وارتدى شىء ينجرح جوا القلوب وابتدينا أسئلة ملهاش ردود 

ايوه مصريين لآخر كل نقطه في دمنا 

مصر انتي حته مني مش مجرد اسم وطني 

🇪🇬🇪🇬🇪🇬🇪🇬🇪🇬🇪🇬🇪🇬

وابتدى شيء ينجرح جوة القلوب

واحنا فايتين ع الحدود ...مستمرين في الصعوود

اختفى النيل الجميل من تحتنا...و المدن و الريف و أول عمرنا

و ابتدى شيء ينجرح جوه الوجود.....و ابتدينا أسئلة ملهاش ردود

ميلنا عالشباك نخبي.... دمعة فرت مننا

باصة مالشباك على البحر البعيد.... واحنا داخلين بالأمل عالم جديد

كنت فاكرة يا مصر اني زهقت منك.... و إكتشفت إني محال أستغنى عنك

حتى دوشة صوت جيراني....و الزحام وحشوني تاني

بسمة حلوة لطفلةلسة صغيرة.... لما كنت أديها حتة سكرة

قبل مانفوتك وحشتينا...... يا مصر يا أمنا

و ابتدى شيء ينجرح جوه الوجود.... و ابتدينا أسئلة ملهاش ردود

ميلنا عالشباك نخبي.... دمعة فرت مننا

كنت بتذكر و أنا في غاية الأسى....مدرس لعبنا الكورة في حوش المدرسة
.
و الشقاوة واحنا لسة صغيرين...... و البراءة و الصحاب الطيبين

لما سألتني اللي جنبي....إنت مصري ؟؟...دق قلبي

إسم زي السحر رفرف عالمكان..... زي نسمة مهفهفة بصوت الآذان

أيوة مصريين لآخر...كل نقطة في دمنا

و ابتدى شيء ينجرح جوه الوجود...و ابتدينا أسئلة ملهاش ردود

ميلنا عالشباك نخبي...دمعة فرت مننا

الوجوه من ثلج و عيون من قزاز...شوقي زاد للعشرة و الناس العزاز

و إبتديت أكتب و أنا فوق السحاب...إبتديت يا حبيبي في أول جواب

مصر إنتي حتة مني...مش مجرد إسم وطني

قالوا فاضل نص ساعة عالوصول...قلت ايه معنى الساعات و الا الفصول

إلا في الأرض اللي فيها...ذكرياتنا و حبنا

و ابتدى شيء ينجرح جوه الوجود....و ابتدينا أسئلة ملهاش ردود

ميلنا عالشباك نخبي...دمعة فرت مننا

Comments

A.ELMosalamey

Careless Wispers Miro

saeed

Eman Salah

Mokmok

Mokmok

Khaled Abodefnassar

Osama Mohammed

En.ashraf

Ebrahim Atala