دنيا فانيه 
يارب تعجبكو :)

دنيا فانيه.M.k Amin

كورس
عيشه صعبه بيولدها الفقر الأعمي 
دموع الأب نازله وكل دمعه ليها معني 
الأم ماتت..قبل ما تشوفه مكسور 
فالأب لأجل أبنه مستعد يهد ألف سور
_________________
أتولد الأبن والأب طاير م الفرحه 
مهو كان بيحلم طول حياته ب الذريه الصالحه
الأم ماتت ..بعد ما جابت الأبن
مكملتش فرحه الأب واتملك منه الحزن

بعد موت الأم العيشه أبتدت تبقي صعبه
والدنيا بتخبط وبتقسي ع الأب مفيش رحمه 
الأبن بيكبر..والأب ديونه زادت
مد أيه وأستلف والناس علي كرامته داست 

زادت همومه بقي مش عارف يعمل أيه 
مش عارف يعيش أبنه الي كان بيحلم بيه 
الأبن كبر وشاف جوا عين أبوه الذل
فالأب ضميره مات وفكر في اخطر حل 

أبتدي يسرق غصب عنو حياته بقت صعبه 
الفقر بخ سمه ف قلب الأب دي عيشه قاتله 
أتسجن الأب..والأبن أصبح وحيد 
جه عليه الدور يعيش حياه أبوه من جديد 

كورس

عيشه صعبه بيولدها الفقر الأعمي
دموع الأب نازله وكل دمعه ليها معني 
الأم ماتت..قبل ما تشوفه مكسور 
فالأب لأجل أبنه مستعد يهد ألف سور
_____________
قلبو مات عقلو حكم
ظلمو زاد ضميره أتدفن 
كان شب شاب من كتر الألم 
كل همه ياخد تار ابوه م الزمن
مشي شمال من صغر سنه
من المحال يسمع لقلبه
هيتنهش ويتاكل لحمه
الفقر صاحبه الي ماصص دامه 
قاتله

ما شاف أبوه مكسور متهان 
الزمن قسي عليه لحد ما وداه اللومان
فا خاف لايكون مصيره زي أبوه 
اتحول وحش كاسر داس علي كل الي حبوه

فاجئه الأدمان أتملك منه وداس عليه
وكل نقطه ف دمه بتتخدر وتبنج فيه 
فأستسلم للسم جوا منه انه يسود 
أختفي نور الدنيا وكان مصيره هوا الموت

ألخبر وصل لأبو في السجن فمات علي طول م الحسره
خلاص راح كل الي كان بيحلم بيه 
مفيش سبب خلاه يعيش في الدنيا ولو للحظه 
مات الحلم ماتت الأسره الفقر يموت؟ لا مستحيل 

MK Amin_حلم الأب 

أتمني تعجبكو...

Mk Amin  حلم الأب

نور الشمس هيختفي ... ومن حياتي هتنفي 
هيجي يوم ادوق الموت وابعد عن كل دنيتي 
هتتهد كل احلامي قبل ما تتحقق انا واثق 
قليلين هيبكو عليا وهيجي يوم وهتنسي 
---------------------------------------------
فنا دلوقت هبدا.. يبقا ليا مبدأ لازم أسبق 
أسيب علامه ليا تحكي عني لما اذهب
يفتكروني الناس كده بيها يبدأو يحكو وتحاكو عليها
يبقي ليا قصه وسيره لما أموت اتعرف بيها 
---------------------------------------------
مش بس كده لازم بردو انول الرضا 
الرضا من الي خلقني هقف أزاي قدام ربنا
بس ازاي انا هرضي ربي ونا كلي مليان ذنوب
كل يوم بسأل نفسي ربي هيقبل لما اتوب ؟ 
---------------------------------------------
هنزل قبري لوحدي مش هيبقي معايه حد
مش هاخد حاجه من الدنيا غير ناتج اعمالي وبس
خايف من حسابي نفسي ارجع اتوب بجد
كل لما افكر اضعف ومحدش بيا يحس
---------------------------------------------
كورس
الموت علينا حق... ده واقع متصدق 
وده الشئ الوحيد الي منعرفش نقوله لأ
مش ديمالك مش ديمالي الأنسان ده فيها فاني 
هيجيلك يوم وتموت ودي نهايه السبق
---------------------------------------------
الناس بتجري بتاكل بعض الوضع صعب
عايشين في رعب الموت اصبح هوايه
في مجتمعنا مات القلب
ناس فاكراها سالمه دايمه ليهم هما للأبد
عايشين يزرعو فساد في الأرض وبيحصدوه دهب !
---------------------------------------------
الوقت بيجري..الموت بيجي غفله 
غني او فقير مش بيفرق هتتاخد علي سهوه 
ومش هينفع ندم..الأمر هيبقي أتحسم
وكل باب كان مفتوح للأسف هيتقفل
---------------------------------------------
بلاش تتكبر ع الناس خليك ديما متواضع
ياريت ترجع لربك هوا ليك هيبقا سامع 
فكر ديما ان الدنيا دي أختبار
لازم تعدي عشان في الأخره تدوق الأنتصار
---------------------------------------------
لو مت ابقو افتكروني وأدعولي ربي يسامحني 
مليش غير دعواتكم محدش هيبقي جنبي 
وأفتكرولي كل ابتسامه رسمتها في وششكو
مش هتوحشوني لأني عارف جاينلي وهشوفكو.
---------------------------------------------
كورس
الموت علينا حق... ده واقع متصدق 
وده الشئ الوحيد الي منعرفش نقوله لأ
مش ديمالك مش ديمالي الأنسان ده فيها فاني
هيجيلك يوم وتموت ودي نهايه السبق
---------------------------------------------
نهايه السبق 
Written by: M.k Amin
Music: ( Chaos Production )
Master and mix by: M.k Amin
© 2013 M.k Amin

if you like it Share it :)

M.k Amin _ نهايه السبق

الكلمات

دي تراكات دي حوارات دي ديسات عدي وفات
اوعي تكون فاكر هنساك واللعبه تمشي علي هواك
ام باك لو انت المجال اكيد هكون انا الراب
ال ام كي مش بيهدي مش هتعدي من الضباب

رابر فيك بيض بكيك عيب عليك غمض عنيك
شوبيك لوبيك عايز الديس بالسمنه ولا بالزيت                      
انت اتهريت دي الحقيقه المشكله انك بتعاند
هتفضل تحت رجلي  و انا  يبني مكاني ثابت

يوم ما ميلكر دس فيك يوم ما كله جه عليك 
مين كان ديما جنبك ضهرك مين كان واقف ياد حاميك
ايه الجديد؟؟  حقك سبتو قمت ماسح تراك الحط 
في بلدنا يبني الي يسيب حقه بيتقاله يا طنط       

كلامي انتهي مش محتاج اوضح اكتر
بقك دوا شده بلستر روح علي حد غيري اتشطر
طريقك اخضر يلا اتفضل وريني عرض قفاك واتمختر
اديك شفت البركان الساكن ازاي فلحظه بيدمر

كورس
العين بالعين والراب بالراب
كل كلمه  زي الكرباج
فوق السحاب اسمي وانت ياد تحت التراب 
مش بهدي مش هتسلك طول  ما المايك جنبي
حقي مش بسيبو مش زيك بخاف واجلي
-----------------------------------------------------
الي بعدو شايف نفسه مفيش حد يعلو
عليه ده هوا نمبر ون في الاسيطه امال ايه
قفشتو في سيركلايه جبته الارض مش حكايه
الدغ في 12 حرف وقالك واخد الراب هوايه 

كلام في ضهري محدش عايز يجي دغري 
الحدوته تلف تلف وتيجي لصالحي وانت تجري
بمسح رابك برجلي مش هتقدر تجيب اخري
سايب اللعبه بين اديكو وفي الاخر بيكسب حبري 

طريق مسدود  ال ام كي في الحيط يفوت
بدون قيود جوا مجال مليان برود
البس خابور.. هتهد باب هبنيلك سور 
مش سهله شور..صعب توصل لأخر دور

فوق ده فيه فروق لو تحب اتفضل دوق
تراك اتاك عماك مش ديرتي لا نضيف وبكل زوق
خوفك مني قاطع نفسك زي غريق في بحر دم
مش ام كيه الي تيجي عليه تلاقيها سالكه يابن العم

------------------------------------------------------------
كورس
العين بالعين والراب بالراب
كل كلمه  زي الكرباج
فوق السحاب اسمي وانت ياد تحت التراب 
مش بهدي مش هتسلك طول  ما المايك جنبي
حقي مش بسيبو مش زيك بخاف واجلي

 5ABOoOR
Written by: M.k Amin
Music: ( Free Beat )
Master and mix by: M.k Amin
© 2015 M.k Amin

if you like it Share it :)


خابور_Mk.Amin

كاس مزيج 
..
V1: Memo
V2: M.k Amin
Music: ( Free Beat )
© 2015 M.k Amin
..
if you like it Share it :)

كاس مزيج M.k Amin Ft Memo

انا عمري ما كنت كده انا كنت بحب الناس
ايام زمان جميله اوقات اللمه منسهاش
بس بنكبر ونشوف الي اتغير في الوشوش
الي وقت حاجته صاحبك ووقت ديقتك متشفوش

شفت كتير في الحياه شفت الي القدر عماه ؟
شفت الي عاش سعيد وفي لحظه عمره منه تاه
شفت الدنيا ازاي تغير القلوب وتنسي الناس
اجمل اوقات ماضيهم تمحي فيهم الاحساس

الي حصلي مش قليل الدنيا بكيفها كتفتني
ولولا ايماني بالقدر كنت قلت استعندتني
بهدلتني وجهتني لسكه غريبه اكبر من سني
صورتك يا صحبي جوا مني وحلمنا ملازمني

كورس
مهما عدي الزمان مش هننسي الي كان 
مش هنرمي اللوم ع الدنيا ونغرق في بحر الاحزان
بس في اوقات كتير بتعدي عليك وانتا لوحدك
تلف الدنيا تلف وعلي قد خيرك تبقي خسارتك
-------------------
مهما عدي الزمان مش هننسي الي كان 
مش هنرمي اللوم ع الدنيا ونغرق في بحر الاحزان
بس في اوقات كتير بتعدي عليك وانتا لوحدك
تلف الدنيا تلف وعلي قد خيرك تبقي خسارتك
-------------------
اتغيرت خدت الطريق السهل وللناس اختصرت
انطوائي ومن الي شفته انا انكسرت
مش ببالغ صدقني لو حطيت نفسك مكاني 
هتحس ب الي فيا والي بحكيه في الاغاني

عارف لما الدنيا بحالها تتغير في لحظه
ويروح اقرب ما ليك ويبقي ليك مجرد ذكري ؟
تتمني منه نظره تتمني يرجع لحظه 
تتمني الزمن يرجع يمكن كان فأيدك فرصه

تلحق تقوله ياصحبي خليك قاعد معايه
الموتوسيكل مش هيطير تعالي اما احكيلك حكايه
وافضل معاه لأخر اليوم مغفلش عنه لحظه
كان فيها ايه لو ده الي تم بس الدنيا فانيه

المكتوب مكتوب والمصير مش في ادينا
ولو ع الحزن سهله ياما الدنيا جت علينا
كل جمعه ده معادنا هاجي اسلم عليك
لو كل الدنيا دي هتنسي مش هنسي نظره عنيك
....
كورس
مهما عدي الزمان مش هننسي الي كان 
مش هنرمي اللوم ع الدنيا ونغرق في بحر الاحزان
بس في اوقات كتير بتعدي عليك وانتا لوحدك
تلف الدنيا تلف وعلي قد خيرك تبقي خسارتك
-------------------
مهما عدي الزمان مش هننسي الي كان 
مش هنرمي اللوم ع الدنيا ونغرق في بحر الاحزان
بس في اوقات كتير بتعدي عليك وانتا لوحدك
تلف الدنيا تلف وعلي قد خيرك تبقي خسارتك
..
أتغيرت
Written by: M.k Amin
Music: ( Free Beat )
>True Story<
Master and mix by: M.k Amin
© 2015 M.k Amin

if you like it Share it :)

أتغيرت M.k Amin

من غير سفاله تسمع راب نضيف من غير سئاله
حتي في الاتاك بنهين اتخن تخين من غير وساخه
في الكلام البيتات تشهدلي وتديني التمام
ان المدعو ام كيه رقم واحد ف ترتيب الكلام
--
مش من حقك تجبرني اني اتكلم عن مشاكلك
براب بدماغي قبل م اكون براب لأجل سعادتك
فا ياريت من فضلك لو شايف اني بضيع وقتك
ممكن تقفل التراك الباب هيفوت الي زيك
--
فكر تعادي حاول تجرب وشي التاني
هتتاخد اسير في مدافن كل الي اتحداني
معروف مكاني بين الامسيز واضح كياني
مبقولش كلام ف الهوا واثق ومعروف تمامي
--
مجال مريب غريب اعلامه حالهم عجيب 
يفضل يقول انا جامد فشخ والحيله بيركبه البيت
شغال تنطيط ع الناس احنا دوله احنا الاساس 
انتو ياد كبيركم قش تحت رجلي ينداس
--
قفلت اخر ليفل من قبل حتي ما ابتدي 
شارع او راب مسمع و ع الغلطان انا بفتري
يبني المعادله سهله واخدها حكمه من زمان
طول ما الوساخه فنك هيسقفلك الدبان
--
كلام معروف موجه مدروس هدور بيف مع الهكسوس 
ونجيب شيخ القبيله يعمل زار لعقرب ملبوس
ممسوس برا عنا منعرفهوش ديس رسيبيكت 
حدوته قبل النوم انتهت من قبل اما تفيك الاسم
--
الخوف مش سكتي جرب تنافس حضرتي 
جرب تقرب تنفي هتبقي ذكري وتختفي 
هتتنسي وهيفتكروك بس بمنبع الغباء 
لو انت مش من مننا تعالي نسيركل في الفضاء 
--
شوف ياد ازاي بنأدي ع البيت معرفش اهدي
كلامكم كله فستك والبيفات اهي ماشيه ودي
هاتلي العنتيل في بلدكم لو هيبقي رجوله وقدي
يتعلم اصول الراب وازاي يكون جو التحدي
--
نكدر الضحيه قدام مجلس الشيوخ
نبتكر في البارات طالع تفرتك النفوخ
وصفه غريبه تخليك تسمع التراك تدوخ
ترجع لورا سنين قبل ما تكتشف البلوغ
--
شيخ المجال والي قلبه جايبه ميتكسفش
الصياد الوحيد وسط بيف اسماك القرش
بقولها من زمان تصدق او لأ ده بره عني
مش ام كيه الي تيجي عليه تلاقيها سالكه يبن عمي
^^^^^^^^^^^^^^^^^^^^^^^^^^^^^^^^^^^^^^
Written by: M.k Amin
Music: ( Free Beat )
Master and mix by: M.k Amin
© 2015 M.k Amin

"if you like it Share it "

شيخ المجال   Mk.Amin

الكلمات
--
مش عايز اقوم من النوم خايف اواجه الهموم
ضعيف مكسور مؤمن ان المحنه دي تدوم
جوا ارضي مظلوم جوا سجني مسجون
جوا مني الف قصه والف حلم مهدوم  
--
هنرمي اللوم ع البلد ولا ع الحيله القليله 
مفيش فلوس مفيش طريق يوجهني للوسيله
الي بيها اعيش حياتي زي ما المفروض اعيشها
ومتبقاش عيني مكسوره والسعاده مش شايفها
--
عربيه هاي موديل والباشا مفيم الأزاز
غلبان مش لاقي ياكل بكل برود عليه ينداس
الواسطه والكاشات بقت تسوق حياه الناس
املي قلبك بالسواد عيش بين البشر غشاش
--
هتسلك وهتعرف تختار من بين الوشوش
هتفهم ان الدنيا فانيه ماشيه بالفلوس
ماشيه ع الضعيف تدوس والغلبان حقه مهروس
وسط كروش جيوش جحوش من الفساد مبيشبعوش
--
كورس x2
من زمان مستني فرصه تيجي ومبتجيش
واقف مكاني شايف عمري ضايع علي مفيش
من المشاكل مبجليش حر في دوله الشويش
تقدر تقول مليش عزيز او حلم ليه اعيش
--
عادي حقك يروح جوا عالم بدائي 
هتلاقي بشر بتعاني عايشه ع البواقي
سواقي دايره شربنا منها مرض وبائي 
شربنا الفقر والاهانه شربنا بحر من المأسي 
--
وانت وسط الهوجه دي بتحاول يبقي ليك مكان
وسط دوله وسخه مش بتقدر معني الانسان
الجبان ليه مكان والغلبان ملهوش امان
وشك في الاسفلت اخضع للبيرفع الحزام
--
زهقت من الحياه وبقلبي منها شلت
شفت لما شبت وعمري فيها ما استسلمت
صالحت ف اتغفلت جمعت ف اتقسمت
وفي طريقي بقدم غيري وعمري ما اتقدمت
--
قلوبنا اتحجرت مش باقي فينا غير نفس
وعقولنا اتشفرت تايهين والتفكير وقف
عايشين بدون هدف الحلم اتدمر اتنسف
للأسف جوا بلادي العدل ويا الطوفان انجرف
--
كورس x2
من زمان مستني فرصه تيجي ومبتجيش
واقف مكاني شايف عمري ضايع علي مفيش
من المشاكل مبجليش حر في دوله الشويش
تقدر تقول مليش عزيز او حلم ليه اعيش
-----

Written by: M.k Amin
Music: ( Free Beat )
Master and mix by: M.k Amin
© 2015 M.k Amin

if you like it Share it :)

دوله الشويش M.k Amin

اسلوب مدروس ملعوب خالي من العيوب
ركز فوق فرق البيور من الراب المقلوب
امسكوه قدامي هاتوه وف العمود ده كتفوه 
قلعو ودوروه نعلمه عشان بعد التراك هيتوه
--
مش بسمي قبل نسبق يا ابن عمي 
عالتاني وعالهادي بدماغي اسيبك تجري جنبي
عايزك تفهمني قبل اما تفكر تتحداني
لمصلحتك يبني هتنزل مش هتطلع تاني
--
ياما قبلك فات ع الثبات القلب مات 
وقت الحساب تكنيك يونيك والفلو فوق السحاب
فتحنا الباب والي قلبه شايله يدخل من سكات
بشوف عاهات من سنين بتراب بترجع في التراكات
--
تشوفني قلبك يتلبش هبش في الكبير بنفذ
لبس العبيط الليله وهات الناصح فيه نمزمز
شوف ازاي نساي شوف الناس يا باي
شوفه اتكهرب لما شافني قدامه وهوا جاي
--
كنت قاعد بتكتك بشرب بن ومش متأكد 
فاجئه دماغي تقلت وغصب عني الكبايه اتكبت
استخبت الافكار جوا مني الشر بيكبت الانكار
ف استسلمت للواقع فتحت التانك وسط النار
--
انفجااار في وشك لو هتعمل فيها افاتار
الاستمرار في الاهانه من فنون الاستحقار
ضرب النار في التراك اسلوبي علم علي قفاك
ايه خلاك تفكر انك تسلك قدامي في راب
--
نشن ع الكواكب وقع بالفلو النجوم
نفض الهدوم وقوم بص لفووق هتشوف غيوم 
هتنسي النوم حلك مني انا ف الاتاك مجنون
بالحب والاحترام نعرف نكيف الزبون
--
وتهون عليا لوحتك لو هتتلون عليا
عنيد جدا في الراب بالذات اساليبي مش عاديه
قصه منتهيه ممحيه ومقفوله القضيه
صعب تكسر عين استاذ ممتاز بيدي دروس للدنيا
--
اصلك بان لما جيت تحك للأمان
اصلي هرفع ايدي عنك في السيركلات كمان
عارف ليه عشان انت بالنسبالي ف دور عيالي 
زي عجله ب ساندتين ع الطريق ولا تشغل بالي
--
ولو المشكل راب يبقي معادنا ياد ف الشارع
نشوف مين فينا البارع مش بأعداد التوابع
فا تابع ال ام كيه وهوا طالع وانت تحت
اعتراف من ودانك بيقولك انا جامد فحت
==========================
Written by: M.k Amin
Music: ( Free Beat )
Master and mix by: M.k Amin
© 2015 M.k Amin

if you like it Share it :)

أسلوبي M.k Amin

شغل ساعتين بالظبط ;)
****
يـا دنـيـا لـفـي بـيـنـا وعـلـمـي عـلـي الـبـشـر 
عـايـشـيـن ف غـابـه بـارده والـشـيـطـان بـيـنـا انـتـحـر
صـوت الاذان عـلـم ف الـودان وقـلوبـنـا بـارده
الـنـفـس شـارده الـعـقـل نـام والـكـيـمـيـا حـاضـره
--
انـا شـفـت كـتـيـر ف طـريـقـي والـزمـن مـبـيـفرقـش
ولـو الـدور عـلـيـك ارتـاح ده مـعـاد مـبـيـتـأخـرش
فـوق الـتراب الارخـص مـنـه ومـتـشـال و الـسـاقـيـه دايـره 
هـتـنـزل تـحـت مـنـه فـيـوم و هـتـبـقـي ذكـري فـاضـيـه
--
كـنـا وكـان وكـان يـا زمـان مـتـبـاع مـفـهـوم مـعـنـي الانـسـان
سـجـن الادمـان مـلـيـان شـبـاب هـربـانـه م الـواقـع لـلـدخـان
زيــف فـي الـحـقـايـق حـلـل الـحـرام بـعـد الـجـرام
يـا صـاحـبـي الـحـب هـيـجـي بـالـحـب الأهـم هـتـدفـع كـام ؟
-- 
فـيـه الـي الـدنـيـا بـالـنـسـبـالـه مـجـرد مـاتـش ودي
فـلـوس كـتـيـر مـفـيـش ضـمـيـر وعـايـش بـس يـهـزي
وفـي الـي داق طـعـم الـتراب ومـمـحـي وجـوده مـنـسـي
بـيـمـوت بـالـبـطـئ فـي سـبـاق الـفـقـر اتـعـلـم يـجـري 
--
x2
فـوق الـتـراب عـايـشـيـن مـنـه ولـيـه و تـحـتيـه راجـعـيـن
مـغيـبـيـن فـاهـمـيـن الـدنـيـا فـيـن لـكـن نـاسـيـيـن الـديـن
مـبـسـوطـيـن ب الـي بـيـحـصـل ولا انـتـو مـش شـايـفـيـن
وصـلـنـا لـفـيـن فـوق الـتـراب عـشـان نـتـغـطـي بـيـه مـطـمنـيــن
***************************************************
فـوق الـتـراب 
Written by: M.k Amin
Music: ( Free Beat )
Master and mix by: M.k Amin
© 2015 M.k Amin

if you like it Share it :)

فـوق الـتـراب

عد كام باب عداك ل بيت الشر وداك
للصحبه السوء الي تضيعك وتعرضك للهلاك
ده وهم كداب الكيف ده قطر متساق وهناك
هتعدي علي قضبان خط سيرها اصلا مش معاك
--
يابني انا طول حياتي بجري الحق الي فاتني
كان كله واقف جنبي ضاع القرش كله سابني
مندمتش ع الي فاتني متكسرتش م الضغوط
متكررش نفس المشهد متزودش هموم ابوك
--
كل يوم اقوم م النوم اهرب م الواقع والهموم
الف سموم اشرب وادوخ اطير اغني ويا غيوم
قعده ف قعده رجلي ثبتت م الهاش دماغي تقلت
اتطورت ف اتهورت واتكعبلت ف شله تحبس
--
يا زميلي جرب هتروق امشي ف طريقنا  هتدوق
كل حاجه مش طايلها هتعلي وبالكاشات تسوق
هنرحمك من اللجوء م الفقر ومن تأنيب ابوك
بشرط انك تكون شريك تدوس ف التريد يا زوق 
--
فاجئه ساد الاستسلام تلف وتعدي الايام
بعد مكنت شبه ميت بقي ليا وضع واهتمام
جوا الشوارع م الاعلام شفت ف عنيهم الاحترام
قلبي مات وزني زاد جوا عالم الاجرام
--
تاجرت في السلاح بقيت ملقب ب السفاح
اتعلمت الاستنكاح ع الخلق والممنوع مباح
عملت فلوس كتييير بوزن متهزوش رياح
ايوه كله جاي حرام بس فعين الناس نجاح 
--
سبت الشله بقيت بطولي عيله النسر بيهابوني
مع كل حمله عليا يجرو عيالهم ويقولولي
بالكشات بقيت اتكلم بيها اعلم ع المعلم
وروحي بقت علي كفي ومش مكفي لسه مصمم
--
ابني سد بالفلوس عيني متوجدلوش قرار
اجند في ضهري جيوش يضمنولي الانتصار
وفي عز النهار اجيب دماغ النسر بالمنشار
اخد مكانه ابدله اغفله اعتبرو طار
--
ده العادي جوا الشوارع لازم تبقي سادي
كان فيا خير زمان كنت طيب كنت هادي
تلقائي في رد فعلك لازم تبقي قاضي
غمض عين وفتح عين مابقتش تمشي بالتراضي
--
رحال تايه ما بين الناس دجال
مشيت ف كل سكه شمال حتي قلبي ده اتشال
يمكن حبيت  زمان لما كنت انسان
يمكن كنت ف امان لما كنت غلبان
--
عمليه واحده كانت السبب للأسف 
ضهري اتقسم تجاره الصنف والسلاح
جوا مركب بيا اتقلب طلقه ف لبش
مخي اتنسف ودي الناهيه ومعروف السبب
الحرام ده مش هيدوم وانت مش عايش للأبد
--
ف كان يا مكان في الي مدور المكان
فيه الي كان بالكلام يجبر اعلام ع الاستسلام
كان زمان شاب نضيف كان ممكن يكون قدام
لو الفقر مكانش صاحبه كان حقق كل الاحلام 
--
تحت التراب مكانه فوق التراب مصيره
اعماله الي تحدد اخرته وترسم طريقه
طول ما الكيف ده كان صديقه بيشيل عنه وقت ضيقه
الحساب اكيد تقيل ربك عليم بنفوس عبيده
--
المستقبل بيطاردني ديما مشغول بال جاي
كل يوم بسأل نفسي امتي احس اني حي
ليا حق ليا ضهر ليا دوله تحترمني
اعملي قيمه مش جريمه برا عني وتشيلني
**********************************
رحـــال
Written by: M.k Amin
Music: ( Free Beat )
Master and mix by: M.k Amin
© 2016 M.k Amin

if you like it Share it :)

رحـال _ M.kAmin

الكلمات


لما الملل ولد خلل ف الدماغ محدش سأل 
كله اتهبل ورا الهبل ونا مستني بصبر الجمل 
كله بتمن مين أاتمن مش باقيلنا غير الندم
اتهدم حلم الشباب جوا بلادي انا اتردم
--------
سلمونا دنيا العدم لقبونا بجيل الفشل
اتقفل كل باب قدام شباب بدون عمل للأسف
سابق الزمن واجري ف دايره من الامل
كافيين ونيكوتين بتعالج بيهم الشلل
--------
الي صابك جوا  دوله بتلعب علي اعصابك
مشيت يمين مشيت شمال هترسي علي خرابك
وده قضائك تتولد جوا سجن ف حاره
فقير بيعتك خسرانه وسط اهلك او صحابك
--------
حياه بقت تجاره والبيع هنا بخساره 
فتح عينك واقفل بقك خلي بالك م الصناره
امشي جنب الحيط البجاحه مش شطاره
حاضر ياباشا اخرك هتكتر تتجاب ف شكاره
--------
معاك فلوس لا معيش مطحون بين جامعه واكل عيش
ولما اخلص ألاقي جيش يهد حيلي علي مفيش    
وبعده تسأل متلاقيش وتمشي صح متفتريش
عشان ميجيش الي يكلبشك جوا دوله الشويش
--------
فهمت ولا لسه ياعم تابوت ف دنيا فانيه
ده المجتمع دي حياتك معندكش فرصه تانيه
فوت ف الحديد عشان تعيش في بيئه قاسيه
وسط ناس مش عايزه تفهم ان مفيش حاجه دايمه
--------
مليت وزهقت من الروتين 
مريض نفسي ومش سليم
امين عايش امين وسط شويه كدابين
النفاق عنصر اساسي جو دم البنيأدمين
التعريص لو مات يموت معاه كل المصريين
--------
واديني ف بلدي بعافر بتمني اهرب واسافر
ومعيش فلوس تذاكر ده حلمي هنا من الاخر
ضعيف وقليل الحيله ماشي طريق طويله
اخرها راحه كبيره تحت الارض مستديمه
                    ***********
(مستقبلك)
Written by: M.k Amin
Music: ( Free Beat )
Master and mix by: M.k Amin
© 2018 M.k Amin

if you like it Share it :)

29/11/2018

مستقبلك _ M.kAmin

محمد خيري امين 
اندرجراوند رابر من اسيوط


M.k Amin

Popular tracks