صباح الخير علي الورد اللي فتح في جناين مصر
صباح العندليب يشدي بألحان السبوع يا مصر
صباح الدايه واللفه..... ورش الملح في الزفه
صباح يطلع بأعلامنا من القلعه لباب النصر
سلامتك يامه يا مهره يا حباله
يا ولاده
يا ست الكل يا طاهره
سلامتك من آلام الحيض
من الحرمان
من القهره
سلامة نهدك المرضع
سلامة بطنك الخضرا
هناكي وفرحة الوالدة
تضمي الولد يا والده
يصونهم لك ويحميهم
يكترهم...... يخليهم
يجمع شملهم بيكي
يتمم فرحتك بيهم
صباح الخير علي ولادك
صباح الياسمين والفل
تعيشي ويفنوا حسادك
ويسقوهم كاسات الذل
وبلغ يا سمير غطاس
يا ضيف المعتقل سنوي
بصوتك دا اللي كله نحاس
صباح الخير على الثانوي
وأهلا بيكو في القلعه
وباللي في الطريق جايين
ما دامت مصر ولاده
وفيها الطلق والعاده
حتفضل شمسها طالعه
برغم القلعه والزنازين

صباح الخير علي الورد اللي فتح في جناين مصر _ الشيخ امام عيسى

البلى بم بم 
والبلى باه 
 قال لك ايه 
قال لك اه
شربه عجيبه
من تركيبه 
بلدي
يا بلد البلي بلي باه
قال لك ايه 
قال لك اه 


شوف يا موطن 
شوف يا امير 
واسبق شوفك بالتفكير 
ناس بيقولوا السر ف بير 
ادى البير 
وادى غطاه 
والبلى بم بم 
والبلى باه 
قال لك ايه 
قال لك اه 

قال لك 
اكل الفول بيقوت
قال بيقوت
قال لك 
حشو المعده يموت 
قال لك 
صهين 
قال لك فوت
كل دا كدب 
الناس كا شفاه 
زى ما كشفوا 
البلى بلى باه 
قال لك ايه 
قال لك اه

أي مواطن يا ولداه 
زاده الفول
لازم تلقاه 
عندهالبنكرياس
بطال
والامساق
فوق الاسهال
عنده الرهقة
عنده الدوخة
عنده انيميا
عنده عيال
قال لك
ثم الجهل مصيبه
مولف ويا العيا 
تركيبه
تشرب منها
تعطش تانى
تشرب
تعطش
تشرب تاني
تعطش تشرب
خمسه ف سته
ميه نار
لو طالت جته
لازم تلحس
اثمن حته
يعني المخ يا خلق الله
ادي البير
وادي غطاه 
والبلي بم بم
والبلي باه
قال لك ايه
قال لك اه

قال لك تصبر ع المكتوب
زي ما صبر النبي ايوب
يعني
تسلم للميكروب
يا خد رزقه
بفضل الله
يفضل ينحل وبرك لما
تتفر فط من وسط اللمه
خايخ نخب السوس في عضاك
خلا قوايمك
ما هي شايلاك
ويعالجوك الناس بالصبر
مع انك عيان بالصبر
قومك صبر
ونومك صبر
لحد القبر ياحول الله
وحياتك من الدار للنار 
تتولف عند العطار 
يسقيك الحكمه ف اشعار 
ويركب م الصبر دواه 
وتقربع 
والداء عمال 
ف عضام الابعد نحال 
وتخلف للبؤس عيال
وبهيه صيبه يا ولداه 
ادي البير 
وادي غطاه 
والبلى بم بم 
والبلي باه 
قال لك ايه
قال لك اه

بعد الكشف بميكرسكوب
شفنا التوب 
وما تحت التوب 
تشكيله امراض عشناها
واليكم فى الاتي
دواها
وصفه عجيبه من تركيبه 
بلدى 
يا بلدى البلى بلي باه 
قال لك ايه
قال لك اه 

وجع الراس ح نعالجه بايه 
قال لك تدى الناس القوت 
قال لك طب والجهل يا بيه
قال لك سيب الكلمه تفوت 
طب والكلمه تفوت ازاي 
قال لك لما الضلمه تموت 
طب والضلمه تموت ازاي
قال لك لازم بالبنوت
والنبوت حنجيبه منين 
قال لك لما نهز التوت 
قال لك قدر خفنا نهز
قالك
نشرب صبغة يوت
ح تطهر ايوب من صبره 
وتفجر كيد المكبوت
وتفوق يونس من نومته
ويفلفص
من بطن الحوت 
ادي البير
وادي غطاة 
وادي وجعنا 
وادي دواه
والبلي بم بم 
والبلي باه 
قال لك ايه 
قال لك اه

الشربة العجيبة (البلي بم بم)الشيخ امام -- نجم

على حســــــــب وداد جلبي ومزاج البلديات
أبعد م الشين واتاخر وإجول للزين  سلامات
على حسب وداد جلبي 

على صهد الآرض السمرا أنا أبوي النيل  سواني
ممصوص وخشن من بره زى الطينه إلآسوانى 
والخضرة ف قلبي وقلبي  دايما على طرف لساني
ولساني حصاني رماني وتعبنى كتير وأذاني 
ياما جابني وياما وداني من جولة في الحكايات
على حسب وداد جلبي

على بحر النيل يا جناوي  ضليلة وجلة ميه
وناسات ع يجولوا حكاوي ع تخلي اللجمه هنيه
وشطوط مزروعه غناوي وغيطان ألحان مروية
وألزين يغزل مواله من كلمة عمه وخاله
وأنا زى ناساتي ما جالوا لفيت الجول حكايات
على حسب وداد جلبي

على حسب وداد قلبي - الشيخ إمام

جمع مؤنث سالم _ ياسر المناوهلى at برنامج وثائقى حوارى

#أحمد_إسماعيل #ياطوبه_حمرا

الشيخ امام ... مغني الثورة والرفض

اهيم شوقا اعود شوقا الى لماكي وسلسبيلي 
ياسمرا ياللي الهوى رماني 
وتهت فيكي وضاع زماني 
يحدفني بحرك لبر تاني 
يجيبني شوقي او تندهيلي 
اهيم شوقا اعود شوقا الى لماكي وسلسبيلي 
هربت منك لقيتني فيكي 
بعدت عنك قربت ليكي 
سهرت وحدي اتونست بيكي 
غلب حماري وتاه سبيلي 
اهيم شوقا اعود شوقا الى لماكي وسلسبيلي

أهيم شوقًا - الشيخ إمام

رسائل الأسطى حراجي القط العامل في السد العالي وزوجته فاطمة أحمد عبد الغفار\ جبلاية الفار
رائعة الخال عبد الرحمن الأبنودي

جوابات الأسطى حراجي القط "كاملة" - عبد الرحمن الأبنودي

الحمد لرب مقتدر
وصلاة الله على البدر
و اللعنة نهديها درة
للقلب الصخرى الحجرى

فيمَ الاحسان وحتاما
فى قوم أكلوا أقواما
بالسحت و بالباطل عاما
وسنينا بصنوف القهر

قد فاض الكيل أيا سادة
و الجوع يبشر بزياده
و الهم لحاف ووسادة
يقلقنا الى وجه الفجر


قد كان الناس إذا شبعوا
طعموا الأقوام كما طبعوا
و اليوم تراهم قد تبعوا
سُبل التخزين أو الحذر

ففقير القوم إذا جاعا
و جميع عِزاله قد باعا
لا يجد العون إذا ضاعا
بل يسمع لوما كالصبر


وغني القوم ومولاهم
لا يمنح شيئاً إياهم
غير الترحيب برؤياهم
جوعى .. والجوع أبو الكفر

فيضيع الحب المكنونُ
و يشيع الحقد المجنونُ
و يذاع السر المدفونُ
بفضيحة سكان القصر


سبحان الله أيا بلدى
قد زاد القهر على جَلدى
فإذا لم تعطى ولم تلدى
سأموت غريقا فى قهرى

فالناس تئن من العيش
فى ثوب الفقر من الخَيش
والسيد يمشى بالبَيش
مزهوا فى ثوب الفخر

قد قالوا سلاما ورخاءا
فالخير الى الناس تراءى
فازدادوا غلاءً فثراءا
فكرهنا أقواس النصر

فالنصر اذا لم يعطينا
قوت الاطفال ويحمينا
فبماذا نفرح يا سينا
عدتِ أو غرتى إلى القبر!

ElShahateen - Sheikh Emam & Nabiha Karaouli ( CD Version ) الشحاتين - الشيخ إمام

رفضك يا زماني .. يا أواني .. يامكاني
أنا عايز أعيش في كوكب تاني
فيه عالم تاني .. فيه لسّه أماني
فيه الإنسان .. لسّه إنسان
عايش من تاني

عالم طيّار ورياحه قوية
بتهد كياني تكسّر فيّا
من غير مواعيد
بتاخدني بعيد
عن معنى حياتي
عن أصلي وذاتي
وده مش بإديا
وده مش بإديا

فيه سد منيع
عالي وفظيع
بيني وبين نفسي
بين روحي ورسمي
بين يومي وأمسي
وإللى أتمنيته وبنيته
في الهوا بيضيع
وده مش بإديا
وده مش بإديا

مكبوتة في قلبي أحلام محصورة
وحطام أفكار أيتام مبتورة
وآمال مطوية
بتعافر فيّا
وكأن أواني كان لسّه شوية

وف وسط الناس والزحمة
تاه الإحساس والرحمة
ضاع مني سلامي
تاه حتى كلامي
ضاق بيا مكانى
كداب يا زمانى

رفضك يا زماني .. يا أواني .. يامكاني
أنا عايز أعيش في كوكب تاني
فيه عالم تاني .. فيه لسّه أماني
فيه الإنسان .. لسّه إنسان
عااااااااايش من تاني

#أحمد_إسماعيل #ياطوبه_حمرا

Mohamed A Ref

Related tracks