‫ِAli talibab_ el3afen_على طالباب _العفن

Lyrics and vocals by El Rass
Produced by Munma
Mixed &amp; mastered by C-drik Kirdec
Art work By Ali.
From the album "Kachf el Mahjoub" to be released in february 2012.
عزيزي الوالد،
القتال مشتعل والاستشهاد وارد
بس الجو بارد
بتمنى تعذر يا بيي رداءة خطي
ايدي اليمين منصابة لاففها بحطة
حلفتك برحمة ستي ما تجيب سيرة لامي
بس يا بيي هون فهمت وحدة حبري ودمي
ولاختي قلها: ما تهتمي
خيك نسج من خط النار سجادة أفكار
رح ترقصي عليها بشي نهار قريب
لما نحرر بلدنا من الجهل المعيب
دم الشهداء لازم يغذي قلوب مش جيوب
نحن بدمنا عمنقاتل والكرامة حقنا
مش تستفيد البدلة وتقبض هيي حقنا
مش تحتى تطول اللحية وتحبسلنا جسمنا يستولي علينا يللي ما بيعرف يلفظلنا اسمنا
عشو اسمنا ثوار إذا كنا رح نساوم
عشو اسمنا أحرار إذا كلنا ما بنقاوم
هيدي رسالة من التحرير، من وديان كشمير
هيدي رسالة من نابلس، من الجوعان بطرابلس
هيدي رسالة من البصرة
من ريف حمص الحرة
من كل محمد الدرة والبوعزيزي
هيدي رسالة من بنغازي
من ملثم بسينا بفجر انبوب الغاز
من تونس، من مهد الثورة
من اثيوبية علدورة
من دوار الشهداء بالمنامة
من تلال النبطية
من رموش عين مقاوم ما بتنام
من سفوح جبال قنديل
من دم شهيد عميروي النيل
من محتلي وول ستريت، من محتجي اثينا
من دلال المغربي، من ورد نبت عكفنها
من ضواحي باريس والمخنوقين بعفنها
من متاهات الغربة والغرقانين بسفنها
كان حزننا يلفنا
والخوف في احشائنا يخنقنا
سليبا كان حقنا، فحق لنا أن ننتفض
فلتستفض أقلامنا، ولتستفق سيوفنا
فلتحترق جلودنا، لتندفق حروفنا
والبنادق
سماؤنا خنادق
محطات الموت غرف في فنادق
ترف للمنافق أن يكون الصوت صادق
شرف للمقاوم أن يكون الحكم مارق
أن يكون العدو في ظلامه غارق
عزيزي الوالد
اتمنى أن تبارك
ثورات جيلنا البطل
لقد شهدنا ما حصل، وما حصدنا من ثوراتكم
غير الكلام في الظلام
غير العتاب والنحيب
وما نفع اقوالنا وجسم معلق فوق الصليب؟
وقدسنا سليب


من ثائر Les justes

This is a small track raw and rough, but i couldnt wait. The question of Islam is an emergency we have to solve.

علينا أن نطرح الإسلام والايمان للنقاش. لم يعد مقبولا أن نترك الفاسدين يحكمون باسمه

The beholders of faith- المؤمنون (Prod. by El Rass)

علي طلباب - الكمال
Egyptian Bands Blog
https://egy-bands.blogspot.com

Ali Talibab - Alkamal

Prod. by El Mahdi
Lyrix n vocs by El Rass
وين بنلاقي اللذة والبراء خسرناها؟
كيف طالب العزة والذل إلهك؟
الكرامة أنثى درس والمرأة مدرستك
جسمك منفى حبس فرديتك حارستك
شباكك فتحة عيونها وسكونك بضمتها
إلهامك سكرة جنونها بكلامها وبصمتها
وقتها وبصمتها
محجبة منقبة متواضعة مثيرة
الستر من عيونك والجمال شعيرة من شعائر الإيمان
فتوضأ قبل الصلة كما الصلاة للرحمن
كانت الأرض انشقت لو ما تنفس البركان
لو ما انصهر الإنسان بالإنسان
أنا آدم وتفاحتي أكلتها بخياري تركت الجهل بالجنة والجنون مساري
أنا فرن حراري وسم الأفعى ناري
وكل طابق من عماري خطوة نحو اندثاري


صرخت في عيني خذ جسدي
أطفئ غضبي من صبر الكون على مسدي
وتصرف كأنك رب مكتمل
بالثورة أم بالجنس أم بغباء يسحقني
أغرق أفكاري في ثدييّ، تجاهلني
ابحث في نفسك عن أحقاد منسية
وانفخها في رئتيّ
تخدّرني

سيدتي عذرا
لكن الموت يخرج من جسدي أيضا
وأنا أيضا محتاج
للسفر الدائم
خلف القبر العائم
فوق دموعك
فدعيني أحمل بعضا من أوزارك
شيْ فيّ شديد السطوة
يسألني عن أسرارك
لأعذرها فتصبح عقد زواج
من أذنيّ إلى أفكارك

بحثت كثيرا عن أنواع الثمر الممنوع
حتى أدميت شفاه اللذة
فعلمت جليّا كذب الجوع وجوع الكذب
وأن الأكل لعب

أريدك أرضا أحرثها وتحرثني
لا كأسا يفرغه عطشي

الرأس والمهدي-مدد يا رابعة/عنهنّ وإليهنّ

Produced By Shehab Edin
Guitar Solo By Mostafa Daif Of Wasla Band
Mixing & Mastering By teMraz

Ana Msh 3adad - Ahmed Rock

ق يعنى قاوم - علي طالباب

علي طالباب - العفن

يامن بالوفا قد عودوني ..  بحق جمالكم لا تهجروني
ورقوا واجبروا بالوصل كسري  .. وعن أبوابكم لا تبعدوني 

El Rass Official soundcloud page :
http://soundcloud.com/el-rass-the-head
To Buy The Album Follow This link :
http://www.beatport.com/release/kachf-el-mahjoub-unveiling-the-hidden/874444

ElRass & Munma - 3echq - Islamology

Music by Munma
Vocal recording and mixing by the Munaqresh (Stronghold)



عمو وين بتروح الناس لما تموت؟
هلق عن جد أمي وبيي بالجنة؟
سألته وما جاوبني حاطط راسه بين ايديه وعم يغني
غنية بتبكي قلبي عم يتفكّك
عمو فارس كان بيته حد بيتنا
ويا ريتنا ما سكنا حده
يوم ما رجع البابا عالبيت أزرق خدّه
عمو بكي دمّ عالمخدة ما عاد هبده يهاجر
خاله بفرنسا عنده محل فلافل
يومها اشترالي فستان وقلّي خلص منّي فالل
مين أحلى قل لي: الجنة ولا فرنسا؟
لأنه البابا مات مقهور وأنا ما عم اقدر انسى
والماما كانت تقول: إذا إجى الصاروخ
الملائكة بترده
عمو كام شقفة من جتة إمي قدرته تعده؟

ليش براسي عجقة، وعجقة عالشحن؟
نار بقلوب نص الضيعة، النص التاني صاروا فحم
وين آخذنا الطريق الطويل بدي انزل بقا خلص
ما فيي اسمع عويل، اوف اوففف
شعري بايدي كمشات عميهرّ أفعى فزع على بطني عم تلتفّ
بدّي إرجع على الصفّ، بس مين بيدافع عنّي إذا الناظر ضربني كفّ؟
كلّن ماتوا، دي موت
عمو ليش وقف الشحن؟ من وين هيدا الصوت؟
وصلنا قال لوين؟ على مركز لاجئين
فجأة مسكني واحد، حسيت بحلقي سكين
سألني عن عمري،قلي إنت بنت مين؟
لما عرف أهلي ماتوا قال في خيمة لليتيم
جمعونا بنفس المطرح مع 30 صبي وبنت
ما خفت اختنقت صرت فكّر بدي إهرب
دورت بس ما لقيت حيط فيه براسي إضرب
حانفجر حاسة عمري من دينيّي عم ينسكب
عمشوف أحرف موت علوجوه عمتكتب

 تعبت فاتوا 2 ختيارية على الخيمة
واحد ضحك سنه دهب ريحة كبريت من تمه
في بنظراته جبل لهب طلع شيكات من كمّه
التاني شكله شيخ وكرشه مترين منفوخ
عميتذلل للأول لسانه مترين ممدود
أشّرله عليي صار صدري مسدود
لما طلعه لبرا في صبي أكبر منّي قام عن كرسته وجرا

قلي قعدي، ما بدي قال اصطفلي قمت قعدت
حط عينه بنص عيني، كأنه قال عليك شفقت
بتعرفي شو بدن؟ قمت هزيتله الراس
قال حيطلعك من هون، بس كرامتك رح تنداس
رح يتزوجك ويذلك، كل ما اشتكيتي يقلك
أنا اللي خلصتك،
يتزوجني؟ هيدا الوحش؟ لك أنا عمري 15
بدي أهرب رح احفر بالتراب نفق بحش
بتعلمني؟ بتعلّم
بتساعدني؟ بساعدك بالليل لما تعتّم
لما انتحرت الشمس زحفنا بلا ضو عمنشوف باللمس
بعدنا عن الخيم قمنا نحن التنين نركض
نضحك نغني فكرنا الوجع عم يبعد
ما عرفنا إنّا اجتزنا الحدود
ما شمّينا بالجو ريحة جوع وبارود
طلع رشق رصاص شفته هوى قدامي
طلع الطلق التاني فتح براسي جرح عمتطير أحلامي
صارت بايخة الأسامي الحياة ووحلها
عمو فارس طمنّي...أكيد الجنة أحلى؟

عم دور بالغرفة متل المجنونة
حريق، صوت  صريخ
ولاد مربطني متل جدولة
الخوف ورا الباب
الدرج بحر غميق
الحيط ملون بوجوهن
أجسامن مزينة الطريق
عم اغرق لون السما عم يغمق
بين اللجوء والبيت عم اعلق
يا موت يا بهجر
نازلة عالدرج رح افجر
لو كل زوايا بيتي بيغمروني وبغمر
عكل قذ يفة اعبر
خمسين حاجز
تلاتين رصاصة وموال
أنوثتي عم تكرهني
كل ما اسمع أنه الحرب للرجال
أساور على إيدي
عم تقطع وريدي
مكبلة بخيطان عم اغزل
سماء جديدة.. حرفيا
كون حرة اكسر الجرة
قبل ما تطبا
بدي امسح الصحرا بخصبي
مو رتل حكي بعبك
دقوا عالسيارة فيقونا
عرضوا كتافن بس ديقونا
كل وحدة بخيمة..
في برا خوف
وأنا روحي معلقة ببتي.. وتحته غيمة..
شعري لسا منشور
على أغاني الميمة..
في برا حكي عن العرض..
عن حكم تاء التأنيث ما بين السنة والفرض
عن الحريم وانا حرة مو حرمة
انا امرأة مو أمة
لازم تتدفى بعيوني مو تفرض عليي العمى!
العمى!
كيف مفكرني ارضى؟
بملي عيوني رمل
وما لحظة بحضنه أفضى
لابس قبة ومخنوق..
وعم يحكي عن اللجوء
ألف فكرة جوا راسي
ألف جني عم بيسوق
دخت اشتقت لتختي
لحكاياتي أنا وأختي
لعيون ستي العتيقة
لكاس العرق والمتة
قاطعني
قلي روقي
صرخت لك قوم اتركني
مسكلي ايدي نترتا بزقت افلتني
أنا حرف مربوط بدي شاعر ليعربني
اذا ابن ابوك اضربني!

عمننقل صوت انثى اندفن الحق بسرها
عمنربط العقل والكرامة بحبل سرة

لأنه لوجع أكبر من الورقة برقص
لأنه السجع ما بيكفينا لما الأنوثة تنقص

عمحرر ت مربوطة عغرد للانوثة 
من السلمية للغوطة لجباه ما بتوطى

لأنه رحم لأرض رحب لا تتخبي ببيت المونة
أنتِ لأنثى وأنت الشعب حقول الناصرة واليمونة

عم اهديك جنوني وكرسلك املي
عم قدسك مقياس للبلاغة جوا جملي
ثورة انتفاضة كرامة
شجرة شمس حمص رقصة خرس
عدف شامي
الشرف مش دم حمامة
شرف الثورة اضعفها
يكون مرفوع الهامة

الرأس و السيد درويش و مونما - ثورت

فشة خلق سريعة لتفادي الانفجار والانتصار على الموت

الموت ما تاب رجع يدق دم علبواب
بالأول اطمن عالاخوة والاصحاب
الشعر هر قبل ما شاب قد ما العقل شاف
نفوس فقيرة عمناكل الخوف حاف
صديقي صار قبل ما ينام بيرفع اللحاف
تقشف ميزانية بس بالقنابل اسراف
إشراف أمني على مراسم الدفن
إشرب كاس دمي على مواسم الكفن
اسحب دمعات امي وبيع منهم كتاب
مذكرات قاتل سابق تاب
كثروا الكلاب
ما عاد مفهوم شو صار اسمه الجلاد
انقسمت البلاد أنا بواد وانت بواد
وملتقى النهرين دم دموع حزن وسواد
نص لبنان شمتان نص التاني معلن الحداد
معدننا واحد ايه بس فاسد الحدّاد
هي مش رسالة لحدا ولا درس اخلاق
كل ما بيّ دفن ابنه لبيي باشتاق
عمسجل هالصريخ واقف ورا المايك عاري
عماسبح علايقاع بركي في بطفي عاري
من مين باخذ ثاري؟
اللي خنقني وخنق جاري؟
ولا من فقه الصحاري؟
ولا من صهيو صليبي صفوي صيني قطري؟
هويتي اللبنانية ولا جواز سفري؟
ولا دوام طفري؟
زواج قسري بيني وبين الحروب
بس انا كاشف المحجوب
ومثل الموت عن أرضي ما رح توب
لأنه الرب رب قلوب

مثل الموت (Prod. El Rass)

إلى الرازحين تحت الألم. ايماننا بقدراتنا وقودنا الذي لا ينضب
هيدا مش أمل. هيدا عمل.

كيف بدي كون كيفما بدك ياني كون
كيف كيف بدي كون؟ شو ما بدك ياني كون؟

بدي كون وقادر كون شو ما بدي قادر كون حر بوجه دولة مستبدة
قادر كون متفائل لأنه الواقع جريح وحده الرب كامل
قادر كون سلاح حق شامل للحلم حامل 
مسافر كالسندباد من بغداد ماله ريش كيف بيطير؟
قادر كون بساط الريح للضمير ناصر المقهور وين ما كان فيه تعتير
فيه تعتيم فصار لازم كون لمبة قول لجبران باسيل أنا الشمس بنام جنبها
قادر كون مياوم مقاوم مداوم علعلم ملازم للألم
 أنا القلم العاري ما تلفوني بعلم عقسم انقسم
شو بعمل بهوية لوطن ما انحسم كالسمك اكتسى بالقشر
واكتفى من الفكر بالفرار من الأسى واحتسى خمر اللحظة حتى الظلم انتسى
انتشى ثم اختشى لما تفشت أمراضه قال الجنة الك اذا كنت الأم راضية
ولكن أمي خايفة وعيون الخوف لعيون الجهل مرادفة مش بالعقل بالعاطفة
قادر كون عاصفة لما تكون الأمة غافية قادر كون فلتر حتى تشرب مي صافية
مش للوازم القافية. فكري اجره حافية حامية عحجر أرضي دامية تاترك أثر كالغجر
قادر كون رحال دون ما كون ممن هجر قادر كون الأقوى وعن اخطائي اعتذر
قادر كون صبر مثل البذر اذا طلع فوق التربة قبل ما يقسى بيندعس وداخله بينفجر
خلي الجاهل يفتخر والعالم يتواضع لما صار العلم دين بلش العقل يتراجع
قادر قول ما بعرف وبعرف قول مش قادر. قادر كون جندي صوفي كالأمير عبد القادر.
قادر كون نادر مثل حرية بتجي دغري أو كون متوافر مثل الكيف بالمغرب
قادر كون نهج مثل شوارع تونس، قادر كون شبيهك مثل الكزبرة والبقدونس.
قادر كون نقيضك مثل فطرة الأخلاق وفكرة الفريضة. لهجة الرسالة ومطلب العريضة.
جماليات الذهب فقر الفئات العريضة. اسمع شو بنقول للعقول المريضة.

 كيف بدي كون كيفما بدك ياني كون؟
كيف كيف بدي كون؟ شو ما بدك ياني كون؟

تبسموا توسموا على الوجوه ارسموا سحر سماة السماء
تبشبشوا وباشروا وشاوروا البشر بالحلم والصفاء
أو اغضبوا وراودوا النيران في البطون وحاربوا الظلم بالعقل الصعب يهون
الحر لا يهان كونوا أحياء لا على قبر أجداد أغصان ريحان
كرروا السؤال كسورة الرحمن: فبأي آلاء ربكما تكذبان؟
وبأي عين في الكتاب تقرأون؟ الساهون يتبعون الماعون أي لا يحكمون في الزمان العقول
لا يدرك المجهول إلا بسيف النور. والنور في التفكير في التفكيك
مثل انصهار ذرة كالخبز في التنور.
حراك فحرارة فغذاء فدواء.
واحتم من نارك بقليل من عسل. 
ببعض حماسة في الصبر قد اغتسل.
تبسموا فالحياة استثناء الوجود. وحاوروا الإنسان والجبال والورود
كالحلاج لن يزيدك الورد إلا عطشا للحق تأملا في رقصة النرد
أحبوا كالنحل. وكونوا في المطر ثمارا تنتظر الوحل.
بياضا في قلوب أم الفحم.
لا كنوز ملوك مجوس بل أطفال بيت لحم.


الرأس و مونما - نفَس

رام الله آندرجراوند - من الكهف

Performed By : 

Verse 1 : C-Zar 
Verse 2 : Ahmed Rock 

Chorus : El Sheikh Imam and the group


Verse 3 : teMraz 
Verse 4 : Rooney HoodStar  


Lyrics : Revolution Recods / Chorus by: Ahmed Fouad Negm

Music Producer : Ahmed Rock / Temraz

Oud Sampels : Temraz (from the original track)

violin : Mohab Hussien

Audio Mixing / Mastering : Temraz 

Recorded at Revolution Records Home Studio

Eza El Shams Gher2et - Revolution Records Ft El Sheikh Imam

عن مضاجعة الواقع - يوسف رخا و علي طالباب

انتاج المنقرش (Produced by dub Snakkr)

"هذا هو اليوم الذي صنعه الرب، فلنفرح ولنتهلل، نتهلل به"

خلي مدننا تفرح قوم رقص الشهيد
حزني عالإيقاع بدبح كأنه خروف العيد
الليلة غني الأوف وبكرا منرمي مولوتوف
كاس عرق وإذا كنت متدين مافي فرق
فودكا حلال اسم الدرينك "سلفوف"
سلطن عالموسيقى هز حلحل المفاصل
فاصل ونعود للمعارك والحدود
أوعك تنسى أننا بالنهاية نوع قرود
سرود عبرود كل العمر مش مقبول
بس البوز إذا بيطول معقول تصير كلب
ويصير العقل شبيه بالغول
مش عم أحكيك عن ال"كول" عم أحكيك عن تخطيط مسؤول
إذا الغضب والتحليل بيطول
بدون إستراحة للعقول بينعكس المفعول
الفلاح بيعرف لما الأرض بدها راحة
والراس بلا قلب بينفجر للصراحة
شوف الزار بالتحرير حتى من قبل الإطاحة
شوف دبكة دير الزور عطبول بالساحة
كون درويش حور دور طير فوق السور
لازم ترتفع حتى تكشف المساحة
الناس عم بتموت والراس بده يانا نهز الخصر عالتابوت
كتير "إيغويست" مش معقول شو هالوقاحة
مدام ما دام دم الشهيد سال كرمال يضله
الراس مرفوع يرسموا الأطفال ألوان
موال سجل موقف قطشناله من زمان
ناويين ننتصر فمنخطط بإتقان
أنصت للقرآن
ما تخلي قلبك حجر خلي المي تنفجر
حتى بموسم الربيع تقدر تشرب مي زهر
اجتهد كل الشهر وبس يكتمل البدر
اخطف الفرح غدر وبالغصب عن القهر
خلي القمر ينبهر من الضو بعيونك

هور يابو الهوارة\ تحيا الثورة وأحرارها
ناس بتبكي لترتاح\ وناس بترقص من نارها

فرحي فواشة تعا بحر الموت عوم
عم أفطر عالموسيقى تعن قهر البوط صوم تعا سحور الثورة قوم
تعا بذور الصبح هون
كان نشف عبد الناصر لولا ميّة أم كلثوم
عربش على شجرة تفاح وطي بنطلون فنتر عوجه البوم
زمن مشؤوم بس الأسود معلوم لما درسته للظلام صرت اكتشف الوان بصندوق مختوم
رقص نوبي قبل ما يغرقهم بسد أسوان
قميص عثمان صار بده كوي يا مان
آخر الدواء كل ما عليها فان
بلبنان عنده مذهب الفان قواد فنان
حلولهم سوداء متل كوب كوفي عنان
ضلوا الأخضر والأفيون للشعوب
منوم اجتماعي شغل السعودية وإيران
بفضل زرع أرضي بالإقناع
داعبها بخبطة الرجلين عالإيقاع
ما رجع الشهيد لما غنيناله ارجاع
الحداد إعداد للعودة للحياة بس كترة السواد عملتنا للموت عباد
الحداد إعداد للعودة للحياة بس كترة السواد عملتنا للموت عباد

فوش\Foosh -  الراس

Original track version by El Rass & Munma
Vocals by Mazen El Sayed

El Rass & Munma  - البطريق / The penguin (Munma's subconscious remix)

Lyrics: Aly talibab, Youssef Tawfik
Vocals: Aly Talibab, Youssef Tawfik
Violin: Ahmed Adel
Bass: Mohamed Hassan
Guitars: Haitham Elfaham, Ahmed Sameh
Drums: Sherif Abdalla
Sound engineering and production: Youssef Ahmed
-Recorded at Vibe Studios-

Serenade feat. أنت موجود - علي طالباب

"متى استعبدتم الناس وقد ولدتهم أمهاتهم أحرارا"
متسلح بالافكار هاجم
حلم وواقغ دامج 
لاجم للنشار الجامح بآدان الجامع
كبرى الطامة سلفي جامي مرجئي إخواني
وجه تاني للنظام بتدوير زوايا اميركاني
عنفسه جاني فالولاء آني
غير مصدر التسليح بيتغير اسم الكتيبة عأمير تاني
من الافغاني كان يجي جمال الدين هلق بيجي مجانين وهيرويين
فك الحنين من فك عقل الجنين
بدك ألف سنة لتفكك متفجرات جنين
الجهاد الأول بمكة فلتنفس التحقين بتفضل الرياض تصدر جهاديين بس مش عفلسطين
إذا مش للقبلتين إذا إسلامك لمين؟
لاوعي معقلن استطياب علقم عفلق أسلم
واكتشف صدام انه الله أكبر
أبشر بشار صار بده يستغفر
حاكم بآخر فترة بيصير طالب السترة
بتصير لحيته أطول من جبهة النصر
اللحية فكرته عصرها
بس رح ينتهي بعصرها متل ما بلش بقصرها
الإسلام وهي متل الجمل والجمّال
الأول جزء من الطبيعة
التاني تاجر بده يشتري ويبيعك محصول ربيعك
حبطت تجارتهم وبئس ما قد بيع


الراس و ارمادا بيزرتا - حبطت تجارتهم

استعيذ من الشيطان...متسمعش


فيديو لماجد نادر: http://www.youtube.com/watch?v=myK8wzBtZ8Y
للتحميل: http://www.mediafire.com/?4b9pnhp7bzw7sr7

Rap

Mo ElMalt