مايغُركيش الندا 
والحكي بالمستور
توب م الزمن واترمى
على الكتف قام مسدول 

تأشيرة لجل نمُر
وسط القبور بالسر
 ونصحي ساكنينها 
يمكن ندانا يفوت 
بين الحياه والموت
يوصل لمساكينها

أما اللي تحت التوب
 زي المفيش كالهوا 
مش كالهوا لكن هوىٰ
مش كالهوىٰ
لكن هوىٰ 
في بحور غميقة غريق
منها اللي راح يرتشف 
بيميل يروح ساجد
واللي شجاع قام شرب
يسكر ويتواجد

أما اللي داب وامتلى
صاحي بدون زلزلة 
كل العيون فتْحت
كل الحجب مُهْمَلة
غريق بحور كالماء 
لكنه مش منها
البحر كان منه
والسما 
عينيه وسعها


لكن خلاصة القول
ماتوقفيش القول
طُلي في عينيه الهايمين
بالعمر عرض وطول
واتمرمغي في حضنه
حاوي كتير أسرار
على قد ماتدوبي
قلبك يفيض بعمار
على قد ماتغفلي
على قد ماتغيبي
على قد مايفوتك
ضعف اللي فات أعمار
كوني كما الدرويش 
قلبه وهواه كعبته
وحبيبه عاش جواه
جاعله إليه قبلته
محكوم كما الدايرة 
يرسم شموس دايرته
قام الصلاه في مركزه 
بره الزمن دوار
كسر حجاب الزمن
فاتخلدت أعمار

عشاق كتير يرحلوا
لكن قليل داموا 
عشاق كتير في قبور
منهم قليل قاموا

هاتكوني بقى منهم
ولا نغيب عنك
هاتكوني نور شمسهم
ولا الرفيق ضِلك
اوعي رفيق السوء 
في الصبح هايضلك
هاتكوني لينا براح؟
ونكون ختام مسكك! 
كوني من الخالدين
ده احنا اللي باقينلك 

مايغركيش الندا 
والحكي بالمستور
توب الحجاب اترفع 
والحق صاح بالنور
توب الخفا واختفى
والسر فاح بسرور

توب الحجاب اترفع 
والحق صاح بالنور
توب الخفا واختفى
والستر باح بظهور

حبك ادانُه انتشر 
في العالمين مشهور

#محمد_منتصر
#مليكة0 
#ءل #،
١٥ أبريل ٢٠٢٢

خلاصة القول ل "محمد منتصر"

أكدتيلي إيماني بإن
لمس الروح أصدق بكتير
أي وصول للآخر لازمه
وسط السكة شكوك أو ظن
"كنت معاكي بروح الأب" 
تضربي ف أضحك
تبعدي ف أحضن
تسرقي مني الضي ف ليلي
وأستناكي تجيبي الشمس
بعد يومين ومكنتش بحزن
وأكتب وأكتب
وأبعت للسماوات أشعار
وأستناها تعود وتمطر
"يمكن أي حروف ف قصيدة"
تقدر تدخل قلبك 
أكتر وأكتر
"كنت صبور"
كنت بشوف جواكي حاجات
زي الضلمة وزي النور
قد ماكان براكي ثبات
كان جواكي 
براكين بتثور ..
قد ماجوه عينيكي سكات
نفس عيونك برضه كلامهم
أكتر من محيطات وبحور
"عارفة الحُضن إياه ف ليلتها"
فاكرة التنهيد
عمري ماكدّب حاجة حسيتها
عمري ماكدّب اني ساعتها
"شفت الروح"
أحلى من الحلم بمرات
- أعلى من التجسيد تأكيد -
أكدتيلي حاجات وحاجات
أملي وظني فيكي ماخابش
- نوري اللى رميته فيكي ماغابش -
وان القلب العاشق صادق
والحضن بجد مايكدبش
وان الروح لو تعشق مرة
مهما الخوف رمى ليله عليها
يفنى الليل ويدوب ف شموسها

"عشق الروح باقي مابيموتش"
- نوري اللى رميته ماغابش -



#محمد_منتصر
#في_الليله_دي_أنا_شفت_شمس
#روح


"لمس الروح" ل محمد منتصر

مساء الخير
صباح الفل 
مهيش فارقة خلاص توقيت
بتوقيتي 
أنا وانتِ
ف كل ثانية بقول "حبيت"
أنا انتِ
وعُمري ما كُنت إلاكي
وعُمر الروح
ماكانت إلا وياكي
يا محلاكي
يا أحلى من الحلا نفسه
وكل النور بيستشرف شروق منك
نجوم الليل بتتباهىٰ
وتتحاكىٰ بقصص عنِك
أنا يونس في بطن الحوت
وبطن الحوت يكون جنة
عشان لو كنت وياكي
ووسع الكون يكون هو
ده أصل الموت
عشان ده بدون
غنا معاكي
أنا أيوب وماسّه الضُر
وهو الضُر ايه ليا
حياه بتمر
وانا من غير لقا عينيكي
ده هو المُر
بكون عاجز ومتقيد
ولو جوه العيون أنا حُر
أنا "زكريا" قبليكي
بدون "يحيىٰ"
وقلبي معاكي آيته يقوم
كما عيسىٰ 
سليم يحيا
ويتنزل من السماوات
ويبدر نوره من نورك 
على الأرض اللي شبعت موت
لكن صاحية
أنا "يعقوب" بلا "يوسف"
لا أنا أعمى ولا مُبصر
ومستني القميص ييجي يبشرني
فجالي قميص
بلون أخضر 
رسالته تقول خلود ليكي
لكن ببشارته ده قتلني
أنا المجاذيب تحاصرني
وتبعتلي رسايل موت
وآل البيت يدلوني ويهدوني يقولوا حياه
"ياواد اهدا 
شجرتك هي وبركتك
سكونك هي وحركتك
وأيدّناك ووكلناك
وباركناكوا بحسبنا
وفرقناكوا 
ده لجل العهد مايتمم
ومن دلوقتي وجمعناك
مؤيد منا وموافقين
ومن أيام بداية النور
ليوم اليوم الدين 
ولا سيبناك
لا مرة غيبنا حواليكوا
ولا توهتوا بعيد عنا
كرم منا
ولا قطعناك
ف سير بالبركة متوكل
رددنا الروح تعيش بيها 
خلاص بالعشق والحكمة
بجاه الذات وبالنعمة
بكل الوهب مادّينك
وبيها وبينا واصلينك 
وطمنّاك
"احنا معاك"
#محمد_منتصر
#مليكة
#،
#الآل
#٥-٦-٢٠١

الآل ...

من فوق سقف الجِنان في الروح
بِشويش بروح فراشات ... خطي
كانت "الجِنان" جمع "جَنة" فوق
أما الجنون فده عن قريب ... حالتي
بيني وبينك 
مابقاش خلاص مسافات
بستعجل الدقات الباقية من .. ساعتي
وكفوفي صارت نور
بتشع خير مبدور
يجي عن قريب الدور
يجمعنا دلوقتي
طلسمنا عشق وبوح
باب الوصال مفتوح
فوق الجبين مسموح
ياكفوفي تتحطي
وأتلو عليكي آيات
مش زي أي آيات
صمت وسكون وسكات
ساعة مافتحتي
صحن السما بيدور
وقعت بدور وبدور
فرح وسلام وسرور
غرقانة بيه ساحتي
ولزومه ايه التأخير
يانبوءة متأجلة
كان من زمان جيتي
من بعد مارُحتي
ياللي انتِ فوق علياء
سمواتي وطرحتي
انتِ اللي بَكّيتي
وانتِ اللي فَرّحتي
#محمد_منتصر
#مليكة
#،
#١٥-٣-٢٠١٧

نبوءة متأجلة ،

والله ما طلعت شمسٌ ولا غربت	إلا و حبّـك مقـرون بأنفاسـي
ولا خلوتُ إلى قوم أحدّثهــم	إلا و أنت حديثي بين جلاســي
ولا ذكرتك محزوناً و لا فَرِحا	إلا و أنت بقلبي بين وسواســـي
ولا هممت بشرب الماء من عطش	إلا رَأَيْتُ خيالاً منك في الكـــأس
ولو قدرتُ على الإتيان جئتـُكم	سعياً على الوجه أو مشياً على الرأس
ويا فتى الحيّ إن غّنيت لي طربا	فغّنـني وأسفا من قلبك القاســـي
ما لي وللناس كم يلحونني سفها	ديني لنفسي ودين الناس للنـــاس


من تراث ومؤلفات مولانا الحلاج

ألحان وأداء الموسيقار : حلمي عامر
أداء مصاحب : محمد سيف

والله ماطلعت شمس (حلمي عامر) .m4a

ياللي انتَ وشمَك
فوق جبين وجه روحَك ... تسع نجوم خضرا
والأرجوان الذي فايح بريحة الأزل ... يبوحك ... من تِلكمُ النظرة
أيا صاحب الحضرة ...
ضَيَّك بسيل الدهب ذاهب عقول ناظرين 
ينجد قلوب غارقين السكر باللطمة 
يلهم بنوره نيران نفوس حاطمة
تصبح سلام بالتي لمسة بيده التي 
فاطمة ولاد التيه للهادي منفطمة 
الشهقة زاد المشتاقين تفتح ببان موتة توهبها ألف حياه
اللفظ هو الملاذ يتقال بعلو ال آه أو بين البينين الله 
ولو بسر القلب في الدقة
أو حتى رفض بتعلنه وتقول ساعات لَئَا
والأزرق الباهي جامع شتات السما في جسدك 
من بره شكلك بشر بعين البصر مهما اجتهد دقق
لو فتح البؤبؤ
يكشف شعاع البصيرة عن بهجة اللؤلؤ 
مخلوط بسيل النور القديم 
معجون بريحة البحر والنون والقلم 
من فين هايقدر فهم يستوعب اللي اترسم  ... من فين هايقدر رسم يصور اللي اتفهم
والخط روح الحق والكشف سره الصدق
والحضرة سيد بهي شمس الجمال للعشق بدر التمام للصدق نور الجلال منتصر برهان ملكيته بحق

من عاينوا وأسلموا من شاهدوا وسلموا من خالطوا ولمسوا شهدوا بكتير إنما لسه كتير كلما
بالرفقة يتآنسوا


#محمد_منتصر
#تسع_نجوم_خضرا
#سي_البهي 💜💙💚☀️
#مليكة 
#،

١٩ ديسمبر ٢٠١٨

تسع نجوم خضرا "سي البهي 💜💙💚☀️"

فتكلم فيهم !  "محمد منتصر"

أُمناء الأزل "محمد منتصر"

جيتي!
مين بس لسه لم يدري بجمال بوصولك
جلبتي وياكي السما في حبات ياقوت
وغرستي ضيك في الأراضي رضيوا يتداسولك
طرحت نجوم ... طرحت نخيل ملكوت
جلبتي دين والحب فيه بمقام رسولك
انتي الكيان العشق فيه بدايات شطوط
وانتي الكيان اللي الكمال قلد حصولك
كل الكواكب تابعين
كل الملوك بقوا مملوكين
جُند الغياب سجدوا بخشوع 
غاب الحضور لم يحتمل ... سلطان حضورك

جيتي!

والعالمين أقسم يمين ... في ديوان جلالتك
إن الوجود حس بوجود ... لما إلتفتلك
فات الزمان جوه المكان كالبرق فاتلك
وأنا من زمان قبل الزمان
كلمة إتحكتلك

جيتي!

طلة عينيكي جددت شجرة نبوءتي
جوهرة نوري اللي سارية من جوهر حقيقتي
سكنت ودابت جوه روح راحت في روحك
وأنا روحي لما اتروحنت " كُنا إحنا انتِ" 




#محمد_منتصر
#مليكة
#،
#12 - 7- 2019




Music sound track : dust it off "the do"

جيتي ! "شجرة نبوءتي" محمد منتصر

في الطريق صادفتها وإلتقينا بكل مافينا
وكل ماكان فينا من حاجة للقاء تلاقى في نظرة واحدة لم يحدث لها إلتفاتة واحدة
لا أعلم هل تصادفنا في الطريق
أم الطريق صادفنا ليمشي وراءنا أم ليمشينا
لا أعلم هل أنا الطريق وهي تمشيني؟ أم أنا دليل لها أم هي دليلي؟ 
لا أعلم هل أنا شمس قمرها أم هي قمر شمسي أم ليس هناك لا شمس ولا قمر ! 
هل أنا تائه في طرقات مدائنها؟ 
أم أنا الهواء المحيط بالأوطان والمدائن ويغذي الأرواح بها فيها ! 
لا أعلم كل هذا ولكني أعرف ... 
وأقصد طمس عين العرفان وأستجهل العلم لكي أخطو بسحر المغامرة ولذة نشوتها نحو المجهول الجميل جدا بها
لأمشي بجانب خطواتها الرقيقة الجميلة البريئة العفوية والحكيمة بالفطرة في ذات الوقت

أيا أنتِ  
كيف ابتكرك هذا الرب البديع
لماذا أصلا صنعك هكذا
هل ليباهي بك الأكوان أم ليقتلني ألف مرة في الأكوان بكل هذا الحُسن والنور والرقة والبهاء والمحامد يا مُحمدية النور والتشريف
هل صنعك لينظر لي من وراء عيناكِ
ولماذا التخفي!
أءحتمل دلالك أم دلاله ! 
هو يعرف أني أعرفه وأراه
هو يعرف أني أعرف
أنا أعرف أنه يعرف
أنا أعرف أني أعرف
أنا أعرف
أنا ،
، 

#محمد_منتصر
#مليكة_المُحرَّمة
#أرني_أنظر

#،

Music credit : omar farouk

أرني أنظر ل "محمد منتصر"

لا هاتشرق شمسي من المغرب
ولا ها احيي الموتى عشان خاطرك
معجزتي وبس اني بحبك
والحب هايخلق كون ملكك

تبقي انتي الروح الموهوبة
جوه المخاليق الهيمانة
العاشقة الدايبة المسحوبة  
في السر الساري بلا نهاية

مش هأرمي عصايتي تقوم حية
ولا ها أنقل عرشك من بيته
أنا عايز بس تدوبي فيا
قلبك ياما نادى ولبيته

تبقي انتي الروح الموهوبة
جوه المخاليق الهيمانة
العاشقة الدايبة المسحوبة  
في السر الساري بلا نهاية

أنا قادر بس أكون انتِ
وأكونلك روحك جوايا
أحكيكي بصوتك تقوليني
وأناديلك تبقي انتي ندايا

يا أنايا وروحي ومواجيدي
لو كنت أنا ناي انتي غُنايا
كل اللهجات المنطوقة
كتبتنا آيات جوا حكاية

فبقيتي الروح الموهوبة
جوه المخاليق الهيمانة
العاشقة الدايبة المسحوبة  
في السر الساري بلا نهاية

#محمد_منتصر
#مليكة
#، 
"5 أغسطس 2019"

الروح الموهوبة "محمد منتصر"

هنتلاقى
ونلقى الفرحة سباقة
عيون حبايبنا مشتاقة
تقول كل اللي ياما اتشال 
ونتقابل
بكل مافينا هانقابل
حبيب جوانا كان حاصل
وسايب روحه بالكامل
وجاي عطشان لكل جمال



وهااحكيلها وهاتقولي
عن الأيام اللي جاينلي
وهالة عليا ألوانها
يادوب من بس نظرة عين
ها احنلها وهاتميللي
دي هي الروح دي بالمللي
يادي الأفراح اللي حاصلينلي
بحضن بقينا روح في اتنين



ومن تاني
لقيتك وانتي علشاني 
وانا بكلي بقيت انتي
وانتي بقيتي باقيالي
ولا غيرك يكون تانيين
أنا جالي
ملاك الحب أوحالي
بإنك بيتي وآمالي
وانك قارية أحوالي
ومين تاني يهمني مين



أنا جتلك
مسافر ليكي جوايا
يا انتي يا روحي يا أنايا
وانتي كمان مسافرالي
بقت روحي
تعيش الراحة في حضورك
وشايفة الحب روح نورك
وروحك نور بيحلالي

يا انت بكل تكوينك
تفاصيلي و إجمالي

#محمد_منتصر
#دهب☀️999
#،

هانتلاقى "محمد منتصر"

محتاج أراقب عمري أكتر من كده
كل مابتتجلي فيه
العمر مش بيروح معاكي
العمر انتي بتشربيه
وتقدميه من تاني ليا
مش ساعات ولا ثواني
بتوهبيه ضحكات ونظرة
بتقدميه ليا في معاني
بيزيدوا وقت الكون خلود
ويجددوه من غير حدود 

محتاج أراقب روحي أكتر من كده
لا ألاقي نفسي بنظرة منك
مَلَك معتوق
على حدود السما والعرش
أو حتى أتحول ولي
وأنا للأسف 
ع القرب ده مقدرش 
القرب من زاد الحبيب ده فراق
القرب من ذات الحبيب هو المُنى
هو اللي لو  هاتساعد عليه نظرتك 
أسمح بعمر اتنين تلاتة 
وأنا عمري ما استكبرش
انا ليه في حبك شاب لكنه شيخ وحكيم
لا الشاب ده بيكبر ولا عمره عمر الشيخ
خلاه في يوم ماعِشقش

فاذا كنتي ناوية تقربي
أكتر من الدوب في النَفَس
وأكتر من ملك الذنوب
اللي مهلوك م التعب
ان كنتي ناوية تقربي
بحساب 
أو حتى بلا أدنى سبب 
اكتر من ملك الثواب 
اللي نام من فرط الكسل
بقاله ياما ما اشتغل
فانا ليا بس رجاء من باب الطلب
ان كنتي ناوية تقربي
تعاليلي من باب النبي
الباب ده عتبه أمان
الباب ده كله نعيم
من غير ماحتى ما تطلبي
فان كنتي ناوية تقربي
فالقرب نور عشق النبي 

#محمد_منتصر
#دهب☀️999 
#،
مساء الأحد 29-9-2019

مَلَك معتوق ل " محمد منتصر "

صباح ألوان
مزيج أنوار
مفيش في جمالها في الدنيا
صباح أحضان
تبوح أسرار
عيوني ما غمضت ثانية
عن الطلة اللي مالية الكون
بهاء وجمال
عن السر اللي كان مكنون
وليكي اتقال
وعن قلبي اللي مليان نور
دهب سيّال
صباح بالقرب بيطمن
وبيجدد
في روحك نبض
يا كون جوايا ببراحه
وعلشانك
ده ليكي امتد
ملاك العشق أرواحه
في كل مكان 
دي مالهاش عد
لكنك روح 
فريدة وواحدة في الأكوان
ومخلوقة تكوني عشان 
أكونك فيكي كل زمان 
صباح العهد
صباح العشق بقى ظاهر
بفعل الوِد
أنا بحبك 
كأني لا كنت ولا قبلك
ما حبيت حد
وجَد العشق جوايا وعشقك جَد
أنا بحبك
بكل قلوب دراويش السما والأرض

#محمد_منتصر
#دهب☀️999
#،

دراويش السما والأرض ل " محمد منتصر "

بس برضه حنينة!  ل " محمد منتصر "

رسالة عهد
أما بعد ،

فانا إذا كُنت أملكني
لكنت وهبت إيايا
بكوني وأرضي وسمايا
أمان لعينيكي ولقلبك
فكوني لوهبي ده قابلة 

عيوني تملي ناظرينك
قلوبي قلوبها رايدينك
وأرواحي وعاشقينك
جهاتي الستة راضيينك
تكوني لعشقهم قبلة

أنا إذا كنت أملكني
لكنت غزلت من روحي
تسع أتواب
وأقدم كل توب منهم
يزيدوا العشق جواكي
بسر الدايم الوهاب
بلا أسباب
يضيفوا خلود لنور عُمرك
بفيض خلاب
وأما التوب رقم 9
هايتمدد سما واسعة
بلا نهايات
ويتجزأ
يكون سماوات
تحاوط كل أحبابك
وفي حضورك وفي غيابك
ها أنادي في كل أرجاءه
"أنا بحبك" 
تردد كل أرجاءه
ملايكة وطير هايتلاقوا
تقوم حضرات
بتذكر بس نور اسمِك
آلاف آلاف 
آلاف مرات
"أنا بحبك"
بكل مافيا من أرواح
بكل مافيا من حضرات
"أنا بحبك" 
بكل مافيا من أكوان 
بكل مافيا من حياوات

#محمد_منتصر
#عهد
#حضرتها
#حضرته
#4
#، 

صباح 8 أكتوبر 2019

رسالة عهد بسر الدايم الوهاب "محمد منتصر "

رسالة عشق  " محمد منتصر "

قدس الله سرنا  " محمد منتصر"

قبل ما تِندِرها صوم  ل "محمد منتصر"

محمد منتصر
فنان مصري مستقل
 

شارك فى كتابة العديد من الأغنيات لفرق موسيقية مثل
ورشة وطن 
الورشجية
جازجا باند
 أعماله مع ورشة وطن والورشجية باند
أوبريت إنعكاس
أغنية ضحكة
أغنية أوتار جيتار
أغنية حُرّ
الحلم ( أوبريت وأستعراض شعري غنائي) 

الصفحة الرسمية



Muhammad Montaser

Popular tracks