد ما فهمت

شوق العيون - فريق التسبيح - مهرجان احسبها صح 20122

ترنيمة طوباكي 
ترتيم: كورال أم النور بكندا
من احتفال : الله ظهر في الجسد
2022

الله ظهر في الجسد Dec. 2022

Toubaky Toubaky - Lady of Light Choir |   ترنيمة طوباكي طوباكي

القس جوناثان رفعت..ترنيمة مد ايديك يا الهي

ترانيم مسيحية ، الاخ نجيب لبيب ، زكريا حنا ، حبيب العمر ، الاخ منير حبيب ، mp3 ترانيم ، 

الاخ زكريا حنا - راجعلك أنا تانى

. تُعَرِّفُنِي سَبِيلَ الْحَيَاةِ. أَمَامَكَ شِبَعُ سُرُورٍ. فِي يَمِينِكَ نِعَمٌ إِلَى الأَبَدِ
(سفر المزامير 16: 11)
________________________
Lady of Light Choir كورال أم النور بكندا

2015 استيقظ الآن (Special Edition)

أمامك شبع سرور | كورال أم النور

ترنيمة/ مجداً لاسمك
تأليف  وتلحين وترنيم : كورال ام النور بكندا
من البوم / حفل : ضابط الكل
2017

Pantocrator - Dabet-El-Kol

Magdan Le-Esmak ترنيمة مجداً لاسمك

ترنيمة أعلن حضورك هى مناجاه للرب وصلاه ورساله من أجل أولاده حبايبه ، أرسلهم بتكليف ألهى الى عالم حزين يئن ويتمخض ويبحث عن الله ، أرسلهم صوره له ليعلنوا حضوره ومجده ،لكى يكرزوا بالأخبار الساره والمفرحه ويشفوا المرضى ، ويصنعوا عجائب ويصيروا صوره ومثال عن جود الرب وحنانه ورعايته ومحبته لكل البشريه
فريق صوت الإله
ترنيمة أعلن حضورك
أسماء الباند
مريهان موريس
نورهان عادل
مارو رزق الله
أنجى ناجى
أمانى هانى
مارى سمير
مارينا عبد المسيح
سامح حمدى
فادى فوزى
ماركو عزمى
رومانى توفيق
رومانى صالح
بيشوى يوحنا
رامى حليم
أداريات :
أمير زيتون
كلمات وألحان : أبونا مكارى يونان
توزيع مكس ماستر : م/ فادى طلعت
هندسه صوتيه : م / بافلى
تم أعمال التسجيل والمكس ماستر بأستديو برايم أوديو . مصر الجديده
تم التصوير بكنيسة مارمينا فم الخليج
تصوير : ميلاد ماجد
جرافيك ديزاين : فادى فوزى
مونتاج : ماركو برسوم
مدير أنتاج : سماح خله
منفذ أنتاج : مايكل وجدى
أسطى أضاءه : بلاك
شكر خاص :
أ/ أيمن كرم
أ/ أيميل مارونى
أ/ مارينا القس برسوم
أخراج :
رامى نبيل

ترنيمة { أعلن حضورك } لفريق صوت الإله 2020

مزمور 91  على قد ما فهمت
أنا ساكن ف المخبأ السري.. بتاع اللي أعلى من كل عالي
هبات مرتاح ف الضليلة.. بيت اللي يقدر على كل شيء
هقول لربنا: انت إلهي.. ملجأي والحصن الحصين
علشان كدة هتطمن وهتكل عليك وهتكل عليك بكل ثقة

عارف؟ لما ابليس يعملك كمين.. أذكى من فخاخ الصيادين؟  ربنا بنفسه هو اللي هينجيك
عارف؟ لما ييجي الوبا اللي مش بيفرّق وبيحصد الأرواح؟ ربنا بنفسه هو اللي هينجيك
زي الطائر .. لما بياخد كتاكيته ف حضنه.. ربنا هياخدك ف حضنه الدافي.. يدللك ويحميك
كلامه ووعوده هيبقوا هم حمايتك ودرعك الضخم اللي يحفظك 
متخافش من رعب الليالي ولا السهام الطايرة بالنهار
متخافش من وبا ماشي بثبات ف كآبة الليل ولا لسعة الدمار ف عز الضهر
لما تلاقي الناس بتتطوح حواليك، ويقعوا جنبيك.. انت مش هيقدر عليك
إنما تتفرج بعينيك وتشوف بنفسك وقت حساب الأشرار

لأنك كلمت ربنا، وقولتله: انت ملجأي
خليت حضن ربنا العالي هو بيتك
البلوى مش هتقدر تموتك.. والمرض المُعدي مش هيعتّب بيتك
عارف ليه؟؟
علشان هو أصدر تعليماته لملايكته ياخدوا بالهم منك ف كل طريق تمشي فيه
هيشيلوك على كفوف الراحة علشان رجلك متجيش ف الحجر
هتدوس ع الأسد الأسود.. هتسحق راس تعبان الكوبرا ملك الحيات
هتمشي تدوّس على راس الأشبال والتعابين

علشان هو اتعلّق بيً.. كلبِش فيّ.. واعتمد عليّ
هوّصله بسلام
هخليه حصين ومنيع ف وش الأعداء  لأنه عرف اسمي
هينده عليّ باسمي.. وأنا هجاوب عليه باسمه
هكون معاه ف وقت المحنة.. هفك أسره واحرره وكمان همجده
هشبّعه بعمر طويل  وهيبقى شاهد على خلاصي

هللوياه

Psalms - 91

ترنيمة شهوة قلبي - المرنم ايمن كفروني (192  kbps) (abdwap2.com).mp3

مزمور 137
على قد ما فهمت

وأنا بعيد عن ربنا، قاعد ف مكان مستني منه ارتواء
قعدت، وقعدتي طالت
وف قعادي
جريت دموعي زي النهر
ونفسي انحنت زي شجر الصفصاف
لما افتكرت أيام حضور ربنا ف حياتي
وف بعادي
وقفت نشيدي وتراتيلي وألحان الرب
اللي كانت بتغني حياتي

واللي شاددني لبعيد؛ أسرني وسباني وعذبني.. عدوي
جاي بيقولي غني!
عدوي اللي كان بيخاف من تسبيحي زمان..
جاي بيقولي: رتل.. قول ألحان ربنا على لسانك واطربني
سمعني ترانيمك اللي كنت بتحبها لما كان ربنا ف حياتك !
إزاي؟!
إزاي أسبح تسبيح ربنا بفمي وأنا قلبي أصلا بعيد عنه؟
طب إنشالله إيدي تنشل.. ولساني ينقطع
لو اتحولت لممثل بيغني بكلام ربنا بقلب فاضي وقاسي وجافي 
وناسي بيته وحضوره
لو معودتش أشوفك يارب أغلى حد عندي 
وأغلى من كل حاجة ف حياتي
يارب
الجسد وأعماله هو سر وكستي، وخراب عشرتي وياك
ياريتك تنصرني عليه بروحك
وحط ف قلبي كمان إيمان
يهزم العالم بشهواته
ويهدم مغرياته ف عينيّ
يابخت اللي يعرف يجيب أعمال الجسد وشهوات العالم
ويحطهم تحت رجليك يارب

هللوياه

Psalms - 137

Mikhaiel Mina

Related tracks