sudanyat

بَرْداً سَلامْ ........
"ياااااااا وَطَنْ عِزَّ الشدايد ..... حِمَّيد"
(1)
ما بتَغْرَقي،
يا الزَّينةْ هوي،
يا رَاكْزَة مِنْ زمَن الْمَطَرْ نُقَّاطْ
مصوبَرْ في السَّحابْ: 
(زمَنْ السَّحاب لِسَّعْ صَبي،
وبنيَّه زي عُشباً طري،
وما آنْ أوانْ .....)
زمَنْ الْمَطَرْ عشَماً بَلِيلْ،
زي خَاطْرَةْ بِتَّاور الأرِضْ،
أو فِكرةْ في بَالْ الشَّجَرْ ......
كم مِنْ مطَرْ
دقَّ وفَتَرْ 
والمويه وِصْلَتْ للْكُتوف
خافتْ قُلوب النّاس عليك
يمكن خلاص تمحاكي 
ما يفضِّلْ أثَرْ ......
أهو زي عوايدِك
هوبْ: بتمرقي مِنْ مكايد المويه
والسَّيل الْخَطَرْ ......
(2)
ما بتَغْرَقي،
بِغْرَقْ رُعاةْ الْغَفلة
في شِبْرِكْ ..... عشانْ عابرينْ سبيلْ
ما بجُوكي يِنْهَرُوا موجك الْهدَّام
يتارسُوا المويه، لا،
ديلْ ناسْ سَفَرْ
مارقين إذاً للرِيبة، 
والتَّلَفْ الْقَبيلْ حَدَفُمْ عليك .......
ديلْ بِغْرَقُوا 
وقتين يجي الطوفانْ
تَخُتِّيهُم تِحِتْ رجليك
وتطلَعي للجَبَلْ ........
(3)
داخرِكْ يقينْ
ما تخَنْقِكْ الْعَبْرَة
وتنَهْنِهِي في خَفاكْ
ورَّينا صوتك لمَّا يملاكي الصَّباح
لَيْ حَدْ جبينِكْ بالضياءْ
يغشاكي خيرك
قبلِ ما يرتَدَّ طرفك
أو يرجِّعْ ليك غُناك 
هُدْهُدْ مُوَلَّهْ بالْبُشاراتْ .... والْعَدِيلْ
ما بتَغْرَقي،
ما بتَغْرَقي،
ما بتَغْرَقي ...........
عصام عيسى رجب
الخميس 8 أغسطس 2013 م


بَرْداً سَلامْ ........

ما مشتاقة لي؟ - هاشم ميرغني

مجموعة رأي الغنائية _ نورة 🧡

سميرة دنيا - هل تدري يا نعسان

فلق الصباح - حنان النيل

صفق العنب

وجيده اغنية الفنان سيد خليفه بصوت اﻻميره نانسي

النور الجيلاني - كدراوية

عقد الجلاد _ ام ادم

العميد احمد محمد عوض رسلت ليك اجمل خطاب

ابقي اسأل عن قلوبنا
تلقي فيها كنوز محبة
تلقي فيها بحور حنان
تلقي فيها الشوق يغني
تلقي فيها الريدة فاردة
جناحا تشتاق للربيع 

زيدان ابراهيم كنوز محبة

اذكريني يا حمامة - مصطفى السني

قمر العشا الضواي+الكنداكة

وجيده اغنية الفنان سيد خليفه بصوت اﻻميره نانسي

Modather Alkasheif

Recent comments

Mohammed Neal

Mohamed Badreldin

Munya

Mudathir Alkasheif

Related tracks