لو عدي ٢٠ سنين عمر الاغنيه دي متنتهيش

الجوكر - الواقع

Egy Rap school
لا مش كده
انا راجل وبلبى الندا
البنت مايصه
على طول هايصه
طب ليه كل ده
متعوده
تقضيها كده والشباب مركزه مهيسه متمركزه على كل حته متيسه
هزه فوق
هزه تحت
من تحت لتحت
دى جامده فحت
بتتشقط بتتلقط
من شاب لشاب بتتنطط
عارفه طريقها وتخطط
مش عارفه ان هتتشقلط
ماشيه تهز ولا اجدع وز وتقولك عيب عليكى لازم يخس

ولا الجينزات والبنتكولات
ولا القصات اخر صيحات
من كتر ما شافو من الفنانات
بتدلع بتتشخلع
طالعه على الشاشه بتتمراع
على كل رجل بتتدلع

كفايه تقليع ولا التطبيع بقى كده للبيع كلها تقطيع
بتتخدع بتتلدع ويقولو العيب من المجتمع
اللقطه الحلوه بتتقطع
كل الهدوم بتتقلع

يا ناس حرام كتر الافلام
رجاله شبان ده جيل تعبان
لازم يلاقو حل لكل شئ واقف قبل ما ينام

من فوق لتحت هناك وهنا
رجاله بنات جنس ناعم جابو العيب من عندنا
يخطفونا بعد ما بهدلونا دوخونا
امال هنعمل ايه عن اعصابنا طلعتونا
على دماغنا وقفتونا

متدلعه متشخلعه فى قلب دادى مربعه
ادب وذوق من عيله فوق والسمعه ايه مسمعه
واللبس ايه مودرن ولا عاوزنى البس بردعه
والله الموردن خلى الشباب كله رجله مخلعه

بنطلون يسقط فوقيه بادى
واتفرج ياللى انتى فاضى
مهازل ( باردون يا دادى بعد اذنك رايحه النادى )
وتلاقيه مبسوط بيها وراضى
اه ماما وبابا عادى
مش ذنب الحلوه انها مولوده جسمها جيلى بالزبادى

صعبان عليا يا عينيا
مش عارف ابص حواليه
مفيش حاجه متغطيه
عصر شلح بحريه

اصل الغرب علينا سيطر
والدين مابقاش يتقدر
كل اللى الحلوه عاوزاه انها تدلع وتتمختر

طول النهار فى معاكسات
وبتسال طب ليه انا بالذات
هو احنا ايه مش مخلوقات
هو ده كهن البنات

من فوق حجاب جواه وش منور الله عليه
من تحت فيديو كليب اسمه اتفرج ع السوكسيه

من فوق لتحت هناك وهنا
رجاله بنات جنس ناعم جابو العيب من عندنا
يخطفونا بعد ما بهدلونا دوخونا
امال هنعمل ايه عن اعصابنا طلعتونا
على دماغنا وقفتونا
امال هنعمل ايه عن اعصابنا طلعتونا
على دماغنا وقفتونا

اول الحكايه لما تبتدى من سن الخطر
وتبص لنفسها فى المرايه ما تعرفش ايه اللى حصل

واحده واحده تكتشف البنت ان هى كبرت
تقعد تدقق تتفرج على الحاجات اللى طلعت

طبعا اول طلب اسمحى يا مامى نجيب لبس
مش هتفرق بادى ولا جينز المهم يبقى سكس

وبعد كده طقم والبس واتبرفن واتدلع
ويخرب بيت ابو الشباب اللى خلاص هتولع

التي فى(tv)مامى بابى نامو اتفرج واسهر ع 
وابقى قابلنى لو لقيت واحده لابسه فيه

الخطوه التانيه قلد هيفا و نانسى ومروه ودولى
ليك الواوا بوس الواو لا مطرب حامبولى
قالعه ولا لابسه رايك زى رايى قولى
هتقولى لبس محجبات هههه يا حلولى

تعرف شاب معاه عربيه
فلوس فى الجيب وعيشه هنيه
تفكير بنات بقت ماديه
دى قوه عظمى استغلاليه

من فوق لتحت هناك وهنا
رجاله بنات جنس ناعم جابو العيب من عندنا
يخطفونا بعد ما بهدلونا دوخونا
امال هنعمل ايه عن اعصابنا طلعتونا
على دماغنا وقفتونا

Egy Rap school/ ايجي راب سكول جنس ناعم

الـــكـــلـــمـــات

بطلت أكلم حد لحد ما حد خد بإيدى
لو مكانتش إقتنعت بيا مكانتش ظهرت عبقريتى
كله أصاب فيما أصاب ، وأخطأ فيما أخطأ
الحق أحق أن يُتبع مهما هنوصل أبطأ

إنت عمرك ما اقتنعت بـ قد إيه بنكمل بعض
أنا لاحظت كون الفكرة بتقوى بنقد نقط الضعف
تعدد عصبياتنا فى العموم شيئ مفيد
وإن استمر الفيل فى إعتقاد إن الإله فيل

بلجألك إختصارا فى اللى أنا فيه فعلا محتاجك
مستحيل حد من الصفر لوحده يعرف كل حاجة
ده مش معناه إنى أقل ، ولا إن انت أعلى
أنا بقفل التآويل ، وانت بتغرق فى المعنى

لسه معرفتيش من إمتى مبتفهميليش ولا كلمة ؟
من ساعة ما كل حاجة معاكى إبتدت تكون مملة
عمرك ما شوفتى حقيقتى ، ولا فهمتى حقيقة ده كله
كل واحد شاف التانى الواحد اللى حب يكونله

مضطر أسيبك وأمشى منعا للمخاطرة
الورقة رافضة أعيشلك وأبقى أزورها كل فترة
أنا بشرح على قد عقولكوا ، ولسه متفهمش شرحى
انت كلامك مات ، وإنت لسه عايش ، إنت سطحى

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

ظروفه كانت غير ظروفهم ، فخرج عن الإجماع
ظروفنا الآن شبه ظروفه فـ اجتمعنا على فتواه
مش فى صالحك يبقى مثالى طول مـ انت فى قمة متعدد
باب الإيمان قصير ، مبيدخلوش متكبر

سيبيلى حاجة أفتكرك بيها ، حاجة ريحتك فيها
حاجة استخدمتيها ، فى أوقات مش حبانى أعيش ناسيها
للهروب من واقعهم ، للأسف لازم توقيعهم
يؤسفنى أقولك -فى بعض الحاجات- شبة طيعهم

بس ده مؤقتا ، هما يقولوا بطل وأبقى بطل
وأوعى إنتظارهم إنك تقع هو اللى يسقطك
وتبدأ النهاية بـ إنى أقبل حاجات مرفوضة
واحدة بجمالك إنتى فى بالى صعب تكون موجودة

أجزاء شبه عشوائية سوا تبان مخيفة
انت سامع مـ الغنوة آله بتعزف صوت مؤامرة سخيفة
اللى فى صالح السيناريو طول عمرى بنفذه
لو أبرهة بيغرق قبل عام الفيل هروح أنقذه

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

معرفتش أشكر مين ساعتها وعدى الموقف عادى
مجاش فى بالى إن أنا الشخص اللى أنقذ حياتى
براجع نفسى لما ألاقينى تهت فى التفاصيل
فـ أنفصل عنى الجزء اللى مراقبنى من بعيد

شايفك يا بلدى بتبصيله ، وإنتى بترقصيله
بصة فلسطينى لإسرائيلى ناهب محصول طينه
فى لوحات يادوب ، فيها بسيب كذا خط ولون
كوّنوا فى كل عصر كل رسمة تفيد الكون

غلبانة ، بتقول للناس إنها بكره هتنسانا
مش عارفة إن اللى يعيش من غيرنا أكيد معاشش معانا
صدقى اللى إنتى بتحسيه ، كدبى اللى إنتى بتشوفيه
استخدمى البعد اللى إنتى عارفة إنك فى حضنى فيه

كان باين فى عينيكى الزهق
مبانتليش فى عينك غيرة
قلتلك إنى عارف إن دى الرقصة الأخيرة

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

________________________________________­_

El Ra2sa El 2a5ira

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker _ El Ra2sa El 2a5ira I الجوكر _ الرقصة الأخيرة

El Joker - Ba3d El Nesyan l الجوكر - بعد النسيان

حبيبتي .. حافظي عـ العهد اللي بيننا ودايما افتكريني
لو الليل حاوطك في يوم ومتصلتش كلميني 
ودعها وسافر ، سنتين واكتر بيعافر 
18 ساعه شُغل ، وياكل أرخص شئ يتاكل

ويصبر نفسه بفكرة حوش أكتر ترجع أسرع 
ويوفر حتي السكن بإنه يبات مع أمن المصنع
وفي ليله اتقبض عليه نتيجة خطأ تحقيقات
لإنه كان بيصلي في جامع إتخطط فيه لتفجيرات

قال إيه بيهدد أمن الدوله فـ بالطبع إتخفي
في سجن فيه كورسات تعذيب يوميه ومكثفه 
مفادهمش بحاجه ، ومحتاجوش دليل إدانه 
علشان يرموه في زنزانه ، لحد ما كل التحقيقات تتقفل

إترحل لبلده بعد عذاب 16 شهر
مش باقي من تحويشة عمره طبعا الا قهر
دخل علي اهله البيت الكل حضنه في نفس الوقت
أمه وسط دموعها قالت لأبوه اهو عايش اهو ... صدقت ؟

الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك 
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا

في عز ضحك الأهل سأل عن حبيبته سكتوا
الأب : يا ابني كله اتخطي حزنه عليك بطريقته
سأله بصدمه: يعني ايه؟ ... رد بعجز: اتجوزت
ثار و سأله: الاقيها فين؟ ... رد: إعقل ، موضوعكوا خلص

لفتره إكتئب بس لإنه مؤمن غلب 
الإكتئاب بفكرة لو كانت ليا كنت اتجوزتها 
و بدأ من جديد بطاقة اول مره إشتغل 
و استوعب بالتدريج ان النجاح وليد الفشل

من شغله بره كان اتعلم طُرق إدارة مكن
استخدامه هنا يضاعف الانتاج و يغطي التمن
عرض علي اصحاب المصنع اللي اشتغل فيه فكرته
عجبتهم ، نفذوها و عينوه مساعدهم

و أخيرا الحظ ابتسمله في طريق اترسمله
علشان رضي بنصيبه و كان مخلص لله في عمله
حقق أكتر من اللي حلم بيه ، بيت و زوجه وولد
من غير ما يبقي في بلد و كل حاجه عارفها في بلد

الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك 
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا

محدش قال الدنيا سهله ، ولا النجاح واقف يندهلك
العمر بيجرى فـ مينفعش تعيشه على مهلك
مادام أخلصت إرضى بأى حاجه جاتلك
ثق فى ربك ، هو أدرى بالأفيدلك
________________________________________­________

24 2irat

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker
Category
Music


الجوكر 24 قيراط

الكلمات 
بنواجه الفشل بإيمان ، واليأس بعزيمة
مادام مبطلناش نحاول ماسمهاش هزيمة
مش ندمانين على حاجه ، وده عشان اتعلمنا حاجه
مفيش حاجه ببلاش ، والدنيا مش ماشيه بمزاجك

قادرين نحس بدفا الشمس من ورا الغيوم
قادرين نحس كتافنا بتقوى من شيل الهموم
بنشوف الميزة الواحده رغم كل عيوب الصورة
قادرين نحمل ع العضمه اللي لسه مش مكسورة

وعشان بشر ساعات تضيق .. نقول شكلها إتسدت
تقع كام طوبه واحنا مجهدين .. نقول إتهدت
ويدور جوانا صراع “هنقدر ولا مش هنقدر؟”
نسيب نفسنا نلاقى أصوات الإحباط بتكتر

نفتكر أول حب ، وأد ايه اتمسكنا بيه
والوقت اللي ضاع في وهم إن الحياه انتهت بعديه
نضحك على أد ايه احنا كنا صغيرين وقتها
أد ايه الحياه كانت سهله ، وبرضه قلنا مش قدها

عاندي فينا أكتر .. لسه فينا حيل نعاندك
تيجي فينا ايه يا دنيا .. ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

ساعات عشان نرتاح بنشاور ع الأسوأ مننا
لما كل ده يتعدل .. نبقى نعدل من نفسنا
جوانا نص نفسه يريح .. نص نفسه يكمل
نص قادر يواجه .. نص مش عارف يتحمل

نص عايز يفضل يقوى لحد ما يوصل للي عازه
ونص عايز الدنيا تتفصله على مقاسه
نضعف منستسلمش .. نميل مننحنيش
تشوفنا محبطين .. تقول انتهوا .. مننتهيش

حالفين يطرح طموحنا .. حتى لو مكانش الموسم
من كل المحدوفين في بير .. لا يذكر الا يوسف
أكبر م الرضا بقليل بسبب خوف ورعب
عمرنا ما نخاف لمنلاقيش فنرضى ناكل طعم

جواك مقومات الفوز .. لكن محتاج تآمن
إن وجودك في حد ذاته دليل على إنك قادر
ربك ، الطبيعة ، أو اللي مؤمن بيه عامة
مأوجدكش صدفة … والعالم دليل ومثل

عاندي فينا أكتر .. لسه فينا حيل نعاندك
تيجي فينا ايه يا دنيا .. ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

الجوكر-قادرين

الكلمات 
.
 كانت بتمص مني كل مللي طاقه ، وانا على أمل أصحى يوم ألاقيها حست ... ألاقى حالها اتعدل بالتدريج فقدت الأمل ... كل اللي هيتعمل إتعمل معادش عندي غير انتي صح ... علشان معدتش حمل جدل كان سهل أسيبك بدري ، لولا قلت سهل أسيبك لو حالك متعدلش ... ومتعدلش ... وخايف أسيبك لأحسن أتوجع في البعد وجع مستحملوش فبقول وجع عارفينه أضمن من اللي منعرفوش مش يمكن أسيبك أتعب .. أضعف .. أرجع .. ترفضيني أو تقبليني وانتي عارفه إن انتي إمتلكتيني فأخسر حتى صرخة جبت اخري ، وهى يادوب بتخليكي بعد سنين عجاف تروي عطشي يوم ياريتني كارهك انتي ... انا كاره نفسي وانا معاكي كاره نفسي عشان حباكي ... رافض نفسي عشان قبلاكي ونفسي ييجي يوم وأكتفي ، ييجي يوم وأختفي نفسي أحط راسي على المخدة راضي عن موقفي كنتي أول نمرة أحفظها ... أول صوره في المحفظه أول خوف هستيري لسبب زي إنك موبايلك فصل أدمنت حضورك .. حتى لو هتنامي على السماعة اكتشفت معاكي إن المكالمة بتفصل بعد ساعة معادش فيا مكان لطعن ... معادش لحاجه طعم مجرد رفس الغطا ، والقوم من على السرير بقى صعب عدت سنه من يوم ما بعدنا ، ولأجل ما أكون صريح سنه تقلها ميتوصفش .. مهما أكون فصيح تدريجيا كان بيموت إحساسي .. لما عيني فضيت عشت معاها بصفتي لوح إزاز .. وكتر خيرها رضيت ولسه بحكي عنك للحيطان ، وللطريق ولسه العمر بيجري ، ولسه كل يوم بطيء وكل ما ائن .. أفقد الأمل في كون الجرح يلم فـاقول مسيرها تزهق ... هي تقول مسيري أحن انا في وضع ببذل فيه مجهود يسوء .. ميتحسنش مانا بتواجه إني مزيف .. بنفجر مش عاجبك إمشي أحلامنا كان مبالغ فيها ولا الواقع خاننا العيب كان في إجاباتنا ، ولا العيب كان إمتحاننا عزفنا على أوتار اللوم ، وعلى أوتار الأسف نكره كل شيء مش كامل ، واحنا مش كاملين للأسف كنتي أول نمرة أحفظها ... أول صوره في المحفظه أول خوف هستيري لسبب زي إنك موبايلك فصل أدمنت حضورك .. حتى لو هتنامي على السماعة اكتشفت معاكي إن المكالمة بتفصل بعد ساعة كنتي آخر نمرة أحفظها ... آخر صوره في المحفظه آخر خوف هستيري لسبب زي إنك موبايلك فصل أدمنت حضورك .. حتى لو هتنامي على السماعة اكتشفت معاكي إن المكالمة بتفصل بعد ساعة

الجوكر- كنتي

الــكــلــمــات 
_________

زي ما تكون الحياه معانداك ، وحالفه لتوقعك 
عندك ان تتأكل مهما كل شيء رجعك 
كل ما يبقى فاضلك خطوه ..تتوجد ظروف تمنعك 
إحساس إنك مش واخد حقك أكتر ما بيوجعك 
وتقول لعله خير ومن تكرارها تشك في انه 
لا خير ولا عمره كان .. ده شر ولافسك زينته 
انت ادعيت الزهد بركه اننا سيبنالك خيش 
آخر مره السما القابل كانت قريش

عايز تفصل بيننا وبين خالقنا عشان نعيش في غابه 
عايزنا نثور على إمتحانه .. بدل ما تشوف 
إجابه هتموت مفارب الحياه ، ومدوقتش طعم صلح 
كن جميل ترى الجمال .. كن قبيح فترى القبح

تدع هذة القرية لم العفة لشخص آو لجهه 
ربما لا تعني هذة القرية شيئا للآلهه 
كلها بتقول كلام كبير وبتعرف تلفت نظر 
كلها بتقول ربنا كبير، وتلف تاخد حذر 
. 
يحصلك خير تقول ثواب .. تقول مصاب شر 
يحصلي خير تقول ده فضل .. تقول عقاب شر 
الحياه يا أذكى أخواتك عشوائية نتيجة إن 
ممكن فراشه في ليبيا تكون سبب إعصار في الهند

ومين اللي قالك إنه لو حصل فمش مكتوب؟ 
ربك بيسبب الأسباب وكل شىء محسوب

اما هو عارف مين هيتوب ومين هيموت حرامي 
ما نتخلق ونخش نار وجنه بدون سياق درامي

وساعتها مش هتقول أنا اتظلمت؟

مانا مظلوم 
بس هو مين يوم الحساب

لأ محدش إتظلم ومكانه قدامه اختيارات 
ومحدش مبياخدش الأربعه وعشرين قيراط

ده أفيون بيضربوه المتدينين فميشوفوش 
إن في معا معاها فلوس متملكهاش شعوب

الناس دي قيمة المال في عينها غير في عينك انت 
خلفة مشتاق لخلفه غير السابعة لأب سته 
. 
حاسس بيك وعارف كل شىء فكرت فيه 
ضاقت الحياه عليك .. 
زنيتُ 
إنْتِقِبَتِكِ ..!

كل الظروف كانت ضدي لكنني في المقاومه قدوة 
ما لم تعطيه لي السماء .. قد اقتلعته عنوة

وياترى كام حاجه م اللي حاربت لأجل ما توصلها 
ندمت اما وصلتلها عشان منابكش غير شرها

أنا عشت واتعلمت .. وانت لا عشت ولا هتعيش

لأ عشت لكن مجريتش ورا حاجات متكتبتليش

كان ممكن تاخد أكتر .. تفرح اكتر .. لولا غبائك

اللي بتدعي إنك الدنيا فاهمها هفهمهالك 
أغني الناس رغم كل فلوسه .. يوم ويوم عاشها 
يوم مرتاح، على أتفه حاجه يوم مكانش يجيله نوم 
أفقرهم عاشها بنفس الحسبه .. ينام جعان يوم 
ويوم يرزق بعشا .. ينام الدنيا مش سيعاه 
.

ربك كان قادر يصلح العالم فقط بظهوره

دي حجة أي شخص أفعال من الإيمان بوجوده

مش الصعوبة في الإيمان .. الصعوبة في الأعمال 
عشان فرضها عليا إله .. وجوده مجرد إحتمال

كتر المعاصي حطك على أول طريق الكفر 
شيطانك أشطر من حنين .. لن تعود بخف

انت بالنسبالكسبب عدم وجوده مخيف 
مش في صالحك تبقى غابه .. لإنك الطرف الضعيف

انت اللي فشلت تمشي صح .. فلما ذنوبك تقلت 
أصبح عدم وجوده آخر أمل إن انت تفلت

انا براعي كل الاحتمالات ؛ عشان مخسرش حاجه 
لو مش موجود انا عشت .. لو موجود قلت الشهادة

كان كله عمل زيك لو الجمله هي الدين

مش التوبه باب مفتوح؟ .. خلاص نتوب على الستين

طب لو مت قبل كده؟

تبقى أكيد متكتبتليش

لأ بقي أخترت لآخر لحظه إنك متسمعنيش 
______________________________________

Enfsam 7ad part 2

كتبه: El Joker 
الموسيقى: مصطفي إبراهيم 
صوت: El Joker & Sam 
مسجل في: جنوب ستوديو 
ماستر و مزيج بواسطة: Pola Maher 
فيديو كليب: Mostafa Karim & Adham Karim 
© 2018 El Joker

انفصام حاد 2

الجوكر - متهمش

Mixing & Mastering by M.K. Ghazy

Music Track Source: https://www.youtube.com/watch?v=fJNS3wFIvXA

I don't Wanna (feat. Adham) by Koala

الـكـلـمـات

شوفيني زي ما تشوفيني .. عمري ما اتأثرت
مش واصل عشان مش عارف الطريق! هل ده شرط؟
مش راضية بس راضي لإني وسطهم ك فرد
أضعف مما انتي فاكرة ، وأقوى مما انا افتكرت

كفاكي كبر .. فجرتي شبر شبر
بكتب الجمل في مخي عشان خسارة الحبر
يابنت الناس انا استكفيت ، وريحتك طلعت
قالولي قالت يؤمر أعمل .. قلت تبعد

تلت حياتي معاكي طاعة ، والتلتين في عمى
بسرق لحظة استطاعة بإرادة من السما
الخالد بعد شمسه راعى قرب الليل اتقى
دي الفلوس ، ودي البضاعة .. ياريت مشوفش وشك بقى

سيبيني لنقصي .. نزلت ك سهم رأسي
كرهت كون مزيكت شخصي متناسبش رقصي
هما مش سبب نجاستك .. هما زوقك
موصومة أرضك .. ملعونة السما اللي فوقك

ليه سيبتيني بجري؟ كنتي باني بدري
ليه سيبتيني مغري؟ وصلتيني آخري
ليه سيبتيني أضحي بكل شىء عشانك
كنتي قولي إن انتي حابة تفضلي في مكانك

بستغرب كل ليلة إن الجحيم لسه بيتملي
عاملة مستنية الصبح ، ومختارة تكملي
بقيتي بهلوان من كتر ما انتي بتتجملي
الرخص في كل معنى ليكي مهما تتأولي

قليل الحيلة ، بس صعب أبان ضعيف
هرتاح لو قولتي قولت لأ عليك عشان نضيف
بان حاولتي ، ودي سخافة .. قولك مع فعلك تنافى
بنت مقصر ، وانا بكسر في حيطان بيننا مش متشافة

شكيت في نفسي ، وقولت يمكن خانني فكري
وسكتت فترة .. فترة طويلة لو تفتكري
واللي فيكي فيكي .. مفيش عدل يرضيكي
عمرك ما تستحقي اسامحك على ماضيكي

كل كلامك كدب ، ولابسة وش ، وديلك نجس
فاتحة دراعاتك ، واللي تحضنيه يتحبس
انتي مش ضحية زي ما قريت في ورقك
جسمك مطلي بعرقهم ، وأجسامهم بعرقك

متبصليش بعجز ، وتطلبي المساعدة مني
انا لما عينتك كنتي أول من مفروض يعينني
ضيعت ظهوري فداكي .. موصلتش فداكي
وانتي عارفة انا كنت قادر أبقى ايه في كام سنة لولاكي

ليه سيبتيني بجري؟ كنتي باني بدري
ليه سيبتيني مغري؟ وصلتيني آخري
ليه سيبتيني أضحي بكل شىء عشانك
كنتي قولي إن انتي حابة تفضلي في مكانك

بستغرب كل ليلة إن الجحيم لسه بيتملي
عاملة مستنية الصبح ، ومختارة تكملي
بقيتي بهلوان من كتر ما انتي بتتجملي
الرخص في كل معنى ليكي مهما تتأولي
_______________________________________

El Korh Fe 3onoq Zogaga

Lyrics: El Joker
Vocals: El Joker
Music: D-Low
Recorded at: Wave Studio
Master & Mix: Amonuos
Video by: Mostafa Karim
© 2019 El Joker

الجوكر - الكره في عنق زجاجة

كلمات الجوكر، توزيع حسن الشافعي ,جيتار عمرو طنطاوي ، وتريات : محمد مدحت

الجوكر - الواقع

mo_shabaka

Recent comments

Quinn

Delilah

Nevaeh

Ada

Related tracks