بسمعها ايام ما كان عندي ١٦ سنه دلوقتي عندي ٢٥ ولسه بسمعها

قالتلي بنظرة عينها ان انا ميت قبل ما تنطقها

آخر صفحه نفس لونك بس في ريحتك الاختلاف

اتخنقت ليه بننهي كل قاعدة لضيق الوفت؟ <3

انتا قولت الي الواحد عايز يقوله لاي بنت سابته تسلم

7aga Benna I حاجه بينّا 
Written by: Mo4kll
Music: Free Beat
Rec label : Youssef Hisham
Master and mix : Mo4kll
© 2016
ــــــــــــــــــــــــــــــــــــــــــــــــــــــــــــــــــــــــــــــ
طول منتي بتسمعني مش هتنسي يوم من الماضي  
ما تسكريش عشان تنسيني وانتي قاعدة جوه باري 
قالت فكراك انت اللي طموحك فوق يأسك علاك 
بس مهما انت اتقدمت مش هتشوف الكون وراك 
فاهم
اسوء حدث وانت ع القمة انسحابك
شد خط تحت كلمة بمعنى التقط انفاسك
واحفظها طريق القمة في اتباع اثرها 
وطول ما بتكسب اكتر استحاله انك تخسرها 
لئيمة ازازتها فيها وعاوزه كاس مجاني  
بتجاملني عشان اهديها كاس زيادة يمكن تنساني  
الوقت اتأخر بس بدري للي لسه صاحي
قلتلها همشي انهي الكاس قامت بصالي
قالتلي بنظره عينها ان انا ميت قبل ما تنطقها
فعرفت ان انا خيال شيفاه وبتكلم من دمغها
حارقة شهادة وفاتي فوق شمع عيد ميلادي
  هي مش هتصدق موتي لحد ما تتوئد كتباتي 
مش في كتابي اموت بسطورك مكتوب حي ع الغلاف 
اخر صفحه نفس لونك بس في ريحتك الاختلاف
نسياني محتاج خيوطك ع الكهف لثواني
كهفين استنجدوا بيكي بتنقذي واحد قبل التاني 
بسهر ارسم فيكي على ورق بيبان ابيض للكل 
مش فاهمين ان انتي جميلتي فمش انا اللي اعميكي بكحل
بتنفسك صعب ابعدك لسه بستغرب قوتك 
ازاي فيوم بنتقل من بطل لضحيتك  
 مبعاندش بس انتي ازاي هزمتي بطل ماخسرش
صحيح انا ارض بور بس انتي حبوب مابتتزرعش
فهميني ليه بكره اشوفك وانتي بتفرقيني  
ليه بعد ماسلم بحرق كل صباع موجود في ايدي 
غرها جملها مالها كل بالها بمالها سهله
 جسمي مش هيحس بيها لو شغلني نفس سجارتي 
ده مش مكنها عنها تمسك او تسيب مش فارقه
 اصل قبل ما تدخل راسي لازم تهزم اللي في حضني  
لو انتي اللي انا اتنفستها اكيد هشوفك 
ابسطها وسط القعدة  كنت هعرفك من صوتك 
مش هشدك بخيط ضعيف واقول ده اقوى منك
مبدأش طريق نهايته بداية خطوه في بعدي عنك 
بقوى لما اتنفس نفسك بضعف بعد كل مقابلة 
زي مثلاً طالب فاشل بس عقله حب المادة
اتخنقت ليه بننهي كل قعدة لضيق الوقت 
ازاي انا صاحب المكتب وعشان اقابلك اجبلك كارت 
زيهم بيحبوا اللحن وينسوا اللي عزفلهم 
مش همسك آلتي طول ما النوته مكتوبه بخطهم
 ما انتي فاهمه بشك فيا لما وثقت في جاهله   
اوصف همي لأصم ولا استاغيث بابو ودن واحدة  
هقولك كلمة بينا مش عايزهم يسمعوها
انتي هدي في الحيطان وانا ( هدوس ودان رموها )
خلي بالك مني بمعني اني هكون فعلاً محتاجلك 
وبمعنى اخر نفسي انتي فخلي بالك من نفسك  
غمي عينك وافتحيهم لما ما ترسمكيش ايديا 
لأ فتحي كده هتعيشي طول العمر شبه عميا
 سألتيني عن احلى وقت وانتي معايا عدا عليا 
اكيد وقت مابشوفك جوه عينك من عنيا 
مش فايقة شربه الكاس مع الموسيقى الهادية 
انتي ماعرفتيش ترقصي متقوليش الارض مايله
لمي رماد شهادتي وطفي الشمع انا في انتظار 
 اسلم حل عشان تنسيني فإني اقوم اقفل البار 


7aga Benna I حاجه بينّا

التراكات الجديده هتنزل على قناة اليوتيوب اللي في اللينك ده مش هنا 
https://www.youtube.com/channel/UClpcSbBr-V7gcQwGUxTCj6g

Comments

mohamed a ahmed

mohamed a ahmed

mohamed a ahmed

Timesome715868

Moataz Alsaeyd

Alwakkad Youssef

Nada Gamal

Moataz Alsaeyd

🐣

Nada Gamal