عزيز عسكر حتى لو ميت تعال..

عصام اللامي / نعاوي ثمانينية على العود ، أهداء ألى فراشات سبايكر

الملحمة | زيد السومري

عطا السعيدي | تدنالي

أحمد المطوري | ساعات الوداع

ليل
ويا حلاة الليل من جان الكَمر شفّاف
هسّه الليل أبد مو ليل
ليل اعمى وسما سرداب
واللي آيطيح ماينشاف
انجوم أنشوف بيها أوجوهنا وننام
صار اسنين ما تنشاف
مخالب ريح سوده آتمرعد البيبان
تلْكَط كل حلو وشفّاف
ريح بلا عكَل سولتها بالبيبان
والوادم ورك صفصاف
اجروح اعزاز مشروره على الصفنات
اشكثر بيها ونين أيبات !!
اشكثر بيها نـزيـز أيبات !!
وما غير الدمع لفّاف
مامش خيط من منديل
يندل وجنة الدمعه
مامش عين تشعل بالجـرح شمعه
جا يمته الجرح ينشاف ؟
كل شي أمدخّن أمدخّن لَحَد الله
وما ظلّن آدروب أنظاف .
جم كَذلة حرير بلا مشط غبشه ؟
جم عصفور ينطـر جدحة الغبشه ؟
جم دكَة جرس مخنوكَه بالوحشه ؟
جم ورده بلايه اشفاف ؟
كل شي أمدخّن أمدخّن لَحَد الله .
بس الله بقى ينشاف
ديره اجروفها دخان
ديره أثـيـابـها دخان
ديره أنفاسـها دخان
اشلون ايعيش بيها إنسان !؟
مصلوب الحنين آعيون عالشباج
هلبت جدحه من الله
برفع خيط أبره للعريان
كل شي أمسرّد ومامش درب للخيط
كل شي أمدخّــن وماش درب للخيط
كل لحظه تدك الريح عالبيبان
كل لحظه يوج بستان
كل لحظه يوج إِنسـان
والله أيشوف بالدخان


عباس الغالبي محمد خضر مظفر النواب حسين نعمة كاظم اسماعيل الكاطع عريان السيد خلف ياس خضر فؤاد سالم كاظم الركابي

عبد الكريم القصاب •• الله يشوف بِالدخَّانْ !

جنوبيات "ياروحي على الزينين وني"

لطميات حسينية برؤية معاصرة على العود
جابر ياجابر و يمه ذكريني بصوت الملحن علي رياض

عصام اللامي / نعاوي ثمانينية على العود ، أهداء ألى فراشات سبايكر

سجاد جبار

Recent comments

حسوني جويه

حَسَنْ

مرتضى نعيم

مٰ̲ہٰ̲ھہديِٰہ الزبيدي

Related tracks