إبراهيم عوض - المصير El Rashied Zakaria

مراكب الحن حُميد.m4a

بنادِيهَا
وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بترحَل من مراسيها
عصافير نبّتَت جِنْحات
وطارت للغيوم بيهَا
مسافرِ من فرح لي شوق
ونازِل في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بتلقَى البِلاقيها

بنادِيهَا
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينه بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد

بنادِيهَا والاقيهَا
واحِس بالُلقيا زي أحلام
حتصْدِق يوم والاقيهَا
واحْلًم في ليالي الصيف
بَسَاهر الليل واحجِّيهَا
ادوبي ليهَا ماضيهَا
واطنْبِر ليها جاييهَا
وارسِّل ليها غنوَة شوق
واقيف مرات واْلُوليهَا

بنادِيهَا
وبنادِيهَا
وبنادِيهَا

يامطرعز الحريق- بروفه

mo.omer

Related tracks