هاجر ... 
ولا عايز من الدنيا شىء آخر 
ان كنتى سحرى ف انا الساحر 
و ان كنتى قدرى الله قادر
يجعلنى حبيب .. 
هاجر , انتى القسمة و النصيب

انتى الحلم .. 
اللى ب قربك اصبح علم
و اللى ب نورك اصبح شوق
يصبح عاشق اللى يدوق
شئ من قطنك ، شئ من شاشك
و المعسول مع روحك عشق 
ف بقيت عاشق .. 

نصيبك يعنى تكونى دوايا 
و على طباعى الله يعينك
 و ان مفهمتيش بفهم منين !
ف انا بفهم من نظرة عينك
وقت ما تلمع وقت ما تحزن 
وقت ما وقت عتابنا بيآذن
تبدا عينك بالكلام ..
حتى النن و حتى الرمش
اكن و اطاطى و أبدأ اسلم
و احكى و اعيد و ازيد فى كلام
ميتفهمش ..

احاسيس كتيرة تدور جوايا
بس لا ليها لا لون ولا صوت
اكدب لو قولت محبتكيش
حقك لو كنتى مصدقتيش
صادق لو قولت بكون مبسوط
و انا وياكى ..
انتى الدفى حسيته معاكى ..

غريبة عيونك ..  
هى سر الإنجذاب
هى سر الانبساط
هى السر فى كل دقة حب بتيجى بعد آهات 
و فى لحظة و فجأة بتخجلينى
من كلامك المعسول النادر 
على بعدك والله ما قادر
و انا وياكى بتوحشينى
طيب لو قولت انك انتى power حياتى 
هتصدقينى .. ؟!

جايز مكنش فارس احلام
ولا حيلتى حصان ولا حيلتى لجام
ولا يعنى عميق ولا فيلسوف 
لكن حيلتى 4 حروف 
من قبلك شافوا سنين عجاف
اقسم لك بالله من قلبى 
انا ب ح ب ك ❤

هاجر

اداء و كلمات : مؤمن صابر

الحالة العامة ماتتوصفش 
فرح , نكد , مبروك , معلش 
ده صوت زغاريط .. 
و ناس بتحيَّى , و ناس بـ ترد
و صوت تانى جاى من بعيد 
و لكنه بـ لوم و مش ولابد
الواد نجح و وزع ساقع 
و كان من الفرحة خلاص هـ يطير 
و البت جارتنا كمان نجحت 
و لكن مجموعها مكنش كبير
فـ سمعت صوت دموع عنيها 
و كلمة بِـتُـقطُم من اهاليها 
بيعاتبوها , و كأنها منجحتش 
و مجاش فى بالهم إن ده خير 
و منهم كان اكبر تقصير 
و لكن البت مقاصرتش ..
و النفسية اكيد فى النازل 
و الواد جارنا طالع نازل 
يوزع اكل و شرب و لب
الواد هيلحق هندسة .. 
و البت ياعينى مش هتلحق طب
الحلم الداير فى الخيال 
اصبح حقيقة فى عين الواد
بعد ما كان تعبان موجوع
و لكنه فى عين البت مازال
تحقيقه محتاج لـ مذاكرة 
و شوية رغى و مجموع
و مجاش فى بال الاتنين إن 
ده "نصيبهم" و كان مكتوب 
و ان ده فعلََا احلى نجاح
الحمدلله ماكانش رسوب
فـ المستقبل مستنيك ترسمه 
محتاج بس رضا و خِفيَّة 
المستقبل مابيترسمش .. 
لا بـ مجموع , ولا بـ كُلية

*Like for Page :https://www.facebook.com/%D9%85%D8%A4%D9%85%D9%86-%D8%B5%D8%A7%D8%A8%D8%B1-688455901255613/?fref=ts

*Follow Acount (Fb) : https://www.facebook.com/mando.single

المستقبل مستنيك

اغنية محدش مرتاح - حسين الجسمى 

محدش مرتاح

كلمات و اداء : مؤمن صابر

حاولت بس اتخيل فُراقك 
لـ مجرد التفكير .. 
بَعدت الفكرة و دعيتلك 
"يارب تكونى دايما بخير"

اغيب , و مهما اغيب ارجع 
و لو هَشرح يطول الشرح 
الذكرى تفَّرح و بـ توجع
و لكن وَجعها اكتر من الفرح 

الوضع الحالى لـ قلبى فى بُعدك 
زى الشجرة من غير غُصن 
زى الدمعة فى وقت الضحك 
اصلها خنقة و ضيقة و حزن 

القلب المِتعود على ضحكة 
زى كنز و فيه الطمع 
بـ وجودك , الدنيا بـ تِحلى 
و بـ غيبتك , فى القلب وجع 

*Like for Page : https://www.facebook.com/%D9%85%D8%A4%D9%85%D9%86-%D8%B5%D8%A7%D8%A8%D8%B1-688455901255613/

*Follow Acount (Fb) : www.facebook.com/mando.single


فى القلب وجع

سلامََا عـ اللى كانت قبلهم ، وقت العشم
سلامََا عـ اللى غارت منهم 
وقت أما قالت مش بغير 
سلامََا عـ اللى لِزقت جوا قلبى كـ الوشم 
سلامََا عـ اللى باقى ليها 
جوا منى حاجات كتير 

سلامََا عـ اللى قالت كِلم 
وقت فرحنا و متنفذش 
سلامََا عـ اللى سابت حِلم 
وقت الضيق فـ متنفسش 
فـ مات مخنوق .. 
سلامََا عـ اللى قالت حُبك إنت 
مع كل خطوة و دقة شوق

يفوت عِطرك .. 
يجلب حنين ..  
سلامََا عـ اللى سايبانى 
طيب سايبة قلبى لـ مين !
تفوح سيرتك .. 
يبدأ عتاب قلبى لـ قلبك 
يبدأ كلام ملهوش لزوم
يبان كلام من ورا قلبك
ابان كأنى غريق بيعوم 
فى بحر هواكى .. 
سلامََا عـ اللى واخدة كل طاقتى 
فـ معادش فى حيل لـ مناهدة 
فـ غرقت معاكى .. 

سلامََا عـ اللى كان الاهتمام 
جزء منها مبطلبوش .. 
سلامََا عـ اللى كانت كل املى 
تكمل حُبى و متحبوش .. 
و لكنه قدر و نصيب 
سلامََا عـ اللى كانت حبيبتى 
انا دلوقتى مش حبيب 

لا عمرى عيبت فيكى بشىء 
و حبى عدَّى زى الطيف 
سلامََا عـ اللى قالت  
انت هتفضل زى ما انت 
و انا حتى محصلتش ضيف 

وعدتينى بكل اللى فات 
و اتأثرت لكنى عايش 
سلامََا عـ اللى كانت جوايا
انتى بقيتى على الهامش 
و انتى حرة و مديونالى 
و لو سالتى هقولك ليه !
سلاما على وعدانى 
وعد الحُر دَين عليه ..

#سلامََا 
كلمات و اداء : مؤمن صابر

سلامََا

تك تك تك 
3 دقات ..
محدش رد 
تك تك تك 
3 تانيين 
يمكن نايمين 
مش سامعين 
زهقت من كتر الخبط

مش موجودين 
لأ بالعكس 
ده الباب موارب 
فى الغالب 
اكيد فى منهم حد 
طب اقولك .. 
جربت تزُق 
أزق !! لا مجربتش .. 
طب ما تزق ..
 بس يا أخى الاستئزان ! 
عيب مايصحش
استئذان !! 
تشرب شاى ولا ابعت و نجيب دخان .. 

زقيت ..
غريب البيت 
إستفهام ؟
رميت سلام 
لسا من النور بقرب 
لقيت صوت "اهلا يا مرحب"
تقريبا صدى صوتى بيرد 
اكيد غلطت .. 
فى العنوان ؟
لأ مظبوط
طب فى الالوان ؟
لأ هو الكُحل المبهوت 
اومال ايه ؟؟
مش عارف !
طب عارف ايه 
مش فاكر
هما قرايبك 
كانوا قرايبى 
يبقوا حبايبك 
كانوا حبايبى 
شكلك لسا مجابش ولاد 
و مش واحد جاى لاغراض 
مين حدفك علينا يا بيه !
حارتك دى آخرتها سَد 

أيوة أيوة افتكرت افتكرت .. 
انا فاكر ده بيت الجد
كنا بنتجمع عينى تدمع 
أفضل المع فى المكتوم 
كتمت الصورة جوه الزوم 
بس إكمنى الصدفة رميتنى 
و بقالى كذة مُدة مفوتش 
غصب عنى الدنيا خدتنى 
لحاجات تافهة متتفوتش 
و كل ما بنوى بفوّت جمعة 
و الجمعة بتفوّت سبت 
راحت نية و فات الوقت 
وصلت لـ سد ، مالهوش رجوع 
مية عينى تحويشة مليانة دموع 
مالهاش ممر .. 
كلمة فى كلمة كلامنا إتجر 
هدينا شوية .. 

لوم و عتاب ... 
لومت نفسى ، عاتبت الباب
عاتبنى قلبى ، ازاى عشانهم مَيدُقـِش 
عاتبت الباب ، ازاى ادُقُـه و مايرُدِش

إستغراب ...
بس يا اخى حب فضول 
البيت مهجور 
كان مسكون
دى حيطانه دايبة 
كان مستور 
عتمة و كُحل 
كان النور 
كان فرحة فى حزن الملكوت 
فرَّق بين ارواحه الموت 
صمت , سكوت 
فى عز البرد 
وقف السرد .

إستذكار ..
مات الجد و مات الواد 
حل محل الورد تراب 
فرق فرق فى الاحباب 
كرر كرر و قول ياريت 
ماتت عيلة و عاش البيت 
بقى هو العايش على الارض !

3 دقات 
كلمات و اداء : مؤمن صابر

3 دقات

و ادينا سيبنا تاسكاتنا و محصلش حاجة 
و فكسنا لل لاب و المحاضرة و كل حاجة 
و أخيرا جه اليوم و اتخرجنا و اى حاجة 
تشغلنا عن ال funday نلغيها
سايبين لابتنا و لابسين t-shirts جديدة
ولا واقفين عند باب دكتور ولا معيدة 
و ال activities عندنا كلها مفيدة
ايد واحدة اليوم يحلى نحليها
بالعكس حتى الطلبة رايقة و مش حزينة
الكود ما run ش سيبه و أنزل الجنينة
سيب ال bug ية تولع و افرح احنا جينا
هنرجع اوقاتنا السعيدة
انا عارف كلنا مخنوقين من الكلية
آخر سنة لينا و كبتنا بيخرج شوية
شايفين يا ناس ازاى حاسبات حطت عليا
جه اليوم و خلعناكى يا بعيدة
والله فى 4 أقسام بس فى حياتنا
و ننام ساعتين تيجى الفكرة نصحى نكودها
لو حد عايز يعرف مين من الدنيا واخدنا
يسأل عن اكوادنا القديمة 
ايام codeforce و ال uva و ال courses ياما
حلينا كتير و ال bonus برضوا اكيد عدانا
سنة 1 و 2 و 3 فى خانة و 4 فى خانة 
إنك تدخل حاسبات جريمة
بالعكس حتى الطلبة رايقة و مش حزينة
الكود ما run ش سيبه و أنزل الجنينة
سيب ال bug ية تولع و افرح احنا جينا
هنرجع اوقاتنا السعيدة
انا عارف كلنا مخنوقين من الكلية
آخر سنة لينا و كبتنا بيخرج شوية
شايفين يا ناس ازاى حاسبات حطت عليا
جه اليوم و خلعناكى يا بعيدة

تأليف و أداء : مؤمن_صابر

محصلش حاجة - النسخة الاصلية

انا غاوى تعب و جراح و آهات
و بلاوى كتير .. 
انا واحد عايش لكن مات 
من القسوة و من التفكير 
انا دايمََا بتمنى الخير 
و محافظ على المسافات 
انا واحد واقف مستنى 
على السِكة بقاله ساعات 
و مفيش ولا حاجة اصلا جت 
الظاهر إنى إتاخرت ..
على المشية و على المشاوير 
واقف بيخدم على الغير
فـ قالوا عليه الناس متهنى 
علشان ضحكة فى وقت الضيق 
خبت كل جراحى و آلمى 
الوحدة كانت ليا صديق 
وقت ما كان الناس ويايا 
فـ الظاهر ده عايش ليكوا 
و الباطن عايش جوايا 

انا عايم على شطى غريق 
و الموج بيكسر فى ضلوعى 
البحر بحاله مكفاش 
يمسح و يداوى دموعى 
طب اتكلم ,, ولا بلاش 
لا يخرج كلامى عن طوعى 

يا ملايكة ..
انا واحد نكدى 
و محبش الخير لحد 
يا ملايكة ..
ايوة انا من بدرى 
ناكركوا و كارهكوا بجد 
يا ملايكة .. 
يا ولاد الاصل 
انا ناقص اصل و ناقص فصل 
وياكوا حبيت الغربة 
انا بعمل من الحبة قُبة 
و بكسر دايمََا فى احلامكوا 
انا فاشل ناجح بكلامكوا 
يا ملايكة .. 
طب ردوا ثوانى
ناقص فيا ايه تانى ..
مقولتهوش !
يا ملايكة .. 
انا كداب خاين و انانى 
و انتوا ملايكة مبتغلطوش .

تأليف و اداء : مؤمن صابر

يا ملايكة

يا بحر أني سماك و مستني
رزق العيال العيال و متمني
يا صاحبة الصون و العفاف يا أجمل ما خلق ربي
و اللي سمع غير اللي شاف خبي الجمال اه خبي

كلمات : عبد الرحيم كمال
 اداء صوتي : مؤمن صابر

Cover by Moamen Saber |  أغنية يا بحر أني سماك

اصل الحكاية مش ضِعف نظر 
لا بالعكس , ده ضَعف عقل ..
فى ناس قوية بـ أكل الكتب 
و ناس ضعيفة من كُتر الاكل 

مؤمن صابر

Moamen Saber

Popular tracks