روائع الشاعر عمرو حسن

فين اللي راح , فين اللي غاب .

ومَرت الايـام | مّزج

The night has fallen down

the end

في الخطر لقيت أمان
من الشك بنيت إيمان
تايه جوا نفسك
و انت السر معاك
و تدور ع المعنى 
تلف تدور
و المعنى جواك
جواك نور

كتير استنيت
لا فضلت ولا مشيت
و أنا بدور على غير
نفسي لقيت
العمر كتيره عدى
و لساه مانضب
و أنا بدور على فضة
لقيت دهب

Aqsa Alwasat - El Ser  أقصى الوسط - السر

M7dsh Mali 3eni - Tiqer X R3 | محدش مالي عيني - تايجر و رع

اوتوستراد-خلص

Mas & Mix By : El-Ansary
Poster By : Bedo Akram
Prod By : Muhammed Mahmoud

V1 : Bedo
كُنتى كُل حاجة كانت نفسى لما بتبكى 
اتوة فـ حُضن المغنى يمكن انسى عشان بفتكرك
لسا ، لسا فـ عقلى انا منستش غريبة 
بسأل نفسى كُل لحظة لية الوان حياتنا كأيبة 
-
انا مخترتش إلا لونك صورتى ثابتة جوا عيونك
انا مش وحش زى ماهُما صورولك 
بس عادى نصيب ، ليها فى قلبى بيت 
هو دة حُب سنين السبت عشانوا دُنيا وعشت لية:")) ! 
-
بقيت كأيب بكون موجوع بقول مفيش وعدى 
لو مرجعتش مستنيك بس أكيد بموت ارجعلى:") 
يمكن حياتى حلوة بيك ، بس انت فين دلوقتى !
كالعادة مش لاقيك وقت وجعى بكون لوحدى
-
دفعت كتير فى حُب رخيص ولسا بعيط شكلى
إسأل قلبى لية بكيت عَنيت مِن ضَرب دُنيا كسر عضمى 
حاجات جوايا بتبت فى اخر خيط مبينا 
كُل شئ راح مننا ومش هشوفها بعدنا:')).

V2 : El-Ansary
https://soundcloud.com/user-388411198-640638869/
-
كفّي بالك مالأحزان ده إتكفي و كَفّن نفسه و ساب 
قلب كُل الذكريات فِكرك مات بالأيام 
قال حياة دية ، ده الحُب قُماش أذيه 
و انا داريت علي شموعنا لحد ما ولعت فيا 
-
بخاف أقول بخاف أخسرك بحس إني أناا و إنتي هناا
كان يبقي اللي بينا أكبر لو كُنا أحنا مش انتي و انا :") 
أنا مخفتش بس نصيبي قال حس أنا مَمُوتش بس حبيبي سابني في دنيت حرز و متبقاش غير أنا 
-
مكمل في متاهه .. مش كل حُب معاها
أخونا قسمانا ، يا بن الدنيا بعدك وحشة
بندق بيبان بعض فبعض بس انت كنت لاممنا
وانت ماشى قلت هنتلم يوم ما حد فينا يسقط
-
قولي إزاي أمنته ، ما تقولولى إزاي خاطركوا
ما تقولولي إزاي انا سيبته بين إيديه ! .. عشان
غلبان وطيبته .. أول مره أحس بطعم الطعن
و أفرح لو بحلم أخده فحضني رحمة ربي علية

كُـل شـئ راح | Ft.El-Ansary

New Track
Eslam Ninja S | اسلام نينجا س
Written by: Ninja
Music: ( Mohamed Mahmoud )
Vocals: Ninja 
Design By / Abdelwahab Foaad
Rec On Abn EL-motanby Home Studio
Master and mix by: Ninja
© 2018 Ninja
" Hamza Part 2 "
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3
" اسمعوا بقلوبكم "

ارسم واهي لوحه باهته زي غيرها
بتدخل كل قصه برغم كونك عارف اخرها
و ايه الجديد مـ ياما مسكت فـ اللى راميك
بتفكر فكل الناس و سايب اللي فكر فيك
مكانتش دى النهايه السيناريو اتعدل
لو كان بآيدي كنت اغير الاحداث مـ الاول
حبيتك و دوبت فيكي و كنت مصدق اللي اتقال
ياما غنيت اغاني مسمعتهاش الناس ...
غراب و طاير و السما ملاذ للعاشقين
الليل شبع كلام الليل جعان حنين الليل تعب بكي و آنين الليل لهمومنا كان بيشيل
 الليل غطانا بين ضلوعه لما كنا فحضن النيل
حلمت معاكي بكل شئ و محلمتش ببيت !
لو كنتي فعلا نور مكنتش اتعميت
مكنش هيبقي في ضحكه فيك مكنتش هلعن الظروف
لساك يا قلبي فـ تاني حرف مـ الحروف

Verse 2
كان نفسي تكوني مرسي زمن مشافش نوح
كان مخافش افرح و افكر امتي تروح
واما سابني اللي كنت سنده و ضهره لوحدي متكسرتش
صامد .. فـ ساد الصمت و مفكرتش
خديني بعيد يا موجه و ارميني فـ برمودا
يمكن دا هيشيل شويه هموم من فوق حيطان الاوضه
يمكن اغرق و الاقي نفسي بين الناس اللي يفهموني
الناس اللي تفهم يعني ايه تسهر عيوني
معني كل كلمه اتقالت و ان اللي بينا مكانش وهم
الونس كان شئ مؤقت لما كل شئ كان سهل
شبهتك بكل حاجه و عمرك يوم مـ كنتي شبهي
كان نفسي تفضلي جمبي يا بنت قلبي
الروايه شبه غيرها كتير مع اختلاف بسيط
كنت ببعد عني فتره و كنت بجيلك بالتدريج
واما احتجتلك كنتي بتمشي و بتسبيني للغير
قلتلك مش شبهي كُنت غراب و كُنتي طير ..

Eslam Ninja S | اسلام نينجا س

تراك:هتنسي!! 

V:1
كارهك وكارهني بتزهق سيبني هترجع وانا مش هبقي
الي انت بايعني عشانها بتحكي معاك ساعتين بالعافية

ومسيرك يوم تحكيلي هرد عليك ببرود هتحن
كان قبلك واحد فرقع وانت كنت معاها استبن

وخلاص مش لازمة...... عرفت مقامك جزمة
انا قولت مسيري انساك واهي ضاعت شلة وغرقت لمة

وياعين ياليل علي الي بينسا صحابو ب واحده ويمشي
ملكش غلاوة تبات سهران اليل متنامشي! 

واهي زهقت منك....... حتي الجماد وصفلك
انت كنت ف عيني حاجه وعيني لسة فيها صورتك

مفيش حبيب يستاهل لو هتسيب الكل عشانو 
وان كان كاسرك راجع مكسور اكسرلو الي اتبقالو

دا لو اتبقالك يعني محدش فينا بقيلك افهم 
لو و جعك حاجه جمب وجعهم جبت لنفسك كافية

الناس دي كتير م الكترة يا خينا مسيرك تغرق
انت هتعمل فيها حاببني وانا الي هعمل فيها مصدق

........................
C:1
متقولش انا هبقا وهبقا الدنيا ما دايما وكلو سايبها

لاطولت الي انت باقيلها ولا اتبقالك حاجه تسيبها


اسمع.....!

كان كلو حاببني قليل ما بيعشقني يسبني 

مسيرنا هنرجع وانا مش هبقا لو انتي بقيتي مسيرك تنسي

......... 
V:2
كا العادة يعني ازعل ويقولو بغني 
محدش حس بوجعي فاهبعد
او هتغير وانتي هتمشي

وانا هرجع تاني وادور ع الي بيفضل يمكن القا

والي انت حكيتلو علي الي يمشو وسابك قال م الزاهقة

لو زورت خفف......... وان حبك كان استحمل 

انت بتوجع فينا بـ وجعك وانا بستني ومش بتكمل

سايباك ماتسيبها من امته كنت حبيبها

كلكو كان بيصب فـ جرحك اخدع نفسك قول نصيبها

اسمع كلام اعكس نتيجة قهوة ونام

والي بيبعد قولو سلام انا مش مشتاق انا هبقا تمام👍👌

اتعب دلوقتي عشان تتعب بعدين كويس 

لما تقول للناس دي بتبعد هي بتبعد وانت كويس😊👌

نصيحة من فاشل لوهتكمل ف انا مش اسف 

سيبني لوحدي انا كنت بعافر خلي الواحده تسوقك

فاهم! 

تصعب ع الكافر وانا مش كافر فا متصعبش عليا

او مثلا حد بيفضل مش هتلاقي ف اقولك انسي


................... 

C:2

متقولش انا هبقا وهبقا الدنيا ما دايما وكلو سايبها

لاطولت الي انت باقيلها ولا اتبقالك حاجه تسيبها


اسمع.....!

كان كلو حاببني قليل ما بيعشقني يسبني 

مسيرنا هنرجع وانا مش هبقا لو انتي بقيتي مسيرك تنسي

Hatinsi_هتنسي _FOoOoX #4

قصيدة فيلم تسجيلي اسكندرية | عمرو حسن

ماحبِتش غيرها 
برغم السنين اللي فاتت عليا 
بيفضل حنين مني ليها ف عنيا 
وتفضل كإن البنات بعد منها 
نسخ باهتة منها 
وكل الشموس اللي تبعت غيابها 
بتنعي انسحابها 
كإن الشوارع عجين لما مرت 
فنحتت اثرها 
وحفظت كلامها وخوفها وهزارها 
ومشيت جماعه مامشيتش مفرد 
عشان غاب معاها مِساها ونهارها
بتسألني عنها برودة ايديا 
ورعشة سلامي 
ويسألني عنها سكوتي وكلامي 
وحتى كلاب الشوارع بتسأل
وجندي الإشارة 
ويسألني قلبي وكلبي ومرايتي 
وتسألني ساعتي ف معاد الزيارة 
بتوحشني زي العيال ف المدارس لعين امهاتهم 
وتوحشني زي ارتباط الملابس بايد شماعاتهم 
وسايباني زي اللي ماتوا وفضلوا بيمشوا ف حياتهم
تشم القلوب كل يوم زهر فايح 
وتتبقى وردة ويفضل عبيرها 

ماحبتش غيرها 
وليها مكانه مخليّه قلبي بيسلك دروبها  
خدتني لدرجة تخليني اشوف المزايا ف عيوبها 
وصوتها 
وايه زي صوتها 
نزول المطر فوق خشب بيت قديم 
نعومة نجاة وبحة حليم 
وضحكتها تشبه دخول النسيم 
على ارض طالها الخريف من زمن 
ف يوم ما اتقابلنا 
ماكنتش باشوف الحياه ليها معنى 
وحسيت كإني عارفها لزمن 
كإن النصيب كان بعَدنا وجمعنا
وسددت تمنه وقبضت التمن
بسلم عليها كإني سايبها ف غربة ورجعت 
وسكتت ف لحظتها لكن سِمعت 
وغمضت عيني عشان املى روحي
قمر غاب ف ليلكم ونوّر سطوحي
وصالحتني كل السنين اللي فاتت
مجرد ماعدّت 
وقفنا ف مكاننا وخطاوينا مدِّت 
وفجأة انفجر سيل طويل م الأغاني 
كل ده كان ليه 
ياللي بتسأل عن الحياة 
بعيد عنك 
وسيرة الحب 
كبر الغرام 
بهواك 
حيرت قلبي معاك 
وقولت هاقدر ايوم انساك
وكل ما انساها افتكرها 
ماحبتش غيرها 

ماحستش عمري باحساس مشابه تجاه أي واحدة
كإن الغرام اللي مكتوبلي كامل 
خرج غصب عني وعلى دفعه واحدة 
كبر فيا معنى 
وصار بيننا لعنه 
بدأت معانا ف يوم ما اجتمعنا
وانا كنت اصغر سنين من كده 
ماكنتش مأمِّن ليغدر زماني  
وعايش مآمن وواقف مكاني 
وشارد ف لون الحياة البرتقاني 
وتارِك بيبان الغياب مفتوحين 
ففاجئتني ضربة على غفله مني 
وسلمت راية ف أول كمين
وفاتت سنين 
واديني كإن اللقا من ثواني
لكني بقيت للأسف حد تاني 
خانتني الظروف واتسجنت ف غيابها 
ولسّاني ايد ع الاكر عند بابها
وبعد اما كنا شباب ف البداية 
كبرنا سنين جوه شرح الروايه 
واصبح مابيننا جبال من جليد 
بلادها بعيد 
وارضي ملاها الحداد والحديد 
وتجاعيدي مرت شقوق الغيطان جوه طمي الوريد 
وأصبحت اكبر 
وأصبحت اعدي الطريق ف الإشارة 
باتقل هدومي وبلبس كوفيّه 
واحس بجروحكوا واوجاعكوا فيّا 
وأصبحت اعقل 
واهدى وأتقل 
وهي كمان حاجه انطفت 
وعاشت ظروف متعبه واختفِت 
لكن لسه نفس الصبيه الجميله 
وصاحبة ليالي الغرام الطويلة 
ولسه عيون ممكنه مستحيله 
وست البنات كلهن ف عنيا 
ومهما ايدين ناعمه مسكت ايديا 
ومهما عيوني ثبتتني ف مكاني 
هتفضل رجولتي وطفولتي عشانها 
مايملاش مكانها ف يوم حد تاني 
ولا واحدة تربط مصيري بمصيرها 
ماحبتش غيرها 

ومايأسش ابداً 
ولو حتى قالوا الحكايه ف اخرها 
ولو صوت صحابي ف وداني محاصرني 
ولو طول غيابها خانقني وعاصرني 
ولو حتى عدت سنين تانية بيننا 
هاقول انه وارد 
وجايز وممكن 
وامنّي خيالي باجمل نهاية 
وهي معايا 
وجايه تعوضني لحظة بكاها بلحظة بكايا
وراجعة بكل الورود اللي دبلت 
والاقيها قبلت تكمل معايا 
ولو ساعه واحدة 
ولو حتى نظرة 
هاحس اني مرة مشيت وانتصرت 
واني جنيت قد لما انتظرت 
فسايب مساحة ف بيتي لخيالها 
وسايب مساحة ف قلبي لعيالها
وسايب اوضتنا ترتبها هي 
وسايب مخدة زيادة وكوفيه 
ومختار اضاءة تلائم عنيها 
وعامل حسابي عليا وعليها 
واقول بكره اجمل وهاقدر وهاكسب 
رهاني ف حاجات كان خيالي خسرها 

ماحبِتش وافخر بكونها ف حياتي 
واني ف حياتي ماحبتش غيرها

محبتش غيرها | عمرو حسن Amr Hassan

"غريبة القلب وعمايله 
ده انا لو كنت بعاديني ماكنتش هامشي ناحيتها 
ولو جوايا بكرهني ماكنتش برضه حبيتها 
مافيش عندي سبب واحد يبرر نظرتي ليها 
رسمت سيناريو جوايا وصدقته 
وقولت لنفسي بتحبك وعينها عليك 
ياواد قرّب 
ياواد جرّب
دي لسه ف دنيتك داخله ولسه خيالها متغّرب 
لحد ما مرت الأيام وانا بخسر ف كل قرار
وعشت حياتي بـ اتنازل وتغلط والتمس اعذار 
وكنت حمار 
مفكّر ان لجل الحب نفرّط عادي ف كرامة  
اشوف نمرتها ف موبايلي 
احس شعور غريب جايلي 
وصوتي يتقلب اهدى واطوّل ف الكلام وارغي
وكل كلامها كان منهج مذاكره حتى بالملغي 
وشايف انها كوني وشمسي وضلتي وناسي 
وبتأسف لاكون غلطان ف حاجه عملتها وناسي 
اكلمها عن الحاضر وعن بكره 
وعن بيتنا 
وباخد رأيها دايماً ف علاقتنا 
وهي كلامها كان اخره خلاص وتمام 
صباح الخير 
مساء الخير 
ويلا سلام 
بطلّع منها الكلمة بطلوع الروح 
وكنت باقول وايه يعني في ناس بتحس مش بتبوح 
لقيت افعالها زي كلامها بالواحدة
وبمشي ليها ميت خطوة 
ماتمشيش ليا ولا واحدة 
انا زعلان على نفسي 
عشان شكّيت كده ف نَفسي
ودوست عليا بالجامد عشان واحدة "

محبتنيش - عمرو حسن | Amr Hassan - Mahbtnish

لمَ تَتحمل ؟

قولتلها احكي 
قالت حبيت
كنت مراهنه عليه بحياتي 
شايفاه الرايح والآتي 
كنت بقول للي يعارضه
فيه حاجات حلوه وطيبه برضو 
يقولولي انما مش مضطره 
تستاهلي اللي يصونك اكتر منه بمليون مره 
وان جه في بالك اننا ظالمينه اسألي بره 
واعرفي سيرته
وانا كنت بقول ان انا شايفاه اكتر منهم 
حتي بقلقه وصمته وغيرته
حتي بطبعه الصلب القاسي 
شايفاه ناسي
حباه بعيونه وقابلاها
في حته منوره مش باينه انما شايفاها
وهيتغير لو قابل واحدة تكون بيته
اه حبيته
والعقل ملوش في الحب نصيب 
كان مالي عنيا بشكل غريب 
ومسكت ايديه ومشيت وبدأت 
قولت المايل نعدله بالوقت
قولت المكسور يتصلح حب وحنيه 
كنت بجيب الغلطه عليا 
كنت مصوّبه يمه عنيا 
كنت مرتبه عمري بحاله لعنيه ولوقته واشغاله
كنت في دنيا ملوش فيها صحاب 
الصاحبه الحلوه الباقياله
انما 
قالت انما 
بعدها سكتت وافتكرت حاجه انا معرفهاش 
قولتلها احكي 
قالت ماراعاش
ولا شئ من اللي انا عاملاه حسّه 
اول ماوصل له اني بحبه في شئ مسّه 
اول ماضمني اتغير للناحيه التانية 
واتقلبت احواله الأولي لأحوال تانيه 
وفي ظرف مفيش 
ظهر الي داريته عن العالم 
كل الي عملت اني مشفتوش 
بان في طباعه 
وعنيه اللي بانولي غزاله
صبحوا ضباعه 
وبدل مااصبح تاج علي راسه 
خلاني الخاتم في صباعه
لا حوار بيتم مابينا بود 
ولا ضحكه بتطلع بسهولة
وبقيت مش عارفه اوصل آخره 
ولا ارده علي الحاله الأولي 
وبقيت بسكت واسرح لساعات
وبقيت مش فاكره اهتماماتي
انهي اهتمامات !؟
شكلي اتغير 
خلقي مع الوقت بقي قصير 
واصحابي الي جبرني انساهم
مش لقياهم 
ولله بقيت مستنيه 
يشكر فيا 
قولت اذا ضحكلي وخد حسّي 
هضحك واطمن وانساله
كنت بدور علي حاجه بسيطه احسبهاله
انما 
ده البحر ودي نهايته
ومفيش في الحب حاجات بالغصب 
بعدين البحر ازاي بالوقت هيصبح عذب سكتت حبه 
كأنها غابت 
ولقيت في عنيها كلام جواها ومش قايلاه
قولتلها احكي 
قالت كارهاه 
ابقي مع الخوف والموت حتي 
انما مقبلش ان ابقي معاه
انا آخر نور في حياتي لحقته كان هيضيع 
ازاي كان قلبي كئيب وحزين 
انا كنت بصلح ايه وفي مين 
وان كنت هصلح حاجه ، اتنين 
عشرين خمسين 
انما واحد مفيهوش شئ حلو اتعلق بيه 
ايه المفروض يتصلح فيه 
صوته العالي 
شكله الدايم 
وزعيقه اذا قاعد أو قايم 
وشه المقلوب ، وقته الضايع 
ودنه الي بتسمع كل العالم الا كلامي 
طب انا لو صلحت عيوبه
عمري اللي هضيعه وياه ويرجعلي ازاي 
شكلي الي اتغير 
قلبي الي أتألم 
يرجعلي منين قلبي الفرحان 
او مين يضمن لي مسائل تانيه ماليها ضمان
ده انا ريحته بقيت بقلق منها 
اسمه علي موبايلي بقا يكركب كل مشاعري 
الاكره اللي بيفتحها بإيده
بتبانلي عقارب صمت بتمشي في ساعة شك 
وزعيقه مدافع علي ارض ملاها الخوف والدك 
سكتت فجاءه
ودموعها اتسحبت من عينها وسالت شلال 
كانت بتعيط من جواها علي الكلمه الي بتتقال 
بصيت 
كأني بكلم شجرة فاجأها خريف في بداية العمر 
والكحل ستاير فحم بتنزل من منجم علوي
وايديها الرعشة اللي مصاحبة ارامل خايفين 
من بطش الذكري ومن وحدة تشرين 
سيبتها تبكي 
بعدين هديت 
شربت حبة ماية من الكاس اللي علي الترابيزة 
لمعت عينها 
شفايفها ابتسموا بشكل بسيط 
وابتدت التجاعيد تتقفل
ويعود جلدها انعم بكتير 
وابتدت الدمعات ع الخد تقل 
قلبي اطمن 
قولت اكيد في شئ جواها ارتاح 
واكيد افتكرت شئ وياه
ممكن يغفرله ويشفعله 
قولتلها احكي 
قالت لو اخر راجل في العالم 
مش هرجعله 
#طلاق
#عمرو_حسن

الطلاق - عمرو حسن | Amr Hassan

انا عندي ايمان ان كلامهم صح ومظبوط 
واني وانا بعيد عنِك ميّت 
واني وانا ف قربك مش مبسوط 
بيني وبينك مسافات أبعد من أي اتنين 
كل اختياراتي اللي بدونك أفضل بكتير 
لكن من امتى الحب بيبقى علاج 
من امتى بياخد م الفايض يدي المحتاج 
من بين اربعه مليار واحدة اخترتك 
حبّيتك وكمان قدّرتك 
والكلمه اللي بتخرج منك 
اجمل من أي كلام مسموع 
اشبع لو شفتك يوم صدفه 
وان غبتي ليالي بموت م الجوع 
قصر الموضوع انك لعنه 
وان انا ملعون 
وان وجودك على قد ما طيّب مش مضمون
وان مكاسبي معاكي مجرد تمهيد لبعادك وخسارتي 
لحظة ما الناس آمنت بيا انتي كفّرتي 
وبدال ماتكوني امان م الناس 
ومكان يفضالي ويسمعني
قررتي تكون زيادة خوف 
ودراعي اللي تملي واجعني 
وبقيتي العين اللي بتخدعني وبتبُص طشاش 
انا بتعاقب ليه على حبك 
ديه حاجه الواحد ماخترهاش 
ملعون أبو قلبي اللي ندالك 
واختار من دنيته وادالك
ملعون تركيزي ف تفاصيلك 
والظن اللي بييجي ف بالك 
ملعونة شوارع بتفّكر 
ملعونة صوابع بتسكّر 
ملعون الروح اللي تبكّر وتقوم م النوم تحلم بيكي 
اقتلك ازاي ؟
افصلك ازاي عن خطواتي وظني وشكلي 
حبيتك ليه وانتي مشاكلي وضربتي ف الضهر 
اديتك كل اللي مسبب فرحك 
سيبتيلي اللي يحسس بالقهر 
حبيتك ليه ؟ 
وبشوفك مصدر احلامي وفرحتي على ايه ؟
ومصدق ليه انك دنيا 
وبفكر ليه ف دخولي عليكي ف بيت واحد
انا اكبر احلامي وجودك
والنبي شوفتي غباء ف غباءي ؟
اكبر احلامي افتّح عيني على حضورك 
ياخي ابوه ده الحب اللي يخلي حضورك كل امالي 
انا زينة الناس 
عم الرجالة ف عين الكل 
اجمل ستات ف الدنيا اتمنوا سلام بالإيد 
زيك خمسين مره احتاروا يخشولي منين 
على ايه بلاقيكي انتي جميعهم ؟
باشتري فيكي يوماتي وابيعهم 
وافردلك قلبي تمُري عليه 
حبيتك ليه 
ليكي حق تزيدي عليا دلال 
وتحسي بروحك فايقه جمال 
وتزيدي ف غلطك ميت مره 
مش مضطره صحيح تراضيني مش مضطره 
ولا مضطره تقدمي كرامات للي ف قلبك 
الغلطه على التايه جوايا عشان حبك 
ويا افوق 
يا اهلَك

اه ياقلب ياكلب يا شاري سراب 
ومضيّع ف قلوب تستاهلك

#بيعلق_غلطاته_على_الحُب

بيعلق غلطاته على الحب - عمرو حسن | Amr Hassan

#بعد_السكران_ما_يفوق #عمرو_حسن 
الحلوة قالت
ماله ده
فارد جناحه في الفضا وراسم خطاه
اما اعرفه
وازرع جناينه واخطفه وأطلب رضاه
تسليه برضو ومعرفه
رسم وصفه
بكره هيلحس الارصفة علشان أخلي ال " لأ " آه.. 
الواد بسيط
ولا جاش في باله
شادد رحاله ومكنش بيأمن وراه
شارد في عينها اللي اكتشف منها البكا
طايح في حضن معلقه وجارح صباه
امنتها
ومقام نبينا المصطفي
حلفتها
بحق نور اللي اصطفاه
تضم قلبي اللي اتأذى
وتصون لقانا وليل صفاه
قتلتني وفي ليلة العزا
قالت ومتصلوش وراه
على ايه يا ست
على ايه وليه
هو احنا داخلين معركة؟ 
أممت طين الباشا والدك وانتي جايه ترديهالي
بيني وبينك دم يعني ولا تار؟ 
مش يوم ماشوفتيني ابتسمتي وقيدتي نار
مش ده صباعك اللي شاور؟ 
مش ده خيالك اللي ناور؟
مش ده لسانك اللي حاور لاجل خلق وناس كتار؟ 
طب ايه بقى؟ 
ولا انتي اكل وبحلقة
عجباكي حاجة يا تشتريها يا روّحي
عماله ليه تتطوحي
ولا انتي متربية تاخدي وتشطحي 
وترمي
ودادي يجيب جديد
أنزفك شعر وقصايد واحكي للناس غنوتك
امدح بصوتي محبتك وافرد في توبك
بتحدى نوري بضلمتك واستر عيوبك
وانتي التهم متجهزة صفين طوال
خاين
وكذا وكذا وكذا وصفين طوال 
خاين وضيع
وكذا وكذا وسفيه وضال
وانتي الامان والاحترام
وانتي التمام والـ ما يرام
انتي اللي صلحتي الترام
وانا اللي وقفت النضال
على ايه يا ست
مانفضها
بفرط مناهدة نرولها وشكراً سلام
من غير كلام
من غير ما نهري في مين غلط او مين تمام
دلوقتي فعلاً مستعد اني امسحك
مسحة عظيمة تريحك من ذكرياتي
سكران وفوقت
وخمرتي كانت وجودك يا حياتي
ياللي جايبالي الكلام والغمر واللمز السخيف
وان كان على لحس الرصيف
اديه بقى صف مرايات
وان كان على الحزن اللطيف
دول مش صوابعي
دول نايات
وانا بعترفلك بالصواب في كل شئ
انتي الاماكن والطريق
انتي الطريق الدولي والفرعي البطئ
انتي علامة النصر
صوت الحب
سيدة الغناء العربي والوجه الرقيق
وانا زكي رستم
هتلر
موسوليني
تشرشل
متعالي
فضولي
أناني
ومش مظبوط وبذئ
عادي
وانتي بتقولي لصحابك قد ايه انا شخص قاسي
وطبعي في غاية السآلة
ابقي قولي ان انا سبب البطالة
سبب انخفاض منسوب مياه النيل
وان وقتك ضاع في تخفيف دمي التقيل
وان ذوقي كله ذوقك
واني بتمرمغ في شوقك بس جاحد
اشتميني تعلّي مني
ذمي فيا هتمدحيني
طلعي الطبع اللي فيكي وفرحيني
دول كاسين منقوعهم ايه اللي يجيبوني
ارمي عمري بين ايديكي واقول يادوب
خمرة ايه اللي تاخدني لواحدة بتكسر قلوب
كنت بستحمل مصايب
مش ببين
كنت رغم الشدة لين
عشت اقول عالغلطة وردة
كنت اشوف الشوكة وردة
واوضف القاسي انه هين
سُكر بين
هانج اوڤر
كنتي ليه في هدومي رقعه وقلبي معمولك بلوڤر
كنت مش بصعب عليكي وانتي بتلمي السيناريو وتنشريه
كل شيئ من قلبي عامله تكدبيه
ده انتي شككتيني فيا لدرجة اني
قولت كتر خيرها واخدة بالها مني
وانتي ابعد واحدة عني
اللي عاش بيبوس ايديكي عشان تضلّي
جاي يبوسها عشان توريه التخلّي
اللي طول العمر بيقولك هينفع
جاي يقولك مش هينفع
السنين اللي اترمو في الارض حتى مش هتشفع
قولي ان انتي اللي سايبه
وان انا مصاص دماء
وانتي غلبانة بغباء
وعبيطة خايبة
واني جبتك بالطريقة
ان اغراضي دنيئه
وان خطواتي بطيئة
والحبال في الوصل دايبة
اللي عاوزاه يتعمل
يتعمل
وتحلي عني
عاوز ارجع للي راح في الزحمة مني
عاوز اكسر وحدتي واخرج بـ راسي
عاوز اوهب مركبي لغير المراسي
ارمي للايام شراعي
واتركه للناس تراعي
القى منهم كلمة تفرح
حد م الناس اللي خسرانهم عشانك
يجي ويحل في مكانك
يبتسملي ويملى عيني
عاوز اسمع حد بيقول اني طيب
واني لسه قلبي صافي
حد يمشي في روحي حافي
وهو آمن
واحدة تحلفلي ان ممكن يجي بكره
انتي مش غلطانه فيا
كله غلطي
كله كان زرعي وحصادي
قلبي بعد سنين معشش
صاحي فاضي
واتكسر كاسك في ايدي
وخمرُه طار
النهاردة انا خدت بالي م النهار
خدت بالي من ملامحي
ثغري باسم
لوني قمحي
قلبي عيل
النهاردة
التئم جوايا جرح مكنش هين او قليل
فوقت بعد ما وقت فات
بس فوقت
بالسلامة 
سايبة فيا علامة عادي فيها ايه ما تسيب علامة
بس سابت بعد منها 
حد أطيب من سنينها 
حد مش هتشوفه عينها
من هنا ليوم القيامة ❤️

قصيدة فيلم تسجيلي اسكندرية | عمرو حسن

Mohamed Saad

Related tracks