MIX & MASTER : FIDRO RECORDS
PROD BY : YAQOUT BEATS
SPECIAL THANKS FOR : LAYZTHEALI

           LYRICS
عالعادي و انا عالعادي 
.......
عندي نقص دومبامين جبلي تورته 
ماشي بخبط في الرصيف اطلبلي شرطه  
تاخد الكلام مني انا تحط صورتك
سارحه عالبيوت و الشوره شورتك
........
الشيشه علكه و فيها تلجه السكه سالكه ححححح
عرفت ناس لحاسه كتير بس العيله مالكه 
العيله مالكه البيت في شالكه و الدماغ في تونس
الشغله خالصه برقص صلصه راكب أمبيولنس
.......
راكب انا البيت انت وقف تاكسي
ايبيك يعمل هيديك مترونوم كلاكسي بيب بيب
٦ اصناف ب 6 الوان و كل صنف مكسي
ستلاف چوان و نعلي ب ٦ طن جلاكسي
................
متسربعنيش  ! انا علي علي علي مهلي مبجريش 
لو جايه معاك تسبقني خليها متجيش
الدنيا والعه بعد الخط متعديش
 نولعها منطفيش
.....................
 لم من تحتيك النقطه لم لم
القمه حلوه و البدايه شئ مهم 
و بكرا نابي يطولكوا بكرا تدوقوا السم 
و ترجعوا لمكانكوا عادي زي السمسم X2
... ..... 
مش بهزر
بتكلم جد
كلام كبار
اندهلي حد
سلك نفسك 
لا تتسد
لم رجلك 
لا تتمد
..............
كاونت داون عند 10 اجيب كريم
الفيلم اتش دي و الشاشه فول فريم
طالع باتنين متسألنيش التاني فين
كشافه دماغي بجد بس عباري عييين
................
صاحبي لما تكون بشخه متجيش تفشخها
دا الدايخه قبل اما ادوخها فشخت دماغها
عدلي الورق كل الرزم خضرا جت ب مر
يا بكر مترجعش تاني يا بكر كرررر
.....................    
مش حابب حد بس مستني الفالينت تايم
أغفلك في الليريكس نرقص علي الرايم
تتمني كتير و متلاقيش اللي يقولك آمين
تشرب كتير تلاقي سياده اللوا في الكمين
...............
لم من تحتيك النقطه لم لم
القمه حلوه و البدايه شئ مهم 
و بكرا نابي يطولكوا بكرا تدوقوا السم 
و ترجعوا لمكانكوا عادي زي السمسم X2

syadt ellowa_3abary| سيادة اللوا _ عباري

lyrics : 3abary 
vocals : 3abary
beat : freebeat s_alam shetoz 
mix and master : mahmoud afifi 
....................................... ............................................
                              الكلمات
شافها في ليله حلوه هاديه غير كل الليالي
بص في عينها قال اهي اللي دعيت تنولهالي
و في وسط الضلمه  القمر نور قال بدونكوا ناقصه
راح بالبدله يمد ايده و قال تسمحيلي برقصه ؟! 
                       ..............................
بصتله بدون تردد ايوه ممكن ايه اللي يمنع
سرحوا في المزيكا و رقصت عينها كات بتلمع
عرفوا ان الحب من أول نظره مكنش كدبه
هو القلب غالب عقل قالب شافه اصلا لعبه
                       ................................
فاكرين الحب لعبه بتلعبوها عشان تتسلوا  ! 
علي كدا قلوب الناس في شارع صعب النور يوصله
ما اللي حب قلبه دق لما اتزق في حب بحق
واللي حب يلاعب حد حد خادله حقه بجد 
                      .....................................
يا صاحبي دا احنا دوقنا المر و شوفنا ناس بتضر
سهينا في قشه وهم و سيبنا الهم علينا يخر
بنبيع اللي شارينا جينا نحب فاتعمينا نسينا فينا 
حب ناس حفينا نلاقي منهم لينا 
   ...................................................................
بصي  !! الناس دي جايه عايزه تقولك حسي 
النص التاني اللي انتي بتحفي عليه دا اصلا نصي 
قاعدين نتفرج عالمشهد مبسوطه بالخيال ؟ طب
 منين نروق و منين نفوق و منين يرتاح البال
                   .....................................
دا القلب حب يامه و يامه قلبك شال مآاسي
الناس في دنيا و انتي في ثانيه وقفتي و بتدمعي
رسمتي بلونهم صوره ليا سودا مش مقاسي
لو تبصي وراكي تاني هتلاقيني بقول ارجعي
                   .....................................
خلاص خليكي في همك  اهري قلبك .. احرقي دمك
زيدي في ألمك سوقي في غمك بس افتكري اني جنبك
انتي في نعمه مش شايفاها غيرك مستني ان ينولها
انتي خانك ناس مش ناس اصلا عشان نلومها 
                     ................................
الموضوع مش صعب كدا هنا لاقينا ناس بتفهم
يكفينا رضا اننا شوفنا بعض و احنا في غنا 
بكتب في ساعه مذكرات 3 سنين عايشهم 
لو هتشوفي منها كلمه صدقيني هبطل غنا ..

3abary _ تسمحيلي برقصه

:) التراك دا بيمثلني في أحداث كتير مش كلام و خلاص  :) 
         
lyrics : 3abary 
vocals : 3abary 
music : freebeat 
track cover : 3abary 
                                                 الكلمات تحت
بعد كل حاجه حصلت من يوم لما وعيت عالدنيا 
شوفت طير في السما طاير جوا جناحه صوت حريه
شوفت فيه الأمل بس الحمل حمل جبل 
سكه ماشيه و عمر ماشي و لسه بنسأل ايه العمل
                        ..............................
سرحان في الهم خدني لسما بعيده عن واقعنا
دورت في كل نجمه عاللي كانوا في يوم بتوعنا
بصيت مالسما لقيتني لسه واقف متحركتش
و الأرض تدور و الناس بتغور و خدت ايه مخدتش 
                         ...   .... ............. . ........
هي الدنيا كدا ناس بتعيش و ناس ميته
ناس من كتر الهم اليأس ركبهم بالشكل دا 
ناس بتحاول ناس بتعافر ناس بتحلم تبقي عايشه
و ناس بتقسي و ناس بتنسي و ناس قلوبها بايشه
                     ................................
شكينا حالنا لغيرنا ردوا غيرنا في غير صالحنا
قولناا نشوف صالحنا لخيرنا غيرنا باع في المحنه
محدش وقت الضيق يديك حافز عشان تهدي
عايشين في شط غريق بيضيق كل ما تقول هعدي
........................................................................
عايشين عاشمنين متغفلين مش محتاجين للي باع واللي خاان واللي ساب واللي فين و فين لما يعوزنا يجي يسأل عاللي كان مالأول جنبه بس كل همه يلا نفسه ثم مين ..  
             ...............................................
مين  !! انت مين !!  انت اصلا مش امين !!
انت بيعت لما لقيت حياتك حلوه بالحريم..
انت كل همك قعده تلمك كاس يسمك لما تفوق.                               لنفسك تفتكر انك غشيم 
                      ...................................

و انتي.. انتي اللي كنتي كل حاجه عندي
اينعم كنتي غلطه بس بعدك مش بيدي
انتي اللي اختارتي البعد عشان كان فيه مرادك
يشهد كلام الليل و القمر واقف قصادك  
                   .............................................
دا انا بتمني العمر يرجع بس عشان امسك ايديكي
و انتي بعدتي و بعتي العشره و بعتي العشق الكان ماليكي و نسيتي كمان وعودك و نسيتي اللي كان ما بيننا انتي نسيتي كل حاجه و نسيتي اللي كان شاريكي
........................................................................
 زهقت من حياه الحلم فيها ظلم غلب
مليت من كل حاجه بجد مش لاقيلها سبب
ايه اللي اتولد قله سند ضحكه ولد ارضه بور
ملقتش فيا نفس حتي الدنيا عايزها تغور
                     ...................................
ليه يا دنيا رافضه تمدي ايدك و تساعدينا
ليه كل اما بنحلم حلم بنلقاه فجأه اتهد علينا
دا احنا جينا عريانين و هنمشي منها متشالين
شجره ادم طرحت سم اتبخ في صنف البني ادمين
                       ..................................
دول ناس مش سالكه اصاحبي دول عايزين اوساخ زيهم .. النداله دي في دمهم..  انا مش زيك ولا زيهم
رايدين رضا العباد و ردوا الرضا في دور كلاب
و انا رايد رضا الحق و حقي الناس بانينله ابواب
                         .............................
دول اسباب .. دي الوساخه كتبت فيهم الف كتاب  
انا راكب ركب الناب قلاب مش مستني لركاب
يا ناس يا شر مفيش مفر من لعنه ظلمنا
دا اللي لوي ايدين عباده بكره يدوق قصاص ربنا
.......................................................................
تايهين سرحانين مجبرين عالعيشه ديا مش مصدق روح لقلبك دا اللي فرق بينكوا هي حوش الدمعه قبل اللمعه دا الحكاوي عنك سامعه باللي اتقال ساعه الفراق و اللي قاد الشر بشمعه
                    ...............................
روحي راجعه .. بلياتشو بيضحك كل سنانه واقعه
ودني سامعه.. الهوا بيولع و انتي روحك ساقعه
بشوف وشوش بتبوش و بردو اقول مسيرها تحلي
رحاله محضر شنطه و مش عارف ميعاد الرحله
                    ......................................
بص يبني الدنيا صعبه لو مش فاهم شوفها لعبه
يوم عليك و يوم تلهيك و يوم تغنيك عن ناس تبيعنا
اوعي تشكي في يوم لحد همك مش هيفيدك
حياتك عيشها بنفسك و ابني كل طوبه بإيدك
                     .................................
لو كل الناس سابتك مش متبقي غير ضميرك
اللي فات مالعمر مات مش هتموت بوجع غيرك
انفض تراب ماضيك من كل ذكري من سريرك
غمض عينك طمن قلبك عمري في يوم ما هفكر اسيبك

3abary _ (ونسان _ wnsan)

3abary _ شبه كل مره 
LYRICS : 3ABARY
VOCALS BY : 3ABARY
FREE BEAT 
MIX AND MASTER BY : OSHA

3abary _ شبه كل مره

Track : ۳ ساعات 
vocals : 3abary 
lyrics : 3abary 
freebeat recorded at A.R studio ♥
                           3 ساعات
........................................................................
بتسرح قبل النوم و الساعه تعدي 12 فجأه
تقول هنام و الحال تمام مش عارف تقفل عينك حتي
و تيجي ذكري ورا حكايه ورا روايه تشوف صورتها
و يبدأ عقلك يرفض نومك و الخيال يعيد سيرتها
             ...........................................
تبص في سقف الأوضه و تبدأ ترجع بالأحداث 
تعيد ترتيب حاجات و تنسي تعيد ترتيب الناس
ضميرك كل دقيقه ياكلك عالكلمه اللي اتقالت
و عمر في يوم ما عرفت تنام من غير عتاب و نامت
                   ....................................
انا عمري زاد في 6 شهور 16 سنه زياده 
مرضيتش أصللي بقلبي اللا اما اعرف معني العباده
دلوقتي عمري واقف عند نفس السنه و كل ما أنوي أغير نفسي تبقي كل حاجه نفس الحاجه
                  ......................................
انا شكلي بدأت أتعود وللا دا جزء من الحقيقه 
الساعه بتجري و مش عايز أعيش عليها دقيقه
وياريت اللي يحبني ميقوليش عشان مش جاهز احب حد و لما احتاجله ساعه الجد يكون مش عايز
                 ........................................
3ساعات 3حاجات تمن حاجات تدفعها 
نفس الفكره و نفس الحاله ونفس الغنوه اللي بتسمعها
و السقف يقرب منك و الخيال عالحيط يعاكسك
و العقارب جوا الساعه بتمشي عادي و عقلك عكسك
                   .......................................
يدوب تقول هقوم تدوب في نوم ملوش لزوم
متغطي بكوم هموم في البرد مش محتاج هدوم
و الدنيا تضلم فجأه وتقفل عين و النوم مش حملك
و المفاجأه إنك بتكرر نفس الحاله بس في حلمك
                   .......................................
صراع في نومك كابوس تقوم مزعور علي بوق ميه
صداع في  يومك دروس تعوم في بحور بتدق و جايه
مانيكان مكان الناس ملي كام مكان كان في الأوضه
طب ما كان زمانك عادي لو بيمشوا معاك عالموضه
                  .........................................
كام دقيقه و كام سيجاره و أنت مش قادر تشوف 
لخصت عمرك عباره بس كات من غير حروف
قضيت ساعات زياده في عتمه و دوشه بدون كلام
و الساعه جت تلاته و انت مش عارف تنام

3abary _3 hours _ ۳ ساعات

lyrics : 3abary 
vocals and voice : 3abary
recorded and mixed by : badroom
share if u like ♥ suppourt ♥

Lessak Wansan _ 3abary _لساك ونسان

HAGAT KTEER 
all vocals : 3abary
written by : 3abary 
recorded mix&master : badroom
poster by : abdelrahman khaled ♥

Hagat Keteer _ 3abary _ حاجات كتير

الأغنيه موجود ليها كليب من 2017 عاليوتيوب ❤
redcorded with badroom studio 
all vocals by : 3abary _ عبارى 

                                    الكلمات
مزق خيوط السعاده عقلك بيفكر و قلبك كالعاده بيكدب
فرق سطور الكتابه شخبط زياده إيدك هتكتب
إمسح أسامي اللي قبلك إكتب كلامي اللي شدك
لو جيت تدقق ممكن تصدق قلب اللي قبلك مكنش حابك..
.....
آحلام في منام دي حروب في سلام دا سكوت في كلام دا سكون في الام ...
و دي ناس تتلام علشان بتنام من كتر التفكير في الأوهام
تفكير بجنان تركيز توهان و حاجات بتبان مش بتشوفها
و دا كان بيحب فلانه و سابها عشان كان بيخاف من خوفها
......
رسوم موشومه وشوم مرسومه و تفاصيل بتبان مش معلومه
فهمت نفسي في شهور و بنفسي و ناس بتموت مش مفهومه
أوضه ضلمه و بيبان مكسوره و براويز تتشاف من غير صوره
و دق عقارب ساعه الحيطه تردم شروخ مش محفوره
........
مين اللي قايم يحرك عرايس في مسرح عتمه الناس مش شايفه
مين اللي واهم مشاهد بفقره بلياتشو راسم ضحكه زايفه
ولع المسرح شغل مزيكا صوتها يغطي علي الجمهور
سمع الناس و قول صوتك مش هيكون مكسووور
......
اسمعني شجعني مش لازم تتبعني 
سمعني..  رجعني..  لو متكسر جمعني
رجع كل حاجه خلصت زود في الأوقات كمان
رجعلي عقلي اللي احتضر رجع ايام زمان
..........
شريط كاسيت قديم طفل بيتكلم بالسيم 
صوته واضح عقله سارح بس جسمه كان سليم
مفيش اي باب قصاده سمح يتصنع بقفل
كبر حبه و اما كبر اكتر نفسه يرجع طفل 
..........
دق باب ذق جاب حَب إتساب إتحب ساب
قرر يراجع دينه ألحد فتره ثم تاب
صد حبه و اتمسَّك آكتر الدنيا ماسكه و الشاب شاب
مسك نفسه عن كل حاجه و كل حد بس داب في الراب
.............
لييييه دايماً لوحدي في وسط أهلي و ناسي 
و ليه هدوم الدنيا دايماً تطلع مقاسي 
و ليه الكويس مات و مين الدور عليه 
و ليه العمر فات  .. و ليه بنسأل ليه
...........
اسمعني شجعني مش لازم تتبعني 
سمعني..  رجعني..  لو متكسر جمعني
رجع كل حاجه خلصت زود في الأوقات كمان
رجعلي عقلي اللي احتضر رجع ايام زمان

Sha3'bata _ 3abary _ شخبطه _ عبارى

3abary _ مش حدوته _ عبّارى
all vocals : 3abary _ عبارى
lyrics by : 3abary _ عبارى
recorded with badroom studio ♥ 
music by : milioneer beats ♥
                                                ألكلمات
في ورق و في كلمات ..  في افكار بس مفيش أحداث
في شوارع و في عمارات في اخبار بس فين الناس  ؟ 
بنمشي السكه من الأول مع بعض و في النهايه
ألاقي نفسي لوحدي و لسه موصلتش خط البدايه
...
حبه قهاوي و شاب هاوي و صوت غناوي و كنت ناوي اداوي بلاوي الوقت فات و فضلت غاوي اقرا في حكاوي 
بشوف في الليل نجوم اسرح في نورها بتسليني
بحكي لأحلامي حكايتي أغمض عيني فتغنيلي
...
ولا عمري في يوم انا كنت چوكر ولا شوفت في مره بنات بتكسب
حتي لو كنت في يوم نجحت هتطلع بردو ناس عشان تكذب
طول عمري بطولي والحاجات مش طولي فا مش شايفها
و دا كان دور بطولي بس الات الناس فشلت تعزفها
....
عايشين اوقات تخطفنا فنكبر سنه من غير ما نحس
و نكرر نفس الغلطه في نفس الوقت الفرق اللبس
فنقضي العمر بنضحك عالعمر اللي اتقضي ببلاش
و نقول ان الايام دي عاشتنا  ..  و احنا معيشنهاش
..... 
في حانات السكرانين حبه مساطيل هرتلوا في حقايق
و في حالات احداث الناس في سنين ممكن تتقال في دقايق
و في دواير الزمان تلاميذ متعلموش في مدارس
و في كلام انصاص الليل حبه احلام خلصت بهلاوس
..........
في القرايه و الحكايه تبان روايه مش حقيقه 
زي لما تبص في وش كل حد تشوفه هي 
الحقيقه لو من ناس محكيه مش هتشوفها كامله
و الحصان لو كان شايلك علي ضهره الناس هتشوفه نمله ...
.......
4 سنين طاروا في غمضه عين بنشوف ناس علي سهوه
ملناش ونس غير كام سيجاره و كام اغنيه و قهوه 
بنفرح لما نلاقي في وسط التوهه ذكري نسرح فيها
و بنسرح لما في وسط الفرحه نفكر اييه بعديها 
.......
و كان ستيللا وسط اللمه كات بتغطي عالمزيكا
و انا اكمني مزيكاتي كنت بغير فبقعد اكتب
لو كانت ذكرياتي صوره كات هتكون انتيكه
و انا اكمني مش الاتي فالالحان كات دايماً تكدب
....... 
و في اخر الرحله دي ممكن تبقي في اكتر من حاجه توصلنا
و كل الناس اللي كات حوالينا و راحت دي اكيد هتحصلنا 
دي دايره كبيره و ناسها كتيره احداثها مش حدوته
هتخلص علي غفله و من غير ما نسمع توته توته.. 
.......
في حانات السكرانين حبه مساطيل هرتلوا في حقايق
و في حالات احداث الناس في سنين ممكن تتقال في دقايق
و في دواير الزمان تلاميذ متعلموش في مدارس
و في كلام انصاص الليل حبه احلام خلصت بهلاوس

مش حدوته _ me4 7adota _ 3abary _ عبّارى

lyrics & vocals : 3abary-عبارى
recorded mix&master : fidro records
                                 الكلمات
بعمل الراب بدماغ مش بعمل دماغ علشان اعاملكوا
اه و الكلام دا مش ليكو لوحدكوا الكلام دا مقاس زمايلكوا
اتقاسموا الفضيحه بالتلت .. كلتك فتقلت.. بترن كنسلت
بسمعكوا نملت.. وقفت كملت.. عالجون انا لوحدي سجلت احتفلت... 
......... ........................
بعمل توبيكات بدس اما اعوز  .. مش زيك يا قرد بريل عالموز
بسنتف تاريخي و بقص البروز .. بنزل تراك مبشوفش الفيوز 
اسلوبي دا شوارعي كل الطريق دا milkي بطلع لوحدي بدماغي و دراعي
غيري حك في كل حد حك في كل حاجه حك في عتب التلاجه بس محكش في بتاعي
...............................
لالالالا دا انا اعجبك احطك في مج و بسهوله اقلبك
لو مخبر بخيانه اسلمك.. لو شيف هعملك اومليت و بسرعه هقلبك
و بنزاهه اتعاملنا محدش علمنا اي حاجه لو مجتش مش مهم تغور
مش بشحت support ولا بدفع فيه فلوس مش بعمل فيت مع ويزي انا مش شادي سرور  
..............................
انتوا عاله عالمجال مش هنزعل لو بيعناكوا
انتوا اصلاً متدفعش فيكو فلوس احنا كسبناكو 
في الراب مبتضيفوش في الشغل مجبتوش تارجيت
ملكوش قيمه ارخص ماللبان في السوبر ماركت
.........
عالمسرح انا المخرج انتوا كنتوا كومبارسات
مفيش مسحوق كفايه همسح بيكم البلاط
متعيطش بقولك بصلي بكلمك
مش عارف تعمل زي بردو مش هعلمك
................................
فلوهات نوعتها اوعي ترد لما اندهك
فا لو كنت حابب تسمع يلا اديك اهو سمعتها 
غيري قبل لما يبدأ او يفكر كان انتهي
البانشات دي لو مقاسك يبقي مبروك لبستها  .. 
جرب شوف قطاع غيار بس بشرط ان تكون زيها 
ولا اقولك بص انت تغير الجثه دي كلها
شايط راسك علي الحرف بس مرضتش ازقها 
متقوليش كرامتك ليها حق تك كسر حقها.. 
...............................
قالولي انت فين قولتلهم انا جيت 
قالولي اوعي تنسي احنا مين فنسيت
احنا في الالفيه التالته فأنا فلته انتوا old
بما ان الناس معادن انتوا خرده انا جولد
...........
برتب اللي جاي بسقط اللي فات
لو حد عنده حاجه يقولها اشطا هات
ادائي كدا عالي في مكاني متمكن
جه يقلدني قام طب مات 
..................................
غنيت علي مسرح المسرح اتهد
فمش محتاج تسقيف من حد
انا رابي غالي تمنه بيتدفع كاش
رابك مش رخيص دا بقا ببلاش ...
........
مش بشتم ابيوسف فيرد فأتعرف
مش بسمع لحد معلش بتقرف
باراتي بلتك نشفها بكلينيكس
التراك دا مش ديرتي بس البار دا نجس
......................................
لسه بنبدأها حاول تصدقها 
احنا اجمد اجيال الراب سين العرب
تاريخك انتهي نتنت مالركنه 
فشوف الدكاتره و اتعالج مالجرب
............
اجريسيف البييت بيحمس فسخنت
بتاكل في نفسك كتير فتخنت
انا دارس تاريخ فهمسح تاريخك
طب ركز الحته اللي جايه فشيخه

...........................................
بتكلم عن نفسي بطلاقه انت مش جامد اطلاقاً 
بنزل حاجتي من الباقه انت سالف حق البطاقه
بتكلم رابي بطلاقه انت متفرغ مالطاقه 
من غير فيتات مش شراكه ملكش سوق انت كاكا  ...
.............
طب اشطا ماشي هوصل في ميعادي
انت فاشل موصلتش مش ذنبي فعادي
مش حابب اذكر اسامي كتير
انا عارف ان الموضوع كبير
..................................................
سبق لأ سرق اه بص بان
كان فان كدا كدا فشارك بلسان
انما انا ببتكر مش سامعك يا مان
فا وقت المقارنه انا هبقي الكسبان
............
فا وقت المقابله انا هبقي البوس
عامل نفسي بنفسي في سنه و نص 
فتشوفني تنبهر عليك مش هبص
في الراب انت تسمع انا اللي ارص 
.....................................................
تتخم في الشكل في الحركه في اللبس يعجبني غبائك فأسيبلك التبس
تسمعني تتشج نلحقك بالبيبس ..  تتكسر دماغك فألفك بالجبس
لا بس كدا كدا دي طفره لو مش سامع عليلنا الصوت كمان
دا راب للمجد دا راب للراب دا راب بس مش من بتاع زمان 
.........................................................
السيرك اتنصب و التايمر بيعد الڤيروس اتحمل و هعمل سيند
 فا بعد اما يوصل هتبقي التريند sellect all معرفتش احدد ف
دي اول ملحمه اللي جايه افحمك فتسمع كلامي و خليك في بيتكوا
مش فاضي اني اجمع في ناس من حتتكوا عشان يقنعوكوا تداروا خيبيتكوا
...........................................................
بالحب تغيير متسألش ليه .. لو مخك هياكلك فطبطب عليه
نزاهه  رخامه موهبتي فابراحتي تلاته في واحد زي نسكافيه
اوبس نسيت عباري عالبييت هخلص القهوه و اتعرف عليك
تعبتك معايا فمحتاج تريح فخدلك كيت كات خدلك بريك

Single

5odlak break - 3abary - خدلك بريك - عبارى

lyrics - vocals : عبارى
mixed and mastered by : fidro records
music : free beat
                                                     الكلمات
                                             شويه بلالين عادى
بلالين بلا لين حركتكوا تقيله .. السين المتعطل دا سير الكاتينه
مستغرب مالفتره اللي فاتت ادينا بنحضر الشحنه اللي جايه مالمينا
ملاليم ملايين بلا مين بلا نيله .. سيبت التورته و جبت الزينه
مش مهتم عشان مش لينا مش بنشوفكوا عشان تحتينا
...
انتو كتار و احنا كبار فا هبين شجاعتي
المزيكا اللي اتنططت عليها دي بتاعتي 
انتي بعدتي و لفيتي و في الاخر رجعتي
لميلي الهدايا و الساعه دي بتاعتي  ...
....
انت فين انا هنا و بقزقز اللب..  انا جيت مش شايفك طب حاول تشب
المكان دا محجوز و المكان اللي هناك دا للكابلز بس فحاول تحب 
الاسطوره بتقول اني لازم اقول ان دايما عا طول عليك هبقي قافل
اناشايفك متعصب من كلمه يا فاشل ؟! يا فاشل يا فاشل يا فاشل يا فاشل... 
.........
واخد برييك  انا اغني بمزاجي .. عملت شعري كيرلي ..  ممكن ابقي شاجي
بختفي انا في لحظه و في لحظه انا باجي .. انا اصلي انت ماجي.. 
...
اشطا انا كدا مرضي..  هاخد ارضي .. و اتدفي باللي باقي من حجارتي
و اولع اللي فاضل من شطارتي و احرقكوا باللي طالع من شرارتي
و نهدا .. كدا بارتي .. مضطر اني البس نضارتي 
متتلسعش دي حرارتي.. كله يمشي بأشارتي.. 
..................................................................................................
بلالين بلا لين حركتكوا تقيله .. السين المتعطل دا سير الكاتينه
مستغرب مالفتره اللي فاتت ادينا بنحضر الشحنه اللي جايه مالمينا
ملاليم ملايين بلا مين بلا نيله .. سيبت التورته و جبت الزينه
مش مهتم عشان مش لينا مش بنشوفكوا عشان تحتينا
..................................................................................................
جبتلكوا مالنهايه دي الحكايه خيش و قش في وش المرايه
صفر في الكاريزما  و الدرايه جهل في الكتابه و القرايه
دي مغامرات في اعماق بحار دا كلام كبار من غير هاشتاج
انت عقله صوباع انا اسمي هتشوفه من غير ما حد يعمللي تاج.
........

ويندوز متكامل مش محتاج لتعريفات
عارف كل حاجه زي بنك المعلومات 
كل حاجه بينا جوه سله مهملات
مش هتلاقي زيي ولا حتي في المولات 
بحضر الخصم و في لحظه بخفيه
هتقوللي مفيش هقول لأ في 
كل حاجه عني واضحه مش محتاج سي في.. 
الليله في السماعه بكرا تشوفني عالتي في
.....  . .
عدينا الشط جبناها فرط واخدينها فرك من تحت خالص
اللوحه بانت اما حضرت انا اسف جدا انا كنت ناقص
انت .. غني راب بقموديه و انا هنا هفضل بتسلي 
انت تقول للشهره بالييز و انا اللي هفضل اقولك لا.. 
.......        
بغني من وقت ما انت كنت بتقول طب ما تعلمني
بغني و انت لما بدأت تغني قولت انك احسن مني
و انت كمان ممكن تكون كنت نولت بس قولت تكلمني
يمكن كمان شويه تكون بقيت بديل كويس زي النني
....................................................................................................................
بلالين بلا لين حركتكوا تقيله .. السين المتعطل دا سير الكاتينه
مستغرب مالفتره اللي فاتت ادينا بنحضر الشحنه اللي جايه مالمينا
ملاليم ملايين بلا مين بلا نيله .. سيبت التورته و جبت الزينه
مش مهتم عشان مش لينا مش بنشوفكوا عشان تحتينا x3

بلالين - balalen

نجوم المدينة - عبارى

visa - 3abary | ڤيزا - عباري ( official music audio)  prod by yaqout

♥ here you can listen to music and feel the words in one step ♥

MADA

Popular tracks