نورك جوايا البومNorak gowaya Album8

ألبوم 8 " نورك جوايا "
كلمات والحان وترنيم: مينا جميل 
توزيع موسيقى: جورج جميل 
توزيع اصوات: محب صفا 
ميكس وماستر: محب صفا 

أعلى صليب العار والموت
كان بيصلي عشانا
حبيبنا يسوع
كان بيتم فداء
بيفتح لينا الباب
للراحة الأبدية
قرار:
يسوع رب الحياة
يسوع فلك النجاة
مين غيره غطى عمري
بالمراحم وبدماه 

وسط عذاب  وصراخ وآهات
أحلى نشيد إتغنى
وعدى صداه
كل زمان ومكان
قد أُكمل إعلان
نشيد الحب الأبدي 

يسوع 
يسوع رب الحياة
يسوع فلك النجاة
مين غيره غطى عمري
بالمراحم وبدماه

ترنيمة " نشيد الحب الأبدي " - مينا جميل

البوم 8 " نورك جوايا"
كلمات والحان وترنيم: مينا جميل
توزيع موسيقي: رفيق جمال

لأنك إنت إلهي ملجأي
مش عايز اخفي عنك ضلمتي
لكن انا جاي احكيلك على اللي في قلبي
عن اشرس صراع أكبر مني
انا اتنين كتير بحس ان انا اتنين
كأني في الدنيا دي أنا بدورين
أنا إتنين جوايا في طبيعتين
و قلبي و ارادتي مقسومين
قرار:
كل ما اعوز امشي في طريقك
القى شري يشدني
القى جوه قلبي ميل
لأهوائي و شهوتي
عايز امسك فيك لكني مش سايب خطيتي
كل ما أعوز أعمل مشيئتك القى شري في قلبي
٢-
كتير بحتار في حبي وصدقي ليك
لكنك كاشف قلبي و عارفني
وعارف حبي ليك و عارف ضعفي
قد ايه محتاج إليك انت تحررني
انا اتنين كتير بحس ان انا اتنين
كأني في الدنيا دي أنا بدورين
أنا إتنين جوايا في طبيعتين
و قلبي و ارادتي مقسومين
قرار:
وحد قلبي في طريقك وإهدي عمري وخطوتي
متعة إني أعمل مشيئتك أروع من خطيتي
انا بختار حياة ليها معنى عن خطية تهدني
إنت وعدت بروح القوة هترفع راسي وتردني

انا اتنين - مينا جميل

كلمات وتلحين وترنيم : مينا جميل
توزيع موسيقي وأصوات : محب صفا
ميكساج : محب صفا

١- تفرق كتير لو تيجي لحضنه 
تفتحله قلبك بكل اللي فيك 
تفرق كتير لو سيبته يطبطب 
يعلن عن حبه وحنانه ليك
هيفرح قلبك مين زيه اللي فاهمك
فاهم أعماقك وبيحنو عليك
حمل آثامك إتحمل أوجاعك 
هو رجائك هو فاديك
٢- تفرق كتير لو تهرب لحضنه
برغم ضعفك وخيانتك ليه
تفرق كتير لو متخافش منه 
لكن تخاف لو تفضل بعيد 
هيطهر قلبك هيغفر إثمك 
على حساب دمه فوق الصليب 
هيفك قيودك هيساعدك في حروبك
هو الشفيع هو نور الطريق
٣- تفرق كتير لو تفضل بقربه 
سامع لصوته وماسك في إيديه 
تفرق كتير لو تثبت في حبه
ترتوي بيه وعينك عليه 
هيحفظ قلبك هيصونلك نفسك
ويملا أيامك بالنور وبالخير
هيجدد قوة بالنعمة اللي جوه
قلبك هيفيض حب وبركة للغير

تفرق كتير - مينا جميل

كلمات والحان وترنيم: مينا جميل
توزيع: محب صفا
عود: فادي رمسيس
كوير: ماجي مجدي - كريستين عجيب - ساندرا بهاء 
سامرنشأت - محب صفا - مينا جميل

١- لِيَكُنْ لَي كَقَوْلِكَ 
لِتَكُنْ لِي مَشِيئَتُكَ 
لِتَكُنْ إِرَادَتِي مثل إرادَتِك
أُؤْمِنُ بِوَعْدِكَ 
فَمِنْ أُصَدِّقُ غيرُك
فَكَلِمَاتُكَ أبديةٌ تدومُ مثلُكَ
قَرَار 
قُدُّوسٌ هُوَ اِسْمُكَ قُدُّوسٌ هُوَ شَخْصُكَ 
قَدَّسَنِي وَاحْفَظْنِي كي أحيا لمجدكَ
٢- بِكَ يبتهجُ قلبي
لكَ تهللُ نفسي
فأنتَ مخلصي وإني ملكُكَ
صنعتَ بي عظائم
وستصنعُ عجبا
ولكلِ متقيكَ رحمتُكَ دوما

ليكن لي كقولك - مينا جميل

الألبوم الثامن" نورك جوايا
كلمات والحان وترنيم: مينا جميل 
شارك في التلحين: أمير خلف
توزيع: رفيق جمال 
جيتار: سامح حكيم
ميكس: محب صفا 

لسه نورك جوايا رغم إني بطفيه 
إنت لسه بترحمني رغم إني قاسي
أنا لسه حبيبك مع إني بستهين بالحب العظيم 
قرار
ربي جايلك طهرني وإغفر إثمي العظيم
قلبي تايب حررني وإشفي قلبي الحزين 
دايما عينك علىَّ مهما كنت بعيد
إنت فيك الحرية مهما كان القيد
رد بهجة خلاصك
حياتي قدامك
ترجع تشهد ليك

لسه نورك جوايا - مينا جميل

كلمات والحان وترنيم: مينا جميل
توزيع: محب صفا
جيتار: بول جورج

إنت إلهي أمامك إنت
 شبع سرور
شمسي ونهاري وبيك أيامي
 مليانة نور
هرنم وأغني وأملا الدنيا أنغام
أيامي معاك أمجاد
وعمري هيحكي عن حب وعن إكرام
غامرني بيه طول الأيام
وفي الليالي هيكون ليك إنتظاري
ومنك تعزياتي وفيك بصحى وانام
ليك إنتمائي وإفتخاري والإحتفال
بيك إفتخاري وإنبهاري والإنشغال

إنت إلهي - مينا جميل

كلمات والحان وترنيم: مينا جميل 
ترنيمة من الألبوم الثامن " نورك جوايا "
توزيع: محب صفا 
جيتار: بول جورج 
ميكس: محب صفا 

١- كتير كنت حاسس بالأمان لكن لقيت
لقيته أمان مزيف وانحنيت 
لما بعت الغالي وبالرخص إشتريت 
إشتريت سرابي وف ذلي بقيت 

قرار
مين غيرك يملا حكايتي نور وحياه
إيه أسمى من كوني إبن لله
مين غيرك بررني شبعني رضاه
ولمجده عييني سفير الله 

٢- بخاف أبقى زي ورقة شجرة في الخريف 
كأنها لم تكن وكأني طيف
كأني عابر على طرف التاريخ 
حياة بره الهدف مليانة زيف 



كتير - مينا جميل

كلمات والحان وترنيم: مينا جميل
توزيع: توني مجدي

مش الظروف اللي تحدد
مدى صلاحك وكمال قلبك يسوع
مش الغيوم اللي تأكد
إذا كان في شمس مليانة نور
لكن فدائك بين صلاحك
حب الصليب أعظم دليل
قرار:
بالإيمان هخضع وأسلم
إن الكلمة العليا ليك
بالإيمان ههتف واسبح
هغلب كل مخاوفي بيك
بالإيمان انا جاي أُلقي
كل حملي عليك

مش الظروف - مينا جميل

كلمات والحان وترنيم: مينا جميل
توزيع: بشاي رأفت
كمان: عماد عزمي
ميكس: محب صفا

زمان من سنين 
كان فرحي أكتر من الأنين 
كان أقصي الهموم 
لو عندي لعبة مش لعبتين
سمعت إنك جميل 
إنك المصدر لكل خير
صالح و أب كامل
 كنت في طريقك بجري و أطير
كنت بشكر قبل ما أنام
علي اليوم الحلو و بابا و ماما
و كنت باطلب كل الأحلام
حتي لو حلم كله بساطة
لقيت ويا الأيام
أنواع جديدة من الآلام 
و اللي كنت باشكر عليه
اتحول ذكري ويا الأيام
أبليس رئيسه
و ف شره غرقان
الظلم سايد و بيكبر
و الكره شوه جمال الإنسان
لقيت أمواج الحيرة تعلى
هو انت فين ليه سايبه يحصل؟ 
مش انت صالح و اعلي سلطة
هو انت فين امتى تتدخل؟
لكن في ظلمتي 
شمس بتدفيلي قلبي 
خليقة تعلن وجودك 
مع كل خلية جوه جسمي
الغروب راح جاب نجوم 
نجمة منهم بتشاور من فوق
علي مذود إنت جيته
عشان هتاخد مكاني و تموت
لقيت في صوت يملا كياني
إزاي فاديك يقسى عليك 
دا حبي ليك اللي خلاني
اسيب المجد و أسرع إليك
انا مفيش فيا تغيير
افتح عينيك فتنور و تشوف 
إن الخطية شوهت العالم 
و جه معاها الموت و الخوف
أنا فاديك و ف كل الآلام 
بتألم ليك و ايديا بترفع
أنا راعيك و ف كل الأيام 
عندي سلطان عجايب أصنع

زمان - مينا جميل

كلمات والحان وترنيم : مينا جميل
توزيع: محب صفا

نورك جوايا البومNorak gowaya Album8

Mina Gamil