انا

مش هروح _ السادات وفيفتى

Samo_Zain-06_ Hat3raf  سامو _ زين _ هتعرف

Samo_Zain-08_Fe_3esh2ek سامو زين _ فى عشقك

اغنية يا سيد الناس  من فيلم سالم ابو اختة  محمد رجب  طارق الشيخ

لسّه الفرح ممنوع

الأوله..لأ..
بلون الدم باتلوِّن
..ونا للحلم باتهيَّأ
والتانية..لأ..
فـ حضن الحلم باتكوِّن
..بازاحم والبراح ضيَّق
والتالتة..لأ..
لهيب الصدق بيدوِّن
..أسامي النازفين روحهم
تمن للحق

الأوله..لأ..
والتانية..لأ..
والتالتة..لأ..

الأوله..بزلزلها..تنقَّط توت
..مابشبعشي
تقوللي الصبر تصبيرة
ونا نبضي حطب للجوع
والتانية..بانازلها..فـ ضل الموت
..مابكسبشي
سوى نياشين من الحيرة
وتاج من عطرها الموجوع
والتالته..باغازلها..بشوق مكبوت
..مابرتاحشي
واداري الخوف بتكشيرة
مدام لسَّه الفرح ممنوع

الأوله..لأ..
والتانية..لأ..
والتالتة..لأ..
------------------------------------
كلمات والحان : أنطونيوس نبيل
توزيع : محمد يسري

لسّه الفرح ممنوع - جوني

أنا الصرخة

مانيش قادر 
أغادر
شطِّك الهادر
وأخلَّص جدري من طينِك
ولا قابل أقول توتة
وخلصت بينَّا حدوتة
وأنا أحلامي منحوتة
على جبينِك
أنا الطير اللي باني العش
فـ غيومِك
أنا البُقعة اللي مابتوجعش
فـ هدومِك
وأنا الصرخة اللي زارت
كل زنازينِك

مانيش قادر

-----------------------------
كلمات والحان : أنطونيوس نبيل
توزيع : محمد يسري

أنا الصرخة - جوني

آخر سيجارة

عُقب السيجارة الاولى
قال اوعى ترميني
ولَّع بناري التانية
فـ التانية تحييني

عُقب السيجارة التانية
قال اوعى ترميني
ولَّع بناري التالتة
فـ التالتة تحييني

قاعد ومستنِّيكي مع قهوتي السادة
مع وشها المجروح باتملَّى فـ غيابِك
حيران وباسأل فين فـ الحلم باتمادى
عطشان وروحي ايدين بتدق على بابِك

عُقب السيجارة التامنة
قال اوعى ترميني
ولَّع بناري التاسعة
فـ التاسعة تحييني

عُقب السيجارة التاسعة
قال اوعى ترميني
ولَّع بناري العاشرة
فـ العاشرة تحييني

فاتح قصادي كتاب متلخبطة سطورُه
هشَّة الحروف م الخوف مش قادرة تتماسك
بيني وبين الناس الليل نصب سورُه
مستنِّي ييجي النور ممزوج بأنفاسِك

آخر سيجارة معايا
شافت دموع عيني
قالتلي يا ابني كفاية
قوم ياللا واطفيني
----------------------------------
كلمات والحان : أنطونيوس نبيل
توزيع : وليد ميمني

آخر سيجارة - جوني

ليه عينيكي؟

ليه عينيكي بتحلى أكتر
لما عنِّي بتبعدي
ليه فـ قُربك منِّي باقتل
كل حلم بيبتدي
ليه شفايفِك وانتي جنبي
بالدموع متلونين
هوَّ ذنبِك ولاّ ذنبي
نبقى دايماً مجروحين

ميت سؤال شايفُه فـ عينيكي
تبقي جنبي ومش لاقيكي
لو خلاص الخوف ماليكي
عرَّفيني وماتداريش
لو خلاص م الخوف تعبتي
ودَّعيني يا حبيبتي
مش هـ أقولك ليه فارقتي
مش هـ ألومك ماتخافيش

غصب عنِّك بتسيبيني
برضُه أحسن ماتخونيني
واللي كان بينِك وبيني
ويَّا غيري هـ تلاقيه
دوَّري على حلم تاني
تمحي بيه الأولاني
بكره طيفِك لو نداني
هـ ابتسم واعمل ناسيه
------------------------------
كلمات والحان : أنطونيوس نبيل
توزيع : محمد يسري

ليه عينيكي؟ - جوني

على خيوط الأمل

على خيوط الأمل فيكي
أنا اتشعلقت
لمحت الحب فـ عينيكي
أوام صدقت

حلمت تكون بيبان فرحي
فـ حُضنِك لسَّه فاكراني
حلمت تسيلي فوق جرحي
مطر يغسلني من تاني
مطر يمحي ما بينَّا فروق
ماكنش وجودها بإيديَّا
يفجَّر بين ضلوعي شروق
ينوَّر كل شيء فيَّا

أكون شايفِك وأكون سامعِك
وأكون وقت اللُّقا شوقِك
وأكون ساعةْ الألم دمعِك
وأحسّ بنبضي فـ عروقِك
أمدّْ إيديَّا الاقيكي
والاقي لغربتي نهاية
أنام ماحلمشي غير بيكي
شطوط ممدودة جوَّايا
-----------------------------
كلمات والحان : أنطونيوس نبيل
توزيع : وليد ميمني

على خيوط الأمل - جوني

أغنيه "و بعدين" لتامر حسنى من فيلم الحرب العالميه التالته

آدم وحنان - ماجدة الرومي

انضموا لــــــ اقوى بيج اغانى على الفيس بوك http://www.facebook.com/pages/%D8%A7%D8%AC%D9%85%D9%84-%D8%A7%D8%BA%D8%A7%D9%86%D9%89-%D8%A7%D9%84%D8%AD%D8%A8-%D9%88%D8%A7%D9%84%D8%B1%D9%88%D9%85%D8%A7%D9%86%D8%B3%D9%8A%D8%A9/143109119070078?ref=hl

انا

mimoo5