رقيص عروس 1

رقيص عروس 2

رقيص عروس 3

مقطوعة الأيام الخالدة
على إيقاعات "الدرملي "
عباس بدور "الدهباية" وهي بتدور خالد
عباس طعن خالد بالسكين

"دنيا يا مَشّاية تُرُنقع جاية
شنقلي طوباية تَلقَي لِي دهباية
بِنِيّة فنجرية نجيمة جايبة ضيا
رضية ما شقية ،قليبا نارو حية
الدنيا أم قديدة ما ترمي فيها الريدة
رويحتي نار تقيدها يحن عليها سيدها
جدلو ما مشيك ودرتي مني بيتي
سراقه نط شالها دنيا شينة حالها
يا أي ما كان زولي ما سمعتي كيفين قولي" 


شنقلي طوباية - مسلسل الدهباية

غربة وشوق والدمع هطال
والحال ذاته أصبح يا رفيق ما حال
قول ليهو سيب الجفا البعادك طال
دي ياها الريدة كما متنا نبقي أبطال
 
بالله يا ظبى الخلا 
على قساوتك قللها
أرجوك ما تقول لي لا
قول للجميل زايد حلا

إياك مشاعري تجهلها
أشرح ظروفك عللها 
رويتني من صدك كفا
خليك معاي لا ترحلا

عندك قوام ما أجملها 
يا في مشيك تتوحلا
بالجد بيوجع في القلب
كل حاجة فيك مفصلا 

مخروط ضميرك والحلا
لولاك الجوهر ما غلا
حادات سهامك في الضرب
والله ما بعرفن جلا

ظبى الخلا - عوض أبو حجار

بتردد مع الأيام وأحاول تاني أرجع ليك
ألقى الرجعة ليك حرام بعد ماتت مشاعرك ديك
أعصر قلبي بالقوة؛ أسكت هس كفاك بكا
عشان تبكي منو الراجيك؟!
مسهر عيني نص الليل ولي أسبوع بحاول فيك
بعد ماتت مشاعرك ديك

يا قلبي المعاك تعب
منو القاليك جرب حب؟
براك عارف حكاية الريد
بيسقيك الوجع بالغب
بحتك صفق يبسان
علاجك حير ناس الطب

أنا العارف حكاويها تعاكسني والاويها
لكن قلبي ما بيتوب
تعاكسني والاويها
مرات تمشي بالمقلوب
تايه فيك بتأمل
وما خليتي فيك دروب
عارفك ما بتحبني إلي
ولابس من عذابك توب

مـودّةة.

Popular tracks