MATRIX

و اللى بنى مصر كان فى الأصل حلوانى
و عشان كده مصر يا ولاد حلوة الحلوات
وادى و بوادى و بحور و كفور و موانى
توحيد و فكر و صلاة
تراتيل , غنا و ابتهالات
و كل ده فى مصر يا ولاد حلوة الحلوات
اللى بنى مصر كان حلوانى يا ولداه حلوانى
اسمه على بوابتها لا زال و لا زايل
ساعة الهوايل يقوم قايل
يابلداه
و ييجى شايل
هيلا هوب شايل .. حمولها و يعدل المايل
و عشان كده مصر يا ولاد حلوة الحلوات
بحلم يا صاحبى
و أنا لسه بأحبى
بدنيا تانية و مصر جنة يا صاحبى
و آجى أحقق الحلم
ألقى الموج عالى عالى طاح بى
و نعود سوا نطوى الأنين بالحنين
و عشان كده مصر يا ولاد حلوة الحلوات

( على الحجار - بوابه الحلوانى (اللى بنى مصر

خبِّئْ قصــــــائدَكَ القديمـــــــــةَ كلَّها

واكتبْ لمصـــــــرَ اليومَ شِعــرا مِثلَــــــها

 

لا صمتَ بعدَ اليـــــومِ يفرِضُ خوفَهُ

فاكتبْ ســــلاما نيلَ مصــرَ وأهــــلَهــــــا

 

عينـــاكِ أجمــــلُ طفلتينِ تقـــــــررانِ

بأنّ هذا الخـــــــــوفَ ماضٍ وانتــــهى

 

ويداك فدانان عشقٍ طارحٍ

ما زال وجهُكِ في سَماهُ مُؤَلَّها

 

كانتْ تداعبُنـــا الشـــــــوارعُ بالبرودةِ

والسقيــــــعِ ولـــــم نفسَّـــرْ وقتَهـــــــا

 

كنــا ندفِّــئ بعضَنـــــا في بعضِنــــا

ونراكِ تـبـتـسـمـيـــن ننســـى بَـــــرْدَهـــا

 

وإذا غضِبنـــا كشَّفــتْ عن وجهِهــا

وحيــــاؤُنا يــــأبى يدنِّــــسُ وجهَــهــــــــا

 

لا تتــركيهـــم يخبـــروكِ بأنـنـــــي

متمـــــردٌ خــــــــــــانَ الأمــــانـةَ أو سَها

 

إني أعيذكِ أن تكوني كالتي

نقضتْ على عَجَلٍ وجهلٍ غَزْلَها

 

لا تتبعي زمنَ الرُوَيْبضةِ الذي

فقدتْ على يده الحقائقُ شكلَها

 

لا تتــركيهـــم يخبـــــروك بأننــــي

أصبحـــتُ شيئاً تافهــــاً ومُـــــــوَجَّــــــها

 

فأنا ابنُ بطنِكِ وابنُ بطنِــكِ مَنْ أَرادَ

ومَــــنْ أقـــــالَ ومن أقــــرَّ ومن نَـــهَى

 

صمتَتْ فلــــولُ الخــائفيــنَ بِجُبْنِهِم

وجُمُــــــوعُ مَنْ عَشِقُــــــوكِ قــــالتْ قَوْلَها

هشام الجخ - مشهد رأسي من ميدان التحرير

شعور سخيف

إنك تحس بإن وطنك شيء ضعيف

صوتك ضعيف

رأيك ضعيف

 

إنك تبيع قلبك وجسمك

وإنك تبيع قلمك وإسمك

ما يجيبوش حق الرغيف

 

سألوا جحا عن سر ضحكه

قالك أصل اتنين وشبكو

اللى كان من تحت ميت

واللى كان من فوق كفيف

دا شعور سخيف

 

وشعور سخيف

إنك تكون رمز الشحاتة

تبنى مبنى للشحاتة

تعمل وزراة للشحاتة

 

يا ساقية دورى عدى فوقى ودوسى

نصبوا عليا وشحتونى فلوسى

ربطونى فيكى .. حتى ما اتغميت

هما اللى فرحوا ووحدى أنا اتغميت

 

أنا اللى صاحب البيت

عايش بدون لازمة

ولما مرة شكيت

إدونى بالجزمة

 

مش لاقى تطفح اديك

هاتولنا و جيبولنا و ادونا ودونا

هنجيب منين نديك

طافح يا بلدى غدايا و لوعتى غدايا

و آدى الأحبه التفوا و اتجمعوا عدايا

 

أنا اللى زارعك دهب

بتأكلينى سباخ

إن كان دة تقل ودلع

بزيادة دلعك باخ

 

لا شفت فيكى هنا

ولا شفت فيكى ترف

كل اللى فيكى قرف

 

كرامتنا متهانة

واللقمة بإهانة

بتخلفينا ليه

لما انتى كارهانا

 

يعنى ايه تبقى إنتى هبة النيل يا بوبه

وكل يوم المية تقطع

يعنى ايه لما اشتكى غلو الفاتورة

يقولو تشكى بس تدفع

 

لما قش الرز ثروة بتتحرق

وأما نفط الأمة ثروة بتتسرق

وأما جلادك على ولادك بيبطش

وأما علمك ما يلاقيش يآكل فيطفش

 

يعنى ايه نرفع ايدينا بالسلام لجل الغزاه

ويعنى ايه لما ابقى ماشى فى حالى اتشد اشتباه

يعنى ايه لما اتحبس أربع سنين حبس احتياطى

حبس اعتباطى

يعنى ايه مش حاسة بالعمر وغلاوته

بتصبى مر العمر ليه

دة انا كنت ح اوهب لك حلاوته

 

أنا عمرى ما أتأمرت ولا حطيت شروطى

ومكان ما ترسى مركبك بابنى شطوطى

أنا كنت جيشك لما مماليلك باعوكى

وكنت يوسف لما عشتى سنين عجاف

وضلوعى دى اللى فى معركة قادش حموكى

وشفايفى دى اللى ما بطلتش فى يوم هتاف

 

دة انا كل شبر فى أرضك اتمرمغت فيه

وكل يوم عشتيه أنا اتغذبت بيه

 

على صوت أدانك جرس فى الشدة صاحينلك

من امتى كانوا الحرس هما اللى باقينلك

بعتينى علشانهم وعنيكى معصوبة

ياهل ترى خاينة ولا زيى مغصوبة

 

كل الكلام اتقال و الشعر بقى ماسخ

و الصبر علو جبال والظلم شئ راسخ

وطن وغرقان فى النطاعه

كل شئ ريحته نطاعه

علمونا بالعصاية

ورضعونا الخوف رضاعة

 

علمونا فى المدارس يعنى ايه كلمة قيام

علمونا نخاف من الناظر فيتمنع الكلام

علمونا ازاى نخاف وازاى نكش

بس نسيوا يعلمونا الاحترام

فماتزعلوش لما ابقى مش باسمع كلامكم

وماتزعلوش لما ابقى خارج عن النظام

 

مستنى ايه من طفل ربوه بالزعاق غير المشاكل والخناق

كل اللى بيقولك بحبك دول نفاق

أنا لما قلت لك بحبك كان نفاق

 

الحب يعنى اتين بيدّوا

مش ايد بتبنى وستميت تيت تيت يهدوا

الحب حالة

الحب مش شعر وقوالة

الحب يعنى براح فى قلب العاشقين للمعشوقين

يعنى الغلابة يناموا فى الليل دفيانين

الحب يعنى جواب لكل المسجونين

هما ليه بقوا مسجونين

 

يعنى أعيش علشان هدف علشان رسالة

يعنى احس بقيمتى فيكى إنى مش عايش عوالة

يعنى لما اعرق تكافئيى بعدالة

الحب حالة الحب

مش شعر وقوالة

الحب حاجة ما تتوجدش فى وسط ناس

بتجيب غداها من صناديق الزبالة

الحب جواكى استحاله

 

بَارَت مَرَاعِينا والبِئر قَد جَف

وَالْجُوْع يِكْوِينَا وَالْصَّبْرُ مَا كَفّى

وَالْقَلْب لَا يَهْدَا وَالْجُرْح لَا يُشْفَى

وَلِأَنَّنَا طَوْع زِنِّا لَهُم خفّا

جَاءُوَا بِمَوكَبِهم.. واشتغلت الزفة

 

الدفة مظبوطة وأصلا مافيش دفة

والكفة مش مايلة علشان مافيش كفة

و جحا اللى جاى بالليل لساه بيتخفى

 

شايف ديدان الغيط سارحة وما راحماشى

من جبنه شاف الدود سابه وراح ماشى

ولا اتكسف للناس ولا حس على طوله

الناس عشمها كبير جريوا بيشكوله

ضحك جحا ضحكة مواشى

مادام بعيد عن طينى ... ماشى

 

الدود قاعد لك يا جحا ولابد فى طينك

بعد ما يمص فى دمانا مش هيحلاله الا طينك

احنا اهلك احنا رجالتك عمادك

إحنا وقت الشدة سندك إحنا زادك

يا جحا احمى ولادك لو كنت عايز تحمى طينك

 

سوف أرحل ربما يلقانى من ارجو لقاه

هامشى ويا الشحاتين وابكى على حلمى اللى تاه

بس مش هاشحت رغيف

هاشحت وطن لله

هشام الجخ - جحا

2013 اغنية بوسى - دلعنى

جميع أغاني مسلسل حدائق الشيطان - علي الحجار

اغانى مسلسل دموع فى حضن الجبل HD


كلمات تتر مسلسل الرحايا
الحان عمار الشريعي
غناء الفنان على الحجار



قلبى على ولدى انفطر
و قلب ولدى عليا حجر

قلبى على ولدى انفطر
و قلب ولدى عليا حجر

يا معلق الربابه امانه
امانه تقول اااااااه
و عذب الوتر
قول اه و عذب الوتر
ده مهما كان احنا بشر
ده مهما كان احنا بشر

اااااااه

مهما كان احنا بشر

عاند معاك الزمان و اتارى انك العندى
ياللى مصاحبنى فى عدم صبرى و فى جلدى


عاند معاك الزمان و اتارى انك العندى
ياللى مصاحبنى فى عدم صبرى و فى جلدى

ولا لقيتك فى يوم لفدى يا ابوى ولدى

لو ترجموك يا الأنين يلقوك تقول ولدى

ولا لقيتك فى يوم لفدى يا ابوى ولدى

لو ترجموك يا الأنين يلقوك تقول ولدى

قدر يا واد قلبى قدر
النار اولها الشرر
يا معلق الربابه امانه
امانه تقول اااااااااه
و عذب الوتر
قول اه و عذب الوتر
ده مهما كان احنا بشر

ده مهما كان احنا بشر 
اااااااااااه

مهما كان احنا بشر

بين الضلام و النور
بين المسى و الضحى
شمس الزمان بتدور
يا جايه يا مروحه

يا ابو الجناح مكسور
كان حلمى بس انصحك

و الجرح بيدور يدور
و يرجع لقلب الرحا

قدر يا واد قدر
النار اولها الشجر
يا معلق الربابه امانه
امانه تقول اااااااه
و عذب الوتر
قول اه و عذب الوتر
ده مهما كان احنا بشر
ده مهما كان احنا بشر

ااااااااااه
مهما كان احنا بشر

من الاغاني الداخليه لمسلسل الرحايا
كلمات الاغنيه

كيف هان عليكم اخوكم
وانتوا عليا ما هونتوش
ساعات سعيد اني ابوكم
وادعي ساعات لو ماكنتوش
اهو جلبي دا اللي بيغرج
واللي سارجه النيل
ولا عارف اجيبه بايدي
ولا بحبل طويل
يا ناس باجول اه
وايه تعملي جوله اه
معجوله جلب اتمزع
يتداوي بالمواويل
ياجلبي
ياجلبي
انا باحرج الحكايات
وباسد ديني اللي عيشني
سنين مديون
يا جلبي
 يا جلبي

اغانى مسلسل الرحايا..للاستاذ - على الحجار..k.o.g HIGH

كلمات محمد حمزة
الحان بليغ حمدي

أغاني وطنية - عاش اللي قال - عبد الحليم حافظ

كلمات : عبدالرحمن الأبنودي - لحن : د. جمال سلامه

علي الحجار - اسافر في الصباح - من اغاني مسلسل ذئاب الجبل

تتر بداية مسلسل "مين اللى ميحبش فاطمة".. كلمات: سيد حجاب - ألحان: ميشيل المصرى
بين ريح وأمواج متلاطمة... واسود غطيس واصفر رنان
مين اللى ميحبش فاطمة... لو فاطمة طاقة نور وحنان
بين غربتك فى ديار أهلك... وغربتك فى بلاد الله
لو ضى قنديل زهزهلك... مش ترمى كله وتجرى وراه
مين اللى ما يحبش فاطمة... مين اللى ما يحبش فاطمة
يا هل ترى يا نور يا بعيد... انت بصحيح ولا انت سراب
وهاعيش معاك فى الضى سعيد... ولا غريب ما بين أغراب

مين اللي ميحبش فاطمه

وتوتة توتة توتة ولا تخلص الحدوتة ..-ياسمين علي

احمد سعد - واه يا عبدالودود

وللشموع دموع - تتر نهاية مسلسل الدموع في حضن الجبل - علي الحجار(MP3_160K)_1.mp3

من أجمل أغاني المسلسلات الأصيلة 

اغانى مسلسل دموع فى حضن الجبل HD

Mina Basally CR7

Recent comments

محمد ابوخضرالعالمي

User 409072299

User 409072299

User 409072299

Related tracks