الشيخ امام - يا بلح ابريم

تسجيل نادر - الشيخ امام عيسى - حنغني ودايما حنغني - من حفلة في فرنسا
اهداءات الدكتور طلال طعمة
http://www.misrfone.net/

تسجيل نادر - الشيخ امام عيسى - حنغني ودايما حنغني - من حفلة في فرنسا

أصلّي على النبي قبل البدايـــــــــه
نبي عربي مشفع بالبرايــــــــــــــا
واسلم بالوتر والقوس عليكـــــــــم
يا كل السائرين عالشوك معايــــــا
يقول الشاعر المجروح فـــــــؤاده
من الانذال ومن عشق الصبايـــــا
غرامي في الحروب يسبق سلامي
واملي في الشعوب يخلق غُـنايــــا
وعشقي للكلام غالب سكوتـــــــي
وكرهي للسكات جالب شقايــــــــا

أصلى على النبى - الشيخ إمام / Asalley 3l naby - El Sheikh Emam

تسجيل نادر يذاع لاول مرة الشيخ امام عيسى -  إقرأ بسم الله الأكرم  - كلمات فؤاد السبكى
http://misrfone.org/


تسجيل نادر يذاع لاول مرة الشيخ امام عيسى -  إقرأ بسم الله الأكرم  - كلمات فؤاد السبكى

هتجن يا ريت يا اخوانا ماروحتش لندن ولا باريس
دى بلاد تمدين ونضافة وذوق ولطافة وحاجة تغيظ


ملاقيتش جدع متعافى وحافى وماشي يقشر خص
ولا شحط مشمرخ افندى معاه عود خلفه ونازل مص
ولا لب اسمر وسودانى وحمص وانزل يا تقزقيز
هتجن يا ريت يا اخوانا ماروحتش لندن ولا باريز

ولا واحد طالع يجرى وواحد تانى بيجرى وراه
ويقول ها هع حصلتك يابن اللى ابصر ايه عاملاه
لا الشارع غيط يا اخوانا ولا احنا بداره ولا احنا معيز
هتجن يا ريت يا اخوانا ماروحتش لندن ولا باريز

ولا واحده فى وش الفجر تبرطع ماليه الدنيا صوات
قال ايه جوز خالتى ام احمد سلفة اخوها السيد مات
سبحانك ما اعظم شانك والله الموت دا مفيد ولذيذ
هتجن يا ريت يا اخوانا ماروحتش لندن ولا باريز

ولا واحد بيبيع حاجة يقول بريال وتاخدها بصاغ
يا اخوانا دى حتى الابرة تاخدها بوشة وقلب دماغ
حلفان وعراك ومناهده ويمكن ضرب كفوف يا حفيظ
هتجن يا ريت يا اخوانا ماروحتش لندن ولا باريز

ولا شفتش ده اللى بلاسه وده اللى بعمه وده بطربوش
ملابسنا يا ناس تشكيله تعداصحابها ما يتعدوش

ولا عركة فى نص الليل دايرة بالحيل وساحبها بوليس
قدامها جدع متجرجر وشه معور قال دا عريس
الخلق ماهى بتتجوز واشمعنى احنا مفيش تمييز
هتجن يا ريت يا اخوانا ماروحتش لندن ولا باريز


ولافيش ميت الف جعيدى بتوع يانصيب هاجمين ولافيش
ميت الف معوض هاجم جاى معاه صندوق ورنيش
والله كرهت القهوة وحرمت اقعد ع الافاريز
هتجن يا ريت يا اخوانا ماروحتش لندن ولا باريز


دول ناس كنا احسن منهم قول ومسيرنا باذن الله
نبقى احسن منهم برضك بعد الدرس اللى اخدناه
والله ده عيب نتهجى دروس يا اساتذه على التلاميذ
هتجن يا ريت يا اخوانا ماروحتش لندن ولا باريز


كلمات : بيرم التونسي

هاتجن ياريت ياخوانّا مارحتش لندن ولا باريس - بصوت الشيخ امام

دور يا كلام على كيفك دور
خلي بلدنا تعوم ف النور
ارمي الملمة ف بطن الظلمة
تحبل سلمى و تولد نور
يكشف عيبنا
و يلهبنا
لسعة ف لسعة
نهب نثور
دور يا كلام على كيفك دور
عم دياب
شايل غاب
و مسوح ف بلاد الناس
من شوق نوله
يعزل قوله
و يغني مرفوع الراس
بلدي يا نبع النور سلسال
يسقي الفكرة للأجيال
بلدي يالقمة عيش يا حلال
ع الأكالة
و ع الأكال
يا أم النيل سايل
مواويل
كل مغني و له موال
و أنا أرغولي لما يمول
سوى ف الأخر
سوى ف الأول
مش حيغني الا
يا مصر
يا ركوبة ركاب النصر
سرقوكي سكان القصر
و الضابط
عبد المأمور
دور يا كلام على كيفك دور

كلمات: احمد فؤاد نجم
ألحان: الشيخ امام

* لروح ابو سليم - حنا لولو *

الشيخ امام (دور يا كلام) - الشيخ امام واحمد فؤاد نجم - Le Cheikh Imam chante Negm

الناس وقعتها خفيفه -  طارق بشير ft. سيد درويش

الشيخ إمام-مرمر زماني

عطشان يا صبايا
وانا عاشق.. ع السبيل
عطشان والميه ف بلدي
على عكس ما يجري النيل
والنخل العالي مطاطي
والجذع الواطي ذليل
والريح العاكس كابس
والريح العاطي بخيل
والنسمه اتعكر لونها
من هم الناس يا خليل
عطشان والنيل في بلدي
والزرع اخضر وجميل
وانا كنت امبارح خالي
واليوم دا صبحت عليل
عطشان ودوايا حبيبي
يسقيني العشق دليل
ودليل الحب عمايل
وكلام الحب جميل
وانا كل ما أقول التوبه
تغويني المواويل
تطرح في القلب جناين
تفقس فيها الزغاليل
عشاق يا حمام الغيه
ولا فيش قدامنا بديل
سكه ومحسوبه علينا
نمشيها جيل ورا جيل
ع الشوك نفرد خطاوينا
في الليل تضوي القناديل
حوالينا قلوب حبابه
ومعانا العقل دليل
والشمس تصب صبابه
والمنبع نهر النيل
وان لاموا علينا يلوموا
ما لهمش علينا سبيل
ما هو شوك العشق ملامه
والشوك في الورد أصيل
ودوني ع السبيل
ودوني ع السبيل

الشيخ إمام  _ عطشان يا صبايا

الحمد لرب مقتدر
وصلاة الله على البدر
و اللعنة نهديها درة
للقلب الصخرى الحجرى

فيمَ الاحسان وحتاما
فى قوم أكلوا أقواما
بالسحت و بالباطل عاما
وسنينا بصنوف القهر

قد فاض الكيل أيا سادة
و الجوع يبشر بزياده
و الهم لحاف ووسادة
يقلقنا الى وجه الفجر


قد كان الناس إذا شبعوا
طعموا الأقوام كما طبعوا
و اليوم تراهم قد تبعوا
سُبل التخزين أو الحذر

ففقير القوم إذا جاعا
و جميع عِزاله قد باعا
لا يجد العون إذا ضاعا
بل يسمع لوما كالصبر


وغني القوم ومولاهم
لا يمنح شيئاً إياهم
غير الترحيب برؤياهم
جوعى .. والجوع أبو الكفر

فيضيع الحب المكنونُ
و يشيع الحقد المجنونُ
و يذاع السر المدفونُ
بفضيحة سكان القصر


سبحان الله أيا بلدى
قد زاد القهر على جَلدى
فإذا لم تعطى ولم تلدى
سأموت غريقا فى قهرى

فالناس تئن من العيش
فى ثوب الفقر من الخَيش
والسيد يمشى بالبَيش
مزهوا فى ثوب الفخر

قد قالوا سلاما ورخاءا
فالخير الى الناس تراءى
فازدادوا غلاءً فثراءا
فكرهنا أقواس النصر

فالنصر اذا لم يعطينا
قوت الاطفال ويحمينا
فبماذا نفرح يا سينا
عدتِ أو غرتى إلى القبر!

ElShahateen - Sheikh Emam & Nabiha Karaouli ( CD Version ) الشحاتين - الشيخ إمام

شوف عندك يا سلاملم 
واتفرج يا سلام 
ع المدعو دومة عيسوى 
وزير الإمن عام 
ف الفصل الإنتخابي 
من مرسح السلام
سارح بالبلطجية 
والهجامة القدام 
عشان ضمان عبوره من دايرة الانتقام 
واتفرج يا سلاملم ع العيسوى يا سلام 
العيسوى بيه .. العيسوى بيه
بشرى لجميع الحشاشه
العيسوي بيه
رمز الماشه
سبحان الله من أومباشه
حكم المأمور يا ما شالله عليه 
- العيسوي بيه
- العيسوي بيه
- صاحب البوكسات
- العيسوي بيه
...- والحبسخناتات
...-العيسوي بيه
- ملك اللومانات
- العيسوي بيه
- والمعتقلات
 العيسوي بيه
هاها هأ هأ هأ هأ
- بشرى لجميع الهباشه
العيسوي
رمز الطفاشه
سبحان الله
من أومباشه
بقي كل الإمن العام في ايديه 
- العيسوي بيه
- العيسوي بيه
من أجل ضمان الحرية
لجميع تجار الباطنية
العيسوي بيه ميه الميه
حيخلي القرش
بربع جنيه
- العيسوي بيه
-العيسوي بيه
انتخبوا مين 
العيسوى بيه 
خليكوا فاكرين 
العيسوى بيه
فليحيا أمين 
العيسوى بيه
ابن أم أمين 
العيسوى بيه

تسجيل نادر يذاع لاول مرة الشيخ امام عيسى - إقرأ بسم الله الأكرم - كلمات فؤاد السبكى

misrfone1

Recent comments

Ahmed Mohamed

Ahmed Elgohary

Ayman

Islam

Related tracks