يا عيني عليك يا عم إمام ! الله الله

بس القبول ، بس الرضا ، يا سيدة 💙💙

انا قلبي هام حول المقام  يا سيدة  💓

انا قلبي هام يا سيدة حول المقام يا منجدة ❤❤

مصر - قديم

تسجيل نادر
من تسجيلات 
عصمت النمر

الآذان بصوت الشيخ امام عيسى - تسجيل نادر

أتوب ازاي و انا ايوب
رماني الوعد و المكتوب
سنين ماشي ورا الأفكار
على كفوف القدم دوار
لا خليت في الدروب مشوار
ولا فوق الورق مكتوب
***
رماني الشوق مشيت سواح
اغني و ملو قلبي جراح
على يميني شجر صبار
على شمالي ما فيش اشجار
على قلبي الهوى جبار
و ابات غالب و انا المغلوب
و اتوب ازاي
دا انا ايوب
***
رماني الشوق مشيت حادي
حدايا غنوتي بلادي
يا عيني يا ليل على انسان
غريب الأهل و الأوطان
يقوم وقت البدار بدار
و عند القسمه
مش محسوب
و اتوب ازاي و انا ايوب
***
يا عيني يا ليل يا بحر النيل
يا كلمة مزوقة المواويل
على شطك قلوب عشاق
سهارى يغزلوا الأشواق
و انا ويا الجميع مشتاق
ليالي الوصل
يا محبوب

أتوب ازاي وانا أيوب (تسجيل نادر ومميز)- الشيخ امام

تسجيل نادر - الشيخ امام عيسى - حنغني ودايما حنغني - من حفلة في فرنسا
اهداءات الدكتور طلال طعمة
http://www.misrfone.net/

تسجيل نادر - الشيخ امام عيسى - حنغني ودايما حنغني - من حفلة في فرنسا

توت حاوي - الشيخ إمام

تسجيل نادر يذاع لأول مرة - الشيخ امام  عيسى على الربابة كلمات فؤاد قاعود 
لحنت عام 1968
http://www.misrfone.net/

تسجيل نادر يذاع لأول مرة - الشيخ امام  عيسى على الربابة كلمات فؤاد قاعود

أصلّي على النبي قبل البدايـــــــــه
نبي عربي مشفع بالبرايــــــــــــــا
واسلم بالوتر والقوس عليكـــــــــم
يا كل السائرين عالشوك معايــــــا
يقول الشاعر المجروح فـــــــؤاده
من الانذال ومن عشق الصبايـــــا
غرامي في الحروب يسبق سلامي
واملي في الشعوب يخلق غُـنايــــا
وعشقي للكلام غالب سكوتـــــــي
وكرهي للسكات جالب شقايــــــــا

أصلى على النبى - الشيخ إمام / Asalley 3l naby - El Sheikh Emam

تسجيل نادر يذاع لاول مرة الشيخ امام عيسى - نور الجلالة زى البشاير فارد ستايره فوق المقام
اشعار : احمد فؤاد نجم 
http://misrfone.net/
مداح وغاوى 
أقول غناوى
عل الليل وسهده والعاشقين
والغنوة دى نادرين على لاجل ام هاشم والندر دين
بنت الكرام ياسيدة
ياام المقام ياسيدة
انا على الدفوف 
انشد واطوف
بس القبول بس الرضا ياسيدة ياسيدة

تسجيل نادر يذاع لاول مرة الشيخ امام عيسى - نور الجلالة زى البشاير فارد ستايره فوق المقام

يا غربة روحي روحي
لاتحطي على سطوحي
وسطوحي يطلع فدان
والفدان يحتاج مروى
والمروى عرق الإنسان
والانسان
يحتاج ثروة
والثروة فى غيط الفلاح
والعامل صاحب المفتاح
والمفتاح يفتح جنه
والجنة فيها الحنه
يا حنه يا محنيه
عشقوكي الجناينية
زرعوكي خضرا خضرا
م البدره للقطفيه
وعجنوكي حمرا حمرا
للسمرا والخمريه
والسمرا طرحت بستان
والبستان لابس فستان
والفستان طاقة طاقة
أحمر أخضر يا رفاقه
ورفاقي يا كل الناس
من كل الناس و الاجناس
ع الجنة واقفين حراس
والحنه على سطوحي
يا غربه روحي
روحي

الشيخ إمام - يا غربة روحي

الشيخ امام
موشح
تذلل لمن تهوى فليس الهوى سهل
--------
من تسجيلات عصمت النمر
http://misrfone.org


الشيخ امام - تذلل لمن تهوى فليس الهوى سهل


كلمات : الفاجومي أحمد فؤاد نجم
ألحان و غناء : الشيخ إمام عيسى

يامَّا مويل الهوا _ الشيخ إمام

عبد الوهاب -- على بالى يا ناسينى

----
من تسجيلات عصمت النمر

الشيخ امام عيسى : عدى الهوى عدى ميل هنا.. هنا وهدا

El Tanboor الطنبور .. الشيخ امام

الوهم يبدأ من الدقيقة 7:47  

▶ الشيخ امام عيسى - سايس حصانك



أبـجد هــوز حطي كــلمن إفتح صفحة إمســـــك قلمن
إكتب زي الناس ما بتنطق سقطت سايجون رفعوا العلمن

طلعت شــــمس اليوم ده أغاني كل ما نسمع نعشق تاني
طلعت شمس اليوم ده حريقه تكوي الجرح وتبري القلمن 
ســــايجون عادت للثوار فـــوق الدم وتحت النار
جدوا فوجدوا زرعوا فحصدوا وإحنا إيدينا للسمسار
واللي قالوه السمسارجية واللي حكاه السمساردار
لما قروه القروانجية بالمستعدل والمندار
هتش ونتش بعزم الصوت  عن أمريكا وهول أمريكا 
زعموا الفانتوم شايل موت  سقط الموت بعلم أمريكا
جاتكو فضيحه يا طبقه سطيحة وعاملة فصيحة وجايبة العار
وكتبنجية وفصحنجية وسمسارجية وسمساردار

سايجون درة يا ثوار عادت حره للأحرار
ده احنا حنشبع بكرا أغاني إسمع وحفظ يا كتباني

واثبت عندك فى الأوراق مصر بتنضح بالأشواق 
مصر عروسة وبكرا عريس والعشاق  إحنا العشاق

فينا وبينا ولينا الثورة إحنا الثورة وهي الناس 
فينا الماضي وبينا الحاضر والمستقبل هو الناس


(Mansey) _ الشيخ إمام عيسي  ( أبجد هوز) _ سقطت  سايجون

عطشان يا صبايا
وانا عاشق.. ع السبيل
عطشان والميه ف بلدي
على عكس ما يجري النيل
والنخل العالي مطاطي
والجذع الواطي ذليل
والريح العاكس كابس
والريح العاطي بخيل
والنسمه اتعكر لونها
من هم الناس يا خليل
عطشان والنيل في بلدي
والزرع اخضر وجميل
وانا كنت امبارح خالي
واليوم دا صبحت عليل
عطشان ودوايا حبيبي
يسقيني العشق دليل
ودليل الحب عمايل
وكلام الحب جميل
وانا كل ما أقول التوبه
تغويني المواويل
تطرح في القلب جناين
تفقس فيها الزغاليل
عشاق يا حمام الغيه
ولا فيش قدامنا بديل
سكه ومحسوبه علينا
نمشيها جيل ورا جيل
ع الشوك نفرد خطاوينا
في الليل تضوي القناديل
حوالينا قلوب حبابه
ومعانا العقل دليل
والشمس تصب صبابه
والمنبع نهر النيل
وان لاموا علينا يلوموا
ما لهمش علينا سبيل
ما هو شوك العشق ملامه
والشوك في الورد أصيل
ودوني ع السبيل
ودوني ع السبيل

تسجيل نادر يذاع لاول مرة الشيخ امام عيسى - نور الجلالة زى البشاير فارد ستايره فوق المقام

misrfone1

Recent comments

Rana mohamed

Ali Zawahry

Mohamed Saad

ahmed_has

Related tracks