Written by : Mohamed abd elghany
music : free beat
mix and Master : wessam mohamed ( tatar )
Lyrics : ......
أنا قلب إتكوى ب نار الحب و هو أصلا كذبة
بالنسبة .. لواحدة مش عندها ف الحسبة
أنا ضحكة باهتة ل قلب جافي م السواد إكتفى
بطل عشم ف خلق بياض قلوبهم إختفى

نَفسي إتقطع ل ناس ناقصة ف فين هتصير الدفه
ف ساعة الغفلة بيرموا وسط النار و يقولوا إتدفىٰ
فتش ف قلوب كارهاك .. و اعمل عبيط ف الزفه
و كله هيحفى و ينسى إن انت ف كفة و هما ف كفة

ع الارض مفيش ملايكة دي خلق غايبة و ياما اتخانا
ملناش مكان ف الدنيا .. ملناش مكان ف الجنة
و لسه بتشكي .. إحقن وريدك صوت كمان بيبكي
ماتقولش تعبت سيب آخر نفس هو اللي يحكي

بصي ل حياتك و ابكي .. إديني فرصة احاسب
إديني جرعة زيادة من كربونك لما اقابلك
اعترفي ب إنك برد نهشتي القلب و واحدة عايبة
راجعة تقطع ف خيوط ربطانا و هي أصلا دااايبة
----------------------------------
كان نفسي ف دمعة فرح و سجدة خوف من قلب خاشع
كان نفسي ف حضن يداوي جروحي ولا أشكي بالقلم
كان نفسي ف ام تضحي و اب يكون ل ولاده سامع
كان نفسي تكوني ضهري مش تزودي الألم
----------------------------------
كان نفسي اعيش زي ما عيون الناس شايفة
كان نفسي ف اهل يبصوا لابن ملامحه زايفة
كان نفسي و نفسي ف أكتر بس مين يطوله
سابوه ف نص السكة و لوحده وقف بطوله

القلب كاره الحياة .. عش لكل شهوة
نفس مايلة للحرام تحدف ف 1000 لهوة
اللوحة سوده و مش همشّي منها لونها
برسم حبيبتي جوا اللوحة و بسأل عنها فينها

طيب حاسة .. بالرعشة لما تلمسي إيديا
و انتي عارفه ان انتي و الدنيا جيتوا عليا
رميتي بذرة فاسدة ف قلبي زرعتي حبك انتي
و ازعل ليه على واحدة زيك بتدور على حضن ف غيبتي

ف وجودي حسيتي بوحدة .. باضحك على نفسي ب كدبة
و ارجع ل نفس النقطة قلب ناره مش بتهدى
و اتحسر .. علي نفسي اكتر .. على حب اتبخر
و اندم على جرح اتسرب للقلب .. و علاجه اتأخر
----------------------------------
كان نفسي ف دمعة فرح و سجدة خوف من قلب خاشع
كان نفسي ف حضن يداوي جروحي ولا أشكي ب القلم
كان نفسي ف ام تضحي و اب يكون ل ولاده سااامع
كان نفسي تكوني ضهري مش تزودي الألم
----------------------------------
Much love & share ❤ ^^

Kan Nefsy | كان نفسي

written by : mohamed abd elghani
music : free beat 
vocales : mohamed abd elghani 
lyrics : ...
كل اللي إتحبوا نافقوا .. كل اللي إتجرحوا رافقوا
كل اللي قالوا هنبقى هم اول اللي فاارقوا
ف ماتستناش ايدهم تنقذك دي هتزود ف غرقك 
عافر مع كل حفرة .. لآخر نقطة ف عرقك 

غريب .. ف بلاد غريبة .. عايش وحيد
مانفعش يكون حبيب يأس يكون انسان جديد
غريب غربة طفل تاه من اهله ف وسط زحمة
حرّم على قلبه الحب حرمة القتال ف الكعبة

الهروب كان حله ف كل مقابلة ليه مع نفسه
شعوره بالعجز هداه ل قناع للحزن يفضل لابسه
مش لاقي سبب يقنعه ليه أقرب ما ليه يخذله
مش ضامن طوفان ينقذه من سكان مش هيعزلوا 

مفيش دور لايقله يبقى الأولى بطل القصة
ف كل مره ينضف الواقع يقابله ب لسه
باقي خطوة و تتدبل .. بقايا القلب الفاضلة
ف تاه ف دوامة الحياة مش لاقي النقطة الفاصلة 

مستقبله بيضيع حلمه بيلفظ اخر انفاسه
كله بيتفرج حتى اللي قال عليهم ناسه
حتى اللي قال عليها ضهره كانت سبب كسرته
وردته .. قبلت تتروي من غيره و ماستنته

الوردة دبلت .. وسط الجنينة تحت المطر
و النفس كرهت و اكتفت و رافيقها كان السهر
و الفكر اتحقن وهم .. و سرابه صابه و طاله
حتى ليله اللي بيحكيله مش هيطول يفضاله
--------------------------
ف اقطع جذر الحزن و ماتزرعش ف أرض بور
لسه الطريق مفتوح كل ضلمة آخرها نور
انسى و ارمي حملك ع اللي خلقك هو أدرى
السما مش دايما صافية لازم غيوم تسكنها فترة
--------------------------
كل اللي إتحبوا نافقوا .. كل اللي إتجرحوا رافقوا
كل اللي قالوا هنبقى هم اول اللي فاارقوا 
ف ماتستناش ايدهم تنقذك دي هتزود ف غرقك 
عافر مع كل حفرة .. لآخر نقطة ف عرقك 

مكسوف يدعي ربه وهو عاصي عنده حق
ف طريق شهواته انجرف .. ولا مره قاله لأ
مذهول م اللي شافه و كل مره بيبقى أجرأ
ف قول كلمة بحبك .. لحد ف يوم ما أدرك

حرام الحب فتنة .. زهده الكداب أفتن
ف مش هيحن للي باع ولا يفتكره اصلا
من كتر ما داق الوجع بقى يحلاله طعمه المر 
و اتسجن ف قفص كبت عشق استنى يبقى حر 

حاله بيضيق كل يوم عن اليوم اللي قبله
جرحه موت قلبه لكن مع موته فوق عقله
اكتفى بالعزله لوحده و أدمن ايقاع الصمت
اتعدمت ثقته ف نفسه .. و اظن خلاص فهمت

فهمت ان الخيانة من اقرب ما ليك بتقتل 
و ان الجرح مهما اتعالج برضه مش هيقفل
و الطفل مهما لف ل لُقىٰ الاهل مش هينسى
اصل اخر لهفة ف الوداع بتقوله آسفه

فهمت ! انا الغريب و انا اللي ضحى عشانهم 
انا اللي قلم و ورقة بيعالجوا ف جروحي منهم
انا اللي داق المُر و شك انه حزين بالفطره
و انا اللي هنقذ نفسي منهم و ادفن كل ذكرى
--------------------------
ف اقطع جذر الحزن و ماتزرعش ف أرض بور
لسه الطريق مفتوح كل ضلمة آخرها نور
انسى و ارمي حملك ع اللي خلقك هو أدرى
السما مش دايما صافية لازم غيوم تسكنها فترة
--------------------------
تقدر تتابعني من هنا <3
https://www.facebook.com/mohamed.abdelghany.52206654 
Much love  .. share <3

غريب | 8areb

Ra7 el 8ali || راح الغالي

تقدر تتابعني من هنا ..
https://www.facebook.com/mohamed.abdelghany.52206654

lyrics:
أنا عمري ماكنت اتخيل يوصل بيا الحال لكده 
من صلاة وصوم وعبادة لرقص وهلس وغنى وزنا
كل العيون دي عارفة ان انا مبقتش انا وساكتة 
كل النفوس اسودت ومفيش قلب طيب حتى 

رجعت لنفس النقطة بعد تعب وطول طريق
جنبي القشة وبستلسم عشان اموت غريق 
طال البعاد ماببنا والعشم بيموت جوايا 
و اللي معاكم دلوقتي .. كان زمان معايا 

حيطان الاوضة ملّت من دموعي 
مكنتش عايز منك حاجة كنت عايزك بين ضلوعي 
وادي الدنيا فرقتنا احنا الاتنين
طيب .. انتي وانا رحنا فين؟ 

بكايا عليك كتير مش ضعف ده قهر مش هخبي 
ولو البكى بيفيد كان الأولى رجع والدي 
 نفس الدايرة و هتلف على كل واحد لفة
ماقولت زمان ان انا ف كفة وانتوا ف كفة  
---------
خايف ذكائي يخوني على ايد نصي التاني 
خايف أحن لشخصي زمان وأحن للي أذاني
خايف أبقى رايدك ليا لوحدي تقولي أناني 
خايف أقرب منكم وأبعد عن ناس حباني
---------
كنت راسم حياتي ف احلامي اني هكون
كنت فاكرك  هتلفي معايا الكون
الدنيا بتضرب فيا ليه؟ 
على مين هتكل من بعدك يا ليل..

يارب انت اللي عالم حالي ده مش من فراغ
اكتر من لفة خدتني الدنيا ودي مابتتوصاش 
يابويا .. اشتقت لنبرة صوتك
اشتقت لدخان سيجارتك اشتقت حتى لسكوتك

احكيلك ايه .. اني بقيت غريب
ان كل ركن ف اوضتك دمع واني بقيت كئيب 
متدمر .. و تشوفني تقول طاير ف السما
والكل اختار حياته مفيش مغلوب على أمره الا انا 

مانا عشت لناس ماتفرقهمش عن سواد العمى
وكل خير مني اتعمل .. لما وقعت اترمى
ف وشي بيحبوني و ف ضهري بيكرهوني
و كتر خير الدنيا علمتني ازاي اقف بطولي
----------
خايف ذكائي يخوني على ايد نصي التاني 
خايف أحن لشخصي زمان وأحن للي أذاني
خايف أبقى رايدك ليا لوحدي تقولي أناني 
خايف أقرب منكم وأبعد عن ناس حباني
----------
#much_love <3

GHANY

Popular tracks