على الهلباوى..موال البنت قالت لآبوها

همست فى ودنى بحبك
كان جسمها مفرود والخمرة عميانى 
وبياض ايديها كان بيزعق لما تعدل شعرها 
"الواد بيعرج بالرصاصة اللى فى رجلة"
======================
شدت حزام الروب
وبانت زى شىء معرفش شعرى يوصفة 
"كانوا العساكر قربوا والواد متبت عالحجارة اللى فى ايدية"
======================
مدت ايديها 
وقفت كل الساعات 
صوت الكاسيت 
نبهنى انى فى شقتى 
"كانوا العساكر قربوا بيقربوا والواد متبت عالحجارة اللى فى ايدية"
=====================
وقعت ازازة البيرة من ايدى على طرف السرير 
"الواد صرخ فى مخبأة"
فاتلفتت قلقانة خايفة تتجرح 
"جريت على صوت العساكر 
وابتدا صوت الرصاص يملا الجبل"
دورت عندى فى الدولاب 
على حاجة تنفع لجل تتحزملى بيها 
ملتقيت غير شال اخويا اللى اتقتل تحت الجبل
كان بردة يعرج لما يمشى مالرصاصة اللى فى رجلة
وكان متبت عالحجارة اللى فى ايدية
=====================
مين اللى خانك ياوطن !!
قلعت حلقها
لما عورنى فى رقبتى 
وحطتة جنب السرير 
"نامت على الارض العساكر
لجل تسمع دبة الواد اللى لسة مستخبى 
اتكسف صخر الجبل من وقفتة 
هيج رماله عالعساكر"
=====================
سامحينى ياوحدك 
مقدرش اعيش هارب 
أنعس فى حضنك كيف ؟!!
والرمله فى الصحرا واقفة وبتحارب ,,,

همست في ودني بحبك - هشام الجخ

مرسال لحبيبتي على الهلباوي

اغنية مسافر - احمد عدوية وواحد تانى ماعرفهوش - تتر نهاية الفرنجة

البقاء لله يا صاحبي

Lyrice : bilal ismail

prod by : RaKan Sherif Mohamed

https://www.facebook.com/Bilal.3056/

https://www.facebook.com/bilal.ismail305

https://www.instagram.com/bilal.ismail305/

https://www.youtube.com/channel/UCf1eqbIfFHRxcUeDk_c1wdA?view_as=subscriber

النهاية الحزينة

هندسة صوتية : أحمد الحلواني


عيل غريب

باسأله : نفْسك في إيه؟ 
قال : 
نفسي أعيش من غير لسان 
ولا أبقى مُرغم ابتكر تراكيب كلامي من العدم 
ولا يبقى نفسي ألقى صورة تبهرك
أثبت بها حزني العتيق
واثبت لنفسي إني عايش مش مجرد وَهْم
نفسي المعاني كلّها تتحس من غير اجتهاد 
أو شيل لهَمْ
نفسي أبص في عين جميع الخلق / نظرة 
يفهموا مغْزايَ من صمتي وعيوني
بالظبط زي عيون حبيبتي مابفهموني
نفسي انفعالي يتنقل ليكم بكامل ثورتي 
أو حزني أو ضحكي المِقلَّق 
أو حتي رُعبي الغير مُبرر أو غبائي
أو دهشة الأطفال في روحي أو جنوني
ساعات باحس ان الشعور بيخِس نُص 
شعوره لمَّا بيتوصف بكلام ، ولما 
نقول في لحظة جُملة ما ؛ 
تطلع يا دوب تشبه لشئ جوَّانا غامض
والكلام في الأصل شئ جامد / حجر
ما فيهوش دفا همْس المشاعر أو برودها.
طب يعني لما احتاج لحضن حبيبتي 
في وقت ضيقتي ؛ 
إيه هيوصِف احتياجي في القاموس؟
بلاش حبيبتي ..
حضن أمي / أبويا / صاحبي /
حضن طفل في عُمْق روحي للفانوس ؟
للعيد وفرْحه بالزِّواق؟
إيه اللي ممكن يوصف المقصود 
ب"كدمة في روحي زرْقا"؟
"الهدوء الغير طبيعي في الفراق"؟ 
"الهدوء الغير طبيعي في المقابر"؟
إيه اللي يوصف خوفي من 
بكرة ، وحزني ع الوطن ، كُره انتمائي 
لأي طايفة ، والعياط علي كل دم بيتسفك ؟
_سامحني يا دم اللي مات ؛ والله ما اقصد افلسفك_
عايز يا خلْق انقل لكم من جوا قلبي 
حزن خام. 
فتعيطوا بدل الدموع أطفال حروب 
لكن هنعمل ايه بقى. الكلمة توب
يا خسارة لازم نلْبسه علشان نعيش 
يمكن هروب روحنا الوحيد من عجزنا 
عن فعل شئ 
إن احنا نكتب شعر عنُّه.. 
يمكن / يجوز!
#آخر_فرسان_الموهيكانز

عيل غريب_strange boy_حسن فريد طرابيه

موقع دندنها - Dndnha.Com

04 - الدنيا - مع طارق الشيخ

Ahmed Kamel - Gawbna Yalail Ft Khaled Essam - أحمد كامل - جاوبنا ياليل مع خالد عصام

04 - الدنيا - مع طارق الشيخ

Mimo MoHaMed

Related tracks