Ma3 7ali - مع حالي
Mix tape " Wahm " Track number : 1

Written, vocals, mix and Master : Mohab Morrison 
Music : Free beat 
Artwork : Yousef Ahmed
@2021 Mohab Morrison

Lyrics - الكلمات

Intro

بداية عشوائية غريبة بحاول أرتب الأفكار
حاجات مش حاببها وبتحصل غصب أنا مش صاحب قرار
خايف أضعف وأبعد بعد فترة طويلة من الإصرار
إني أكسبك وأحزن ، كان نفسي أكون معاكي أحسن

Verse 1

إتأثرت شوية في البار اللي فات محتاج لقوة
ببان من بره متماسك وأفضل برضه ضعيف من جوا
أنا آخر واحد في حياتك مفيش خلاص أوبشن لـ هو
مكنش بس حب تجاهك كان عندي إحساس أبوة

مبقتش أتطمن معاكي ، ودي حاجة مزاولاني
يا ترى ممكن فعلاً نرجع زي الأول تاني ؟
معتقدش بس أتمنى ، جزء عندي مش مصدق
خايف يعدي الوقت وأرجع أقول كنت متعلق

شريط الذكريات سخيف بتمنى إني أفقد الذاكرة
حتى أسوأ لحظاتي معاكي كنت دايماً شايفك مبهرة
ملكيش عيوب في عنيا ودماغي سبب المشكلة 
بس إنتي مسكتيلي في عيب وبقيتي مش مستحملة

قعدنا نفليرت سنة بس مجابتش همها
كان صعب عليا وقتها أشوف كل اللي بينّا إتهدم
بس عادي فكك منها غلطان لو قولت بحبها
كانت تعويض عن اللي قبلها دلوقتي كل شيء إنتهى

Bridge

سهلة نرجع نبعد تاني بس دماغي مش سايباني
خايف إني أرجع مع حالي كان نفسي أكون معاكي
هيّجي يوم وهبقى ناسي بس بعد ما أفقد إحساسي
وهبقى كالعادة مع حالي ، هبقى كالعادة مع حالي

Chorus

سيبوني سيبوني سيبوني مع حالي
غبي وطماع فاكرها باقيالي
مكانتي كبيرة طلعت مش فارق
متأثر بيها وهي نسياني

Verse 2

أول مرة من سنين يكون تعبي بشكل رسمي
مبقتش طايق أي حد يمكن مش طايق حتى نفسي
بحب جداً الوحدة بس أنا خايف أكون لوحدي
محدش كمل معايا غير راب وسيجارة وزمايلي

كل زمايلي حبوني وده اللي طلعت بيه من الدنيا
ببان شكاك ومفيش ثقة بس معاهم سليم النية
بقيت بستخدم الراب لجلد الذات مش لإثبات جمدان
يعني مليش أي أهداف وده اللي كان ناقصني زمان

ورق ثمار شجرة أفكاركوا كنت أنا اللي قاطفه
في قصتي كنت الشرير وقدرت أخليكوا تتعاطفوا
عمري ده كتاب كبير زي تراكاتي أنا مش حافظه
بس حافظ كل لحظة بينّا يا ريتني كنت

فضلت لحالي من الأول ورفضت دخول حد فحياني
ومشيت بدماغي وبقيت منبوذ زي ما بقيت فإبتدائي
والناحية التانية طرف غالي ، مبذكركيش فتراكاتي
شكراً ليكي وقفتي معايا وأنا عمري ما وقفت معاكي

Bridge

سهلة نرجع نبعد تاني بس دماغي مش سايباني
خايف إني أرجع مع حالي كان نفسي أكون معاكي
هيّجي يوم وهبقى ناسي بس بعد ما أفقد إحساسي
وهبقى كالعادة مع حالي ، هبقى كالعادة مع حالي

Chorus

سيبوني سيبوني سيبوني مع حالي
غبي وطماع فاكرها باقيالي
مكانتي كبيرة طلعت مش فارق
متأثر بيها وهي نسياني

Outro

ميت من جوا
دي رابع سنة في النعش الجسد عفن
العمر بيجري ومش موازيه سنين مش بتقدم
نفسيتي بتنزل وعايش فالعدم بتظاهر إني بتحسن
الذكرى بتقتل فتايه في الندم مش كويس كنت بمثل
إهدى ، منكرش إن ردود أفعالهم أحبطتني
متستسلمش للكآبة جملة سمعتها وضحكتني
الأفكار تفضل تزيد وفي وقت معين هنسى إسمي
مش عاجبك اللي بقوله تقدر تمشي ومش هيفرقلي

-
17 March 2021

Ma3 7ali

Kashafat - كشافات

Written, vocals, mix and Master : Mohab Morrison
Music : Free beat
Artwork : Yousef Ahmed
@2022 Mohab Morrison

الــكــلــمــات - Lyrics

أهملت كتابتي في فترة مكانش عندي غير الكتابة
والماضي عمره ما فادني في لحظة خادني للكئابة
فالتغيير مطلوب والناس بتخون كل أما تفتح بابك
ومهما تكون متعلق عندك مبدأ إسمه سيب اللي سابك

رجعت من الضلمة ، كشافات في دماغي بتنور
إبعد فترة وهتلاقي اللي بايعك جي عليك يدور
فنان من صغري حياتي مقابلة إتعودت إني أحور
صدقني صورتك في دماغي بقت أصغر مما تتصور

تبعد عني بنساك ، مش بسأل إنت بعدت ليه ؟
تفضل شهور متساب ، يرجعوا يسألوا سيبت ليه ؟
كنت مكمل في حياتي ومن بعدك أنا عطلت ليه ؟
سابع سما بالنسبالي ومش عارف ليكي طلعت ليه؟

واخدها مع نفس عند فبنساكوا بالعند فيا
خُلقي ضيق بالنسبالي كفاية فيرس في أغنية
بدغدغ نفسي حرفياً وأرجع أعاين الأضرار
وعلاقتنا دي زي فولدر تنتهي بدوسة زرار
-
18 January 2022

Kashafat

La Obali - لا أبالى

Written by: Mohab Magic
Music: Free Beat
Vocals: Mohab Magic
Master and mix by: Shehab Prince
© 2017 Mohab Magic

الـــكــــلــــمـــــات

بهرب من الواقع فـ هتلاقينى دايماً بجرى
أجزت طول الشهر وروحت أقبض مستنى أجرى
مثلت مشهد واحد ورايح أستلم أوسكار فخرى 
الصوره مش مكفيانا إحنا الإتنين أرجوكى إتاخرى

ده مش طبيعى ده جنان ، نابع من عقل الإنسان
مهما قعدتى تحكى فى الآخر هقولك وأنا كمان
لا أبالى ، عايش وبالنسبه لعقلى مثالى
أنا عقلى دوله كبيره صعب عليكوا إحتلالى

لو عندى شجرة عيله كنت هعملها ترابيزه
الماتش لسه بيبدأ ومش بتبطلوا هيصه
إتعلمت فى ثانوى إنى مفكرش أصاحب حد
الجرى هيبقى سهل لو مالظروف مش بتتشد

سهل أقنعك برأيى بس بكسل أتناقش
ليه دايماً لاغى عقلك ولأفكار غيرك ناقش
مش بحس بحد يمكن عشان فقدت الإحساس
عقلك أرض بور وأنا جايلك وماسك الفاس

اللمه كبيره جداً فـ مضطر أفضل فى الأوضه
مشاعرى ماتت ونزل عليها شريطه سوده
كل أما البُعد يطول كل ما بنتعود أكتر
فمهما كان خطير هيفضل القُرب أخطر

ليه دايماً فترتى قليله مع أى حاجه بحبها
مش بحط نقطه فمش هتسمع إن كلامى إنتهى
سهل جداً تعيش معاهم طول ما هما عايزينك
بتحب فيهم كذا حاجه بس هما مش حابينك

إنت مجنون ، كام واحد قالهالك؟
مش مهتم أثبت العكس , بالعكس ممكن أأكدهالك
الجنون شيئ جميل إنتوا اللى عاديين بزياده
مبجبش فلوس مالتمثيل خلاص هفتح عياده

التفاهه أسلوب حياه عشان الحياه أتفه من كده
بتصعبها على نفسك عشان أفكارك متشتته
كل شيئ ممكن لكن معاك إنت مفيش أمل
فكرت فالإرتباط بس غباء النساء لا يُحتمل

فى وسط كلام كتير كنت أنا الطرف الساكت
شايف أشخاص متغيرين بس كلامهم ثابت
حسيت بملل فقررت أنام فى وسط القعده
بتكلم مع نفسى كتير ومش محتاج مساعده

خارج عن القاعده والحياه معايا صعبه
أنا أقوى واحد حتى قبل ما أبدأ اللعبه
ببقى معاكوا بس بتفرج من بعيد وأبتسم
وكل ما يزيد غبائكوا الضحكه عليا بتترسم

عمرك حسيت إنك عايش فى جسم غير جسمك
طب حسيت بعدم إهتمام فى إنك تأذى خصمك
الشك فكل حاجه طريق الوصول للحقيقه
أكبر كذبه عرفناها إن فترة الطفوله بريئه 

كرهت كل الناس ومشاعر الحب بقت مكروهه
مش بيحبوك دول بيكذبوا الكذبه ويصدقوها
مش مهتم بحد وبارد أبرد من الجليد 
مش بنهى أى علاقه غير لما أبقى المستفيد

شايف حياتهم عاديه وكتير بتمنى أكون سوى
وكل مأحاول أعاملهم أعرف نعمة إنى منطوى
الإختلاف عيب عشان خايفين من مجتمعنا
هنفضل مخدوعين وإحنا بنكتشف إننا إتخدعنا

-----------------------

لا أبالى

فشل 

Written by: Mohab Morrison
Music: Free Beat
Vocals: Mohab Morrison
Master and mix by: Mohab Morrison
© 2018 Mohab Morrison

الـــكــــلــــمــــات

Verse 1 :

فشلت في كل حاجة مهما حاولت أبقى ناجح
محل مدخلوش أي زبون مع إنه دايماً فاتح
الفكرة في إني حابب أهرب من الواقع وأختفى
صوتي مكنش عالي عالرغم من ضعف موقفي

النجاح مسكن بس مش عارف أوصله 
هو إزاي لسه عايش رغم كل اللي حصله! 
عايش عشان أفشل حتى من إني أنتحر 
عمري ما عملت حاجة تخلي حد بيا يفتخر

بفتكر كل لحظة إتعاملت فيها بغباء
كل لحظة دمرتني مش باقي غير أشلاء
وجودك جنبي مش مفيد لإني مش محتاج
نظرة إشفاق عليا أو حتى نقد بناء

كاره كل سبب مخليني لسه عايش
دايماً في صف الخسرانين عمري ما كنت فايز
اليأس هو الحقيقة ، الأمل مجرد مسكن
مبقتش أهتم بفكرة إني حتى عليكوا أمثِل

Chorus x2

مفيش حاجة قادرة تخليني شخص طموح
لابس قناع مشوه مش قادر يداري الجروح
هنا مفيش نجاح ، متتعلقش بأي أمل
خدت وقت عشان أعرف إني محاوط بالفشل

Verse 2 :

مثلت كل حاجة ورفضت أمثل دور الطيب
بعيد عن كل أحلامي كنت موهوم إني قريب
مكنتش قاصد أأذيكي بس كانت مجازفة
ومقدرتش لإني فاشل ، أكيد إنتي عارفة

ومهما حاولت أهدى أنا مريض بالتفكير
حياتي دايماً بتتبدل وأنا كاره للتغيير 
حتى مكاني بينكوا مع الوقت بدأ يتاخد
فشلت أكون في حياة أي حد أهم واحد

فشلت أكون صديق ، فشلت أنجح في علاقة
فشلت أدخل في نقاش عشان بفتقد لـ اللباقة
علاقاتي قليلة بسبب فشلي في التعامل 
قلة كلامي مش دليل على كره وجودي معاكم

شخصية مكروهة فـ دايماً بمثل جانب الشر 
وفشل خططك بيأكدلي إني إنتصرت 
أحلامكوا في السما ، بتفرج عليها مالأرض
عشان إختارتوا الخيال وأنا للواقع إخترت

Chorus x2

مفيش حاجة قادرة تخليني شخص طموح
لابس قناع مشوه مش قادر يداري الجروح
هنا مفيش نجاح ، متتعلقش بأي أمل
خدت وقت عشان أعرف إني محاوط بالفشل

Verse 3

مش عارف كارهكوا ولا لا حقيقي مش مهتم
صعب أتأثر بحاجة إعتبر إني معنديش دم
فمتحكليش مشاكلك لو عايز توصل لحل
مجنون أو معقد في النهاية أنا مختل

مبتكلمش كتير و ده بيخلي الوضع مريب
بحاول ألف مره عشان أوصل ولما أوصل بسيب
مفيش حاجة بتمشي صح معايا غير بالصدفة
هي آخر وردة ، فمستحيل أقطفها

كلامي عن نفسي بينتهي من أول جملة
مكاني فاضي في القعدة فمش محتاج أقوملك
إحساس العجز والضعف مسيطر مش بيسيبني
الواقع كله بيتهد عقلي بس اللي بيبني

كل شيئ عملته فشل بس عايش أحاول
حياتي عشوائية عشان كاره للجداول 
صدقت نفسي ووصلت لحقيقة رغم اللي بيحصل
فالتراك ده مش هشيره علشان عايزه يفشل

Chorus x2

مفيش حاجة قادرة تخليني شخص طموح
لابس قناع مشوه مش قادر يداري الجروح
هنا مفيش نجاح ، متتعلقش بأي أمل
خدت وقت عشان أعرف إني محاوط بالفشل

El Abkary Shehab : وهو إنت فاكر إن حد هيقعد يسمعك 4 دقايق وإنت بتتكلم عن نفسك !

فشل

ضلمة

Written by: Mohab Morrison
Music: Free Beat
Vocals: Mohab Morrison
Master and mix by: Shehab El 3abkary
© 2018 Mohab Morrison

الـــكــــلــــمــــات

Verse 1 :

عمر ما حد إحتاجني وأنا مش عايز لحد معايا
طماع فشخ فـصعب إني أرضى بنص الكوباية
هو اليوم بقى بطيء ولا أنا اللي حياتي واقفة
داخل في مود مالإكتئاب عشان أيامي جافة

الأوضة ضلمة ، بحس إن أي نور بيشوهها 
وعدتك وعود كتير بس دلوقتي مش فاكرها
بقضي ربع يومي في إنتظار إن عيني تغمض
حياتي فيلم ممل ومحدش حابب يتفرج

هنا مفيش إبتسامة المكان ده خاص بالبكا
كذبت عليها لشهر بس معرفتش أحبكها
مريض بالتفاصيل مفيش حاجة بتعدي
لما قولت مش هسيبك كنت صادق فوعدي

إنت ضعيف مهما حاولت تتظاهر بالقوة 
هتموت قبل نهاية آخر بوء في العبوة
كل الناس لطيفة طول ماهي مجرد بداية
الوسيلة عمرها ما كانت في نفس أهمية الغاية

Chorus x2

ضلمة في كل مكان مفيش حتى منفذ ضوء
المكان صامت جداً وبيتميز بالهدوء
طول مإنت هنا مش هتتقدم خطوة في حياتك
وخروجك في الأساس بيعتمد على إستعدادك

Verse 2 : 

محبوس فضلمة الواقع ولا محبوس فأوضتي
لو كنتي لسه عايزاني ، أكيد كنتي قولتي 
بكره جداً إحساس إن حد بيشفق عليا
كلهم حيوانات ناطقة ومن المشاعر خالية

مبقاش في إحساس بأي حد وأي شيئ
سهل تهرب من عالم محدش فيه خايف عليك
وكل مرة نفس النهاية بإختلاف الأشخاص
محدش وجوده ثابت ، مكتوبين بالرصاص

المشاكل ، خلاص دماغي مبقتش تستحملها
بحاول أتعلم الكسل فـ مش بلحق أكملها
لو إتكرر الموقف 100 مرة مكنتش أسيبها
بعامل الذكي على إنه غبي بس بيحسبها

وحتى لو كرهتيني بالراب في دماغك بعَلِم
كتير بسكت وصلت لإني مش قادر أتكلم
عمري ما كنت أمير بس إنتي لقلبي الأميرة
بنام ودايماً أقول لعلها تكون الأخيرة

Chorus x2

ضلمة في كل مكان مفيش حتى منفذ ضوء
المكان صامت جداً وبيتميز بالهدوء
طول مإنت هنا مش هتتقدم خطوة في حياتك
وخروجك في الأساس بيعتمد على إستعدادك

DaLma

Hollywood 

Written by: Mohab Morrison
Music: Free Beat
Vocals: Mohab Morrison
Master and mix by: Shehab El 3abkary
© 2018 Mohab Morrison

الكـلـمـات

كل المشاكل في حياتي , هزلية موت
الكره ده ليك طبيعي لكن هذا ليا موت
إستئناف الإستخفاف بعقولكوا كان شيئ رائع
أكتر واحد مغرور فيكوا بالنسبالي متواضع

لو إنت فوق هتفضل برضه ظرف مكان
بنسى الماضي بسرعة فمش بندم على شيئ كان
بخلص عليك وأدوسك بالظبط زي الكان
أنا ليوناردو ديكابريو 
Catch me if you can

كلماتك بترد فيك زي الضغط على كيس كاتشب
ومن سرعة أفكاري قدامك مش بتقول
Catch up
بيهري في أي حاجة عشان بس تعمل 
See more
و في حقيقته حكاك , إنت 
Attention whore 

متسوح ومغفل عايش بعقلية قاصر
خسر كل حروبه زي جمال عبدالناصر
أنا مش بعتبره مكسب غير لو آخر جندي مات
مش مؤمن بالتعادل أنا مش أنور السادات

كل الأفعال حتى لو خير بتتقابل بـ شر
ملاقتش راحة في التعامل مع البشر
محستش بضعف بس كذبت , كنت مضطر
عشان مش بعرف أهرب وأتحجج بالقدر

أنا إختراع متعرفونيش بس عارفين إسمي
لو مش شايفاني ورقة طب ليه عليا بتترسمي
أنا طبيعي فالطبيعي إنك تكرهني
مبحبش حد يؤمرني فمحدش بينصحني

من قبل الدراسة وأنا موهبتي تحليل نفسي
محدش شالني في وقت شدة فبشيل نفسي
كرهت كل الناس , بقيت مريض رسمي
مش ههتم بيكي طول ما إنتي بعيد عني

دايماً في أي حاجة بعمل مشهد بطولي
الراب عرفته لوحدي ومحدش علمهولي
بكل كلامهم عني بيحاولوا يخدعوكي
مش معروف خيري من شري إعتبريني لوكي

مليش شبيه أنا إتخلقت كسلالة لوحدي
إنت دودة في الحاسة السابعة نفسك تبقى زيي
وجودك غير ملحوظ , مفيش حد حابك
زي بلوتو هتطرد , بسبب صغر حجمك

تسرع الأفعال ميدكش حق الحكم
لو عارف إني هجوع مكنتش رميت الطعم
الدم غيّر مساره ومن بعدها مبقتش أحس
في ريليشن مع المزيكا وهي الكراش والإكس

بيحك في بنت سنة , فكستله طلعت شاطرة
شكله ديلر بس بيخرب من سيجارة كليوباتر
وجودك غير ملحوظ , إنت محصلتش فترة
أبوك هيتنافس بيك على جايزة أوسخ نطرة

بتروح للخسارة عندك ليها ميل فطري
إنت شاذ بين صحابك , عيل ميلف طري
مبحبش المناسبات , بكرهكوا بدون مناسبة
مش عاقل ومقتنع طول ما أنا مجنون هسبق

عمري ما كنت " لا أبالي " , كنت محتاج أصدق
و "غيابك" بالنسبالي , مجرد موقف وعدى 
الفشل " مش من سماتي , كانت وقتها خدعة "
حابب " ضلمة " حياتي , كاره النور بيقتلها 

مبنساش وعقلي متعودش إنه يسامح
تفكيري في بكرة متأثر بذكريات إمبارح
علاقة فيها طرف ميت الأفضل متعيش
كنت معاكي جوني ديب , لبست ألف وش

براب على بيتس فري مليش صاحب بروديوسر
مكنتش حابب علاقتنا تنتهي بـفيسبوك يوزر
الوقت بينسي , مش بنسى بس بعدي
هتشوف الحقيقة لما تتعامل مع اللي بعدي

كلهم كانوا شبه بعض . المختلفين كانوا قلة
محدش مكمل معاك للآخر , من غير إلا
مطلبتش من حد رأي , أرائك مش مهمة
كلنا مراهقين فإنتي ملكيش مكان بينّا

إشتريت كل واحد كبيركوا قال بايعينه
بقدر أأثر في أي حد زي آل باتشينو
حتى في حزب المعارضة كله لآرائى مؤيد
هاتلي حاجة في حياتك تدل إنك مش ميت

مش معقول إني أبقى عن كل غلط مسئول
محبتكيش ده كان مفعول ناتج عن الفضول
بشوف ملامح شيطاني كل ما أبص في مرايتي
زي شيرلوك مش هعرف أعيش من غير موريارتي

إنت وأحمد موسى مفيش فرق في العقلية
في الآخرة ربك هيحاسبك عشان كنت عاق ليا
مش بتعب فبالنسبالي العمل الشاق غية
خطفتك وهقتلك , بعد إنفاق الفدية

عديت كل مشكلة زايدة بإني أطرحها
كرهت كل تراكاتي عشان كانت بتفرحها
بس تخطيت كل حاجة بسرعة زي الشهاب
روح مقسومة على جسدين صوتين في تراك راب

Hollywood

تراك أوهام إنتحارية للهروب من الواقع البائس والمستقبل المجهول

Written by: Mohab Morrison
Music: Free Beat
Vocals: Mohab Morrison
Mixed by : Mohab Morrison
Master: Shehab El 3abkary
© 2019 Mohab Morrison

الكـلـمـات

Verse 1 :

كل حاجة بتقودنا للنهاية ، بس بنعافر 
بفكر وهفضل أفكر حتى لو هتقولوا كافر
لسه فاكر آخر مرة كنت فيها بحس
بفكر في أتفه مشاكلك مبقولكيش معلش

بابا فعلاً كان نفسي تحبني وتفهم حقيقتي
كان نفسي أخليك فخور بيا بس بطريقتي
أنا خلاص يأست و هسيبك تشكلني 
" بحاول أصدق جملة " عايزك يابني أحسن مني

قولت الحقيقة في كل مرة شوفتوني بهزر
بعمل اللي عايزه في أي وقت مش بحب أبرر
مبحبش النهار أوضتي مش بيدخلها نور
شايف عطل فني في عقلي بعقد الأمور

بكلم نفسي عشان فاهماني حاسس إني إتجننت
مش بفكر في اللي فات صعب تلاقيني ندمت
محتاج أموت بس من الإحتمالات بخاف 
عايز أبقى لوحدي بكره شعور إني متشاف

Chorus x2

محتاج وقت عشان أبعد أنا محتاج أختفي
طول عمري بحاول أثبت إني بيا بكتفي
معادلة فيها أنا زائد أنا بس اللي معايا 
كل مشاعري ليكي كنت بقولها للمرايا

Verse 2 :

بيقولوا بكرة أحلى , عشان الغبي يصدق
طول عمرنا راضيين بالسيئ خوفاً من الأسوأ
دايماً بزرع وبيسقفوا لغيري يوم الحصاد
مؤمن بإن حل هذا النوع الإنقراض

يمكن عايش في حلم هتصحى منه يوم مماتك
يمكن الموت فعلاً هو نهاية كل حاجة
يمكن حياتك دي شخبطة في خيال طفل
يمكن حياتك مرض يوم ما تموت منه هتخف

كان نفسي أسألك لو حد دخل حياتك بعدي
عشان من يوم ما مشيتي لسه مكانك فاضي عندي
فكرة إني بكرهك بحاول أقنع بيها نفسي
مش بس في الديانة كنتي فكل حاجة عكسي

مش قادر أتخيل حياتي غير إنها كابوس
قلة أي حاجة يعالجها كتر الفلوس
الأمل حبل في سقف بيه متعلقين وإنتهينا
والواقع هو دفعة الكرسي تحت رجلينا

Chorus x2

محتاج وقت عشان أبعد أنا محتاج أختفي
طول حياتي بحاول أثبت إني بيا بكتفي
معادلة فيها أنا زائد أنا محدش معايا 
كل مشاعري ليكي كنت بقولها للمرايا

Verse 3 :

مش متعشم ولا عمري قدرت حد
فضلت محبوس في خيالي لحد ما إكتئبت
بغلط عشان أفكر إزاي أصلح الغلطة
خايف من بكرة بس بكره النهارده 

متناقض ، ولكل المشاعر فاقد
كرهي ليكوا مش دليل على إني حاقد
بحاول أقتل كل معنى كان في حياتي غامض
عارف حقيقتكوا ففي القعدة ببقى صامت

سنة جديدة من غيرك محدش نافع مكانك
كنت بقبل أي حاجة ممكن أعملها عشانك
تركيزي في مشاكلك كان بينسيني مشاكلي
متقدمتش في حياتي مكنتش عايز غيرك جنبي

بكره أي تجمع فيه أكتر من فرد واحد
تأثير غباء الآخرين أقوى من إني أعاند
الوعي الجمعي , موافق على اللاشيئ
ببيع لما بحس إن أنا بس اللي إشتريت

تراك أوهام إنتحارية للهروب من الواقع البائس والمستقبل المجهول

الحد الأدنى | El 7ad El AdnA

Written by: Mohab Morrison
Music: Free Beat
Vocals: Mohab Morrison
Mix and Master by : Mohab Morrison
© 2019 Mohab Morrison

الكــلــمــات | Lyrics

بالدور يا أفكاري هسمع كل واحد لوحده
سابتني عشان تقول أنا الوحيدة اللي جرحته
الجرح منك مش فارق , شايف جنّك بيعارك
حابب دايماً آخد لقب أوحش فترة في حياتك

مش هتكلم عنها , عايز أعمل تراك أحلى
كانت فاكراني إني لما بنام بيها بحلم
دماغي دايماً في خناقة شكلي محتاج أحلق
والكلام ده مش جامد بحاول أوصل لحدي الأدنى

مش بعاتب أفكارك عارفك حابب تتراضى
هتعيش حياتك كل همك أنزل باتل قصادك
مش شايف مشكلة , إنت إزاي روش كده
هتقرب هبعدك , مش مميز مفكش حاجة ملفتة

" عقلي مش لاقي اللي يقوله يمكن " ألمي " أقوى من " قلمه
نفس إحساس جمهور في نهائي الحكم الصيني ظلمه
أو أسرار " ثائر - سائر " في مسيرة وخايف يثور
مش عارف أنظم أفكاري محتاج ظابط مرور

ضروري تسأل نفسك مرة ما حلك ؟
كل الناس بتتقدم هتفضل ثابت محلك
بضاعتك رخيصة فهيبقى زحمة محلك
أنا أرخم خصم للبطل ، غزل المحلة

بستسهل ، شايفك بس بستهبل
علاقتنا مملة متطلبيش مني أكمل
هذا العالم أقبح من إني فيه أتأمل
مش قادر أفكر ساعات بحس مخي منمل

فلاح في تفكيرك رغم إنك عايش في كايرو
أفكاري مبتنتهيش هو بيعبي في شكايره
100 فكرة جوا دماغي ليكي بس أنا مش قايل
لو بتحبك بجد مش هتقولك بطل سجاير

-

شريط عرض قبل ما أنام عن اللي فات
مش هتبقى مميز لما تواكب تريندات
راكب الموجة عاشق للموضة محبوس في أوضة
بتعلي صوتك إنت الأخير الكل فوقك

-

طب ما تفكك من السطحية وحاول مرة تبدع
الحاجة بتقرب منك لما بتحاول تبعد
كونك متاح في أي وقت بيقل قيمتك
آخر مرة إتعاملت بطبيعتك كانت إمتى ؟

مش إنت , يابني اللي هتخطط الطريق
بص حواليك هتفهم محدش بيفكر فيك
هذا الكلام جاد ، لماذا أملك لسان حاد ؟
بهين كرامتك هتقف نص ساعة حداد

الهزار عليك مش لايق مفيش كاركتر
قالتلي : إنت واحشني قولتلها : إنتي أكتر
بس مكنتش حاسس بحاجة زيك زيهم
ترمومتر العلاقات بايظ مش حابب أظبطه

مش هتكلم في السياسة مش عايز أبقى چيڤارا
هقبل عرض شركتك لو هبقى رئيس مجلس إدارة
عنيد هتمسك بقراري لما يبقى عكس قرارك
بسمع نصيحتك وأنساها مش محتاج إستشارة

You know? I just have fun 
أي حد معايا بيبقى معايا مؤقتاً
لحد ما تثبت العكس هفضل بسيئ الظن
بيفرح لما بشتمه مثله الأعلى Machine Gun

مع الوقت بدأت أحس إني أحسن واحد هنا
جثتي بعد سنين هيكتشفوا إن أنا اللي دافينها
لما تغيب بنساها مش أنا أسأل إيه ده فينها
بارد كإني في روسيا قبل ما حد يكتشفها

بيكرهني وبينافق بقوله تقبل تحياتي
وسقف أوضتي هو الأبيض الوحيد في حياتي
كانت شايفاني ، في كل تصرفاتي أناني
سهل أكسبك أنا برشلونة يا دوري أسباني

قالتلي مهاب إنت شخص هوائي وروتيني
يعني في معظم أيامك هتتنفسي وتفتكريني
4 أبريل 99 هتفضل ليكي كارثة
رجعتلك إحتراماً لصراحة آخر محادثة

______
4 April 2019

Loki

El 7ad El AdnA | الحد الأدنى

Kawkab Asgard - كوكب أسجارد


Written by: Mohab Morrison
Music: Free Beat
Vocals: Mohab Morrison
Recorded by : Ams Records
Mix and Master by : Mohab Morrison
© 2019 Mohab Morrison

Lyrics - الكلمات

مش باقي على حد
دي دموع تماسيح مش دموع بجد
يمكن لطيف من برا لكن من جوا لأ
لسه زي ما أنا من سنة مفيش شيئ فرق

عقلي دايماً متشتت بس من برا بارد
للأسف مش مصدق أي حاجة حسيتها تجاهك
مش عايزك مرة تتخدع بالضحكة اللي بانت
عدت 20 سنة بصبر نفسي وأقول هانت

دايماً بتعافي لحظة لما أحس إني ضعفت
بندم على الندم من الآخر بندم إني ندمت
ببعد لما بحس إنك فيا متورطة
عندي سجايري ومزيكتي أي حاجةتانية مؤقتة

ده مش عجز ، لا بالعكس
كنتي كل حاجة بس
خوفي من الناس إتحول مرض
مبفرقش الصح مالغلط
إحساس جميل في وجودك جنبي لما بعدتي عني إنقرض
لما قبلت التجاهل ألف شخص جوايا إعترض

ومن بعدها بقيت لوحدي تاني
كل ما أعوز أحكي بتكلم في الأغاني
بقول تمام خوفاً من إدعاء الإهتمام
تفكيري غلط بس بالنسبالي مثالي

سما وشبابيك ورسايل في دماغي بكتبهالك
حبري رافض يقبل فكرة ضعفي قدامك
دماغي زي سجن ، محبوس جواها
بقالي سنة بيتقالي هتاخد وقتك وهتنساها

قصة جديدة لكاتب عظيم قديمه أحلى
كانت أفشل بكتير من وهمي الدايم بنجاحها
دي جروح قديمة ظهرت لما شافتني بجرحها
كنت غلط لما مبدأك بدأ يتجزأ

متستاهليش تفكيري فيكي ولو للحظة
فاشل عشان سؤالك هو محدش ليه لاحظك!
كنتي بتبعدي وكنت دايماً أنا اللي بقرب
في الآخر برضه هطلع أنا اللي غلط في المقارنة

لاحظت في آخر رسالة إني لوحدي بتبسط
دي كانت البداية وهي غلطِت لما إتحمسِت
كانت تغلط وأتمسك عمري ما كنت منها بتمسك
أي تبرير تقوليه هيكون دليل ضعف موقفك

من جوايا علطول بتناقش وبسلي نفسي فشخ
ووجود حد في حياتي عقلي بيعتبره إنه فخ
ماشي في طريق غلط مبقتش أبص للسقف
ده مريض بالتعلق أقنع نفسه إنه خف

يهودي خايف أبيعك ومعرفش تاني أملكك
لو حاسة بيا مكنتيش بسهولة عليا تحكمي
شايفة كلامي مش مهم كان آخر برواز كسرته
بطلع سلم قاع الجحيم بتمنى أوصل لأرضه

مش بعرف أحكي قصة ولا عمري كنت غاوي
شاب بيحب أوضته أكتر من قعدة القهاوي
لسه برضه عايزك بس لو كنتي عايزاني
و دي فعلاً ألطف حاجة أقدر أنهي بيها كلامي

بس لسه مخلصتش حبيت أوضح النقلة
متعود أتفهم غلط من قبل ما أتكلم حتى
دايماً عيني عليها بس مكشر كنت بتقل
أي طلب قبل ما يخلص ببقى مجهز ردي لأ

قولت مش بنهي علاقة غير لما يقولوا إستفاد " إسمع تراك لا أبالي " ا
وأكيد إستفدت منكوا ظهور صوتي فتراكات
كلكوا فترات كانت تعتبر مصدر إلهام
رسايل ليكوا بكتبها وفي نهاية الفترة تتقال

بعمل كنترول على نفسي قبل ما أخرب
دماغي معاكي إتسحلت حتى من قبل ما أقرب
عيبي متعودتش أخسر حتى لو مش في المود
هتفضل تبعد إعتماداً إن أنا موجود

مش بعرف إني أنسى ، بتضايق إنها مش فاكرة
إنت عارف كل حاجة حصلت مكنتش بمزاجنا
كانت مخدر موجود وإختفى لما أدمنا
برضه محدش هيفضل رغم إني كنت أتمنى

إتقالي كلام كتير محدش منهم كان أده
أحب اللي يوعد يبقى فعلاً واثق في وعده
متتعلقش ولا تخلي حد بيك متعلق
متصدقش الكلام الأفعال اللي بتتصدق

مستوايا بيعلى بس سكتي مش سالكة
بيبي عايزك فان لتراكاتي ماعدا التراك ده
مش في حالتي الطبيعية ، وأكيد إنتي فاهمة
معاكي بحسني طاير ، بتخرجيني بره الكوكب

---
30 July 2019

Kawkab Asgard

بيضحكوا - Byd7ko 

Written by: Mohab Morrison
Music: Free Beat
Vocals: Mohab Morrison
Recorded by : Ams Records
Mix and Master by : Mohab Morrison

© 2019 Mohab Morrison

Lyrics - الكلمات

Intro 

موهبتك مش فاهمينها فبجهل بيضحكوا
لو متحركتش لأحلامك مش هيتحركوا
معظمنا فشل بس العظيم هيفضل يجرب
لقيت مفيش أمل لما بقيت للواقع أقرب

Verse 1 

مش بهرب ، بحب أشوف السهل أصعب
وهفضل ، شايف نفسي نجمي المفضل
دي مجرد ، أفكار بيكونها عقلي
بعيد عن نفسي وفي معظم الوقت بشتاقلي

إنتي فاهماني غلط ، أنا عمري ما كنت تمام
عايش في محاولة فاشلة للهروب من الخيال 
طبيعي معايا الأكيد يبقى مجرد إحتمال 
هيطلع عندي حق مهما طال وقت الجدال

قبلت كل إتهام لتصرفاتي بإبتسامة
صدقتني إن محدش يستاهل إهتمامك ؟
محدش فيكوا عارفني لإني بعرف أمثل 
وفي أحسن لحظاتي ، نفسيتي مش بتتحسن

Chorus 1

إنت مشوفتش اللي أنا شوفته فمتزايدش
مكنتش جنبي لما إحتاجت دلوقتي ميفرقش
وأنا مشوفتش بس مبقللش من مشاكلك
شايف مواضيعك مهمة لو تصنيفك ليها تافهة

مش برضى بحاجة تصنيفي لكل شيء قليل
إنتي مش فاهماني ففاكراني دايماً كويس
بين الحب والكره معاكي مش بعرف أميز
عمري ما كنت مبسوط بس مش بعرف أبين

Verse 2 

كان نفسي أكون عادي ربنا إبتلاني بدماغي
الشك خلاني ، أفقد كل شعور إنساني
أنا بتحرق ده مكنش نوري اللي سطع
هحس بنعمة وقوفي بعد ما أتعلم أقع

خطة قتلك في دماغي بتطلع على شكل نظرة
بضحك فشخ على جملة بكرة أحسن من النهارده
مستني بكرة من يوم ما مشيتي ومش بيّجي
محدش كمل معايا لدرجة إني أقول كان فترة

هفضل أعمل راب لحد ما يوحشك سكوتي
ويبقى إسم مهاب أصعب من إنك تقولي
إنك في يوم كنتي معايا وصحابك يصدقوكي
وقتها هقدر أنفجر وأخرج من فترة هدوئي

Chorus 2

عارف إنت ، لما تبقى القعدة مش حاببها
اللمة مش حاسسها ، مش عايز غير الوحدة
لكل حاجة خطة بس بتكسل تنفذها
معظم علاقاتك تفشل عشان بعد فترة بتزهق

بس لسه ، مش حاسس بإنجذاب للفكرة
مفيش مفر سيظل الإنسان غبي بالفطرة
حافظ كل عيوبي مش مستني أسمعها منك
كانت نساية فاكرة غلطك ومش هتفتكرك

Verse 3

أحب أعرفك قدامك واحد كاره نفسه
دماغي كل يوم تقتلني فحاضن الأسهم
قبل ما تفكر تهدني فكر في طريقة جديدة
كل الطرق في دماغك أنا إتقتلت مني بيها

أكبر نوبة ضحك كبيرها معايا نص إبتسامة
معرفش أختفي غير وأنا سايب فدماغك علامة
مش شايفين غير بس الجزء السلبي من كلامك
وبرغم كل حاجة ، بكره نفسي وأنا معاها

كنت فاكرني بكره الزحمة وعليها بقيت متأقلم
وجودكوا بكترة مانع عني هم إني أتكلم 
رغم إني إتغيرت تماماً برضه رافضة تميلي
شاتنا القديم هو أكتر حاجة قادرة تإذيني

Chorus 3

عايزة تاخد كل حاجة من غير ما تسيب مقابل
في عز غيابي عن الكل كنت ليكي حاضر
كل حاجة عملتها كانت أقل ما بتتمني
كنت فاكر لو مشيتي مش هطلب منك تستني

بكره صحابي عشان أمنع نفسي من المفاجأة
لسه مبقتش حاجة بس واثق إني هبقى
متخافيش ، حبيت أكون جد ولو لمرة
مستنيكي فأكتر سيناريو هكون فيه محطم


30 August 2019

Single Track

بيضحكوا

هلاوس | Halawes

Written by: Mohab Morrison
Music: Free Beat
Vocals: Mohab Morrison
Recorded by : Ams Records
Cover By : Mohab Morrison
Mix and Master by : Mohab Morrison

© 2019 Mohab Morrison

الكلمات | Lyrics

الكلام كتير سهل جداً أكسب بيه 
ببيع الغالي , فالرخيص مش بشتريه
موجود في جرابي , مش عارف شايفين إيه في رابي
هفجرك بكلامي وأخليك تشوفني إرهابي

مفيش شيئ يستاهل إنك في مناقشة تبان جاهل
رابر وممثل إعتبروني فنان متكامل
صريح هتشوفني وقح بس بعرف أجامل
في دراسة أو في راب عمرنا ما هنتزامل

هفضل مبهر فشخ لحد ما أبدأ أزهق منك
سهل تسيبيني بس هفضل لازق في دماغك
إهتمي بيا برضه مش هيفرقلي إهتمامك
ممكن تشوفوه غرور و ده برضه مش فارق

سارح في خيالي ، الوضع مريح بالنسبالي
متنفعش حتى كومبارس في أضعف أعمالي
بلعب السهل بشكل صعب عليك تفهمه
لو شوفتوني يوم بخسر يبقى كنتوا بتحلموا

Chorus

دي هلاوس فدماغي مش عارف أتخلص منها
برد بجملة ومن جوايا عندي ألف كلمة
شاطر في الماركتينج عشان كل حاجة ببيعها
حياتي قصة مملة أنا لوحدي اللي متابعها
x2

Verse 2

بتنقل في علاقاتي دايماً شايفاني بخونها
بدور على البديل بسرعة ، جوارديولا
بقعد لوحدي في أوضتي عشان أرسم عالمكم
في أسوأ سيناريو لمستقبلي شايفني بحكم

مش بكره حاجة على أد ما أكره الجدية
مهما حاولتي تتذاكي برضه هتفضلي غبية
مش بنافق بس ممكن تعتبريني بجامل
معاملتي لا تعبر عني مش بعرف أتعامل

دي هلاوس زي بقعة في عقلي متنشفش
" لا تجف + لا تُرى "
أنا ظاهر وسط ألف إنت لوحدك متنشفش
" لا تُرى + لا تتظاهر بالقوة "
إنت طري مهما حاولت فالأحسن متنشفش
" لا تتظاهر بالقوة + لا تُرى "
من أقل كلمة بتنهار ، عشان هش

ببعد لو مش هخسر عشان مفيش إستفادة
و صوتك العالي ، مش دليل على أي حاجة
الناس دي مستعدة ، تصدق أي كذبة
مع صاحبتي من الزمالك معاكوا من العزبة

Chorus 

دي هلاوس فدماغي مش عارف أتخلص منها
برد بجملة ومن جوايا عندي ألف كلمة
شاطر في الماركتينج عشان كل حاجة ببيعها
حياتي قصة مملة أنا لوحدي اللي متابعها
x2

Verse 3

مبقتش فاهم لو كان لازم ، آخد قرار حاسم
بقتل القتيل ومش بحضر المراسم
بدأت أقتنع ، هيفضل تحت مهما طلع
زي لوكي ، سهل جداً فيا تتخدع

متبرريش مفيش إحساس هعيش بعدك عادي
بقيس عليكي استيعابي ، غلطتي وبتتمادي
رد فعلي بيبقى أقوى عمري ما كنت البادي
برضه مشيتي بعد ما كنتي الأهم في حياني

بلوم نفسي مش بلوم تصرفاتك
بحاول أبان عادي ، بس مش ببقى راضي
طريقي معوج ، معرفش أبقي على إستقامة
مش في دماغي عادي بريك تراكاتي بالبيچامة
" الحد الأدنى متسجل بالبيجامة "

هلاوس مش بكبتها بكتبها تظهر تراك
معملتش حاجة عظيمة وده فعلاً اللي حساه
حابب وجودك مش بعرف أعبر إعذريني
هبطل أراب يوم ما تبطلي تسمعيني.

Chorus

دي هلاوس فدماغي مش عارف أتخلص منها
برد بجملة ومن جوايا عندي ألف كلمة
شاطر في الماركتينج عشان كل حاجة ببيعها
حياتي قصة مملة أنا لوحدي اللي متابعها
x2

___________

30 September 2019

Halawes

تراك " ده أنا " لا تبوح بما تشعر
تمت

في البداية هتنجذب وتحسني شخص لطيف
عقلية نادرة وصعب جداً أفكر زي الباقيّن
هتعوز تعرفني وده فضولاً إنك تعرف أنا مين
عملتلك التراك ده عشان أوفر الطريق

في الأول هتستغربي إن كلامي قليل
هتحسي إن عندي حاجة بس مش مبين
وتشوفيني دبش في كلامي مش بعرف أزيّن
وأنا هشوفك عادية أكتر ما كنت بتخيل

إنجذابي ليكي ، عمره ما يكون حقيقي
عرفتك عشان حابب إنك عايزة تعرفيني
بتعود وببعد البعد دايماً بيحميني
زي ما تكون معرفة الناس بتمثل خلل چيني

بس برضه هنتعود وهنفضل في كلامنا نزود
هتكلم بطبيعتي بس إنتي هتشوفيني بجوّد
فاتح شاتك علطول كلامي مبيقفش
هيفضل دايماً سؤالك هو إنت ليه مبتسألش

هتحب رابي كمجاملة الآراء متهمنيش
هدعمك فأي موهبة على هيئة رد للجميل
هتحب دماغي ده مجرد إنجذاب بسيط
هتبدأ على إستحياء تطلب مني التغيير

بالوقت الكلام هيزيد ، وجودك يصبح روتين
هنتشارك في حياتنا حتى في أصغر التفاصيل
هنبدأ لبعض نميل ، البعد إحتمال أخير
فكرة ساعة تعدي بدون ما نحكي مستحيل

كل الأسرار هتتكشف حاجات أول مرة تتحكي
حاجات كات من البداية خلت قربنا منطقي
حتى لو كنت عارف هعمل نفسي بندهش
هفضل أغير من نفسي عشان بس هي تتبسط

طريقة كلامك غريبة ، مصطلحاتك قديمة
الإنبهار بيروح شهور على نفس الوتيرة
سؤال مبيطرحش ، فكرته ليك مهينة
يا ترى شاغل تفكيرها زي ماهي شاغلة تفكيرك؟

يتخلل كل هذا لحظات رومانسية تنهي
أي خلاف بينا بجملة كلامك وحشني
والجملة الأشهر طبعاً إنك أكتر واحد شبهي
مكنش واقع ده كان منك مجرد تمني

سؤال كل ما نتقابل إنت ليه دايماً ساكت
في كلام جواك عايز يطلع بس إنت بتعاند
الإختلافات بتبان وأنا لجيلكوا غير مواكب
موجة جت في علاقتنا دمرت كل المراكب

العيوب بتكتر على سطح العلاقة بتظهر
فتراتنا مع بعض بدأت تدريجي تصغر
حاجات مقبولة في الأول بقت دلوقتي صعبة
ثم رفض تام بدون نقاش مع أول غلطة

كل الشات هيبقى مشاكل محورها إني لازم اتغير
كل اللي بينّا خلاص بقى مربوط بخيط صغير
كل الشات هيبقى مشاكل محورها إنتي إتغيرتي
وفي كل مرة محدش مننا هيطلع منه مرضي

مسكنات ، علاقة مكملة بمسكنات
البعد هيبقى أطول يمكن ننسى اللي فات
البعد هيبقى عادة بس برضه مع الوقت
مش بقبل إني أتعامل زيي زي أي حد

هتفضل بتعافر عشان نبقى بس صحاب
يمكن تأنيب ضمير يمكن مجرد إشفاق
هيبقى الكلام عابر محدش فينا له شغف
هتحجج إنك مشغول ، هعمل نفسي مصدقك

-
دي كانت النهاية بس بتضايق بعدها
مش هتحس بغيابك في غيرك يشغل وقتها
قبل ما يعرفوني بيحبوا كلامي فالتراكات
وبعد كده يتضايقوا إنه مكنش مجرد كلام

بيطلبوا التغيير في حاجات هي اللي جذبتهم
مش عايزين شخصية عايزينك تكون على كيفهم
كنتوا فانز مكنش ينفع تخرجوا من الدايرة
من دلوقتي علاقاتي القديمة بس اللي باقية

ممكن تعتبروه غرور أنا أصلاً شخص نرجسي
أنا ليا محور الكون وأي شيئ تاني بيتنسي
عندك حاجة متخصنيش ممكن تحكيهالي في سرك
لو كنت أنا الأهم فـ علاقتي بيك مستمرة

بالمناسبة مكنش نفاق ، كان تجنب للنقاش
على أي شيئ مش مهم عندي ع الإطلاق
الكلام للكل ، حتى اللي لسه مكمل
محدش فيكوا مثالي إستحملوا زي مانا مستحمل

دي رسالة لأي حد جي عايز يتعرف
صدقني يا صاحبي ده اللي بيحصل كل مرة
فمتتعودش تحكم على أي حاجة من بره
ولا تتعب دماغك في إنك تحاول تتعمق

عارف اللي هيحصل يمكن من قبل ما أبدأ
لا تبوح بما تشعر ، في العلاقات أهم مبدأ
مش بعتبره تراك بعتبرها عندي مادة
عشان أي حد جديد أبعتله التراك ده

The End

ده أنا - لا تبوح بما تشعر -

Ca$h - كاش

Written by : Mohab Morrison
Mix and Master by : Mohab Morrison
Vocals by : Mohab Morrison
Music : Jovanny Helmy
Artwork : Rana Ramadan & Mohab Morrison
Recorded at : AMS Records

@Mohab Morrison 2020

الكلمات - Lyrics

Verse 1

مفيش أي إنجاز في ترتيبك لجملك
محدش هيسيب مكانه فاضي عشان يقوملك
فوسط صراخ صامت من العجز الواقع يقولك
لا أحد يهتم روح إحلم بيها ومش هتنولها

كنت بحترمك ، بقويك وإنت شايفني بذِلك
دي مدينة فاضلة ومحدش فيها فاضلك
فـ ضلك ، هيفضل أقرب من قرب زايف
ومن شخص هيبعد عنك بحجة إنه خايف

بفكر في الفلوس فدماغي دي ألماظات
مفيش ولا كلمة عنك كل دي كات إسقاطات
مرض حب الذات يظهر في حب حب الناس
بكره الناس فياريت بلاش تعرفني من الأساس

شايفني في المستقبل ، أقل مما أأمل
كنت فاكر لما أتكسر هرجع تانى أقوى
بس من كتر ما أتكسرت خلاص بقيت مهشم
بحكيلي عشان لما أحكيلها برجع تاني أندم

Chorus

كل حاجة للكاش مستفدتش من وجودك
نفسي بتعايرني بـ إتخنقت من برودك
التقدير للسالك و ده مات في بداية الحدوتة
مش لازماني الصحبة ، الصحبة آخرتها موتةx2

Verse 2

في جيوبنا كاش بس من الراب مكسبناش
ميزتي فعيوبي واللي زيي مش محتاج مونتاچ
بيبي دي آخر رقصة وإحنا هنا بنشرب آخر كاس
كل أقوالي ليكي كانت في هيئة مجاز

بحاول أعمل مش خايف جوايا جبان بس عايز
أعمل حاجة تخلي دوري في حياتك أهم من الهامش
مكنتش هامم وده حابس ، أفكار بتطلع ككوارث
أوسكار في دماغي وأنا اللي خسرت كل الجوايز

الموضوع عايز دراسة من البداية! جايز
هقتل إحساس العجز وأبقى ع المشاعر دايس
هغفلك غصب عنك ممكن تعتبرني سايس
بلعب بالقافية عن كتابتي هتتفتح مدارس

في الراب بصنع قوافي ، كلامي نار فين المطافي
نجحت بس أنا مش صافي ، ملوش معيار إنحرافي
مش واخد أسلوب رابر ياض ولا حتى نافع چان
لو إنت أجمد مني وريني على beat يا فنان

Chorus

كل حاجة للكاش مستفدتش من وجودك
نفسي بتعايرني بـ إتخنقت من برودك
التقدير للسالك و ده مات في بداية الحدوتة
مش لازماني الصحبة ، الصحبة آخرتها موتةx2

Verse 3

صاحبي الحريم سيان بنبدل فيهم زي الجزم
ملكش غير إخواتك وقت الجد في ضهرك حزم
ناقص رجولة ، واقف بطولك ، حريم تسوقك
ترجع محدش يشوفك لأسباب غير قصر طولك

مش هفضلّك فمن فضلك بطلي تطلبي
دخلتي نفسك في دايرة وبنفسك منها بتخرجي
نسيت كل اللي حصل بدأت لوحدي من جديد
مش هظبط في علاقات مهتم أظبط البيت

مش هتفرق قدامي لو عبدالناصر أو كنت هتلر
فلو حسيت دلوقتي بمكسب في الآخر هتخسر
دي مش حملة دعائية فإنت عمرك ما هتقدر
عامل زي حفرة ، كل ما تاخد تكبر

Verse 4

" مستقبل عايز إكتشاف ، وضعي صاحبي ع الثبات
دي شخصيتي اللي في الراب ، بس أنا ببعد عن الناس
أنا لسه معملتش تراكات ، برمي بس حجر الأساس
لو هتألف محتاج دماغ ، مش مستني إني أسمع عاش
بكتب عني اللي ينفع يتقال ، صاحبي إحنا في السين تقال
شايلني لحالي قي المجال ، صوتي ده في ودنك إحتلال
أطرش مش هسمع الكلام ، بعند مش بقول عشان
معنديش تبرير للأفعال ، الأول في كل الأحوال
كنت جامد في الخيال ، بس تقديرنا ليك محال
صوتي اللي بيخلق الجدال ، عقلي ناسي بس قلبي شال
عايش حياتي ع اللي كان ، مش رابر ولا كنت فان
زي الأهلي تلاقيني كيان ، محبط في بعض الأحيان
محدش عامل ليك حساب ، بدوس إسمك لو كان كتاب
معايير للإختلال ، فشايف فشخي ليك حلال
مش حاطط حاجة كإحتمال  4، لن تستطع الإحتمال
مش ههينه رغم إنه عاز ، ولعتها وأهديك الجاز
بلعب عالبيت مش براب ، بفشخ في البيف مش بهاب
بالجزمة رأيك يتداس ، يسألوا مين فاز
متتوقعش الإجابات ، مش هتكتر الأسماء "
 (مش هتسمع غير مهاب) x2


11 February 2020

Ca$h ( Prod. Jovanny)

سحلة - Sahla

Written by : Mohab Morrison 
Vocals : Mohab Morrison 
Mix and Master by : Mohab Morrison 
Music : Magistic Records
Artwork : Rana Ramadan
Recorded in : AMS Records 

@2020 Mohab Morrison 

الكلمات - Lyrics 

Verse 1

مواقف في بيتها
محتاج في حياتي ، بني آدم بيفهم
عملت عرض لدماغي ، وإشتريتها
أنا شخص هادي هتخاف منه لما يسخن

معجب كانت مشكلتي إني خليتك صديقتي
رابي لعنة عليا زي لعنة معرفتي
حاجات كانت تتغير بس لو عرفتي
مبقاش ينفع تتقال سيبتك عادي تمشي

الدنيا سايقانا ، بس عاملين بنسيطر
جسمي هزيل واخد أتيتيود فايتر
إتكلم بكل ملل بس حافظ ع القافية
بكتب كتير فشخ ، إسكريبت رايتر

براب كإني ، عندي خبرة من سنين
كلام مش هيجذبك ، ركز إنت ع البيت
إتغيروا كتير يمكن بس أنا الوحيد
مهما الملل يزيد لسه محافظ ع الروتين

Chorus 
سهلة سهلة ، كل حاجة كانت سهلة
سهلة سهلة ، نفسك صوتها يندهلك
سحلة سحلة ، معرفتي بيها كانت سحلة
سحلة سحلة ، برضه رد فعلك كان أحلى

Verse 2

طيب بصي

مش فارقة ، جه قبلك وعدى
الدنيا بتكمل عادي ، مختلتش المعادلة
كنتي درامية قررت إني أعملك معالجة
إتعودنا نتعب ونقول على حياتنا سهلة

بعد كل حاجة برضه بتجري وبتهربي
حبي لنفسي منعني، ومطلبتش تقربي
بعاملك بطبعك فمتجيش تستغربي
نوم مبالغ فيه وأنا فيه شايف مخرجي

بصي وصلنا للقمة ، كان لازم ننزل
حضن بعد الچوب ، كان لازم نفصل
المشاعر دي قديمة ، كان لازم نقتل
كل مشاعرنا إتبدلت ، كان لازم نعدل

روحت معاكي لبعيد ، من وقتها مرجعتش
هربت منهم لأجلك ، من بُعدك مخوفتش
صوتي مكنش حزين ، بعدك ساد السواد
يمكن معرفتش أرجع ، محستش بالأمان

Chorus 

سهلة سهلة ، كل حاجة كانت سهلة
سهلة سهلة ، نفسك صوتها يندهلك
سحلة سحلة ، معرفتي بيها كانت سحلة
سحلة سحلة ، و رد فعلك كان أحلى

Verse 3

الدنيا مش بتيجي عليا دي من بدري جاية
عديتني لما عرفت إن معايا مفيش فايدة
هموم زايدة ، هي مش بتحاول زيك
تبعدي شوية ، بس الموضوع سهل في عنيا

لو شايفني بائس ده بس اللي أقدر أحكيه
مبنستناش الليل ، حياتنا كلها فيه
إتعلقت وجريت ، هروب من التفكير
أنا أبرد من الجليد ، عمري مكتت إحتمال أكيد

ياما دقت ع الراس ، منفكرش في اللي فات
إنت جته و بره بيتنا معنديش إخوات
خدتي حدود تفكيري ، هديتيها وسبتيني
بقيت بعدها تايه ، محبوس جوا شات

بعدت عن الكل ، كنت بيكي إكتفيت
شوفت بعدك الذل ، منطقي إني إختفيت
قربت تاني من الكل ، و حاسس إني تايه
فقدت شعور إني حر ، بنام وأصحى في إمبارح

1 March 2020

سحلة | Sahla

1999

Written by : Mohab Morrison 
Vocals : Mohab Morrison 
Mix and Master by : Mohab Morrison 
Music : Free beat 
Artwork by : Mohab Morrison 

@2020 Mohab Morrison 

Lyrics - الكلمات 


إتولدت وكان سؤالي ، هو أنا مين ؟
يمكن محتاج زقة وعقلي قاطع بنزين
طبعاً اللي سامعين سهل يكونوا متوقعين
إني البار ده هقول 1999

أكلت الصبح بدري مع أجمل بنت شوفتها
بس للأسف من لهوجتي نسيت أسأل عن إسمها
كنوع جديد من السكوت روحت مقاطع دماغي
تسمعنى تبقى مدرس ، هتعلم على كلامي

10 سنين كنت أشطر واحد في الفصل
محدش بيفهم بس في الغالب إتحفظت
براب من 8 سنين ومبيفرقليش النقد
هصور Naked girls وأرجع أقولك art

بتشاف سرسجي في فصلي عامل فرفور في شارعي
كمان كام سنة هتجوز دينا وتبقى دي مزارعي
طري وبحسك مخلي زي قطعة بانيه
بوصل آخر الشارع وأنسى أنا كنت ماشي ليه! 

مجبتش سيرة لحد بس برضه جت ع السيرة
طول عمري أنا الأمير وإنتي منفعتيش أميرة
مش حاسس إني حاسس خلقتي في حياتي حيرة
أناني وتقديري بيبقى في إنك تبقي ليا أسيرة

نجم في السما ، كل العيون دي بصالي
مشاعر مخزنة ، خبيتها ضمن أسراري
محبوس جوا الأنا ، أصواتكوا مش وصلالي
هادد كل اللي إتبنى ، زهقت من كتر إنتظاري

ببلع علاجي بسيجارة ، مبخافش أنا مالخسارة
إتربيت في بيت وحارة بس أفكاري مش وصلالك
بدخل أ push لو في غارة ، بتكدر من إنتصارك
يعني بصريح العبارة وجودي مش لإنبساطك

مش عيب تبقى أتينشن هور مع اللي بتحبها
مش عيب تغير فيك حاجات بسيطة من أجلها
إحساسي كان عشانك مش شرط إنتي كمان تحسي
سافِچ حياتي تتلخص في جملة نو ميرسي

مجرد حضوري صدفة قادر يسرق الأنظار
مع تراكاتي تهيد بانج كإنك قاعد في زار
ميزعلنيش اللي مشي عادي بالنسبالي أهو غار
غبي ومن أول يوم حبيتك ، أهو ده اللي صار

مبحبش أعمل لقطة يكون في حد عملها قبلي
لازم تعرفي إني بدعمك فعلاً من قلبي
قريت المسچ من بره يمكن بعد يومين ارد
متحكهاش وهي مش طايقاك شكلك كلوت

مرينا بمنحنيات غير قابلة للنفاذ
ثقافة في الإنحدار والوعي الجمعي فاز
ياسطى متبقاش غبي محدش فيهم باقيلك
رحيلك حاجة مستنيها قعدتك بقت تقيلة

ما تيجي نتشارك حاجة جميلة زي مثلاً إكتئابنا*
حتى أصغر تصرف منها بالنسبالي كَبير المعنى
القصة القديمة إنتهت ميدل فينجر للي باعنا
مش بتيجي في دماغي غير لما أسمع الحد الأدنى

عايز أوصل لدماغ عم بخ بعد ما أصطبح*
بعد ما إتجمعنا سوا القدر هو اللي طرح
إقترح حاجة حلوة فشخ ومش فاكر مين اللي إقترح
كلوا بعض بعيد عني خالد الصاوي في فيلم الفرح

جوايا طفل رافض عامي الواحد وعشرين
يمكن مفرقتش كتير طول عمري عاقل رزين
لسه في ألفين وعشرين سابق الزمن بخطوة
يمكن دلوقتي قوي بس كنت إمبارح أقوى

صاحبتك جتة ، في الإنبوكس ومحتاجة تهدى
دماغي بتلمع ، بس برضه سكينة تلمة
مخاوفك شامم ريحتها جوا دماغي كلام يهدك
وقت الجد أحب أهلس و هو ده الفرق بينّا

بيراب مرة في الشهر ويفركش ويرجع تاني
ولإني بركز فشخ لقيت الموقف ليه معاني
بعيداً عن إن صوتك لا يتعدى حدود حيطانك
كل تراكاتك بتظهر أما تكون صاحبتك حيضانة

شيطاني كان عاوز يظهر ، وتويتر إحتواه
معظم حياتي الكل شايفني عديم الإحساس
مبيفرقليش وجود الناس بس إنتوا مأڨورين يا شباب
بهرب من وجع الدماغ ببقى في سرعة شهاب

مرغوبة من واحد يكفي مش لازم مركز شباب يعني
كانت آخر نقطة بينّا خلاص خزاني أصبح مملي
جوا عزبتنا ثبتنا والحريم دي خسرتنا
وقفلتنا منها فلِتنا ألف مبروك يا مغفلتنا

مش فارقلي عدم وجودك مبقتش في دماغي أشيل
عايش من بعدك عادي كنت فاكر ده مستحيل
ميال لفكرة إني خلاص مبقتش ليكي أميل
والـ3 بارات اللي فاتوا للأسف كذبة إبريل

بتعاقبني بعدم وجودها ، حقيقي وحشني صوتها
بالتدريج بنضيع غبي ضيعت كل فرصة
آسف لسوء الجودة ، آسف لضعفي في المحاولة
مش بحتار دايماً بختار نفسي وهي أولى (أو لا)

بهرب من الحقيقة حابب أعيش مع الأكاذيب
وجودي في حياتي شفاف لا بتساب ولا بسيب
و ده شعور عليا جديد نفسي دايماً يجيلي نوم
ده آخر سينجل ينزل واللي جي على ألبوم

عجباني فكرة إن مهاب مش شاغلك
مطبق بقالي يومين و ده كله برضه لأجلك
مش لامعة ومع وجودك جنبي بالوقت هتتطفي
النهارده وإمبارح وبكرة أنا محتاج أختفي

ــــــــ

4 April 2020

1999

سوي - Sawi

Vocals : Mohab Morrison
Written by : Mohab Morrison 
Mix and Master by : Mohab Morrison 
Music : Free beat
Artwork : Mohab Morrison 
Recorded in : AMS Records 

@2020 Mohab Morrison 

الــكــلــمــات - Lyrics 

Chorus

وأنا جامد أوي " أوي أوي أوي " 
مش حزين ولا منطوي " طوي طوي " 
إرادة ضعيفة وفي العزيمة قوي " قوي " 
مريض نفسي مش بتعاملي شخص سوي

سوي x16

Verse 1

دي كانت لعبة بس أنا خربت الإعدادات
ملك عظيم ع العرش بس من كتر القعدة مات
برغي كتير في دماغي فمش محتاج أفتح الشات
هعمل اللون اللي حابه مش فارق إمكانيات

حياتي شطرنج بحمي جنودي بالملك وبكسب
بتصدر في أي حوار عشان عارف إني هسلك
من غير ما إسأل دماغي بتعرف تجيب إجابتك
ضرباتي قليلة عشان بحب أضرب في مقتل

بلغي وجود اللي مضايقني من حياتي حتى لو طال
بنهي القصة بقصة جديدة مش بقعد أبكي عالأطلال
مش وتكة بس لغرض يلا عادي مش بطال
دايرتنا مفيهاش تقليدي مالآخر كلنا أبطال

نلعب لعبة جديدة وعد المرادي مش هتزهقي
مبدأ عندي إني أبيع وأنا شخص ثابت على مبدأي
دماغك شغالة سبب مش كافي إنك تكون شخص ذكي
بتحبي الحوارات يبقى هتغرقي ومعايا مش هتسلكي

Chorus

وأنا جامد أوي " أوي أوي أوي "
مش حزين ولا منطوي " طوي طوي "
إرادة ضعيفة وفي العزيمة قوي " قوي "
مريض نفسي مش بتعاملي شخص سوي

سوي x16

Verse 2

جريت في شارع فاضي كنت بجري من خيالي
الكوكب بيلف إفهمي مش هبقالها ولا تبقالي
البشر عندي لب خد مني معاملة تسالي
ضيعت عشرين سنة بحاول أبقى مش مثالي

أسئلة كتير في بالي ، مش هسألها بحب أخزن
كل مرة عيطت كنت عارف إني بمثل
أفكاري حابساني والطبيعي إن دماغي تتعذب
لفي كتير برضه هتفهمي إني كنت أكتر حد فاهمك

مش بتأثر بالمسكن جسمي عايز تأثير ثابت
ده مسرح كنا زمان زمايل وإختارت وسابت
ومن وقتها بستنى الكل يمشي وأنا هادي وساكت
فلو كنت إنت عايز تمشي هتلاقيني قدامك مادد

بنلخصها ونخلصها فتفرزها كاره أصحى
يوم رحيلها كان خلاصها من يومها ودماغي مصفى
لو حبيت أنتحر عادي إني أنط من فوق دماغي
مش ببذل أي مجهود بتجيلي عايزة تتلاغي

Chorus

وأنا جامد أوي " أوي أوي أوي "
مش حزين ولا منطوي " طوي طوي "
إرادة ضعيفة وفي العزيمة قوي " قوي "
مريض نفسي مش بتعاملي شخص سوي

سوي x16

____________________
23 May 2020

Sawi

1- El 7a2e2a | الحقيقة
The first track of " El 7a2e2a " EP

Vocals : Mohab Morrison
Written by : Mohab Morrison 
Mix and Master by : Mohab Morrison 
Music : Free beat
Artwork : Rana Ramadan
Recorded in : AMS Records 

@2020 Mohab Morrison 

الــكــلــمــات | Lyrics 

-

كل الناس دي وجودها في حياتي خلاني واحد تاني
معرفوش ولا كنت حابب أعرفه بنظرة بيتحداني
خليك إنت بعيد مش هتحب تشوف وش مخبيه
مش هتحب المنطوي اللي يقدر بسهولة يبيع

متفاجئ فشخ صح ؟ يمكن عشان غبي
بتلقح زي النسوان بس i'm really happy
" خارج عن مذهبي " ، جوا دماغي هتتعبي
مين فينا زينة جينا للماضي و ده ملعبي

-

مليش صحاب ولا كنت عايزكوا عشان بنفسي مكتفي
و رغم إستمراري لفترة حان وقتي لأختفي
هتلعب لعبة إنك أجدع سهل أوريك إني أندل
يعني لو عاوز منافسة روح مع حد غيري إلعبها

متقولش صاحبي صاحبك شبهك أنا مصاحب دماغي
مكنتش وحش أنا اللي وحش وجودي مع نفسي علاجي
ذكي بس بسأل ليه تحت رجلي ترمي راسك ؟
مفيش جدعنة طول ما مفيش دليل على إخلاصك

بصراحة .. البشر أوڨرريتد وأنا بكرههم
وجودهم فارق في حياتي يبقى الأسهل إني أخسرهم
بقرف فشخ لما بشوف كل طرق إحتياجكوا لبعض
بشوف الواحد فيكوا ضعيف وأنا إتعودت أكره الضعف

مش شايف إني عظيم دي فكرة مش بتثير إعجابي
أنا شايف نفسي عظيم عشان متعايش مع دماغي
وقدرت أكون حقيقي ده شيئ عمركوا ما هتحبوه
فالوحش اللي باينلك عندي عندهم أوحش بيخبوه

شوفوا دور تاني إلعبوه ، أنا أدواري خلاص خلصت
متجيش تمشي وتتوقع إن أنا الشخص اللي هيمسك
عندي مشاكل هقولها بعد سنة دلوقتي الأحسن تبعد
بحن لسنين مكنتش فيها محتاج لحد يسند

مش مستني حد يحبني ، ولا حد يفهمني
كل اللي أنا فعلاً محتاجه حد فيكوا يسمعني
ومتفتكرش الموضوع سهل عشان برفض إني أحكي
رغم إني عايز جداً بس صوت جوا عقلي بيمنعني

بعترف إن دماغي غريبة دي نقطة لازم هنعديها
صدقيني إنتي مش حمل نقطة ماللي دايرة فيها
محدش مجبر يكمل عارف إني هبقى لوحدي
الحكاوي دي بتترمي ، في المزيكا أنا بعرف أحكي

-

نرجع برضه نهدى تاني بعرف ألعب دور الهادي
هنزل التراك بس دماغي مش هتسيبني الليلادي
دي سكة خدتها لإعدادي لخطوة جاية هتبقى أصعب
لما يّجي الليل وأرجع لوحدي بخاف إني أضعف

كلكوا تستاهلوا حد غيري يبان مهتم أكتر
وأنا مش هستاهل غير دماغي ده لو كنت عاوز أوصل
ياريت تفكك مالطريقة أنا جوايا متكسر
و ده كان جزء من الحقيقة برضه مش عارف أعبر

-

30 June 2020

El 7a2e2a

2- Me7tag Arta7 | محتاج أرتاح
The Second track in " El 7a2e2a " EP

Vocals : Mohab Morrison
Written by : Mohab Morrison 
Mix and Master by : Mohab Morrison 
Music : Free beat
Artwork : Rana Ramadan
Recorded in : AMS Records 

@2020 Mohab Morrison 

الــكــلــمــات | Lyrics 

أنا مش عايز أصحى ، آسف على السلبية
كل طموحاتي بتموت حياتي إنتهت الصلاحية
ده إحباط عشان فشلت تتمتع بحياة مثالية
إنت مش فاهم حاجة عوزت تكون حياتي عادية

المشكلة في الطريقة اللي باصيّن للحاجة بيها
وكذبة إن كل حاجة في الآخر هتكون جميلة
بنكبر في السن والمشاكل بتكبر بينا
بلاش أڨورة تعالى سوا نبص ع الحقيقة

كله بيلعب بمشاعرك محدش عايزك لنفسك
إبعد عن كذب اللي حابك ، بخلق لنفسي المنافسة
كل حاجة بتبان بسيطة بس في دماغي دي كارثة
مسحت كل ذكرى بينّا بس برضه مش بنسى
 " yeah " 

يمكن تفكيري مرض وأنا عيان بيه من سنين
لوحدي وبدماغي بعيش مش واحد وسط الباقيين
فكانت كل مشكلتك إني دايماً لآرائي عنيد
قولتلك كل اللي حاسه ، إنتي برضه متغيرتيش

الصورة الحلوة بتضايقني فمتعود إني أمحيها
الصورة لسه ثابتة أنا لوحدي اللي فاضل فيها
مش ببقى كويس في الزحمة بحب الوحدة أكتر
مش هتأقلم في أي وضع تاني فببعد لو مش هقدر

محدش كامل أنا عارف ده ومبمثلش عكسه
مش عايز أسمع لحد مش عايز يسمع غير نفسه
هكون مع اللي يشغل عقلي ميشغلش عليا عقله
عشان هيقولك إنت صح ويعمل اللي هو عاوزه

عايزهم هما مش عايزينك ومفيش حد فيهم سامعك
ولما يرجعوا يعوزوك بتكون إتغيرت مشاعرك
فمتخليش ليك صحاب أنا بكره كل الصداقات
بتخليك محتاج أشخاص عشان يحصل إنبساط

فالفترة اللي فاتت كنت بفكر إزاي هبعد
عيبي إني لما بتساب حبي لنفسي بيمنعني أمسك
فبقيت بشوف الكل بيمشي حتى اللي أنا عايزه يكمل 
كل اللي كنت عايزه حد يبقى للآخر جنبي

بوظنا القافية بس فاكس أنا بقول اللي في قلبي
حتى أكتر واحدة حبيتها كانت شايفاني دايماً سلبي
أنا فعلاً سلبي مش هخبي للأسف دي حقيقتي
لا مش هنكمل كنت بهمل وإنتي بسرعة سيبتي

الثقة شيئ مهم بجد فصعب أديه لحد
لأ مستحيل أديه لحد مش هقبل فكرة إني إتخانت
بصي تقدري تاخدي مني كل مشاعري إلا ثقتي
عارف نفسي كويس جداً فبتكلم بالثقة دي

فلعبتي بمشاعري ، حقيقي كنتي شاطرة
كنتي الشخص اللي باعني ، طبيعي تبقي فترة
فأنا لسه قاعد مستني ، بديهي هبقى أبطأ
مثلتي دورك بتأني ، بس تخصص أفلام هابطة

إنت عارف اللي عايزك تعرفه ، مش عارف حقيقتي
محدش عارف حقيقتي ، يمكن ولا حتى إنتي
محدش ناوي يكمل و دي حاجة أنا واثق فيها
لسه كاره الطريقة اللي أنا بفتكرك بيها

عدى سنة ونص ودلوقتي إنتي مبقيتيش عايزاني
بس الحقيقة أنا برضه بحبك حتى لو إنتي مش حاباني
دي دراما ، أنا بكذب ، إوعي ترجعي تاني
عشان لو رجعتي تاني أنا برضه هدمر حياتك

أنا بارد ، فمحدش جنبي هيحس بالدفى
فالشخص اللي بيبعد عني بيبقى من مرضي إتعفى
في آخر مرة قالتلي إنت مريض و دي نهاية سعيدة
كلمتك عشان أجيب أفكار لتراكات جديدة

نخرج من موضوعك وبتمنى إنك تعالجي ضرري
يمكن أنا دلوقتي أكون محتاج شوية وقت مع نفسي
طريق وأنا فيه لوحدي ، الكوكب بيلف عكسي
هقتل كل اللي أعرفهم وأنتحر ، فكك كنت بهزي

بكره التغيير مودي متقلب يمكن كل دقيقة
برتاح في الروتين والعيلة أكتر حاجة مهتم بيها
إتعودت أفكر بعمق حتى لو كات الفكرة بسيطة
تاني محدش ناوي يكمل معاك ، هي دي الحقيقة

تعالى جولة جوا دماغي ، أهلاً بيك في الجحيم
يمكن تنقذ محبوس من جوا،أو تتحبس وسط الباقيين
عايز تعرف مهاب مين ؟ حقك تعرف مهاب مين
بس عندي سؤال أهم ، عايز تعرف مهاب مين ؟
" إحنا كتير " 

إبعد لو خايف على حالك ، متخافش أنا متعود
كنت زمان صعب إني أتعلق فكنت بسهولة ببعد
النسخة القديمة وحشتني بس خلاص مبقتش عاوزها
باخد بالي من كل كلمة ودماغي صعب إنها تنسى

رحلة البحث عن الذات ، بركز في السلبيات
إتغيرت عن زمان ونفسي أرجع محتاج أرتاح
نفسي دماغي ترجع هادية ودي فقرة الأمنيات
محتاج أرتاح... أنا فعلاً محتاج أرتاح

محدش بيحبك بيمثلوا وبيتقلوا إحساسك
مش عايز من حد حاجة ففك نفسك ماللي عازك
نفسي مركزش معاهم إبعدهم عن دماغك
دي مش سذاجة ، نفسي أسيطر على كل حاجة

8 July 2020

Me7tag Arta7

3- Be3ed 3n El Nas - بعيد عن الناس
The third track in " El 7a2e2a " EP

Vocals : Mohab Morrison
Written by : Mohab Morrison 
Mix and Master by : Mohab Morrison 
Music : Free beat
Artwork : Rana Ramadan
Recorded in : AMS Records 

@2020 Mohab Morrison 

الــكــلــمــات | Lyrics

-

" إزيك يا مهاب ؟ ، بقالنا كتير بُعاد
بعدت عني عشان .. تبقى أقرب من الناس
بس أنا مش هلوم حقك تتغير عن زمان
الكل بيتغير حتى إبليس كان ملاك .. 

-

بس سهلة ، عيبك باصص ع الحاجة من زاوية واحدة
وطبعاً تفكيرك هيألك إن في حد بجد حابك
في أسباب كتير غير باقي الناس إحنا عشانها إتخلقنا
عايزك أحسن فعايزك متحبش حد غير نفسك

إنسى شعارات الإخلاص الكل يستاهل يتخان
بيعت نفسك والمقابل كان البحث عن الكمال
مفيش حد كامل دي طبيعتنا ومش بإيدنا "

كفاية نصايح زهقت
يلا للوش ده نخلع

-

جوايا غضب حقيقي وللأسف مش قادر أوصفه
زعل كبير من غير سبب وأنا حقيقي نفسي أنسفه
بدون سبب! لأ أنا السبب زي ما ببقى دايماً
عمر ما كلامي إتفهم لما قولت أنا مش مهيئ

الفكرة في جروح كتير متتعالجش في صيدلية
وأي شخص في حياتي جديد بعتبر إنه صيدة ليا
فبستنزفه حقيقي كتير يمكن دي أوسخ خصلة فيا
دي طريقة كتابتي زمان دلوقتي بقيت شايفها عادية

-

فنرجع تاني عادي! 
- آه
نبدأ مالليلادي! 
- آه
هتخرج من حياتي! 
- آه
بس إوعي ترجع تاني " ياه "

بتصنفوني أناني! 
- آه
 محدش هيستناني!
- آه
فاكرة نفسك وحشاني! 
= آه
ده العادي بالنسبالي "yaah" 

-

الإنطباع عن أي رابر إنه بيبقى روش جداً
حياته مليانة صحاب وخروج وبكيفه عايشها
ومن كتر الأحداث متتوقعش إنه مرة يزهق
وأنا مش زي كل دول يمكن تراكاتي بينتلك

حفلة كل تذاكرها إتباعت بس واقف أغني لوحدي
كله وهم محدش حابب يسمع صوتي وأنا بحكي
كاره إني أبقى مختلف وبرضه كاره أبقى تقليدي
أصوات متحكمة في دماغي نفسي أفجرها لو بإيدي

عاملين أبطال في الچيم ووقت العاركة كله بيجري
والتكشيرة دايماً ع الوش كـ روشنة و ده بيثبتلي
إن كل الناس دي fake أكتر من وقعة قومتني
أنا مش هفيدك - شخصباً - مش شايف فايدة مني

" كل دي ، أمراض في شخص واحد! لأ كتير
حطيتك عندي في مكان إنتي عمرك ما أستاهلتيه
أنا مش عاجب ناس كتير ، دايماً ببقى كاره أعيش
معنديش طاقه أستحمل طاقة حد في حياتي جديد "

مش حابب أعرف جديد ولا حابب أتكلم مع حد
عارف إن مفيش حد هيفهمني مهما إتدعى العكس
حاسس إني مرفوض منكوا وأنا كاره شعور الرفض
دايماً خسايري بتقتل جزء مني يبان إني إنتصرت

" النرجسية تزيد وكرة الذات ع الناحية التانية
الآراء مكانها الزبالة لو كانت في يوم هتضايقك
خليك نفسك وإوعى تبص في مرة لحد سايبك
يلا شيل الوش ده وشوف الدنيا إزاي ماشية! "

-

حبك ليا مبيفرقليش يفرق معايا تقدرني
أنا الكسبان لو شخص بدون أي أسباب قرر يخسرني
وبقيت بستمتع أكتر لما أشوف شخص بيكرهني
شاغل دماغه فأنا صح الكره هو اللي محركني

يعني مثلاً لو قدامي 1000 واحد بيحبوا رابي
فالواحد اللي بيكرهني بيزود فشخ من إنتاجي
واللي أستنى رأيه ببطل أسمعه تراكاتي
الأغاني ليا ولدماغي ، مش لأي حد تاني

-

أي حاجة بتحصل ببقى لوحدي السبب فيها
محدش ليه فضل عليا مهما إترميت في ضيقة
وبقيت محتاج أفكر نفسي إني لوحدي كل دقيقة
عارف حقيقة محدش شبهي بس كاره الحقيقة

أصل لازم ع الأقل يكون في شخص واحد زيي
ولو إنت بتسمع وحاسس يبقى إنت اللي عشانه بغني
كل حاجة ببقى عايزها بتلاقي طريقة وتبعد عني
بسافر لحظي وأوصل ألاقيه أصلاً مش مستني

محدش قبلني زي مانا وده كان كل اللي عوزته
بكلم كوارثي بمنطق إني متوقع حدوثكوا
حبست نفسي في الآراء لو عندك رأي ليا أسكت
الزيف بيتملك منكوا والشيئ ده خسركوا نفوسكوا

" عايز حاجة بروح أجيبها مش بستناها تجيلي
مستحقش الحاجة لو مش هعرف أعملها بإيدي
ولو في مرة إحتجت مساعدة إعتبر الحاجة متعملتش "
دراما تاني! 
- فكك يلا نخلع آخر وش

-

الكل عنده أجزاء وحشة وأنا مبحبش حد يشوفها
أكتر حاجات نفسي فيها متأكد إني مش هاخدها
لو هتشوف نفسها عليا غروري يمنعني إني أعوزها
أنا وغروري متفقين نرضى باللي يرضي غرورنا

" حتى في أحسن لحظات حياتي للأسف ببقى متشائم
ببان كتير واثق وببقى لخوفي من بكرة كاتم
إبعد فترة قليلة هتعرف إنك مكنتش هامم
فالأحسن تفضل بعيد ولا تقل من قيمتك ، فاهم ؟ " 

بعتذر عن أي تراك قولت فيه ألفاظ زمان
بس ده مكنش مهاب أو كان في خلل في الدماغ
وعد مني في اللي جي هكون أكتر براعي الناس
لكن بعيداً عن الراب أنا هبقى بعيد عن الناس

-

15 July 2020

Be3ed 3n El Nas

4- Bas 3adi | بس عادي
The last track in " El 7a2e2a " EP


Vocals : Mohab Morrison 
Written by : Mohab Morrison 
Mix and Master by : Mohab Morrison 
Music : Free beat 
Artwork : Rana Ramadan 
Recorded in : AMS Records 

@2020 Mohab Morrison 

Lyrics - الكـــلـــمـــات

Intro

الرحلة بتخلص بسرعة كان نفسنا إننا نطول
نبعد كل شكوكنا عن دماغنا ونبدأ عادي من الأول
مريض بالشك وهذا سلوك لا يناسب الأميرة
وبالنسبالي مناسب جداً لإن أنا حاكم المدينة

Verse 1 :

تفكيري مشوش والعادي بعرف أرتبه معاكي
وعارف إني بالنسبالك مش زي إنتي بالنسبالي
كنت شايفك كل حاجة وأنا عندك واحد وسط الباقي
فكرة كتير كانت مضايقاني وخانقاني بس عادي

تفاصيل بسيطة وإنتوا أغبيا مركزتوش فيها
وأنا أكبر مريض عشان مش عارف من دماغي ألغيها
حكايتنا مع بعض تضحك ، كنت فاكرها ترول
كانت زي الدنيا صعبة معايا بس سهلة مع الكل

آسف لكوني مش الشخص الرغاي اللي بيفتح كلام
ومش موجود كل الأيام ومش حابب فكرة الشات
ومش تافه زي باقي الناس ، وإني مكنتلكيش جذاب
وآسف إني مقولتش ده في وشك وجي أحكيه فراب

الشباب دي رافضة تسمع راب حقيقي ليه!
عايزين راب عن الفلوس تقليد الغرب عامي عينيه
وأنا مش فارقلي الكلام يعجب فارقلي أقول اللي حاسه
حتى لو هقول كلام وبعد فترة أغني عكسه

وعادي كلنا بنتغير وأنا أصلاً شخص متناقض
أكتر شخص بيحب نفسه كاره نفسه في الوقت الراهن
مش متوقع حاجة حلوة أنا مع سوء حظي متراهن
" حتى لو فضلتي فخلاص دلوقتي الثقة راحت "

Chorus :

فنفضل نبعد ، نفضل نبعد ، نفضل نبعد بس ده العادي x2

Verse 2 :

ونروح لقصة تانية آسف إني كنت معاكي بارد
وإن مشاعرك تجاهي مكانتش نفس مشاعري تجاهك
آسف إني مقدرتش بس إنتي فعلاً مميزة
وقفتي جنبي كتير ومشاعرك دي مش مزيفة

صحابي في الجامعة كانوا شايفني متوحد
صحابي في ثانوي كانوا شايفني متكبر
صحابي في إبتدائي كانوا دايماً شايفني مقصر
صحابي في إعدادي مكانوش شايفني أصلاً

حاولت أصطنع أبقى زيكوا بس مبقتش عارف
حاجات كتير كانت بتعميني حسيت إني مبقتش شايف
مع نفسي لقيت إن الحل إني أبدأ أكشف الحقايق
عيني شايفة المبسوط تافه فعايش دايماً متضايق

علاقتي بنفسي من سنين نازلة بشكل منحنى
بيكلمك دلوقتي شيطاني أنا إنتحرت من سنة
كان صعب عليا إحساس إن أنا الشخص اللي إتنسى
بس عادي هي خدت مني أكتر من وقتها

مش عايزني وصوتي متسمعش مهما قعدت أنادي
مردودك قليل وده إتعودت عليه معاكي
ويمكن كنتي مرض والبعد هيبقى هو علاجي
" والحقيقة محتاج أرتاح بعيد عن الناس بس عادي "

Chorus :

فنفضل نبعد ، نفضل نبعد ، نفضل نبعد بس عادي x2

-
21 July 2020

Bas 3adi

DaLma || - ضلمة ٢

Vocals : Mohab Morrison 
Written by : Mohab Morrison 
Mix and Master by : Mohab Morrison 
Beat by : Marwan Moussa 
Artwork : Muhammad Essam
Recorded in : AMS Records 

Verse 1 :

" صبح من ليل مش فارقة ، الشغل واكل وقتك
مجهود مبذول في لاشيء بستفزك إني سرقتك
كذبة بكذبها من سنة وأنا الوحيد اللي صدقتك " 
شمسي مش بعيدة قرب مني هكون حرقتك

يمكن شعور جديد ، كان صعب جداً ألاقيه
وحدة دايمة بيكون فيها صوت أنفاسك مخيف
مناسبة للباقة مشاهد يومي بره السرير
هتقول ع التراك عظيم مش فاهم إني بستغيث

فترات النور تتمثل في فترات حرقي لحياتهم
في الضلمة ببقى لوحدي كاره أساليب التدخل
كاره تفكير الناس و ده في الغالب بيبان تهكم
بقبل الخسارة بس لو كانت تديني التحكم

قعدة صحاب نادرة سايبها وبكتب الكلام ده
و ده شيئ غير ملحوظ وجودي أصبح مجازفة
عين بتغمض وتفتح مفيش حد هنا إلا أنا
كل الأصوات إختفت دي وحدة وأنا اللي خلقتها

Chorus x2

ضلمة مبتنتهيش كنت بهابها وأنا طفل
سكوت غريب دايماً وفي نفس الدايرة بلف
ثبات ظاهري مداري أكتر حد من جوا واقع
عياط على اللي فات والوقت لقدام مش راجع

Verse 2 :

برد شديد ملقتش ليه أي دفى معنوي
إنهيار داخلي في كل لحظة ظهرتها قوي
الحرمان هو الإشباع الصح لمعظم إحتياجاتك
ومحدش غيرك يستحملك في كل حالاتك

مفيش مصدر ثقة ولا حتى مفر من ذكرى
الإختلاط الغير مشروط حقيقي أسوأ فكرة
لازم تكون شيطان هتعرف وسط دول تسلك
بعد أول أسبوع إنسى إن حد يتحمسلك

-

خايف من بكرة وإمبارح وخايف من دلوقتي
بسيط لدرجة بفرح فشخ أما حد يحتاجني
تترعب لما تعرف كام مرة إنتحرت في عقلي
حدش ليه عليا فضل طول عمري بواجه لوحدي

عين بتغمض وتفتح ، مش لاقي في حد ملجأ
مجال الرؤية إنعدم كل شيئ مشوش
كاره شغلي فعارف مش هبقى فيه مميز
مش بقف على الحياد لوجه نظري بأتحيّز

-

هدوء غاضب أو يمكن إكتئاب هادي
المهم إني متحاصر وبحاول إني أبان عادي
يمكن كان الوضع إتغير لو كنت بعرف أشرح
كل اللي بقوله مختصر مش هتحب الصورة الأوضح

مش حب للكآبة صاحبي بحكيلك ع الواقع
مش هيهمهم رأيك المهم تفضل راكع
بيحاسبوك ع الأرض بحجة إيمانهم بالسما
مبيفرقش الكلام أنا بهتم برأيي أنا

عين بتغمض وتفتح ، الصورة كده بقت أوضح
مش هتفرق مع حد وهذا هو المرجح
مع نفسي أحسن ، خليك بعيد البعد أهدى
كله بيقول وعود فمش هيفرق الكلام ده

كنت بهرب بالخيال بس برضه بدأ يضلم
ناتج عن كره وكسل حتى لساني رافض يتكلم
صدقني هدوئي الظاهر أنا خافي وراه بركان
جبل جليد إنفجر من طول فترة الكتمان

أكبر نجاح في حياتك إنك فعلاً لسه عايش
يتداس و بيتلام عشان بقى لمرة دايس
مش فاهمني وبشفق عليك لما بتعمل فاهم
بعمل اللي عايزه مفيش في قاموسي كلمة لازم

مفيش شيئ يتكرر ويبقى في حلاوة أول مرة
كانت في الأول ضرورة وبرجوعها أصبحت ضارة
بتظاهر إني بتخطى والموقف في دماغي يتبروز
الواقع في الوحدة أحسن وجودكوا بس بيلوث

بحب النوم لراحة عقلي بس برضه الأهم عندي
إنه أسرع حاجة بتخلي بسهولة اليوم يعدي
كلها بتخلق خبرات عشان في القعدة يتفاخروا
مش بصحى مالكابوس غير لما يجيب معايا آخره

عين بتغمض وتفتح كلهم بقوا مجموعين
عين بتغمض وتفتح ضحكة تدل إني سعيد
عين بتغمض وتفتح أمل قرب كان بعيد
عين بتغمض وتفتح يمكن أملي في يوم جديد

عين بتغمض ..

-

20 August 2020

DaLma ||

Tamheed - تهديد

Written by : Mohab Morrison
Vocals : Mohab Morrison
Mix and Master by : Mohab Morrison
Music : Free beat
Artwork : Mohab Morrison

@2020

Lyrics | الكلمات

" بقالي 4 سنين براب مشوفتش دعم غير من تلاتة
ورغم إنهم عني بعاد يعني مبتربطناش حاجة "

" بحاول أعمل راب نضيف حابب أتسمع من ناس نضيفة "

Intro 

وحشني المايك بس برضه كنت محتاج إني أركز
مخي إتكسر من الأفكار ماشي بعقلي شبه متجبس
راكن أكتر من 10تراكات عشان للأسف مش متحمس
بمسح حاجات كتير كاتبها مستني إن دماغي تفلس

Verse 1 :

الأرض مش مكاني بكرة تشوفوني على الفضائيات
من قوة لساني هتلاحظ في تراكاتي كُتر البارات
طماع مقبلش بأقل من أربعة وعشرين قيراط
تتوتر قدامي ، تسمع كلامي هيجيلك إحباط

صورة مهزوزة ، من رعشة إيدك وإنت بتكتب عني
تحدي في راب أو شارع في الحالتين أنا مش بجلي
بس إنت رابك ضعيف بسمعه عشان بيضحكني
مش عشان دمك خفيف لا عشان مستواك متدني

مش عاجبك رابي ياسطا عادي ممكن تسمع حد تاني
مكانتي عندك مش شاغلاني ، ملكش مكانة بالنسبالي 
فشلت أحافظ على صحابي بس نجحت إني أعمل أغاني
لو مستغرب من دماغي عايزك تحط نفسك مكاني 

Verse 2 :

مشكلتي ببص ع الوحش فالناس فصعب إني أسلك
لأي حد في حياتي دايماً صورته في دماغي أسوأ
اللقطة بتحصل في لحظة وبتتبروز صعب إني أنسى
كره الناس بيخليني أقسى ودي أكتر حاجة محتاجها

آرائي مثالية ومظبوطة فمش بحاول أطرحها
أفكاري وإنطباعاتي ثابتة صعب أنقلها من مطرحها
زهقت من كتر الوشوش بتمنى تكون الناس واضحة
مش حب ده كان صراع عشان نشوف مين الـ ضحى

وجودها عندي زي فكرة حلوة دايماً بستنفزها
خدت منها كل اللي أنا عايزه خلاص مبقتش عايزها
وإنت وجودك في الراب أو في الحياة حاجة مستفزة
مكانك جوا دماغي صغير باراتي عليك أنا مش حافظها

ونرجع تاني لكره الذات كان نفسي إنه يقلل غروري
الظاهر لكل الناس عكس اللي نفسي شايلاهولي
ليا كاركتر حلو في الراب بحب إني أفتخر بيه
نقطة خراب علاقاتي بتبدأ بس لما أبدأ في التفكير

Verse 3 :

الراب ده لعبة وإنت غبي مستنيني أكسب منها
فكرة الصحاب دافنها محتاج إني أصاحب الفكرة
والتميز ده كذبة عمرها ما تسيبك تحتكرها
بصحيك وأقول دي خدعة وإنت برضه رافض تفهم

متعملش فيها صاحبي وإنك خايف على مصلحتي
ومش شايف إني بضحي ومش عارف إزاي تنصحني
خط سير حياتك باظ فياريت متجيش وتصلحلي
طول مابتحكم عاللي بيظهر مني ليك بشكل سطحي

لو الأرقام هتعمل نجم أنا هنا علشان أديلك صفر
ده راب يتسمع إنت بتترعب أما بتسمع الإسم
بجيب الخلاصة ودماغي مش بتحب إنها تكتر
فكر بس تفكر فيا وهتبقى آخر مرة تفكر

تعرف مستواك في الراب بعدها تكتم " سهل " 
فاكر نفسك كسبان عشان بتشتم ؟ " لأ "
عامل فهمان فمن جوجل بتنقل! " جهل "
بقلق من الآراء حتى لو كانت نقد أو مدح

متقاليش إني شخص كويس فقررت آخد الدور ده
الدنيا بتحارب نار شغفي وأقوى سلاح معاها برودها
محدش قبلني زي ما أنا بس أنا دايماً قابلني
هتحب تسمع تراكاتي بس هتندم لما تقابلني

ده تمهيد وإنت إتهزيت وبرضه عامل فيها راجل
ده تهديد وبكلمة زيادة هيحطوا جنب إسمك الراحل
أنا فرقة وإحنا في المنافسة هتشوفونا فطاحل
مستنيكوا السنة الجاية بنسخة راب أقوى بمراحل

Outro

إهدى ، منكرش إن ردود أفعالهم أحبطتني
متستسلمش للكآبة جملة سمعتها وضحكتني
الأفكار تفضل تزيد وفي وقت معين هنسى إسمي
مش عاجبك اللي بقوله تقدر تمشي ومش هيفرقلي

-
31 December 2020

Tamheed

Egyptian Rapper 
4 April 1999
from : 2014 to : 2021
facebook : www.facebook.com/MohabMorrison
instagram : www.instagram.com/mohabmorrison

Mohab Morrison

Popular tracks