12. سورة يوسف

17. سورة الإسراء

18. سورة الكهف

24. سورة النور

جينا نخت ايدينا الخضراء
فوقك يا ارض الطيبين
يا بنوت الحلة العامرة
ابشرن بينا عديلة وزين
*******
افتحن البيبان والطاقة
وامسحن الدمعة الحراقة
نحن البنحقق امانينا
نزح الوجع المتحدينا
نشق الواطا نبل اشواقا
********
انتن نيل ساقياهو الغيمة
وعدا اصبح فيكن شيمة
ونحن النور شايلاهو عزيمة
النار بتموت لو نحن نسينا
الخير بيفوت لو اتراخينا
ونرجع تاني ندور في الدايرة
عديمة الفايدة عقيمة اليمة
***********
الوطة مشتاقة وبتنادينا
الرعدة بروقا بتشلع فينا
المطرة بتغسل خوفنا الفينا
الخوف بيضيع لو نحن بدينا
يا بنوت الحلة العامرة
ابشرن بينا عديله وزين

Moayad AL-zaeem

Popular tracks